DJYD-KABUM-10-THA-008

Previous Text Back to Volume PageNext Text

Wylie title	rdo rje phur pa'i tshogs mchod grangs gsog nyer bsdus
Location	bdud 'joms rin po che'i bka' 'bum Volume 10, Text 8, Pages 177-178 (Folios 1a1 to 1b6)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Rdo rje phur pa'i tshogs mchod grangs gsog nyer bsdus. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 10: 177-178. Kalimpong: Dupjung Lama, 1979-1985.
Side notes	Recto: tshogs bsdus   Verso: gnam lcags spu gri
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Feast Offering - tshogs mchod - tshogs kyi 'khor lo
Cycle	དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲི་ (dpal rdo rje phur bu bdud 'joms gnam lcags spu gri)
Parent Cycle	ཐུགས་སྒྲུབ་གསང་བ་རྒྱ་ཅན་ (thugs sgrub gsang ba rgya can)
Deity	rdo rje phur pa
Colophon	།ཞེས་པའང་གཏེར་གཞུང་གོང་འོག་ལས་བཏུས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ། །ཤུ་བྷཾ།
	zhes pa'ang gter gzhung gong 'og las btus pa ste 'jigs bral ye shes rdo rjes so/ /shu b+haM/

Tibetan Text

[edit]

