དག་སྣང་ཡེ་ཤེས་དྲྭ་བ་ལས༔ བདེ་ཆེན་ཞིང་གི་སྨོན་ལམ་ཐར་བའི་གྲོང་འཇུག༔

Previous Text Back to Volume PageNext Text

Wylie title	dag snang ye shes drwa ba las: bde chen zhing gi smon lam thar ba'i grong 'jug:
Location	bdud 'joms gling pa zab gter Volume 16, Text 23, Pages 77-78 (Folios 1a1 to 1b1)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Dag snang ye shes drwa ba las bde chen zhing gi smon lam thar ba'i grong 'jug. In Sprul pa'i gter chen bdud 'joms gling pa'i zab gter gsang ba'i chos sde, Vol. 16: 77-78. Thimphu, Bhutan: Lama Kuenzang Wangdue, 2004.
Side notes	Recto: bde smon   Verso: bdud 'joms zab gter
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Prayers - smon lam
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)
Colophon	ཅེས་པ་འདི་ཡང་ངག་ཕྲིན་གྱིས་བསྐུལ་ངོར་བདུད་འཇོམས་པས་སོ། །དགེའོ། །དགེའོ། །དགེའོ།།
	ces pa 'di yang ngag phrin gyis bskul ngor bdud 'joms pas so/_/dge'o/_/dge'o/_/dge'o//

Tibetan Text

[edit]

༁ྃ༔ དག་སྣང་ཡེ་ཤེས་དྲྭ་བ་ལས༔ བདེ་ཆེན་ཞིང་གི་སྨོན་ལམ་ཐར་བའི་གྲོང་འཇུག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ འོད་དཔག་མེད་མགོན་ཡིད་བྱེད་པའི༔ གནད་དང་ལྡན་པས་འདི་བརྗོད་བྱ༔ མགོན་པོ་འོད་དཔག་མེད་ལ་ཕྱག་འཚལ་ལོ༔ ཆོས་སྐུ་སྣང་མཐའ་ལོངས་སྐུ་ཚེ་དཔག་མེད༔ མཁྱེན་བརྩེ་ནུས་པའི་བདག་ཉིད་རིན་པོ་ཆེ༔ འཇམ་དབྱངས་སྤྱན་རས་གཟིགས་དང་མཐུ་ཆེན་ཐོབ༔ ཉེ་བའི་སྲས་མཆོག་བརྒྱད་དང་བཅས་པ་ལ༔ བཟོད་མེད་གདུང་ཤུགས་དྲག་པོས་གསོལ་བ་འདེབས༔ སྒོ་གསུམ་གུས་པས་ཕྱག་འཚལ་སྐྱབས་སུ་མཆི༔ ཚེ་རབས་འདི་དང་ཚེ་རྒྱུད་ཐམས་ཅད་དུ༔ སྐད་ཅིག་མི་འབྲལ་རྗེས་སུ་བཟུང་དུ་གསོལ༔ ནམ་ཞིག་ཚེ་འདིའི་སྣང་བ་ནུབ་པའི་ཚེ༔ སྐྱེ་བ་གཞན་གྱིས་བར་མ་ཆོད་པ་རུ༔ བདེ་ཆེན་དག་པའི་ཞིང་དེར་སྐྱེ་བར་ཤོག༔ བཟང་ངན་ལས་ཀྱིས་འབྲེལ་བའི་སྐྱེ་བོ་ཀུན༔ རྒྱུ་འབྲས་ངན་པའི་དབང་དུ་མི་བཏང་བར༔ བདེ་བ་ཅན་གྱི་ཞིང་དུ་འདྲེན་པར་ཤོག༔ སྐྱབས་གནས་དཀོན་མཆོག་གསུམ་གྱི་བདེན་པ་དང་༔ རྟེན་འབྲེལ་བསླུ་བ་མེད་པའི་སྟོབས་ཤུགས་ཀྱིས༔ སྨོན་ལམ་བཏབ་པ་དེ་རྣམས་འགྲུབ་གྱུར་ཅིག༔ དེ་ལྟར་རྩེ་གཅིག་གསོལ་བཏབ་སྨོན་ལམ་མཐུ༔ གང་གིས་བརྗོད་པས་བདེ་ཆེན་ཞིང་ཁམས་སུ༔ སྐྱེ་བར་འགྱུར་བ་ཡེ་ཤེས་མཁའ་འགྲོའི་བཀའ༔ ས་མ་ཡ༔ བརྡ་ཐིམ༔ ཅེས་པ་འདི་ཡང་ངག་ཕྲིན་གྱིས་བསྐུལ་ངོར་བདུད་འཇོམས་པས་སོ། །དགེའོ། །དགེའོ། །དགེའོ།།