TTDL-ZABTER-18-TSHA-087

Previous Text Back to Volume Page Next Text

Wylie title
Location	bdud 'joms gling pa zab gter Volume 18, Text 87, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Sprul pa'i gter chen bdud 'joms gling pa'i zab gter gsang ba'i chos sde, Vol. : . Thimphu, Bhutan: Lama Kuenzang Wangdue, 2004.
Side notes
More details More details
Genre

[edit]

རྗེ་དགུ་ལྡན་བླ་མས་རྟག་ཏུ་སྐྱོངས། །ཚེ་ཆོས་ལ་དྲིལ་བའི་དགེ་བཙུན་མ། །ཡུལ་སྣང་ཞིང་སྲིད་པའི་ཆོས་སོ་ཅོག།གཞི་སྟོང་ཉིད་ནམ་མཁའི་ཆོ་འཕྲུལ་ཏེ། །ཚུལ་ཇི་བཞིན་རྟོགས་པ་ལྟ་བ་ལགས། །ངང་མངོན་བྱེད་སྒོམ་པ་ཟབ་མོ་ལགས། །གཞི་ཁྲེགས་ཆོད་ལྟ་སྒོམ་གནད་གཅིག་ཡིན། །དཔལ་དུས་གསུམ་རྒྱལ་བའི་དགོངས་བཅུད་མཆོག།མ་མཁའ་འགྲོ་རྣམས་ཀྱི་སྙིང་ཁྲག་སྟེ། །བཀའ་ཆོས་སྐྱོང་སྲུང་མའི་སྲོག་རྩ་ནི། །ཟབ་རྒྱ་ཡི་ཡང་ཟབ་ཐོད་རྒལ་ལམ། །སྙིང་ཙིཏྟ་ཤ་ཡི་སྒྲོན་མ་དང་། །རྩ་ཀ་ཏི་ཤེལ་གྱི་སྦུ་གུ་ཅན། །མིག་རྒྱང་ཞགས་ཆུ་ཡི་སྒྲོན་མ་སྟེ། །ཕྱི་སྣོད་ཀྱི་སྒྲོན་མ་རྣམ་གསུམ་ལགས། །དབྱིངས་རྣམ་པར་དག་པའི་སྒྲོན་མ་དང་། །བཅུད་ཐིག་ལེ་སྟོང་པའི་སྒྲོན་མ་དང་། །གཞི་ཤེས་རབ་རང་བྱུང་སྒྲོན་མ་རྣམས། །ནང་བཅུད་ཀྱི་སྒྲོན་མ་རྣམ་གསུམ་ལགས། །དོན་གཅིག་དྲིལ་ཀློང་གྱུར་ཆེན་པོ་རུ། །དུས་རྒྱུན་ཆད་མེད་པར་འཇོག་མཁས་ན། །ཚེ་འདི་ལས་གཞན་དུ་མི་བརྒྱུད་པར། །གནས་རང་སྣང་དོན་གྱི་འོག་མིན་དུ། །ཁྱོད་མངོན་འཚང་རྒྱ་འོ་དགེ་བཙུན་མ། །དེ་པདྨ་འདམ་གྱིས་མ་གོས་ལྟར། །ཁྱོད་སྲིད་པའི་རྐྱེན་གྱིས་མ་གོས་པར། །གནས་རི་ཁྲོད་དབེན་པ་འཛིན་པ་ལ། །ངོ་མཚར་ཞིང་དགའ་འོ་སྤྲོ་ཞིང་སྤྲོ། །དུས་ད་རུང་ཤི་མཐར་མ་ཐུག་བར། །གནས་དབེན་པ་བརྟེན་ཅིང་སྒྲུབ་ལ་འབུངས། །རྗེ་དུས་གསུམ་རྒྱལ་བ་རྒྱ་མཚོ་དང་། །ཕ་བརྒྱུད་གསུམ་བླ་མ་རྒྱ་མཚོ་ཡི། །བྱིན་རླབས་དང་དངོས་གྲུབ་འབད་མེད་འབྱུང་། །བདག་མི་རྒན་ཞལ་གདམས་དེ་ལས་མེད། །དེ་ཙིཏྟ་སྙིང་གི་ཐིག་ལེ་གྱིས། །ཞེས་པ་འདི་རྣལ་འབྱོར་མ་པད་མཚོ་ཞེས་བྱ་བས་ནན་དུ་བསྐུལ་ངོར་མི་རྒན་བདུད་འཇོམས་རྡོ་རྗེས་འཆོལ་མར་སྨྲས་པ་དགེ།མངྒ་ལཾ། །། །