DJYD-KABUM-21-ZHA-008

Previous Text Back to Volume PageNext Text

Wylie title
Location	bdud 'joms rin po che bka' 'bum Volume 21, Text 8, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod. Kalimpong: Dupjung Lama, 1979-1985.
Side notes
More details More details
Genre

Tibetan Text

[edit]

（74ན）ཨོཾ་སྭསྟི། སྔ་འགྱུར་བསྟན་པ་རྒྱ་མཚོའི་ཤིང་རྟ་ལྷ་སྲས་རྣམ་རོལ་རྡོ་གྲུབ་འཇིགས་མེད་ཕྲིན་ལས་འོད་ཟེར་གྱི་སྐུ་ཕྲེང་གསུམ་པ་གཏེར་ཆེན་བདུད་འཇོམས་གླིང་པའི་གདུང་སྲས་ཐུ་བོ་འཇིགས་མེད་བསྟན་པའི་ཉི་མ་དཔལ་བཟང་པོའི་གསུང་འབུམ་གྱི་སྐོར་ཇི་ལྟར་ཐོབ་པའི་ཚུལ་ལ། གླེགས་བམ་ ཨོཾ༽ ལ། ཐོག་མར་བསྟོད་ཚོགས་ཀྱི་སྐོར་ལ། རྒྱལ་བ་ཚེ་དཔག་ཏུ་མེད་པ་བསྟོད་པ་དགེ་ལེགས་ཉིན་བྱེད་འདྲེན་པའི་ཤིང་རྟ། ཡང་ཚེ་དཔག་མེད་ལ་བསྟོད་པ་བཀྲ་ཤིས་པདྨ་རྒྱས་པའི་སོགས། འཕགས་པ་ཐུགས་རྗེ་ཆེན་པོ་ལ་ཡི་གེ་དྲུག་པའི་རིག་སྔགས་ཀྱི་སྒོ་ནས་བསྟོད་པ་བྱང་མས་ཆས་སྙོགས། འཕགས་པ་འཇིག་རྟེན་དབང་ཕྱུག་གི་ཨུཏྤལ་གཞོན་ནུ་ལྟ་བུའི་སྤྱན་རས་ལ་བསྟོད་པ་བུང་བ་རོལ་པའི་གླུ་དབྱངས། འཕགས་པ་རྟ་མགྲིན་ལ་ཐུན་མོང་གི་རྣམ་ཐར་དང་མཐུན་པར་ཆ་ཙམ་བསྟོད་པ་ཀུན་དགའི་རྒྱུད་མང་། ཡང་འཕགས་པ་སྤྱན་རས་གཟིགས་ལ་བསྟོད་པ་ཕུན་ཚོགས་ཆོས་དབྱིངས་སྒེག་མོའི་བཞིན་ལ་སོགས། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ་ཆ་ལེ་ཆོ་ལེ། འཇིག་རྟེན་དབང་ཕྱུག་གིས་ཆོ་འཕྲུལ་（74བ）ཆེན་པོ་བསྟན་པའི་བརྗེད་ཐོ་ཆུ་སྟོད་ཟླ་བའི་དགའ་སྟོན། རྗེ་བཙུན་འཇམ་པའི་དབྱངས་ཀྱི་གཞན་དོན་ཕུན་ཚོགས་ཀྱི་སྐུ་ལ་བརྟེན་ཏེ་རང་གི་དོན་གཉིས་ཕུན་ཚོགས་འགྲུབ་ཚུལ་དང་སྦྱར་བའི་བསྟོད་པ་སྨོན་ལམ་དང་བཅས་པ། འཇམ་མགོན་ཞལ་བཟང་བལྟ་བའི་སྨོན་ལམ་ཚིགས་སུ་བཅད་པ། བླ་མ་རྗེ་བཙུན་སྒྲོལ་མ་ལ་བསྟོད་ཅིང་གསོལ་བ་འདེབས་པའི་ཚིགས་སུ་བཅད་པ་རྣམ་པར་རྒྱལ་བའི་རྔ་སྒྲ། རྗེ་བཙུན་སྒྲོལ་མ་ལ་ཐུགས་དམ་བསྐུལ་བ་ན་མ་ཨརྱ་ཏཱ་རེ། སྒྲོལ་མའི་ཕྱག་མཐིལ་སོགས། མཁའ་འགྲོ་བདེ་ཆེན་རྒྱལ་མོའི་ལོ་རྒྱུས་དང་འབྲེལ་བའི་ཚིགས་སུ་བཅད་པ་དཔའི་བོའི་ཡིད་འཛིན། འཆི་མེད་ཙཎྜ་ལིའི་སྐུ་རྡོ་རྗེ་གསང་བ་བསམ་གྱིས་མི་ཁྱབ་པའི་ཆ་ཤས་རགས་རིམ་ཙམ་ཞིག་ཉུང་ངུའི་ངག་གིས་བསྔགས་པ་རྡོ་རྗེ་སྒྲ་མའི་རྒྱུད་མང་། ཡང་སྒྲོལ་མ་ལ་བསྟོད་པ་སྙིང་རྗེའི་དབང་ཕྱུག་སོགས། འཇིགས་པ་བརྒྱད་སྐྱོབས་མའི་བསྟོད་བསྐུལ་འཇིགས་མེད་རྔ་སྒྲའི་དབྱངས་སོགས། ཡང་སྒྲོལ་མ་ལ་ཐུགས་དམ་བསྐུལ་བ་རྣམ་པར་དཀར་བའི་ལེགས་བྱས་སོགས། ཀུན་མཁྱེན་ཆོས་ཀྱི་རྒྱལ་པོ་ལ་བསྟོད་པ་དཔྱིད་（75ན）ཀྱི་ཕོ་ཉ། ཀུན་མཁྱེན་རིག་འཛིན་བླ་མ་འཇིགས་མེད་གླིང་པ་ལ་བསྟོད་པ་དད་བརྒྱའི་པདྨོ་རྒྱས་བྱེད་བདུད་རྩིའི་ཟིམ་ཆར། གྲུབ་པའི་དབང་ཕྱུག་འཇིགས་མེད་ཕྲིན་ལས་འོད་ཟེར་ལ་རྟོགས་བརྗོད་དང་འབྲེལ་བར་གསོལ་བ་འདེབས་པའི་ཚིགས་སུ་བཅད་པ་དཔག་བསམ་ལྗོན་པའི་མེ་ཏོག །རིགས་བདག་འཇམ་དབྱངས་མཁྱེན་བརྩེ་དབང་པོ་རྗེས་དྲན་གྱི་བསྟོད་ཚིག་གང་གི་རྨད་བྱུང་སོགས། འཕགས་པ་སྤྱན་རས་གཟིགས་དགེ་སློང་གི་གཟུགས་སུ་རྣམ་པར་རོལ་པ་ལ་ཅུང་ཟད་བསྔགས་པའི་ཚིག་གི་ཕྲེང་བ་པདྨ་དཀར་པོའི་ཆར། གྲུབ་དབང་བསོད་ནམས་དཔལ་དགེའི་རྣམ་ཐར་བསྟོད་ཚིག་ན་མོ་གུ་རུ། གང་གི་མཚན་ཡང་སོགས། དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོའི་གསོལ་འདེབས་ཕྱི་ནང་རིག་གཞུང་རྒྱ་མཚོའི་ཕ་རོལ་སོགས། རྗེ་འཇམ་དབྱངས་མཁྱེན་བརྩེ་དབང་པོ་ལ་བསྔགས་པ་རྒྱལ་ཀུན་ཡེ་ཤེས་སྐུ་ཅན་སོགས། ཡང་