TTDL-ZABTER-02-KHA-043

Previous Text Back to Volume PageLast text in volume.

Wylie title	zab gsang mkha' 'gro'i snying thig las: 'chi med tshe yi byin 'bebs dngos grub sbrang char:
Location	bdud 'joms gling pa zab gter Volume 2, Text 43, Pages 433-443 (Folios 1a1 to 6a4)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las 'chi med tshe yi byin 'bebs dngos grub sbrang char. In Sprul pa'i gter chen bdud 'joms gling pa'i zab gter gsang ba'i chos sde, Vol. 2: 433-443. Thimphu, Bhutan: Lama Kuenzang Wangdue, 2004.
Side notes	Recto: byin 'bebs   Verso: bdud 'joms tshe sgrub
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Descent of Blessings - byin 'bebs
Cycle	ཚེ་སྒྲུབ་དངོས་གྲུབ་འདོད་འབྱུང་ (tshe sgrub dngos grub 'dod 'byung)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	tshe dpag med
Colophon	ཞེས་པ་འདི་ཡང་གཏེར་སྟོན་བདུད་འདུལ་རྡོ་རྗེའི་ཡང་སྲིད་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེའི་བྲག་ནས་བཏོན་ཏེ་མི་ལོ་བཅོ་བརྒྱད་པར་དུ་བཀའ་རྒྱས་བཏབ་སྟེ་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་རང་སློབ་དམ་པ་ངོ་མཚར་དབང་ཆེན་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།།
	zhes pa 'di yang gter ston bdud 'dul rdo rje'i yang srid khrag 'thung bdud 'joms rdo rje khro lod rtsal gyis gser smad rnga la stag rtse'i g.yas logs rdo rje'i brag nas bton te mi lo bco brgyad par du bka' rgyas btab ste mthar smar mdo bkra shis dga' 'khyil du dag par phab pa'i yi ge pa ni rang slob dam pa ngo mtshar dbang chen rdo rje'o/ /dge'o/ /dge'o/ /dge'o/ /sarba mang+ga laM//

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ འཆི་མེད་ཚེ་ཡི་བྱིན་འབེབས་དངོས་གྲུབ་སྦྲང་ཆར་བཞུགས་སོ༔

