ཞབས་བརྟན་གསོལ་འདེབས་གདོད་ནས་ཡེ་སངས་རྒྱས་པ་སོགས་དང་བསླུ་མེད་མཆོག་གསུམ་སོགས་བཅས།

Previous Text Back to Volume PageNext Text

Wylie title	zhabs brtan gsol 'debs gdod nas ye sangs rgyas pa sogs dang bslu med mchog gsum sogs bcas
Location	bdud 'joms gling pa zab gter Volume 14, Text 71, Pages 455 (Folios 1a1 to 1a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zhabs brtan gsol 'debs gdod nas ye sangs rgyas pa sogs dang bslu med mchog gsum sogs bcas. In Sprul pa'i gter chen bdud 'joms gling pa'i zab gter gsang ba'i chos sde, Vol. 14: 455. Thimphu, Bhutan: Lama Kuenzang Wangdue, 2004.
Side notes	Recto: zhabs brtan
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Prayers for Long Life - zhabs brtan gsol 'debs
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)
Colophon	First colophon: ཅེས་བསོད་ནམས་མཆོག་གྲུབ་དང་ཨོ་རྒྱན་བསྲུང་གཉིས་ཀྱི་ངོར་བདུད་འཇོམས་པས་སོ།། Second colophon: ཅེས་འཇིགས་མེད་ཡེ་ཤེས་དར་རྒྱས་ཀྱི་ངོར་རིག་འཛིན་ཆེན་པོ་བདུད་འཇོམས་རྡོ་རྗེས་བྲིས་པ་དགེའོ། །མངྒ་ལཾ།།
	First colophon: ces bsod nams mchog grub dang o rgyan bsrung gnyis kyi ngor bdud 'joms pas so// Second colophon: ces 'jigs med ye shes dar rgyas kyi ngor rig 'dzin chen po bdud 'joms rdo rjes bris pa dge'o/_/mang+ga laM//

Tibetan Text

[edit]

༄༅།།སྭསྟི༔ གདོད་ནས་ཡེ་སངས་རྒྱས་པ་ཆོས་ཀྱི་སྐུ༔ ལྷུན་གྲུབ་ལོངས་སྤྱོད་རྫོགས་སྐུ་ལམ་གྱི་མཆོག༔ གང་འདུལ་སྤྲུལ་པའི་རོལ་གར་ཚོགས་ཀྱི་མཆོག༔ མཆོག་གསུམ་ངོ་བོ་བླ་མའི་ཞབས་བརྟན་ཤོག༔ བརྒྱུད་གསུམ་བླ་མའི་ཆུ་བོ་འདུས་པའི་མཚོ༔ ཡི་དམ་རྒྱུད་སྡེ་དཀྱིལ་འཁོར་ཐུགས་ལ་རྫོགས༔ འཁོར་འདས་སྟོང་ཆེན་མཁའ་འགྲོ་ཡུམ་གྱི་ཀློང་༔ རྩ་གསུམ་ངོ་བོ་བླ་མའི་ཞབས་བརྟན་ཅིང་༔ མཛད་པ་ཕྲིན་ལས་ཕྱོགས་མཐར་དར་རྒྱས་ནས༔ སྲིད་མཚོར་དུབ་པའི་སྐྱེ་འགྲོ་དབུགས་དབྱུང་སྟེ༔ མཐར་ཐུག་སྟོན་འཁོར་དབྱེར་མེད་རོལ་པ་རུ༔ ཀུན་ཏུ་འོད་ཀྱི་ས་ལ་ཕྱིན་པར་ཤོག༔ ཅེས་བསོད་ནམས་མཆོག་གྲུབ་དང་ཨོ་རྒྱན་བསྲུང་གཉིས་ཀྱི་ངོར་བདུད་འཇོམས་པས་སོ།། །། ༄༅༔ ཨོཾ་སྭསྟི༔ བསླུ་མེད་མཆོག་གསུམ་བདེན་པའི་བྱིན་རླབས་དང་༔ རྟེན་འབྲེལ་བསླུ་བ་མེད་པའི་བདེན་སྟོབས་ཀྱིས༔ རིག་འཛིན་འཇིགས་མེད་མི་བསྐྱོད་རྡོ་རྗེ་ཡི༔ ཞབས་པད་རྡོ་རྗེའི་ཁྲི་ལ་རྟག་བརྟན་ནས༔ མཛད་པ་ཕྲིན་ལས་ནུབ་མེད་འཕེལ་རྒྱས་ཤོག༔ མཐར་ཐུག་སྟོན་འཁོར་དབྱེར་མེད་རོལ་པ་རུ༔ འཇའ་ལུས་འཕོ་བ་ཆེན་པོར་སངས་རྒྱས་ཤོག༔ ཅེས་འཇིགས་མེད་ཡེ་ཤེས་དར་རྒྱས་ཀྱི་ངོར་རིག་འཛིན་ཆེན་པོ་བདུད་འཇོམས་རྡོ་རྗེས་བྲིས་པ་དགེའོ། །མངྒ་ལཾ།། །།