TTDL-ZABTER-12-NA-016

Previous Text Back to Volume PageNext Text

Wylie title	chos nyid nam mkha'i klong mdzod las: khro rgyal bdud rtsi 'khyil ba'i cha lag mo sri kha chings rdo rje'i mdud pa:
Location	bdud 'joms gling pa'i zab gter Volume 12, Text 16, Pages 73-74 (Folios 1a1 to 1b6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Chos nyid nam mkha'i klong mdzod las khro rgyal bdud rtsi 'khyil ba'i cha lag mo sri kha chings rdo rje'i mdud pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 12: 73-74. Thimphu, Bhutan: Lama Kuenzang Wangdue, 2004.
Side notes	Recto: mo sri kha chings   Verso: bdud 'joms bdud rtsi 'khyil ba
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Activity Practices - las tshogs
Cycle	མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ (ma ha a ti yo ga'i zab chos dgongs pa klong rdol)
Colophon	རིག་འཛིན་ཆོས་ཉིད་ཀློང་རྡོལ་གྱིས། །དགོངས་པ་མི་འགྱུར་བྲག་ནས་བཏོན། །རྣམ་དཀར་ཤོག་བུའི་ངོས་སུ་ཕབ། །ཡིག་རིས་ཚུལ་ཁྲིམས་རྡོ་རྗེས་བགྱིས། །རྣམ་མང་འགྲོ་ལ་ཕན་ཐོགས་ཤོག །དགེའོ། །དགེའོ། །དགེའོ།།
	rig 'dzin chos nyid klong rdol gyis/_/dgongs pa mi 'gyur brag nas bton/_/rnam dkar shog bu'i ngos su phab/_/yig ris tshul khrims rdo rjes bgyis/_/rnam mang 'gro la phan thogs shog_/dge'o/_/dge'o/_/dge'o//

Tibetan Text

[edit]

