ཆངས་བུ་བརྒྱ་རྩ་གཏོང་ཟིན།

Previous Text Back to Volume Page Next Text

Wylie title	changs bu brgya rtsa gtong zin
Location	bdud 'joms gling pa zab gter Volume 11, Text 32, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. 'changs bu brgya rtsa gtong zin. In Sprul pa'i gter chen bdud 'joms gling pa'i zab gter gsang ba'i chos sde, Vol. 11: . Thimphu, Bhutan: Lama Kuenzang Wangdue, 2004.
Side notes	Verso: bdud 'joms khros ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Liturgical Arrangements - 'don 'grigs · Notes - zin bris
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	khros ma nag mo

[edit]

༄༅། །ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ། ཆངས་བུ་བརྒྱ་རྩ་གཏོང་ལུགས་ལ། སྣོད་ཆེ་བར་གཙང་མའི་ཟན་ལས་བསྔོ་ཡུལ་བུད་མེད་ནག་མོ་ཕག་གདོང་ཅན་གཡས་གྲི་གུག་འཕྱར་ཞིང་གཡོན་ཐོད་ཁྲག་དཀུར་བརྟེན་པ། ཞབས་འདོར་སྟབས་ཀྱིས་བཞེངས་ཚུལ། བེར་ནག་གཡང་ལུགས་སུ་བགོས་པ་མཐོ་གང་ལས་མི་ཆུང་བ་ལ་ཁྲག་ཀོང་བརྒྱད་ཀྱིས་བསྐོར་ནས་བཞགགཞན་ཡང་ཆངས་བུ་ཤ་དུམ་ཏིང་ལོ་དང་ཡས་རྫས་རིགས་ཅི་འབྱོར་པ་བླུགས་ཀྱང་མི་འགལ། གྲངས་གསོག་སྐབས་བསྔོ་རྒྱུ་ནད་པའི་དྲིལ་ཟན་གྱི་ཆངས་བུ་བརྒྱ་སྟོང་གང་རིགས་དང་། ཤ་དུམ་གྲངས་དེ་མཚུངས་བཤལ་ཆུའི་འོ་ཆབ་བཅས་ཉེར་བསྡོག་བྱས་ལ། དངོས་གཞི་ནད་པ་མདུན་དུ་ཡོད་ཅིང་དོ་གལ་ཆེ་ན་གཡང་གཞི་བྲབ་པ་འདོན། མེད་ན་མི་དགོས། དབང་སྡུད་ཟིལ་གནོན་དང་སྐྱབས་སེམས་སོགས་ནས། དགོངས་པར་རོལ༔ བར་སོང་རྗེས། ཟིལ་གནོན་རྟས། ཕཊ༔ སྣང་སྲིད་སྟོང་ཉིད་སོགས། ཆེན་པོར་རིག༔ ཕཊ་ཕཊ་ཕཊ༔ རྐང་བཞི་ཌཱ་འུར་བཅས་སྤྱན་འདྲེན་རྟས། ཕེཾ༔ ནམ་མཁའ་རྣམ་པར་སོགས། ལམ་སྣ་དྲོངས༔ ཕཊ༔ ཅེས་རྐང་གསུམ་ཌཱ་འུར་ནས་ཁྲོས་ཆུང་རྟས། བདག་དང་བསྲུང་བྱའི་སོགས། མཉེས་ཚིམས་གྱུར༔ ཕཊ༔ ཅེས་ཌཱ་འུར་བཞག་ཕྱེད། མཆོད་གཡོག་གིས་ཐེབ་རྩེར་ཆངས་བུ་ཤ་དུམ་བཤམས་པ་ཐོགས་ལ། ལྷུག་འདོན་གྱིས། ཕཊ༔ དཀོན་མཆོག་རྩ་གསུམ་སོགས། བྱང་གྱུར་ཅིག༔ ཕཊ་ཕཊ་ཕཊ༔ ཅེས་བསྔོ་ཡུལ་གྱི་སྣོད་དུ་བླུགས་མཐར་བཤལ་ཆུ་ཐོགས་ལ། ཨོཾ་ཨཱཿཧཱུྃ་སོགས་ལན་གསུམ། ཀྱཻ༔ མ་རིག་འཁྲུལ་པའི་སོགས། དབྱིངས་ཐོབ་ཤོག༔ ཕཊ་ཕཊ་ཕཊ༔ ཅེས་བཤལ་ཆུ་ཡང་སྣོད་དུ་བླུགས། སླར་ཡང་ཆངས་བུ་ཤ་དུམ་ཐོགས་ལ་གོང་བཞིན་གྲངས་བསགས། མཐར་གྲངས་རྫོགས་ནས་ཌཱ་འུར་བཅས་ཟིལ་གནོན་རྟས། ཕཊ༔ མ་ཡུམ་ཆེན་སོགས་ནས། ཆེན་པོར་གྲོལ༔ ཕཊ་ཕཊ་ཕཊ༔ ཅེས་ཌཱ་བཅད། འདིར་ཆངས་གླུད་རྣམས་ཕྱི་རོལ་གྱི་ཕྱོགས་མཚམས་ཀུན་ཏུ་འཐོར། ན་མོ། ཆོས་རྣམས་ཐམས་ཅད་སོགས་ལུས་སྦྱིན་མཐའ་སྡུད་བཞིན་བསྔོ་སྨོན་མཐར་དབྱུང་ཞིང་བཀྲ་ཤིས་ཇི་ལྟར་རིགས་པ་བརྗོད་པས་གྲུབ་བོ། །ཞེས་པའང་ཛྙཱ་ནས་སོ། །དགེའོ།། །།