DJYD-KABUM-15-BA-033

（1ན）ཁྱབ་བདག་དང་པོའི་སངས་རྒྱས་ཀུན་ཏུ་བཟང་། །ཟུང་འཇུག་སྒྱུ་འཕྲུལ་ཡེ་ཤེས་རྡོ་རྗེ་སེམས། །འབར་བའི་སྐུར་སྣང་བཛྲ་ཀུ་མཱ་ར། །གསོལ་བ་འདེབས་སོ་ཕྲིན་ལས་མཐར་ཕྱིན་ཤོག །གསང་བའི་མཛོད་འཛིན་བདེ་བའི་འཁོར་ལོ་ཆེ། །ཕྲིན་ལས་ཡོངས་གྲུབ་འོད་ཟེར་གླང་པོའི་ཞབས། ། ཧེ་རུ་ཀ་དཔལ་རྡོ་རྗེ་ཐོད་ཕྲེང་རྩལ། གསོལ་བ་འདེབས་སོ༴ བཀའ་བབས་ཐུགས་ཀྱི་གཟུངས་མ་མཁར་ཆེན་བཟའ། །ཟབ་གསང་རྒྱ་འགྲོལ་གཏེར་འབྱིན་སྤྲུལ་པའི་སྐུ། །སྐལ་ལྡན་ཆོས་བདག་རྩ་བརྒྱུད་བླ་མ་ལ། །གསོལ་བ་འདེབས་སོ༴ སྣང་གྲགས་རིག་པ་དཀྱིལ་འཁོར་གསུམ་དུ་དག ། ཐལ་འབྱིན་རྣམ་བཞིའི་གྲུབ་མཐའ་ཚད་འཁྱོལ། །རྩོལ་མེད་ཕྲིན་ལས་ཆགས་ཐོགས་མི་མངའ་བས། །བདུད་ལས་རྣམ་རྒྱལ་གོང་འཕང་མཆོག་ཐོབ་ཤོག །（ཅེས་པའང་འཇིགས་བྲལ་ཡེ་ཤེས་རྡོ་རྗེས་སོ། །དགེའོ།། །།）