TTDL-ZABTER-12-NA-039

{{Text |classification=Tibetan Publications |subclass=Tibetan Texts |collectiontitle=bdud 'joms gling pa zab gter |collectiontitletib=བདུད་འཇོམས་གླིང་པ་ཟབ་གཏེར། |totalvolumes=21 |author=bdud 'joms gling pa |authortib=བདུད་འཇོམས་གླིང་པ་ |citation=Khrag 'thung [[Bdud 'joms gling pa]. Sprul pa'i gter chen bdud 'joms gling pa'i zab gter gsang ba'i chos sde, Vol. : . Thimphu, Bhutan: Lama Kuenzang Wangdue, 2004. |language=Tibetan |pagestatus=Temporary stub only |volumenumber=12 |volumeLetter=NA |textnuminvol=039 |pdflink=File:TTDL-ZABTER-12-NA-039.pdf |InitCategories=Dudjom Tersar Project; TTDL-ZABTER-Volume-12-NA }}

[edit]

༠༠༠༠༠བརྡ་ཡིག༢༣༡ཆོས་ཉིད་ནམ་མཁའི་ཀློང་མཛོད་ལས༔ བླ་མའི་གསོལ་འདེབས་དབང་བཞིའི་ཆུ་རྒྱུན་བཞུགས༔ ༠༠༠༠༠བརྡ་ཡིག༢༣༡ན་མོ་གུ་རུ་པདྨ་ཀ་ར་ཡེ༔ བསྒྲུབ་དང་དཀྱིལ་འཁོར་ཐམས་ཅད་ཀྱི༔ བགེགས་དང་བར་ཆད་སེལ་བ་དང་༔ དབང་བྱིན་དངོས་གྲུབ་འབྱུང་བའི་ཕྱིར༔ ཐོག་མར་རྣམ་གསུམ་དད་པའི་སྒོ༔ གསོལ་འདེབས་རིམ་བཞིན་ཐུགས་ཡིད་བསྲེ༔ ན་མོ༔ ཀ་དག་ཆོས་སྐུའི་སྟོན་པ་ཀུན་ཏུ་བཟང་༔ ལྷུན་གྲུབ་ལོངས་སྐུ་རིགས་ལྔ་གངས་ཆེན་མཚོ༔ སྤྲུལ་པའི་སྐུ་མཆོག་རིགས་གསུམ་འགྲོ་བའི་མགོན༔ གསོལ་བ་འདེབས་སོ་བདག་རྒྱུད་སྨིན་གྲོལ་ནས༔ སྐུ་གསུམ་ལྷུན་གྲུབ་རང་ཞལ་མངོན་གྱུར་ཤོག༔ ཨོ་རྒྱན་འགྲོ་བའི་མགོན་པོ་པདྨ་འབྱུང༔ རྒྱལ་བའི་ཡུམ་མཆོག་བདེ་ཆེན་མཚོ་རྒྱལ་མ༔ རྗེ་འབངས་རིག་འཛིན་ཚོགས་ཀྱི་ཚོམ་བུ་ལ༔ གསོལ་བ་འདེབས་སོ་བདག་རྒྱུད་སྨིན་གྲོལ་ནས༔ དངོས་གྲུབ་རྣམ་གཉིས་མྱུར་དུ་ཐོབ་པར་ཤོག༔ བརྒྱུད་གསུམ་ཆུ་བོ་གཅིག་རྫོགས་བླ་མ་དང་༔ རྩ་གསུམ་དཔའ་བོ་མཁའ་འགྲོ་ཆོས་སྐྱོང་ལ༔ གསོལ་བ་འདེབས་སོ་མ་དག་སྒོ་གསུམ་པོ༔ དག་པ་རྡོ་རྗེ་གསུམ་དུ་སྨིན་གྲོལ་ཤོག༔ ཁྲེགས་ཆོད་ཆོས་ཉིད་བདེན་པ་མངོན་མཐོང་ཞིང་༔ ཐོད་རྒལ་སྣང་བཞིའི་ཉམས་ལེན་མཐར་སོན་ནས༔ ཀ་དག་གཞོན་ནུ་བུམ་སྐུར་བྱང་ཆུབ་ཤོག༔ རྣམ་གསུམ་དད་པའི་གསོལ་འདེབས་འདིར་བརྩོན་ན༔ ཡང་དག་ལམ་མཆོག་གེགས་མེད་བསྒྲོད་འགྱུར་རོ༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ ཞེས་པ་འདི་འབྱུང་གནས་དང་རིག་ལོ་གཉིས་ཀྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་ནམ་མཁའི་མཛོད་ལས་བསྒྱུར་བ་ཐོག་མཐའ་བར་གསུམ་ཀུན་ཏུ་དགེ་བར་གྱུར་ཅིག།།