TTDL-ZABTER-15-BA-040

རྩ་གསུམ་སྤྱིའི་བསྐང་བ་ཤིན་ཏུ་བསྡུས་པ་བཞུགས་སོ༔ ཨོཾ་ཨཱཿཧཱུྃ༔ བརྒྱུད་པ་དགུ་ལྡན་བླ་མ་དམ་པ་དང་༔ རྒྱུད་སྡེ་བཞི་དྲུག་ཐེག་དགུར་འབྲེལ་བ་ཡི༔ ཡི་དམ་ཞི་ཁྲོ་བཀའ་དགོངས་ཕུར་གསུམ་དང་༔ གནས་ཡུལ་དུར་ཁྲོད་ལ་གནས་དཔའ་བོ་དང་༔ མ་མོ་མཁའ་འགྲོ་ཤ་ཟ་ཤུགས་འགྲོ་དང་༔ བཀའ་སྲུང་དམ་ཅན་རྒྱ་མཚོ་བཅས་རྣམས་ཀྱི༔ ཐུགས་དམ་བསྐང་ཞིང་ཉམས་ཆག་འགལ་འཁྲུལ་བཤགས༔ བདག་ཅག་ཚོགས་རྫོགས་སྒྲིབ་དག་ཚེ་འདི་ལ༔ གདོད་མའི་གཞི་ལ་འོད་སྐུར་གྲོལ་བར་ཤོག༔ ཅེས་པ་ཚེས་བཅུ་སོགས་བསྐང་ཚོགས་བརྒྱ་རྩ་བཏང་པའི་སྐབས་སུ་ཉེར་མཁོའི་ཆེད་དུ་ཕན་སེམས་ཀྱིས་སྒྱུ་མའི་རྣལ་འབྱོར་ཆོས་རྒྱལ་བདུད་འཇོམས་རྡོ་རྗེས་མཛད་པ་དགེའོ།།མངྒ་ལཾ།།།།