བསྟོད་ཚིག་ཁ་བའི་རི་ངོགས་སོགས། དཔལ་ལྡན་བླ་མའི་ཡེ་ཤེས་ཀྱི་གསང་བ་ལ་བསྔགས་པ་ཟབ་དོན་རྡོ་རྗེའི་ཀ་མ་ཀཱ། སྟོན་པ་སངས་རྒྱས་ལ་བསྔགས་པ་（75བ）ཆོས་ཉིད་བཟོད་པའི་སྣང་བ་སོགས། བསྟན་པའི་བདག་པོ་རྣམ་འདྲེན་བཞི་པའི་རྣམ་ཐར་དྲན་པའི་བསྟོད་པ་མིའམ་ཅི་རབ་དགའི་གླུ་ཕྲེང་། འཕགས་པ་འཇམ་དཔལ་དབྱངས་ལ་བསྟོད་པ་ཡེ་ཤེས་སྒྱུ་མ་འབར་བའི་སོགས། ཡང་འཇམ་དཔལ་ལ་བསྟོད་པ་མིག་ཡོར་ལྟ་བུའི་གཟུགས་ཀྱིས་སོགས། ཡང་བསྟོད་པ་འདི་ནི་ལང་ཚོས་རྒྱགས་པ་སོགས། ཡང་བསྟོད་ཚིག་ཐོལ་བྱུང་མ་བསྐལ་པ་བྱེ་བ་མང་པོ་སོགས། འཇམ་དཔལ་གཞོན་ནུར་གྱུར་པའི་ཡོན་ཏན་གྱི་ཆེ་བ་ལ་བསྔགས་པའི་རབས་བར་ཤི་ཀའི་མེ་ཏོག་གི་ཆུན་འཕྱང་། ཡང་འཇམ་དཔལ་ལ་བསྟོད་པ་མེ་ཏོག་ཆུན་འཕྱང་འཛིན་པའི་སོགས། ཡང་བསྟོད་ཚིག་རྒྱལ་ཀུན་གསང་བ་ཟབ་མོའི་ཡེ་ཤེས་སོགས། ཡང་འཇམ་དཔལ་དབྱངས་ལ་བསྟོད་བསྐུལ་མཆོག་གི་ཡེ་ཤེས་ཆུ་གཏེར་སོགས། ཡང་བསྟོད་ཚིག་མཐའ་བཞིའི་མཚན་མ་ཞི་བའི་སོགས། ཡང་འཇམ་དཔལ་དབྱངས་ལ་གདུང་བསྐུལ་སོར་མོའི་ཞགས་པ་ནང་དུ་བསྡུས་ནས་སོགས། ཡང་བསྟོད་ཚིག་གང་གི་ཞབས་སེན་ཟླ་གཞོན་གསར་པའི་སོགས། ཡང་བླ་མ་འཇམ་དཔལ་ལ་བསྟོད་པ་（76ན）ཨ་དང་དབྱངས་བཞིས་སྦྱར་བ་ཟླ་བྲལ་བླ་མ་ཁྱབ་བདག་སོགས། ཡང་མགོན་པོ་འཇམ་དཔལ་དབྱངས་ལ་སྨྲེ་སྔགས་ཀྱིས་གསོལ་བ་འདེབས་པ་ཇི་ལྟ་ཇི་ལྟར་གུས་པས་སོགས། ཡང་བསྟོད་ཚིག་མཁྱེན་གཉིས་ཡེ་ཤེས་དམ་པའི་སོགས། འཕགས་པ་འཇམ་དཔལ་གྱི་འོད་ལ་ཆེད་དུ་བརྗོད་པ་གློག་གི་སྒྲོན་མ་འབར་བའི་འོད་ཟེར་སོགས། ཡང་འཇམ་དཔལ་ལ་བསྟོད་པ་སྐབས་གསུམ་གནས་ཀྱི་ལྷ་མོ་སོགས། ཡང་བསྟོད་ཚིག་སྤྲོས་མཚན་རྟོག་པའི་དྲྭ་བ་སོགས་དང་། དེའི་མཐའ་བརྟེན་ཡོད་མེད་ཡིན་མིན་སོགས་མི་ཕམ་གསུང་ངོ་། །འཇམ་དཔལ་དོན་དམ་པའི་ཚུལ་ལ་ཆེད་དུ་བརྗོད་པ་གང་དུ་གཉིས་སྣང་མཚན་མའི་སོགས། ཡང་འཇམ་དཔལ་དོན་དམ་པའི་ཚུལ་ལ་ཆེད་དུ་བརྗོད་པ་ཤེས་བྱ་མཁྱེན་ལ་གེགས་བྱེད་སོགས། ཡང་འཇམ་དཔལ་དོན་དམ་པའི་ཚུལ་ལ་ཆེད་དུ་བརྗོད་པ་ཀུན་རྟོག་སྤྲོས་པའི་གྲྭ་ཟུར་སོགས། སློབ་དཔོན་ཆེན་པོ་ལ་བསྟོད་སྨོན་དྲི་མེད་སིནྡྷུའི་རྒྱ་མཚོར་སོགས། ཡང་སློབ་དཔོན་ཆེན་པོ་ལ་བསྟོད་པ་མཐིང་མདོག་འོད་བརྒྱས་མཛེས་པ་སོགས། （76བ）མཁན་ཆེན་བོ་དྷི་སཏྭ་ལ་བསྟོད་པ་འཕགས་པ་ཡུལ་ཆོས་ཀྱི་འདུན་ཁང་སོགས། སློབ་དཔོན་ཆོས་ཀྱི་གྲགས་པ་ལ་བསྟོད་པ་ཤིན་ཏུ་ཞི་བ་ཆོས་ཉིད་སོགས། ཆོས་རྒྱལ་སྲོང་བཙན་སྒམ་པོ་ལ་བསྟོད་པ་ལེགས་བྱས་ལམ་བཟང་སྲོང་བའི་སོགས། རྗེ་མི་ཕམ་རིན་པོ་ཆེ་ལ་བསྟོད་པ་རྒྱལ་བསྟན་མདོ་དང་སྔགས་ཀྱི་སོགས། ལེགས་ལྡན་ནག་པོ་ཆེའི་ཞལ་ལ་བསྟོད་པ་ཕུན་ཚོགས་དམ་པ་གཉིས་ཀྱི་སོགས། བཀྲ་ཤིས་ཚེ་རིང་མཆེད་ལྔ་བསྟོད་པ་ཧྲཱིཿ ཛ་ལནྡྷ་རའི་བ་གམ་སོགས། བླ་མའི་རྣལ་འབྱོར་སྐོར་ལ། སྡོམ་བརྩོན་ཤྲཱིའི་མིང་ཅན་ལ་གནང་བའི་བླ་མའི་རྣལ་འབྱོར། དགེ་བའི་བཤེས་གཉེན་པདྨ་བདེ་ཆེན་ལ་གནང་བའི་བླ་རྣལ། ཆོས་གྲགས་ལ་གནང་བའི་བླ་རྣལ། དད་ལྡན་མགོན་པོ་རྡོ་རྗེ་ལ་གནང་བའི་བླ་རྣལ། བཙུན་པ་གསང་སྔགས་ལ་གནང་བའི་བླ་རྣལ། བླ་མ་ལྷ་དབང་ལ་གནང་བའི་བླ་རྣལ། གུ་རུའི་ཐུགས་དམ་བདེན་བསྐུལ་ཨེ་མ་ཧོཿ ཀ་དག་སྐྱེ་མེད་སོགས། རིགས་དབོན་བསོད་ནམས་དཔལ་ལྡན་གྱི་བརྗེད་ཐོར་གནང་བའི་ཚིག་བདུན་འབྲུ་འགྲེལ། གསོལ་འདེབས་དང་སྨོན་ལམ་གྱི་སྐོར་ལ། （77ན）དགེ་སློང་དམ་ཆོས་འོད་ཟེར་ལ་གནང་བའི་གསོལ་འདེབས། སྒྲུབ་བརྩོན་བླ་མ་བསོད་ནམས་ཡེ་ཤེས་ལ་གནང་བའི་གསོལ་འདེབས། དྷཱི་པུ་མཆོག་སྤྲུལ་རིན་པོ་ཆེ་ལ་གནང་བའི་གསོལ་འདེབས། འཇིགས་མེད་བསམ་གཏན་ལ་གནང་བའི་གསོལ་འདེབས། ཤྲི་བན་ལ་གནང་བའི་གསོལ་འདེབས། དད་ལྡན་འདི་བོའི་ཀུན་ཁྱབ་ལ་གནང་བའི་གསོལ་འདེབས། བློ་བཟང་ལ་གནང་བའི་གསོལ་འདེབས། དད་ལྡན་ཁྲོ་རྒྱལ་ལ་གནང་བའི་གསོལ་འདེབས། སྒྲོལ་མའི་གསོལ་འདེབས་རྒྱལ་བ་ཀུན་གྱི་ཐུགས་རྗེ་སོགས། བླ་མ་དམ་པ་བསོད་ནམས་དོན་གསལ་ལ་གནང་བའི་གསོལ་འདེབས། གུ་རུའི་གསོལ་འདེབས་སྐྱབས་ཀུན་འདུས་ཞལ་སོགས། དོན་གཉེར་ཅན་ལ་གནང་བའི་བླ་མ་སྤྱིའི་གསོལ་འདེབས། འཇིགས་དཔལ་ལ་གནང་བའི་གསོལ་འདེབས། ཁྲོ་སྐྱབས་ཤེས་རབ་ལ་གནང་བའི་སྨོན་ལམ། འཇམ་དཔལ་རྫོགས་པ་ཆེན་པོའི་སྨོན་ལམ་མི་ཤིགས་ནཱ་དའི་རོལ་མོ། རང་དོན་དུ་སྨོན་ལམ་བཏབ་པ་བཀའ་དྲིན་མཉམ་མེད་སོགས། རིག་ལྷ་ལ་གནང་བའི་（77བ）སྨོན་ལམ། མཆོག་སྤྲུལ་རིན་པོ་ཆེ་བློ་བཟང་བསྟན་པའི་རྒྱལ་མཚན་ལ་གནང་བའི་སྨོན་ལམ། མཆོ་སྐྱེས་ཕྲིན་ལས་རྒྱས་པའི་སྨོན་ལམ་བཀྲ་ཤིས་འཁྱིལ་པའི་སྒྲ་དབྱངས། དད་ལྡན་དགྲ་བླ་ཕན་དར་ལ་གནང་བའི་སྨོན་ལམ། བཙུན་པ་ཚེ་བརྟན་ལ་གནང་བའི་གསོལ་འདེབས། ནག་ཐཱ་དབོན་པོ་འཇིགས་ཚེ་ལ་གནང་བའི་གསོལ་འདེབས། དགེ་ཚུལ་བློ་གྲོས་དཔལ་བཟང་ལ་གནང་བའི་སྨོན་ལམ་ཕྱོགས་བཅུ་ན་བཞུགས་པའི་སོགས། དཔལ་ལྡན་བླ་མ་ལ་མོས་ཤིང་དྭངས་བའི་བློ་གྲོས་ལས་བྱུང་བའི་རྡོལ་ཐབས་ཀྱི་ཅ་ཅོས་བསྟོད་ཅིང་གསོལ་བ་འདེབས་པ་ཙནྡན་ནགས་ཀླུང་། （གསོལ་འདེབས་འདིའི་ཤོ་ལོ་ཀ་བརྒྱ་དང་བཞི་མན་དཔེ་མ་ཚང་། ） བྷོ་ཊའི་ཡུལ་གྱི་སློབ་དཔོན་ཆེན་པོ་མཉྫུ་ཤྲཱི་དྷརྨ་མི་ཏྲའི་ཞབས་ཀྱི་རྟོགས་པ་མདོ་ཙམ་དུ་བརྗོད་པ་འཇིག་རྟེན་ཀུན་ཏུ་དགའ་བའི་གཏེར། མཚུངས་བྲལ་རྒྱལ་བའི་མྱུ་གུ་ཨོ་རྒྱན་འཇིགས་མེད་ཆོས་ཀྱི་དབང་པོའི་རྟོགས་བརྗོད་ཕྱོགས་ཙམ་གླེང་བ་བདུད་རྩིའི་ཟིལ་ཐིགས། བླ་མའི་རྣལ་འབྱོར་ཡེ་ཤེས་མཆོག་སྩོལ་ཉམས་སུ་ལེན་ཚུལ་ཁྲིད་ཡིག་ཏུ་བྱས་པ་གྲུབ་པ་མཆོག་གི་དཔལ་སྟེར། （78ན）བླ་རྣམ་ལ་ཉེ་བར་མཁོ་བའི་ཡི་གེ་པདྨ་འོད་དུ་བགྲོད་པའི་ཐེམ་སྐས། ཆོ་ག་ངག་འདོན་སོགས་ཀྱི་སྐོར་ལ། སངས་རྒྱས་དང་བྱང་ཆུབ་སེམས་དཔའི་མཚན་བྱིན་རླབས་ཅན་མང་པོ་མདོ་སྡེ་ལས་བཏུས་པ་ཐོས་པ་དོན་ལྡན་ངག་གི་རོལ་མོ། འཕགས་པ་ཕུང་པོ་གསུམ་པའི་མདོ་སྡེ་བཀླག་ཆོག་ཏུ་བཀོད་པ་བསོད་ནམས་ཡིད་བཞིན་རིན་པོ་ཆེའི་སྤྲིན། ཐུབ་དབང་གནས་བརྟན་འཁོར་བཅས་མཆོད་པའི་ཆོ་ག་འཕགས་པ་དགྱེས་པའི་རོལ་མོ། འཕགས་ཚོགས་མཆོད་པའི་ཆོ་ག་སྙིང་པོར་དྲིལ་བ་རྣམ་པར་ཐར་པ་རྒྱ་མཚོའི་མེ་ཏོག་གི་སྤྲིན་རབ་ཏུ་འབྱུང་བ། འཇམ་དབྱངས་འོད་ཟེར་ལ་གནང་བའི་འཕགས་པ་འཇམ་དཔལ་སྒྲུབ་ཐབས། མདོ་སྔགས་དང་། ཚུལ་བཟང་ལ་གནང་བའི་འཕགས་པ་འཇམ་དཔལ་སྒྲུབ་ཐབས། བླ་མ་དམ་པ་མཁའ་སྤྱོད་ལ་གནང་བའི་འཇམ་དབྱངས་སྒྲུབ་ཐབས། ཐུགས་རྗེ་ཆེན་པོའི་ཚེ་སྒྲུབ་རང་འཕགས་པར་གསལ་པའི་སོགས། ཡང་ཐུགས་རྗེ་ཆེན་པོའི་ཚེ་སྒྲུབ་ཞལ་ཤེས་སྡུག་བསྔལ་རང་གྲོལ་འདྲ་བཏོན་ན་ནི་སོགས། ཁྱི་སོ་ཐར་ལ་གནང་བའི་ཐུགས་（78བ）རྗེ་ཆེན་པོའི་གསོལ་འདེབས་མ་ཎི་འདྲེན་ཐབས། མ་ཎི་བསྐུལ་བའི་ཚིགས་བཅད་སྐྱོ་ཤས་ཀྱི་ལྕགས་ཀྱུ། སྡོམ་བརྩོན་ཀུན་དགའ་བློ་གྲོས་ལ་གནང་བའི་འཕགས་པ་ཐུགས་རྗེ་ཆེན་པོ་ལ་གསོལ་འདེབས་ཀྱི་ཚུལ་དུ་ཡིག་དྲུག་འདྲེན་ཐབས། སློབ་དཔོན་ཀླུ་སྒྲུབ་ཀྱིས་མཛད་པའི་རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པ། ཡེ་དྷརྨཱའི་ཟིན་བྲིས་ནྱ་གྲོ་དྷའི་ས་བོན། རྟེན་སྙིང་གི་གླེང་གཞི་ལས་འཕྲོས་ཏེ་འཕགས་པ་ཤཱ་རིའི་བུའི་ལོ་རྒྱུས་ཆད་དུམ་འགའ་ཞིག ། རྟེན་འབྲེལ་སྙིང་པོ་ལ་བརྟེན་ཏེ་བསོད་ནམས་བྱ་བའི་ཆོ་ག་མཆོད་སྦྱིན་གཏེར་གྱི་རྒྱ་མཚོ། རྟེན་འབྲེལ་སྙིང་པོའི་སྔགས་ཀྱི་ཤམ་དུ་བདེན་ཚིག་གི་མདེའ་ཐུང་། རྟེན་འབྲེལ་སྙིང་པོ་ལ་བརྟེན་པའི་མདོས་ཀྱི་ཆོ་ག་ཉུང་ངུ་འཇིག་རྟེན་གསུམ་གྱི་རྣ་རྒྱན། རྟེན་འབྲེལ་མདོས་ཀྱི་བཅའ་ཐབས་ཟིན་བྲིས། རྟེན་འབྲེལ་སྙིང་པོ་ལ་བརྟེན་པའི་ལས་སྦྱོར་གྱི་ཤམ་བུ། གླུད་བསྔོ་ཐབས་ཉུང་ལ་འདོན་བདེ་བ། རྟེན་སྙིང་གི་མདོས་ཆོག་ཁྲིགས་ཟིན། ཡུལ་གྱི་གཞི་བདག་ལ་གསུར་མཆོད་འབུལ་ཚུལ། རྟེན་སྙིང་གི་གཟུངས་ཟློ་བའི་（79ན）ཆོ་གའི་ངག་འདོན་མདོར་བསྡུས། རྟེན་འབྲེལ་སྙིང་པོ་ལ་བརྟེན་ནས་རྙེད་སླའི་གཏོར་མ་བསྔོ་བའི་ཆོ་ག་རྩི་སྨན་ལྗོན་པ། རྟེན་འབྲེལ་སྙིང་པོ་ལ་བརྟེན་ནས་གླུད་གཏོར་བསྔོ་བའི་ཆོ་ག་བྱམས་ཆེན་སྤྲིན་གྱི་རྔ་སྒྲ། རྟེན་སྙིང་ལ་བརྟེན་ནས་གླུད་གཏོར་བསྔོ་ཆོག་གི་ཤོམ་དང་འདོན་འགྲིགས། རྟེན་འབྲེལ་སྙིང་པོ་ལ་བརྟེན་ནས་ཁྲམ་དབྱེའི་ཆོ་ག་འཆི་བའི་འཇིགས་སྒྲོལ། ནད་པའི་གླུད་བསྔོ་མདོར་བསྡུས་ནད་སྤོ་གདོན་སྤོ་ཅན་བཅས། གླེགས་བམ། ཨཱཿ༽ པ་ལ། མཁྱེན་བརྩེའི་ཡང་གཏེར་རྩ་གསུམ་དྲིལ་སྒྲུབ་ཀྱི་དབང་བཤད། རྟ་ཁྱུང་འབར་བའི་བསྙེན་ཐོ་རིན་ཆེན་སྒྲོན་མེ། ཐུགས་སྒྲུབ་དཔལ་ཆེན་འདུས་པའི་སྒྲུབ་ཁོག་ཅུད་ཟད་ཡང་གསལ་དུ་བྱས་པ་རིན་པོ་ཆེའི་ཟ་མ་ཏོག་རྣམ་པར་འབྱེད་པ། སྒྲུབ་ཆེན་ཟིན་བྲིས་རིག་པ་འཛིན་པ་དགའ་བའི་སྐྱེད་མོས་ཚལ། ཕྲིན་ལས་གླིང་པའི་ཞབས་བརྟན། ཕུར་པ་བདུད་དཔུང་ཟིལ་གནོན་གྱི་བསྙེན་སྒྲུབ་ཟིན་བྲིས། རིག་འཛིན་ཡུམ་ཀ་བདེ་ཆེན་རྒྱལ་མོའི་སྒྲུབ་གཞུང་གི་ཟིན་བྲིས་བདེ་ཆེན་ལམ་བཟང་གསལ་བའི་སྒྲོན་མེ། རིག་འཛིན་ཡུམ་ཀའི་དབང་གི་མཚམས་（79བ）སྦྱོར་མུ་ཏིག་ཆུན་པོ། རིག་འཛིན་ཡུམ་ཀའི་རྒྱུན་ཁྱེར་སྙིང་པོར་དྲིལ་བ་རྡོ་རྗེ་བཙུན་མོའི་ཞལ་ལུང་། བཙུན་པ་འཇིགས་མེད་འོད་གསལ་ལ་གནང་བའི་ཡུམ་ཀ་བདེ་ཆེན་རྒྱལ་མོའི་བསྐང་བ། དགའ་སྟོན་ཚོགས་འཁོར་གྱི་གླུ་རྡོ་རྗེའི་རྒྱུད་མང་། ཁྱབ་བདག་བློ་ལྡན་མཆོག་སྲེད་ཀྱི་ཐུགས་སྒྲུབ་གསལ་བར་སྡེབས་པ་དངོས་གྲུབ་མཆོག་སྦྱིན། གུ་རུ་ཉི་མ་འོད་ཟེར་གྱི་རྣལ་འབྱོར་ལ་བརྟེན་པའི་ཚེ་སྒྲུབ་ཀྱི་ཆོ་ག་འཆི་མེད་གྲུབ་པའི་ཤིང་རྟ། ཐོད་སྒྲུབ་བྱ་ཐབས་བླ་མ་འཇམ་པའི་རྡོ་རྗེ་སོགས། བཙུན་པ་བློ་གསལ་འཇིགས་མེད་བཟང་པོར་གནང་བའི་ཚོགས་མཆོད་ཀྱི་ཆོ་ག་ཤིན་ཏུ་བསྡུས་པ། རྟ་མགྲིན་མངོན་རྟོགས་བསྡུས་པ། རྒྱུད་ཕུར་ལ་རྒྱས་དབང་མཆོག་གི་སྦྱིན་སྲེག་སྦྱར་ཚུལ་འདོན་ཟིན་ལྷན་ཐབས། མགོན་པོའི་གཡང་སྒྲུབ་འདོན་ཟིན་ལྷན་ཐབས། གྲུབ་དབང་བྱང་ཆུབ་རྡོ་རྗེའི་དགོངས་གཏེར་སྨན་བླའི་དབང་གི་མཚམས་སྦྱོར། ཟབ་མོ་གཅོད་ཀྱི་ལས་ཚོགས་གཤིན་པོའི་སྡུག་བསྔལ་སྦྱོང་བྱེད་ཀྱི་ཆོ་ག་གཞན་ཕན་ཐུགས་རྗེའི་ཟློས་གར། ཐུགས་སྒྲུབ་དཔལ་ཆེན་འདུས་པའི་ལས་བྱང་ལ་སྦྱོར་རྒྱུའི་བསྐང་བ་མདོར་བསྡུས། སྙིང་（80ན）ཐིག་སྤྱིའི་བླ་བརྒྱུད་གསོལ་འདེབས་རིགས་བརྒྱའི་དབང་ཕྱུག་སོགས། ཐུན་དྲུག་གི་རྣལ་འབྱོར་དཀོན་མཆོག་གསུམ་ལ་སོགས། བླ་རྣལ་བརྒྱུད་འདེབས་ཁ་སྐོང་མཁས་ཤིང་གྲུབ་བརྙེས་སོགས། མཁའ་འགྲོའི་བརྒྱུད་འདེབས་ཁ་སྐོང་རླབས་ཆེན་འགྲོ་འདུལ་སོགས། དཔལ་ཆེན་བརྒྱུད་འདེབས་ཁ་སྐོང་དེ་སྲས་ཐུ་བོ་སོགས། རྒྱུད་ཕུར་བརྒྱུད་འདེབས་ཁ་སྐོང་ཆོས་ཀྱི་བདག་པོ་ཀརྨ་སོགས། སེང་གདོང་བརྒྱུད་འདེབས་ཁ་སྐོང་བཀའ་གཏེར་ཆོས་ཚུལ་སོགས། བདུད་འདུལ་དྲག་མོ་སེང་ཞལ་མའི་རྒྱལ་དབྱངས་བ་དན་དཀར་པོའི་ཚེ་རྟགས། ཞལ་གདམས་སྐོར་ལ། སྐྱིད་སྡུག་ལམ་ཁྱེར་གྱི་མན་ངག་འཕགས་པ་སྤྱན་རས་གཟིགས་དབང་ཕྱུག་སོགས། བསོད་ནམས་དཔལ་ལྡན་ལ་གདམས་པ་ན་མོ་གུ་རུ་ཤྲཱི་སོགས། བློ་ཆོས་ལ་གདམས་པ་མཁྱེན་པས་བཟང་གོམས་ཁོ་ན་སོགས། བསླབ་བྱའི་སྙིང་གཏམ་ཞིམ་མངར་སྦྲང་རྩིའི་གོང་བུ། དགེ་ཚུལ་ངེས