དྡྂ༔ ཆོས་ཉིད་ནམ་མཁའི་ཀློང་མཛོད་ལས༔ ཁྲོ་རྒྱལ་བདུད་རྩི་འཁྱིལ་བའི་ཆ་ལག་མོ་སྲི་ཁ་ཆིངས་རྡོ་རྗེའི་མདུད་པ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ མ་འོངས་དུས་ཀྱི་སྙིགས་མ་ལ༔ སེམས་ཅན་བསོད་ནམས་དམན་པ་དང་༔ བུད་མེད་གདུག་སེམས་ཆེ་བ་ཡིས༔ འདྲེར་བརྫུས་སྐྱེ་འགྲོ་ཡོངས་ལ་གནོད༔ མི་འདོད་འཚུབས་མ་བཞིན་དུ་ལྡང་༔ དེ་ཕྱིར་དེ་བཟློག་དེའི་གཉེན་པོར༔ བདུད་རྩི་འཁྱིལ་བའི་ཕྲིན་ལས་བསྟན༔ ས་མ་ཡ༔ སྨན་ཤོག་ཡངས་ཤིང་འཇམ་པའི་ངོར༔ མུ་ཁྱུད་རིམ་པ་དྲུག་ཏུ་བསྐོར༔ ལྟེ་བར་ཧཱུྃ་ནྲྀ་བྷྲཱུྃ་བྲིས་དབུ་ཅན་བཀོད༔ དེའི་ཕྱི་མུ་ཁྱུད་དང་པོ་ལ༔ ཨོཾ་བཛྲ་ཀཱི་ལ་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ འཆང་བ་པོ་ལ་སྲུངས་ཤིག་རཀྵ་རཀྵ་བྲི༔ མུ་ཁྱུད་གཉིས་པར༔ ཨོཾ་བུདྷ་ཧཱུྃ་བཛྲ་སྭཱ་རཏྣ་ཨཱཿ པདྨ་ཧཱ་ཀརྨ་ཀྲོ་དྷ་ཤྲཱི་ཧེ་རུ་ཀ་ཀཱི་ལི་ཀི་ལ་ཡ་ཧཱུྃ་ཕཊ༔ འཆང་བ་པོ་ལ་མོ་སྲི་མོ་འདྲའི་གནོད་པ་ལས་སྲུངས་ཤིག་བསྒྲིབ་ཅིག་རཀྵ་རཀྵ༔ མུ་ཁྱུད་གསུམ་པར༔ ཧཱུྃ་བཅུ་དང༔ ཛཿཧཱུྃ་བཾ་ཧོཿ འདི་འཆང་བ་པོ་ལ་མོ་སྲི་མོ་འདྲེའི་གནོད་པ་ཐམས་ཅད་ལས་སྲུངས་ཤིག་བསྒྲིབ་ཅིག་རཀྵ་རཀྵ་ཀུ་རུ་ཡེ་སྭཱ་ཧཱ༔ མུ་ཁྱུད་བཞི་པར༔ ཨོཾ་ཝཱ་གཱི་ཤྭ་རི་མཱུཾ༔ ཨོཾ་མ་ཎི་པདྨེ་ཧཱུྃ༔ ཨོཾ་བཛྲ་པཱ་ཎི་ཧཱུྃ༔ ཨོཾ་ཧྲཱིཥྚི་ཝིཥྚི༴ ཨོཾ་ཧྲཱི་པདྨ་ཏ་ཀྲྀཏ༴ ཨོཾ་བཛྲ་ཙཎྜ་མ་ཧཱ༴ ཨོཾ་བཛྲ་རེ་མ་ཏཱི་ཧཱུྃ་བྷྱོ༔ འཆང་བ་པོ་ལ་མོ་འདྲེའི་གནོད་པ་ཐམས་ཅད་ལས་སྲུངས་ཤིག་བསྒྲིབ་ཅིག༔ མུ་ཁྱུད་ལྔ་པར་འཁོར་ལོ་རྩིབས་བརྒྱད་བྲི༔ རྩིབས་ལ་རིམ་བཞིན་ཡིག་མགོ་ཕྱིར་བསྟན་ཏེ༔ ཨོཾ་བཛྲ་ཀྲོ་ཏི་ཤྭ་རི་ཧཱུྃ་ཕཊ༔ ཨོཾ་བཛྲ་ཨཾ་ཀུ་ཤ་ཛཿ ཨོཾ་རཏྣ་ཀྲོ་ཏི༴ ཨོཾ་བཛྲ་པཱ་ཤ་ཧཱུྃ༔ ཨོཾ་པདྨ་ཀྲོ་ཏི༴ ཨོཾ་བཛྲ་སྥོ་ཊ་བཾ༔ ཨོཾ་ཀརྨ་ཀྲོ་ཏི༴ ཨོཾ་བཛྲ་གྷཎྜེ་ཧོཿ རྩིབས་རྩེར་ཡིག་མགོ་ནང་བསྟན༔ མཱ་ར་ཡ་བྷྱོ༔ རྩིབས་མཆན་རྣམས་ལ་ཡིག་མགོ་ནང་བསྟན་དུ༔ ཆེ་སྲི་མོའི་ཁ་ཐུམ༔ ཆུང་སྲི་མོའི་ཁ་ཐུམ༔ དམ་སྲི་མོའི་ཁ་ཐུམ༔ བསེན་མོའི་ཁ་ཐུམ༔ མོ་སྲི་མོའི་ཁ་ཐུམ༔ ཤི་འདྲེ་མོའི་ཁ་ཐུམ༔ གསོན་འདྲེ་མོའི་ཁ་ཐུམ༔ གྲོང་རྒྱུག་འདྲེ་མོའི་ཁ་ཐུམ༔ ཕྱི་རིམ་འོག་གི་རྩིབས་རྩེར་མོ་འདྲེའི་གཟུགས་བྲི༔ གནོད་བྱེད་མོ་སྲི་མོ་འདྲེ་ཐམས་ཅད་ཀྱི་ཁ་ཐུམ་མཆུ་ཆིངས་མིག་བསྒྲིབ་ཐུམ་རི་ལི་ལི་རྦད་ནན༔ ཕྱི་རིམ་འོག་གི་རྩིབས་རྩེ་མོ༔ ལྟེ་བར་བཟང་པོ་དྲུག་དང་ནི༔ མུ་ཁྱུད་ནག་པོ་དགུ་སྦྱོར་བྱུགས༔ རབ་གནས་བྱ་ཞིང་ཐུམ་ནག་པོར༔ བསྟུམ་ནས་མགུལ་དུ་བཏགས་པར་བྱ༔ མོ་སྲི་མོ་གདོན་མ་ལུས་པ༔ འདི་ཡིས་མི་ཐུབ་གང་ཡང་མེད༔ རིག་སྔགས་རྡོ་རྗེ་ཕ་ལམ་ཡིན༔ བཀའ་སྲུང་གཟའ་མཆོག་ཆེན་པོར་གཉེར༔ ཐུབ་པར་སྲུངས་ཤིག་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠིྀ༔ རིག་འཛིན་ཆོས་ཉིད་ཀློང་རྡོལ་གྱིས། །དགོངས་པ་མི་འགྱུར་བྲག་ནས་བཏོན། །རྣམ་དཀར་ཤོག་བུའི་ངོས་སུ་ཕབ། །ཡིག་རིས་ཚུལ་ཁྲིམས་རྡོ་རྗེས་བགྱིས། །རྣམ་མང་འགྲོ་ལ་ཕན་ཐོགས་ཤོག །དགེའོ། །དགེའོ། །དགེའོ།། །།