ཐྂ༎༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) ཚེ་ཡི་སྒྲུབ་པ་བྱེད་པའི་ཚེ༔ སྤོས་དང་དྲི་བཟང་སྣ་ཚོགས་བསྲེགས༔ སྙན་པའི་རོལ་མོའི་སྒྲ་སྒྲོག་ཅིང་༔ གོས་བཟང་བགོས་ཏེ་སྟན་ལ་འཁོད༔ མོས་གུས་གདུང་ཞིང་དམིགས་གནད་ཀྱི༔ ངང་ནས་འདི་ལྟར་བྱིན་ཆེན་དབབ༔ ཧཱུྃ༔ འོག་མིན་ཆོས་དབྱིངས་ཞིང་ཁམས་ནས༔ ཀུན་ཏུ་བཟང་པོ་ཡབ་ཡུམ་འཁོར༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ མི་ཤིགས་རྡོ་རྗེའི་གཞལ་ཡས་ནས༔ རྡོ་རྗེ་སེམས་དཔའ་སྟོན་འཁོར་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ གཞོན་ནུ་བུམ་སྐུའི་ཀློང་ཆེན་ནས༔ དགའ་རབ་རྡོ་རྗེ་སྟོན་འཁོར་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ འཇའ་ལུས་ཆོས་སྐུའི་ཕོ་བྲང་ནས༔ ཤྲཱི་སིང་ཧ་སྟོན་འཁོར་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ཟངས་མདོག་དཔལ་གྱི་རི་བོ་ནས༔ པདྨ་འབྱུང་གནས་སྟོན་འཁོར་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ སྒྲུབ་སྡེ་བརྒྱད་ཀྱི་དཀྱིལ་འཁོར་ནས༔ གྲུབ་པའི་རིག་འཛིན་ཆེན་པོ་བརྒྱད༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ཆོས་ཉིད་ནམ་མཁའི་ཀློང་མཛོད་ནས༔ གྲུབ་བརྙེས་རྗེ་འབངས་ཉི་ཤུ་ལྔ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ འུབ་ཆུབ་རོལ་པའི་ཀློང་ཆེན་ནས༔ རྩ་བའི་བླ་མ་སྟོན་འཁོར་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿཧཱུྃ༔ དབུས་ཕྱོགས་ལྷུན་གྲུབ་ཞིང་ཁམས་ནས༔ འཆི་མེད་མགོན་པོ་འཁོར་དང་བཅས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ཤར་ཕྱོགས་མངོན་དགའི་ཞིང་ཁམས་ནས༔ བཅོམ་ལྡན་མི་བསྐྱོད་ཡབ་ཡུམ་འཁོར༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ལྷོ་ཕྱོགས་དཔལ་ལྡན་ཞིང་ཁམས་ནས༔ བཅོམ་ལྡན་རིན་འབྱུང་ཡབ་ཡུམ་འཁོར༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ནུབ་ཕྱོགས་པད་རྩེགས་ཞིང་ཁམས་ནས༔ བཅོམ་ལྡན་སྣང་མཐའ་ཡབ་ཡུམ་འཁོར༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ བྱང་ཕྱོགས་ལས་རབ་ཞིང་ཁམས་ནས༔ བཅོམ་ལྡན་དོན་གྲུབ་ཡབ་ཡུམ་འཁོར༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ཤར་ཕྱོགས་ཞི་བའི་དཀྱིལ་འཁོར་ནས༔ སྙིང་རྗེའི་མགྱོགས་མ་ལྕགས་ཀྱུ་མ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ སྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ལྷོ་ཕྱོགས་རྒྱས་པའི་དཀྱིལ་འཁོར་ནས༔ བྱམས་པའི་མགྱོགས་མ་ཞགས་པ་མ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ ནུབ་ཕྱོགས་དབང་གི་དཀྱིལ་འཁོར་ནས༔ དགའ་བའི་མགྱོགས་མ་ལྕགས་སྒྲོག་མ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ སྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ བྱང་ཕྱོགས་དྲག་པོའི་དཀྱིལ་འཁོར་ནས༔ བཏང་སྙོམས་མགྱོགས་མ་དྲིལ་བུ་མ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ དཀྱིལ་འཁོར་བར་ཁྱམས་འཁོར་ཡུག་ནས༔ སྒྱུ་འཕྲུལ་རོལ་བའི་ཡེ་ཤེས་ལྷ༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་མཆོག་བདག་ལ་དབང་བཞི་སྐུར༔ དཀྱིལ་འཁོར་འདི་ལ་བྱིན་ཆེན་ཕོབ༔ ཚེ་རིལ་འདི་ལ་གྲངས་ཅིག་སྤེལ༔ བདུད་རྩི་འདི་ལ་ཞག་ཅིག་བསྐྱིལ༔ བསྒྲུབ་རྫས་འདི་ལ་བཅུད་ཅིག་ཕོབ༔ ཚེ་མདའ་འདི་ལ་སྐྱེད་ཅིག་བསྲིང་༔ བུམ་ཆུ་འཆི་མེད་བདུད་རྩིར་བསྒྱུར༔ རྡོ་རྗེ་ཚེ་ཡི་དངོས་གྲུབ་སྩོལ༔ བཛྲ་ཨ་བེ་ཤ་ཡ་ཨཱཿ ཧཱུྃ༔ དམ་ཚིག་གཉན་གྱི་ཕོ་བྲང་ནས༔ ཡེ་ཤེས་འཇིག་རྟེན་བཀའ་སྲུང་རྣམས༔ ཐུགས་དམ་བསྐུལ་ལོ་དབྱིངས་ནས་བཞེངས༔ སྒྲུབ་པའི་དཀྱིལ་འཁོར་མཐའ་སྐྱོངས་ལ༔ དངོས་གྲུབ་མ་ལུས་བསྒྲུབ་ཅིང་སྲུངས༔ ཕྱི་ནང་གསང་བའི་བར་ཆད་ཐུལ༔ ཕྲིན་ལས་སྒྲུབ་མཛོད་ས་མ་ཡ༔ ཨོཾ་ཨཱཿཧཱུྃ༔ གུ་རུ་དྷེ་ཝ་ཌཱ་ཀི་ནཱི་ཧ་རི་ནི་ས་བཛྲ་ས་མ་ཡ་ཛ་ཛ༔ ཕེཾ་ཕེཾ་ཨ་བེ་ཤ་ཡ་ཨ་ཨ༔ འདི་ནི་དུས་བཞིར་ལག་ཏུ་ལོངས༔ དབང་དང་དངོས་གྲུབ་ཀུན་འགྲུབ་འགྱུར༔ བཀའ་སྲུང་ཚོགས་ཀྱི་བདག་པོས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་གཏེར་སྟོན་བདུད་འདུལ་རྡོ་རྗེའི་ཡང་སྲིད་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེའི་བྲག་ནས་བཏོན་ཏེ་མི་ལོ་བཅོ་བརྒྱད་པར་དུ་བཀའ་རྒྱས་བཏབ་སྟེ་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་རང་སློབ་དམ་པ་ངོ་མཚར་དབང་ཆེན་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།། །།