༄༅། །རྡོ་རྗེ་ཕུར་པའི་ཚོགས་མཆོད་གྲངས་གསོག་ཉེར་བསྡུས་ལ། ཚོགས་བྱིན་གྱིས་བརླབ་པ་ནི། རཾ་ཡཾ་ཁཾ༔ རྣམ་རྟོག་མཚན་མའི་བག་ཆགས་སྦྱངས༔ དག་པར་རབ་འབྱམས་མཆོད་པའི་སྤྲིན༔ བདེ་སྟོང་ཡེ་ཤེས་བདུད་རྩིའི་དངོས༔ རྣམ་པ་ཚོགས་ཀྱི་རོལ་པར་ཤར་༔ ཨོཾ་ཨཱཿཧཱུཾ༔ ཧ་ཧོ་ཧྲཱིཿ ཚོགས་ཞིང་སྤྱན་འདྲེན་པ་ནི། ཧཱུཾ༔ བླ་མ་རིག་འཛིན་ཡི་དམ་མཁའ་འགྲོའི་ཚོགས༔ སྲིད་པ་རྡོ་རྗེ་ཕུར་བུ་བསྒྲུབ་པ་དང་༔ དབང་དང་དངོས་གྲུབ་མ་ལུས་བླང་བའི་ཕྱིར༔ ཡེ་ཤེས་ཚོགས་ལ་སྤྱན་འདྲེན་གཤེགས་སུ་གསོལ༔ བཛྲ་ས་མ་ཛ་ཛ༔ ཚོགས་ཕུད་འབུལ་བ་ནི། ཧཱུཾ༔ རྩ་བརྒྱུད་བླ་མ་རིག་འཛིན་རྒྱ་མཚོ་དང་༔ ཡི་དམ་དཀྱིལ་འཁོར་ལྷ་ཚོགས་མ་ལུས་ལ༔ ཞལ་ཟས་ཚོགས་ཀྱི་མཆོད་པ་དམ་པ་འབུལ༔ གཟི་བྱིན་དབང་དང་དངོས་གྲུབ་བསྩལ་དུ་གསོལ༔ མ་ཧཱ་ག་ཎ་ཙཀྲ་པཱུ་ཛ་ཧོཿ བསྐང་བ་ནི། ཧཱུཾ༔ དུར་ཁྲོད་གསང་བ་མ་ཆོག་གི་དཀྱིལ་འཁོར་འདིར༔ གསང་བའི་དཀྱིལ་འཁོར་གཞུང་བཞིན་བཤམས་ནས་ཀྱང་༔ སྒྲུབ་རྫས་གཉན་པོ་ཚུལ་བཞིན་བཀྲམ་ལགས་ན༔ བླ་མ་ཡི་དམ་མཁའ་འགྲོ་ཆོས་སྐྱོང་སོགས༔ དཔལ་ཆེན་ལྷ་ཚོགས་ཐུགས་དམ་གཉན་བསྐངས་ཏེ༔ རྣལ་འབྱོར་བདག་གི་གཡར་དམ་སོར་སྩོལ་ཅིག༔ ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ༔ བར་པ་བཤགས་པ་ནི། ཧཱུཾ༔ བླ་མ་ཡི་དམ་མཁའ་འགྲོའི་དཀྱིལ་འཁོར་དུ༔ ཉེས་བྱས་ཉམས་ཆག་རྟོག་སྒྲིབ་བག་ཆགས་དང་༔ འགལ་འཁྲུལ་ནོངས་པ་ཅི་མཆིས་མ་ལུས་པ༔ ཞལ་ཟས་ཚོགས་ཀྱིས་བསྐང་ཞིང་བཤགས་པར་བགྱི༔ བཛྲ་ས་མ་ཡ་ཤུདྡྷེ་ཨ༔ ཐ་མ་བསྒྲལ་བསྟབ་ནི། ནྲྀ་ཏྲི་བཛྲ་ཨཾ་ཀུ་ཤ་ཛཿ ཛཿཧཱུཾ་བཾ་ཧོཿ ཧཱུཾ༔ གཞོམ་བྲལ་ཐོགས་མེད་རྡོ་རྗེ་ཕུར་པ་སྟེ༔ བརྟན་བརྗིད་རི་རབ་ཡིན་ཀྱང་རྡུལ་དུ་བརླག༔ རྡོ་རྗེ་ཕུར་པའི་མཚོན་གྱི་ཆར་ཕབ་ནསཿ དམ་ཉམས་དགྲ་བགེགས་གཟུགས་ཕུང་རྡུལ་དུ་རློག༔ སརྦ་བིགྷྣཱན་ཤ་ཏྲུཾ་མཱ་ར་ཡ་རྦད༔ ཧཱུཾ༔ དཔལ་ཆེན་ཕྲིན་ལས་མངའ་བདག་ཧེ་རུ་ཀ༔ རྡོ་རྗེ་གཞོན་ནུའི་ལྷ་ཚོགས་ཞལ་ཕྱེས་ཤིག༔ དགྲ་བགེགས་བྱད་མ་བསྒྲལ་བའི་ལྔ་ཕུང་འདི༔ ཞལ་དུ་བསྟབ་བོ་བཞེས་ཤིག་ཁ་རཾ་ཁཱ་ཧི༔ བཛྲ་ཡཀྵ་ཀྲོ་དྷ་བི་ཛ་ཡ་ཁ་ཁ་ཁཱ་ཧི་ཁཱ་ཧི༔ ལྷག་མ་གཏོང་བ་ནི། ཨོཾ་ཨཱཿཧཱུཾ༔ བྷྱོ༔ བྲན་དང་བཀའ་ཉན་ལས་བྱེད་ཕོ་ཉའི་ཚོགས༔ ཁྱེད་རྣམས་དམ་ཚིག་ཐུགས་དམ་དུས་ལ་བབ༔ བཀའ་ཡི་ཕམ་ཕབ་ལྷག་གཏོར་འདི་བཞེས་ལ༔ སྔོན་ཆད་ཇི་ལྟར་ཁས་བླངས་དམ་བཅས་པའི༔ མངོན་སྤྱོད་དྲག་པོའི་ཕྲིན་ལས་མྱུར་འགྲུབ་མཛོད༔ མ་མ་ཧྲཱིཾ་ཧྲཱིཾ་བ་ལིཾ་ཏ་ཁཱ་ཧི༔ ཞེས་བསྔོ། ཧེ་རུ་ཀ་དཔལ་གྲོང་ཁྱེར་དུ། སོགས་ཀྱིས་སྨོན་ལམ་བྱའོ། །ཞེས་པའང་གཏེར་གཞུང་གོང་འོག་ལས་བཏུས་པ་སྟེ་འཇིགས་བྲལ་ཡེ་ཤེས་རྡོ་རྗེས་སོ། ། ཤུ་བྷཾ།། །།