DJYD-KABUM-23-A-030

Previous Text Back to Volume Page Next Text

Wylie title
Location	bdud 'joms rin po che bka' 'bum Volume 23, Text 30, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. '*. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 23: . Kalimpong: Dupjung Lama, 1979-1985.*
Side notes
More details More details
Genre

[edit]

（1ན）（གྲོ་ལོད་ཧཱུྃ་སྒྲུབ་ཟབ་པའི་མཐར་ཐུག་ནི༔ ） ཧཱུྃ་ཆེན་སྔགས་ཀྱི་སྒྲ་ལས་དྲན་རྫོགས་སུ༔ རང་ཉིད་དབང་དྲག་རྡོ་རྗེ་གྲོ་བོ་ལོད༔ མི་བཟད་ཁྲོས་འཁྲུགས་སྨུག་ནག་སྒེག་པའི་ཉམས༔ འཆོལ་བའི་ཆས་ཅན་རྡོ་རྗེ་ཕུར་པ་གདེངས༔ རྒྱ་སྟག་གྲུས་མ་མི་ཟན་སྟེང་དུ་འགྱིང་༔ ཨམ་གཙིགས་སྡང་མིག་མེ་ཡིས་ལོག་འདྲེན་བསྲེག༔ ལྕགས་སྡིག་ཚྭ་ཚྭས་དམ་འགོང་སྲོག་སྙིང་འདྲེན༔ དུས་མཐའི་མེ་དཔུང་རླུང་ནག་འཚུབ་མའི་དབུས༔ ཁམས་གསུམ་ཟིལ་གནོན་ཆེན་པོར་གསལ་བ་ཡི༔ ཐུགས་སྲོག་ཧཱུྃ་ལས་ཧཱུྃ་འཕྲོས་སྟོང་ཁམས་གང་༔ གྲགས་སྟོང་ཧཱུྃ་སྒྲས་སྣང་སྲིད་འཕར་ལྡེག་གཡོ༔ ཀུན་ཀྱང་མ་བཅོས་རིག་སྟོང་ཐིག་ལེར་འཁྱིལ༔ ཧཱུྃ་ཧཱུྃ་ཧཱུྃ་ཞེས་དྲག་ལ་ངར་ལྡན་བཟླ༔ ལྟ་སྟངས་གཟིར་ཞིང་ཆོས་ཉིད་ངང་ལ་བཞག༔ ཤིན་ཏུ་གོམས་པ་བརྟན་པོའི་གདིང་ཐོབ་ན༔ འཁོར་འདས་ཀུན་ལ་དབང་བསྒྱུར་དབང་ཐོབ་འགྱུར༔ ས་མ་ཡ༔ （འཇིགས་བྲལ་ཡེ་ཤེས་རྡོ་རྗེ་འགྲོ་འདུལ་གླིང་པ་རྩལ་གྱི་གསང་བའི་ཆོས་སྡེའོ།། །།）