TTDL-ZABTER-07-JA-049

Previous Text Back to Volume PageNext Text

Wylie title	chos nyid nam mkha'i klong mdzod las: rje btsun 'phags ma sgrol ma'i gtor bsngo bdud rtsi 'khyil ba:
Location	bdud 'joms gling pa zab gter Volume 7, Text 49, Pages 587-588 (Folios 1a1 to 1b6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Chos nyid nam mkha'i klong mdzod las rje btsun 'phags ma sgrol ma'i gtor bsngo bdud rtsi 'khyil ba. In Sprul pa'i gter chen bdud 'joms gling pa'i zab gter gsang ba'i chos sde, Vol. 7: 587-588. Thimphu, Bhutan: Lama Kuenzang Wangdue, 2004.
Side notes	Recto: gtor bsngo   Verso: bdud 'joms sgrol ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Dedications - bsngo ba  ·  Torma-offering Rituals - gtor chog
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	sgrol ma
Colophon	ཡེ་ཤེས་མཁའ་འགྲོ་ཤེས་རབ་དབང་མོས་གདམས༔ རྣལ་འབྱོར་དབང་ཕྱུག་ཡེ་ཤེས་རབ་འབྱོར་བས༔ གཉིས་སྐྱེས་འཇའ་ཚོན་དང་བཅས་བསྐུར་བའི་ངོར༔ ཁྲག་འཐུང་བདུད་འཇོམས་རྡོ་རྗེས་བྲིས་པའོ༔ དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།།
	ye shes mkha' 'gro shes rab dbang mos gdams:_rnal 'byor dbang phyug ye shes rab 'byor bas:_gnyis skyes 'ja' tshon dang bcas bskur ba'i ngor:_khrag 'thung bdud 'joms rdo rjes bris pa'o:_dge'o/_/dge'o/_/dge'o/_/legs so/_/sarba mang+ga laM//

Tibetan Text

[edit]

དྷི།༔ ཆོས་ཉིད་ནམ་མཁའི་ཀློང་མཛོད་ལས༔ རྗེ་བཙུན་འཕགས་མ་སྒྲོལ་མའི་གཏོར་བསྔོ་བདུད་རྩི་འཁྱིལ་བ་བཞུགས༔ ན་མོ་གུ་རུ་ཝེ༔ འབྱོར་ཚོགས་མཆོད་པ་སྣ་ཚོགས་བཤམས༔ ནམ་མཁའ་མཛོད་སྔགས་ལན་གསུམ་བརྗོད༔ ཏཱཾ༔ མདུན་གྱི་ནམ་མཁར་པད་ཟླའི་སྟེང་༔ རྗེ་བཙུན་འཕགས་མ་སྒྲོལ་མ་དང་༔ སྤྲུལ་པའི་ལྷ་མོ་ཉེར་གཅིག་བཅས༔ ཐུགས་རྗེའི་བརྩེ་བ་ཆེན་པོས་རོལ༔ ཧཱུྃ༔ རྗེ་བཙུན་འཕགས་མ་སྒྲོལ་མ་དང་༔ མྱུར་མ་དཔའ་མོ་དབྱངས་ཅན་མ༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ བསོད་ནམས་མཆོག་སྟེར་རྣམ་རྒྱལ་མ༔ རིག་བྱེད་མ་དང་འཇིགས་བྱེད་མར༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ གཞན་གྱིས་མི་ཐུབ་གཞན་ལས་རྒྱལ༔ སེང་ལྡེང་ནགས་ཀྱི་སྒྲོལ་མ་ལ༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ འཇིག་རྟེན་གསུམ་རྒྱལ་ནོར་སྟེར་མ༔ བཀྲ་ཤིས་དོན་བྱེད་དང་བཅས་པ༔ ཟག་མེད་བདུད་རྩིའི་གཏོར་མཆོད་བཞེས༔ འདོད་ཡོན་ལོངས་སྤྱོད་མཆོད་འབུལ་བཞེས༔ དགྲ་དཔུང་འཇོམས་དང་ཁྲོ་གཉེར་ཅན༔ འཕགས་མ་ལྷ་མོ་རབ་ཞི་མར༔ ཟག་མེད་བདུད་རྩིའི་གཏོར་མཆོད་བཞེས༔ འདོད་ཡོན་ལོངས་སྤྱོད་མཆོད་འབུལ་བཞེས༔ འབར་བའི་འོད་ཅན་མ་དང་ནི༔ རྨ་བྱ་ཆེན་མོ་མི་ཕམ་རྒྱལ༔ ཟག་མེད་བདུད་རྩིའི་གཏོར་མ་དང་༔ འདོད་ཡོན་ལོངས་སྤྱོད་མཆོད་འབུལ་བཞེས༔ དཔག་མེད་གནོན་མ་རི་ཁྲོད་མ༔ འོད་ཟེར་ཅན་མ་འཁོར་བཅས་ལ༔ ཟག་མེད་བདུད་རྩིའི་གཏོར་མཆོད་བཞེས༔ འདོད་ཡོན་ལོངས་སྤྱོད་མཆོད་འབུལ་བཞེས༔ ཁྱེད་མཆོད་ཁྱེད་ལ་བདག་བསྟོད་དོ༔ བསོད་ནམས་ནོར་དང་ལོངས་སྤྱོད་གཏེར༔ རིགས་རྒྱུད་བུ་དང་ཚེ་ཆོས་དཔལ༔ ལེགས་པའི་ཡོན་ཏན་དངོས་གྲུབ་སྩོལ༔ འདི་དང་ཕྱི་མ་བར་དོ་གསུམ༔ རྗེས་སུ་བཟུང་ཞིང་བསྐྱབ་ཏུ་གསོལ༔ འཇིགས་དང་སྡུག་བསྔལ་ཉེར་འཚེ་ཀུན༔ བཟློག་ཅིང་བསྒྱུར་བའི་ཕྲིན་ལས་མཛོད༔ ཡེ་ཤེས་མཁའ་འགྲོ་ཤེས་རབ་དབང་མོས་གདམས༔ རྣལ་འབྱོར་དབང་ཕྱུག་ཡེ་ཤེས་རབ་འབྱོར་བས༔ གཉིས་སྐྱེས་འཇའ་ཚོན་དང་བཅས་བསྐུར་བའི་ངོར༔ ཁྲག་འཐུང་བདུད་འཇོམས་རྡོ་རྗེས་བྲིས་པའོ༔ དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།།