་ལེགས་ལ་གདམས་པ་བླ་མ་དཀོན་མཆོག་མཁྱེན་སོགས། དགེ་ཚུལ་ཡེ་ཤེས་བཟང་པོ་ལ་གདམས་པ་ཁྱོད་ཀྱིས་ན་ནིང་མི་ཉག་དགེ་སློང་སོགས། （80བ）ཡང་ཞལ་གདམས་ལགས་དམ་པའི་ཆོས་གཤའ་མ་སོགས། ཡང་ཞལ་གདམས་ལར་སྟོན་སྟོན་པ་ཐམས་ཅད་མཁྱེན་པའི་སོགས། གྲོང་ཆོག་པ་མི་ཚེ་སྟོང་ཟད་མཁན་རྣམས་ལ་གདམས་པ་ལགས། བདག་ཅག་གི་སྟོན་པ་སོགས། རྒྱལ་རོང་བ་འཇིགས་མེད་ཡེ་ཤེས་ལ་གདམས་པ་འོད་གསལ་རྫོགས་པ་ཆེན་པོའི་སོགས། དགེ་རྒན་དཔལ་དགེ་ལ་གདམས་པ་ལགས། ཚིག་གི་སྦྱོར་བ་དམ་པོས་སོགས། ཡང་ཞལ་གདམས་ཇི་སྐད་དུ། འཕགས་པ་ཡུལ་འཁོར་སྐྱོང་གི་སོགས། དཔལ་རི་བ་དོན་གྲུབ་རྡོ་རྗེ་ལ་ཕན་པའི་གཏམ་འཕགས་པའི་ཡུལ་གྱི་སོགས། རྩིས་མདའི་གར་དབང་གི་མགོ་ལ་གནམ་ཡིག་བབས་པ་ཀྭ་ཡེ་ཁྱོད་ཀྱིས་སོགས། བླ་མ་ཀུན་དགའ་ལ་གཏམ་བྱ་བ་སྙིང་ནས་འཆི་ཆོས་སོགས། བྱང་ཆུབ་སེམས་དཔའི་སྦྱིན་པ་ལ་བསྔགས་པའི་གཏམ་ཐུང་ངུ་མིའམ་ཅིའི་དབྱངས་སྙན། དགེ་སློང་ལྷག་བསམ་རབ་དཀར་ལ་གདམས་པ་ལྷག་བསམ་ཆུ་གཏེར་སོགས། དད་ལྡན་ཞིག་གི་ངོར་གནང་བ་དུས་གསུམ་རྒྱལ་བའི་རྣམ་འཕྲུལ་སོགས། མཐའ་གྲོལ་ལ་གདམས་པ་ཉོན་དང་མཐའ་གྲོལ་སོགས། བསོད་（81ན）རྒྱམ་ལ་གདམས་པ་ངའི་ཁ་སྒོ་སོགས། ནམ་མཁའ་རྒྱ་མཚོར་གདམས་པ་ལར་དངོས་གཞིའི་ལམ་གྱི་སོགས། སྔགས་རྒན་ཆོས་འབྱུང་ལ་གདམས་པ་མགོན་སྲས་བཅས་རྒྱལ་བའི་སོགས། བཙུན་པ་གུ་རུ་ཡེ་ཤེས་ལ་གདམས་པ་བླ་མ་ཐུབ་དབང་སོགས། དམ་པའི་སྐྱེས་བུ་ཞིག་ལ་གནང་བ་དགེ་ཚོགས་ས་ཆེན་ཡངས་པའི་སོགས། ཡང་ཞལ་གདམས་བློ་གྲོས་སྣང་བ་འབུམ་འཇོ་སོགས། སྲང་ཚེ་ལ་གདམས་པ་ན་མོ་མཉྫུ་ཤྲི་ཡེ་སོགས། བསོད་ནམས་རྡོ་རྗེ་བགྲེས་པོ་ལ་གདམས་པ་བླ་མ་ལ་ཕྱག་འཚལ་སོགས། སྨན་ལྷ་ལ་གདམས་པ་བཤད་ན་ཉམས་མྱོང་མེད་སོགས། བློ་གྲོས་བཟང་ལ་གདམས་པ་ཚེ་འདིའི་བྱ་བ་སོགས། ཡང་རྟོགས་ལྡན་ཞིག་ལ་གདམས་པ་ལག་པ་དལ་མེད་སོགས། ཇ་སག་མི་དབང་བསོད་ནམས་སྟོབས་རྒྱས་ཀྱི་ཐུགས་དམ་གསལ་འདེབས་སུ་གནང་བ་ན་མཿཤཱཀྱ་མུ་ན་སོགས། བླ་མ་བསོད་ནམས་རྡོ་རྗེ་ལ་གདམས་པ་ན་མོ་གུ་རུ་སོགས། ཐོགས་མེད་དང་ངེས་ལེགས་གཉིས་ལ་གདམས་པ་ཞལ་གདམས་ཟེར་བ་སོགས། པདྨ་བདེ་ཆེན་ལ་གདམས་པ་གང་ཞིག་སྲིད་པའི་སོགས། （81བ）དགེ་སློང་མདོ་སྔགས་ལ་གདམས་པ་ན་མོ་གུ་རུ། སྲིད་འདིར་འགྲོ་བའི་སོགས། ཡང་ཞལ་གདམས་ཆོས་ཀྱི་དང་པོ་ཚེ་འདིའི་སོགས། ཀུན་དགའ་ལ་གནང་བའི་གསོལ་འདེབས་ཟླ་བྲལ་སྟོན་པ་སོགས། སང་ཚང་སྤྲུལ་སྐུར་གདམས་པ་ཀྱེ་ལགས་ཁྱེད་ནི་སོགས། ཡང་ཐོགས་མེད་ངེས་ལེགས་གཉིས་ལ་གདམས་པ་རྒ་བས་ནོན་ཅིང་ནད་ཀྱིས་སོགས། ཡང་དོན་གཉེར་ཅན་ལ་གདམས་པ་གུས་པས་ཉོན་དང་སོགས། ཐར་འདོད་རྣམས་ལ་གདམས་པ་འཕགས་མཆོག་ལག་ན་རལ་གྲིའི་སོགས། དྲི་མེད་འོད་ཟེར་ལ་གདམས་པ་རྫིང་ན་མེད་པ་སོགས། དཔལ་ཤུལ་བླ་མར་གདམས་པ་ཐམས་ཅད་མཁྱེན་པ་ལ་སོགས། ཡང་ཞལ་གདམས་ལུས་ཅན་ཕན་བདེ་སོགས། ཡང་དད་ལྡན་ཞིག་ལ་གདམས་པ་དཀོན་མཆོག་གསུམ་ལ་སོགས། འཇིགས་མེད་དབང་དྲག་ལ་གདམས་པ་རྨོས་ཀྱིན་དུལ་པ་སེམས་ཀྱི་སོགས། ཡང་ཞལ་གདམས་ལམ་གྱི་རྩ་བ་ངེས་འབྱུང་སོགས། ཡང་ཞལ་གདམས་ལེགས་ཚོགས་བརྒྱ་ལས་ལེགས་འོང་སོགས། བླ་མ་དོན་གསལ་ལ་གདམས་པ་སྙིང་ནས་བྱང་ཆུབ་སོགས། དཔལ་དབྱངས་ལ་གདམས་པ་ཀྱེ་ལགས་（82ན）རྣམ་གྲོལ་བདེ་བ་སོགས། དོན་གཉེར་ཅན་ལ་གདམས་པ་ཚེ་འདིའི་ཕུན་ཚོགས་སོགས། ཛྙཱ་ན་བྷ་དྲར་གདམས་པ་རྒྱལ་བས་ཚུལ་ཁྲིམས་སོགས། དམེ་ངོ་མཚར་ལ་གདམས་པ་ཡོན་ཏན་རྟེན་གཞི་སོགས། སངས་དཔལ་ལ་གདམས་པ་གོམ་རེ་བཞིན་ཡང་སོགས། གད་ཐོག་ལྷུན་པོར་གདམས་པ་ཉེར་ལེན་ཕུང་པོའི་སོགས། དད་ལྡན་འགྱུར་མེད་རྡོ་རྗེར་གདམས་པ་ཕུན་ཚོགས་ཚངས་དབྱངས་སོགས། བནྡེ་ཐོས་བསམ་ལ་གདམས་པ་ཕ་ཀུན་མཁྱེན་བརྒྱུད་པའི་སོགས། མཆོག་སྤྲུལ་ཟླ་བ་ལ་གདམས་པ་དམ་པའི་ངང་ཚུལ་སོགས། རྗེའི་དྲིས་ལན་ན་མོ་གུ་རུ། ད་ལམ་རྗེ་ཉིད་ཀྱིས་རྫོགས་ཆེན་ཕྱོགས་ལས་བརྩམས་པའི་སོགས། སྟོན་པ་མཉམ་མེད་ཤཱཀྱའི་རྒྱལ་པོ་རྗེས་སུ་དྲན་པའི་སྨྲེ་སྔགས་ཀྱི་གདུང་དབྱངས་དོན་དང་ལྡན་པ། དགུན་གྱི་ཡུལ་ངན་ཞིག་གི་རྐྱེན་དབང་དང་འགྲོགས་པས་ཤེས་པ་སྐྱོ་བ་ན་ཨ་མཚར་དུ་བྲིས་པ་ངོ་མཚར་ལ་ཨ་ཧོཿ རྡོ་རོང་གི་སྨྱོན་པ་འཇིགས་མེད་བསྟན་པའི་རྒྱལ་མཚན་གྱིས་སྨྱོན་ཚིག་རྐང་པ་དུམ་ཆོད་བྱས་པ་ཨ་ཧོཿ ནམ་མཁའི་རྣལ་འབྱོར་སོགས། སྙིགས་（82བ）མའི་སྐྱེ་བོའི་རྙེད་བཀུར་གྱི་ལོངས་སྤྱོད་ལ་སྐྱོ་བའི་གཏམ་སྐལ་བཟང་རྣ་རྒྱན། གཞོན་ནུ་འཇིགས་མེད་པས་ལྕགས་སྦྲུལ་གྱི་ཟླ་༡༢ཚེས་༢༥ལ་སྐད་ཅིག་ཡུད་ཙམ་གྱིས་བྲིས་པ་ཕ་བཀའ་དྲིན་མཚུངས་མེད་སོགས། ཡང་གསུང་མགུར་རི་བོ་སྤྲིན་དཀར་གྱི་ལྭ་ཐོད་ཅན་སོགས། ཡང་གསུང་མགུར་ཧེ་ཧེ། མཐའ་བརྒྱད་དང་བྲལ་བའི་སོགས། ཡང་དབྱིངས་དག་ཆེན་འཁོར་ལོ་རྒྱས་འདེབས་སོགས། ཡང་ཕ་སྙན་བརྒྱུད་རྡོ་རྗེའི་ལམ་སྟོན་སོགས། ཡང་གསུང་མགུར་རྒྱ་ཡན་ཅོག་བཞག་རང་བྱུང་གི་སོགས། ཡང་གཉུག་མ་མཐའ་བྲལ་གྱི་གནས་ལུགས་སོགས། ཡང་གསུང་མགུར་ཐ་མལ་གྱི་ཤེས་པ་ཟང་ཐལ་ཡེ་གྲོལ་སོགས། འཕགས་མཆོག་འཇམ་པའི་དབྱངས་ལ་སྤྱན་འདྲེན་པའི་གླུ་དད་པའི་མྱུ་གུ ། ཡང་འཇམ་པའི་དབྱངས་ལ་ཐུགས་དམ་བསྐུལ་བའི་གླུ་དབྱིངས་དག་པ་རབ་འབྱམས་སོགས། བློ་ལྡན་མཆོག་སྲེད་ལ་བསྟོད་པའི་གླུ་སྙིང་ལ་བློ་གྲོས་སྣང་བ་སོགས། ཡང་གསུང་མགུར་ཕ་བཀའ་དྲིན་འཁོར་མེད་སོགས། ཡང་ཕ་ཟབ་ལམ་རྡོ་རྗེའི་བླ་མ་སོགས། ཡོངས་འཛིན་དགེ་རྒན་བློ་གྲོས་ལ་གནང་བ་རྗེ་བླ་མ་མཁྱེན་བརྩེའི་ཟློས་གར་སོགས། ཤར་（83ན）རྒྱལ་མོ་རོང་པ་ལ་གནང་བ་ཕ་ཀུན་མཁྱེན་བརྒྱུད་པར་སོགས། ཡང་གསུང་མགུར་འོད་གསལ་གྱི་རིག་པ་གཏད་མེད་སོགས། ཡར་ཀླུང་པདྨ་བཀོད་དུ་བྱི་བ་ཟླ་བའི་ཚེས་༡༡ཀྱི་སྔ་དྲོར་བྲིས་པ་མཉམ་པ་ཆེན་པོའི་སོགས། འཇིགས་མེད་སྨྱོན་པས་ཅལ་ཅོལ་དུ་སྨྲས་པ་མཆོག་ཏུ་མི་འགྱུར་བདེ་བའི་ལང་ཚོ་སོགས། ལྕགས་སྦྲུལ་ཟླ་བ་དང་པོའི་དམར་ཕྱོགས་ཀྱི་ཚེས་བཅུར་བྲིས་པ་སྣང་སྟོང་མི་ཤིགས་ཐིག་ལེ་སོགས། ཡང་གསུང་མགུར་ཕ་བདེ་གཤེགས་ཀུན་དངོས་སོགས། འཚོ་བྱེད་གར་དབང་ལ་གནང་བ་ཕ་རིག་འཛིན་པདྨའི་ཞབས་ལ་སོགས། སྤྲང་རང་གི་སྨྱོ་གླུ་ལམ་བྱང་ཆུབ་ཞི་བའི་སོགས། མ་རྒན་མོ་པུཎྱེ་ས་རའི་དོན་དུ་ལྷ་ལ་ར་མདའ་སྦྲན་པའི་གླུ་ནམ་ཡང་མི་བསླུའི་སྐྱབས་གནས་སོགས། འཆམ་གཏམ་མགོ་རྒྱག་རྔ་རྒྱག་མར་བྲིས་པ་སྨྲ་འདོད་ཀྱི་ཕོ་ནད་སོགས། ཡང་གསུང་མགུར་སྒྱུ་ལུས་ཀྱིས་ཁུར་ནས་སོགས། ཡང་ཐང་ཆེན་པོ་སྔོ་ཕྱུག་དར་མ་སོགས། དགའ་སྟོན་ཚོགས་ཀྱི་གླུ་བཛྲ་གརྟིའི་རྒྱུད་མང་། གསང་སྔགས་གཱ་ན་ཙཀྲའི་གླུ་དབྱངས་མཚོ་སྐྱེས་རིག་འཛིན་དགྱེས་པའི་དགའ་སྟོན་（83བ）ཉམས་མཚར་དུ་བྲིས་པ་སྙན་འགྱུར་མགྲིན་པའི་རྔ་གསང་སོགས། གླུ་ཚིག་བྱིས་པའི་རྩེ་འཇོ་རྡོ་ཞུན་དང་མའི་སོགས། ཡང་ཉམས་མགུར་ལ་མཐོན་པོ་འཕྱོར་ཡག་སོགས། ཡང་སྤྲིན་རབ་དཀར་དྲི་མེད་སོགས། འཇིགས་མེད་དུང་ཐོད་ཅན་གྱིས་བུ་ཀི་ལོ་ལ་བཀའ་བཀྱོན་ཕབ་པ་མ་ཉལ་ལོངས་ལ་སོགས། ཚིག་གི་མེ་ཏོག་ཁ་བའི་གོས་དཀར་དྲི་མེད་སོགས། བྱ་སྐྱ་ཀ་དང་དྲི་བ་དྲི་ལན་གྱི་གླུ་བྱ་སྐྱ་ག་ཁྲ་མོའི་སོགས། ཡང་གསུང་མགུར་ཤར་མདོ་སྨད་སླང་ངའི་སོགས། ཡང་གསུང་མགུར་རྩྭ་སྐྱ་ཁ་བས་གཡོགས་པའི་སོགས། དབེན་གནས་གཤིན་རྗེའི་ཕུག་པར་གནས་ཚེ་བྱེའུ་ཁ་ལ་ཁ་འདྲ་ཞིག་མཐོང་ཚེ་ཉམས་མཚར་དུ་བྲིས་པ་སྔོན་ཆད་དྲིན་གྱིས་བསྐྱངས་པའི་སོགས། སྨྱོ་གླུ་ཚིག་གསུམ་ཤར་ཉི་མ་སེར་པོའི་མངའ་ཞབས་སོགས། ཡང་སྐྱོ་གླུ་ཁར་སང་ཟླ་བ་སྔ་མ་སོགས། རྡོ་གྲུབ་དགོན་གྱི་བཅའ་ཡིག་གསུང་མཆོག་རྡོ་རྗེ་སོགས། སྐྱབས་འགྲོའི་རྣམ་བཤད་སངས་རྒྱས་འཇིག་རྟེན་ལ་ཐུགས་བརྩེ་བ་སོགས། བྱང་ཆུབ་ལམ་གྱི་རིམ་པའི་སྡོམ་རྗེ་བཙུན་བླ་མ་དམིགས་པ་མེད་པའི་སོགས། བྱང་ཆུབ་སེམས་དཔའི་（84ན）རྒྱན་གཟུངས་ཀྱི་རིན་པོ་ཆེ་མི་ཟད་པའི་མཛོད་རིམ་པ་བཞི་པ། སྒོ་དྲུག་རྣམ་པར་བཞག་པའི་གཏམ་གང་གི་རིག་སྔགས་སོགས། སྒོ་དྲུག་གི་དོན་རྣམ་པར་ཕྱེ་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་དཀའ་གནས་གསལ་བར་བྱེད་པ་བཻཌཱུར་དབང་པོའི་མེ་ལོང་། བདེ་སྨོན་གཞུང་གི་ཟིན་ཐོ་དུམ་དུམ་ཁྲིགས། བདེ་ཆེན་ཞིང་བཀོད་བྲི་ཐབས་བདེ་ལེགས་སྣང་བ་སོགས། ཡང་བདེ་ཆེན་ཞིང་ཐང་འབྲི་ཚུལ་སྐལ་བཟང་སྐྱེ་རྒུའི་ལེགས་བྱས་སོགས། གུ་རུ་སིདྡྷིའི་རྣམ་བཤད་ཀུ་མུ་ཏའི་ཕྲེང་བ། བཤེས་གཉེན་བརྟེན་ཚུལ་གྱི་མདོ་ཆིང་ཚིགས་བཅད་དུ་ཕབ་པ་དད་པའི་པདྨ་རྒྱས་པའི་ཉིན་བྱེད། ཐོས་བསམ་སྒོམ་ལ་བསྐུལ་བའི་གཏམ་བླ་མ་འཇམ་པའི་དབྱངས་ལ་སོགས། ནགས་ཀྱི་གཏམ་པདྨ་དཀར་པོ། བདེན་གཉིས་ཀྱི་རྣམ་པར་བཞག་པ་དོན་བཟང་མེ་ཏོག་རྒྱས་པའི་ལྗོན་ཤིང་། མཆོད་པའི་གཏམ་ཤིན་ཏུ་ཉུང་ངུ་མེ་ཏོག་གི་སྒྲོམ། དཔེན་པར་བསྐུལ་བའི་གཏམ་ཏིང་འཛིན་ཞི་བའི་ཤིང་རྟ། རྟེན་འབྲེལ་སྙིང་པོའི་བརྗོད་བྱ་རྟེན་འབྲེལ་ཆུ་ཡི་ཟླ་བ་སོགས། རིགས་པར་སྨྲ་བ་རྣམས་ལ་འབེལ་བའི་（84བ）གཏམ་ཡོངས་ཀྱི་དགེ་བའི་བཤེས་གཉེན་སོགས། མཆོག་གསུམ་ལ་བསྟོད་པའི་ཚིག་ཚངས་དབང་ཕྲག་ཁྲིག་བྱེ་བའི་སོགས། གཉིད་ཀྱི་སྐྱོན་སེལ་བ་གཉིད་ཐུན་གཅིག་ལ་ཉེས་བརྒྱའི་སྣང་བ་སོགས། འདོད་པའི་ཡོན་ཏན་རྒྱན་དུ་རོལ་པར་གསུངས་པའི་དོན་ཅུང་ཟད་བཀྲལ་བ་གསང་སྔགས་ཀྱི་གཞུང་དུ་སོགས། བསང་གི་དམིགས་པ་ཚིག་ཉུང་དོན་བསྡུས་ན་མོ་གུ་རུ་པདྨ་ཀཱ་ར་སོགས། འཆི་ཁ་མའི་མན་ངག་འཆི་རན་དུས་ཀྱི་སོགས། སྨྱོ་འབོགས་སེལ་ཐབས་དང་བཅས་པ་བསྡུས་ཏེ་བཤད་པའི་ཡིག་ཆུང་ཉུང་ངུ་སྨྱོ་བརྗེད་ཤ་ཟའི་གཤེད་མ། གུག་ནར་ཞབས་འགྲེང་མེད་པའི་ཨ་ཡིག་ངེས་པ་དང་སྦྱར་བའི་སྨྱོ་གཏམ་གཡོས་བླུག་མ། ཡི་གེའི་རྣམ་དབྱེའི་བཤད་པ་ཡི་གེའི་འཇུག་པ་གཅིག་ཀྱང་སོགས། རང་དང་གཞན་ལ་དགོངས་ངེས་ཀྱི་དགྲ་ཐབས་འདུན་གྲོས་སུ་གླེང་བ་སྒྱུ་མའི་སྒྲུང་རབས། བདེན་བཞིའི་རྣམ་བཞག་སྙིང་པོར་དྲིལ་བ་ཐར་འདོད་ཡོངས་ཀྱི་འཇུག་ངོགས། རྡོར་དྲིལ་གྱི་བཤད་པ་འདིར་སྔགས་པ་རྣམས་ཀྱིས་སོགས། དྲིས་ལན་འདོད་ར་མ་ཡོན་ཏན་འདོད་ན་སོགས། དུས་རིམ་ལྷག་（85ན）པའི་ཞལ་གདམས་བདེ་སྐྱིད་བཀྲ་ཤིས་འབྱུང་བའི་གཞི་སོགས། བརྗེད་ཐོ་སྣ་ཚོགས་ཀྱི་སྐོར་ལ། བྱིན་རླབས་ཀྱི་རྩ་བ་བླ་མ་ཡིན་པས་སོགས་ནང་གསེས་ཚན་པ་བཅོ་ལྔ། ཆོས་ཤུལ་བླ་མ་མཐུ་དཔལ་ལ་གདམས་པ་བླ་མ་ལ་ཕྱག་འཚལ་སོགས། ཟབ་མོ་རྣོ་མཐོང་གི་མན་ངག་ཟླ་ཤེལ་ནོར་བུའི་མེ་ལོང་། གནོད་སྦྱིན་ཆེན་པོ་ཙིཏྟ་དམར་པོ་ལ་བསྟོད་པ་བདུད་ལས་རྣམ་པར་རྒྱལ་བའི་རུ་མཚོན། བཙན་གྱི་མངའ་གསོལ་བ་ཅན་གྱི་ཞགས་པ་དམར་པོ་སོགས། འབྲོང་རིའི་གནས་སུ་འཛམ་གླིང་གི་གཞི་བདག་ལ་མཆོད་པ་བྱ་ཚུལ་ཉུང་ངུ་ཀུན་ཏུ་དགེ་བའི་རྔ་སྒྲ། རྡོ་བསང་གཏོང་ཚུལ་ཉམས་དགའ་བྱིས་པའི་རྩེད་མོ་རྡོ་ཡུལ་དགའ་བའི་རྒྱན། འབྲོང་རིའི་ཕྲིན་བཅོལ་ཀྱེ་དགོངས་ཤིག་སྤྱན་རས་གཟིགས་དབང་སོགས། རྔོན་རྒྱ་བསྡམ་ཚུལ་ཁྱད་པར་དུ་ཡང་བདག་ཅག་གནས་པའི་སོགས། གནོད་སྦྱིན་ཡང་ལེ་བེར་གྱི་བསང་མཆོད་མདོར་བསྡུས། དཔལ་ལྡན་སྔགས་ཀྱི་སྲུང་མ་ལ་བསྟོད་ཅིང་ཕྲིན་ལས་བཅོལ་བའི་རིམ་པ་བདུད་ལས་རྣམ་པར་རྒྱལ་བའི་རྔ་སྒྲ། དུར་ཁྲོད་ལྷ་མོ་ལ་བསྟོད་པ་（85བ）གནོད་སྦྱིན་ཀུན་ཏུ་དགའ་བའི་དབྱངས། དཀོར་སྲུང་དུར་ཁྲོད་ལྷ་མོའི་མངའ་གསོལ་ཡིད་བཞིན་འཕྲུལ་གྱི་ལྕགས་ཀྱུ། ཚེ་རིང་མཆེད་ལྔའི་མངའ་གསོལ་ཕན་བདེའི་ཕོ་ཉ། ཤན་པ་སྲོག་སྒྲུབ་མའི་མཆོད་སྐོང་གི་ཆོ་ག་ཤིན་ཏུ་བསྡུས་པ། གཞི་བདག་ལ་གཏོར་མ་འབུལ་བ་ཀྱེ་རང་བཞིན་ཀ་དག་སྤྲོས་བྲལ་སོགས། མགོན་པོ་ལེགས་ལྡན་གྱི་མངའ་གསོལ་ཧཱུྃ། མི་འགྱུར་བདེ་ཆེན་སོགས། མ་མོའི་འཁྲུགས་སྐོང་ཉེར་བསྡུས་བྷྱོཿ བདེ་ཆེན་སྒྱུ་མའི་སོགས། དབང་ཕྱུག་ཕུད་མཆོད་ཀྱི་ཚིག་ཕྲེང་འདོད་དོན་ཆར་རྒྱུན་འཇོ་བའི་དབྱར་རྔ་བཅས། གླེགས་བམ་མཐའ་མ། ཧཱུྃ༼ ལ། རྣམ་བཤད་སོགས་ཀྱི་སྐོར་ལ། དཔལ་ཡེ་ཤེས་ཡོན་ཏན་བཟང་པོའི་བསྟོད་པའི་དོན་རྣམ་པར་འགྲེལ་པ་ལེགས་པར་བཤད་པའི་གན་མཛོད། ཐེག་པ་ཆེན་པོའི་མན་ངག་གི་བསྟན་བཅོས་རྒྱལ་བའི་སྲས་ཀྱི་བསླབ་བྱ་མདོར་བསྡུས་ཉམས་ལེན་སྙིང་པོ་ཞེས་བྱ་བའི་གཞུང་དོན་བསྡུས་ཤིང་གོ་སླ་བའི་ཚུལ་གྱིས་རྣམ་པར་འགྲེལ་པ། བྱང་ཆུབ་སེམས་དཔའི་གཟུངས་ཀྱི་རྒྱན་རྣམ་པར་བཤད་པ་རྒྱལ་ཡུམ་ལུས་བཟང་མཛེས་བྱེད་ལེགས་བཤད་ཕྲེང་བ། བདེ་བ་ཅན་（86ན）གྱི་ཞིང་ལས་བརྩམས་པའི་གཏམ་དགེ་བའི་ལོ་ཏོག་སྤེལ་བྱེད་དབྱར་སྐྱེས་སྤྲིན་ཆེན་གླལ་བའི་སྒྲ་དབྱངས། ལས་འཕྲོ་གཏེར་བརྒྱུད་ཀྱི་རྣམ་བཤད་ཉུང་གསལ་ངོ་མཚར་རྒྱ་མཚོ། རྡོ་རྗེ་སེམས་དཔའི་སྒྱུ་འཕྲུལ་དྲྭ་བའི་རྒྱུད་ཀྱི་སྤྱི་དོན་ངག་འགྲོས་སུ་བཀོད་པ་ལེགས་པར་བཤད་པའི་དགའ་སྟོན། དཔལ་གསང་བའི་སྙིང་པོའི་རྒྱུད་ཀྱི་སྤྱི་དོན་ཉུང་ངུའི་ངག་གིས་རྣམ་པར་འབྱེད་པ་རིན་ཆེན་མཛོད་ཀྱི་ལྡེ་མིག །གཙུག་ལག་ཁང་ཕྱག་དར་གྱི་གཏམ་བསོད་ནམས་སྤྲིན་གྱི་རྔ་སྒྲ། མེ་ཏོག་ཕུལ་བའི་ཕན་ཡོན་བླ་མ་སངས་རྒྱས་ལ་ཕྱག་འཚལ་ལོ་སོགས། ལོ་གསར་སྟོན་བཤད་སོགས་གཏམ་ལབ་ཕྲན་ཚེགས་བསྡུས་པ་འདུ་ཤེས་པིར་གྱིས་བྲིས་པའི་སྣ་ཚོགས་རི་མོ། འཇམ་དཔལ་ཡེ་ཤེས་སེམས་དཔའི་མཚན་དོན་འགྲེལ་པ་ཀ་དག་དྲི་མེད་སོགས། སྙིང་ཐིག་དངོས་གཞིའི་ཁྲིད་ཡིག་ཆེན་མོར་མུ་བཞི་རྩི་ཚུལ། ཧོར་པ་འོད་ཟེར་ལ་གནང་བའི་སེམས་རིག་ཤན་འབྱེད་ཀྱི་དྲིས་ལན། དཔལ་ལྡན་བླ་མ་དམ་པ་ལ་བསྟོད་པ་དང་། དམ་ཆོས་སྡེ་ཤོག་སྡེ་བརྒྱད་པའི་ཆོས་འབྱུང་གི་རྩ་ཐོ་དང་། སྔ་འགྱུར་རྣལ་（86ན）འབྱོར་ཆེན་པོའི་ཐུན་མོང་མ་ཡིན་པའི་དབང་གི་ཆུ་བོ་བཞིའི་རྣམ་བཤད་རྣམས་གཞི་མཐུན་པར་སྦྱར་བ་དགེ་ལེགས་རྒྱ་མཚོའི་རོལ་མོ། ནག་པོ་ཆེན་པོའི་མན་ངག་སྙན་བརྒྱུད་ལུང་གི་སྙིང་པོའི་དོན་ཅུང་ཟད་བཤད་པ་བདུད་དཔུང་ཕྱེར་འཐག་རྡོ་རྗེ་འབར་བའི་འཕྲུལ་འཁོར་བཅས་སོ། །གཞན་ཡང་གསུང་ཐོར་བུའི་སྐོར་ཇི་སྙེད་ཅིག་བཞུགས་པར་མངོན་ཀྱང་འདིར་དཔེ་ལུང་གི་རྒྱུན་ལག་ཏུ་འབྱོར་བ་ནི་དེ་ཙམ་མོ། །དེ་ལྟར་ཐོབ་པའི་བརྒྱུད་པ་ནི། མཛད་པ་པོ་རྗེ་ཉིད་ནས། མཁན་ཆེན་ཀུན་དགའ་བློ་གྲོས། རྡོ་གྲུབ་མཆོག་སྤྲུལ་ཐུབ་བསྟན་ཕྲིན་ལས་དཔལ་འབར། དེས་བདག་འཇིགས་བྲལ་ཡེ་ཤེས་རྡོ་རྗེ་ལའོ། །ཡང་གསང་སྙིང་སྤྱི་དོན་མཛོད་ལྡེའི་ཁྲིད་ལུང་གི་བརྒྱུད་པ་གཅིག་ནི། མཛད་པ་པོ་ནས། མཁན་འཇིགས་མེད་འོད་ཟེར། བྱང་སྤྲུལ་དོན་གྲུབ་རྡོ་རྗེ། ཀཿཐོག་ཕྱག་སྤྲུལ་པདྨ་ཕྲིན་ལས་རྒྱ་མཚོ། དེས་བདག་ལའོ། །ཡང་ན་མཛད་པ་པོ་ནས། མཁན་ཀུན་དགའ་བློ་གྲོས་མན་གོང་གི་ལུང་རྒྱུན་ལྟར་རོ།། །། （87ན）སྨན་གྱི་མོ་པྲ་མདོར་བསྡུས་ནད་ཀུན་སེལ་བྱེད་དང་། རྡོ་ཐོ་ལེ་སྐོར་གྱི་སྨན་མདོའི་སྒྲུབ་ཐབས་དངོས་གྲུབ་ཆར་འབེབས་བཅས་ཐོབ་པའི་ལུང་བརྒྱུད་ནི། མཛད་པ་པོ་འཇིགས་མེད་ཐུབ་བསྟན་རྣམ་རྒྱལ་ནས། སྨན་རྒྱལ་རྣམ་འཕྲུལ་གཏེར་སྲས་པདྨ་ཚེ་དབང་། གསོ་རིག་པ་ཁྲོ་རྒྱལ་རྡོ་རྗེ། དེས་བདག་ཛྙཱ་ན་ལའོ།། །།