DJYD-KABUM-09-TA-011

（1ན）རྒྱལ་ཀུན་རིགས་ཀྱི་བདག་པོ་འོད་དཔག་མེད། །བརྩེ་ཆེན་ཐུགས་རྗེའི་མངའ་བདག་སྤྱན་རས་གཟིགས། དཀྱིལ་འཁོར་དབང་ཕྱུག་པདྨ་འབྱུང་གནས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དབྱངས་ཅན་རྣམ་འཕྲུལ་མཁའ་འགྲོ་མཚོ་རྒྱལ་མ། །འཇམ་དཔལ་དབྱངས་དངོས་ཆོས་རྒྱལ་ཁྲི་ལྡེའི་ཞབས། །གདམས་པའི་བཀའ་བབས་འབྲོག་བན་ལོ་ཙཱ་ལ། །གསོལ་བ་འདེབས་སོ༴ ། ཟབ་གཏེར་སྒོ་འབྱེད་རིག་འཛིན་བདུད་འཇོམས་གླིང་། །སྙན་བརྒྱུད་མཛོད་འཆང་འགྱུར་མེད་ངེས་དོན་དབང་། །རིགས་ཀུན་ཁྱབ་བདག་རྩ་བརྒྱུད་བླ་མ་ལ་། །གསོལ་བ༴ ། ཐ་མལ་སྒོ་གསུམ་མ་དག་སྒྲིབ་བྱང་སྟེ། །རང་སྣང་དག་པ་བདེ་ཆེན་ཞིང་དུ་འཕོས། །ས་ལམ་སྤང་རྟོགས་ཡོན་ཏན་ཡོངས་རྫོགས་ནས། །མཁའ་མཉམ་འགྲོ་བའི་འདྲེན་པ་མཆོག་གྱུར་ཤོག །（ཅེས་པའང་གཏེར་བྱོན་བདེ་ཆེན་ཞིང་སྦྱོང་གི་ཆོ་གའི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། །།）