TTDL-ZABTER-01-KA-055

Previous Text Back to Volume Page Next Text

Wylie title
Location	bdud 'joms gling pa zab gter Volume 1, Text 55, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 1: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms gro lod
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	ཆེ་མཆོག་རཀྴ་ཐོད་ཕྲེང་བདུད་འཇོམས་རྡོ་རྗེ་གྲོ་ལོད་ (che mchog rak+sha thod phreng bdud 'joms rdo rje gro lod)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)

[edit]

༠༠༠༠༠བརྡ་ཡིག༔ ཟབ་གསང་མཁའ་འགྲོའི་སྙིང་ཐིག་ལས༔ ཆེ་མཆོག་རྡོ་རྗེ་གྲོ་ལོད་ཀྱི༔ བསྒྲལ་ལས་ཁམས་གསུམ་ཡོངས་སྒྲོལ་ཞེས་བྱ་བ་བཞུགས་སོ༔ ༠༠༠༠༠བརྡ་ཡིག༥༣༢༔ ཁམས་གསུམ་ཡོངས་སྒྲོལ་པདྨ་རྒྱལ་པོར་འདུད༔ མ་འོངས་ལྔ་བརྒྱ་དུས་ཀྱི་སྙིགས་མ་ལ༔ པདྨའི་བརྒྱུད་འཛིན་དགྲ་འདྲེས་བཅོམ་པའི་ཚེ༔ ལྷ་དང་སྲུང་མའི་ཐུགས་དམ་གཡེལ་འགྱང་ནས༔ ལས་ཚོགས་ཟབ་མོ་བཀོལ་བྱང་རྡུག་པའི་དུས༔ འདི་ཡིས་ཞིང་བཅུའི་དགྲ་སྡེ་བརླག་འགྱུར་རོ༔ བགེགས་ཀྱི་དཔུང་འཇོམས་བདུད་ཀྱི་སྟོབས་ཉམས་འགྱུར༔ བྱ་བ་མངོན་སྤྱོད་ལས་ལ་འཇུག་པའི་ཚུལ༔ བྲུབ་ཁུང་དམར་ནག་སྲུབ་མེད་ཁ་དོག་ཅིང་༔ གཏིང་ཡངས་ཟབ་དང་དུག་ཁྲག་བྱུག་པའི་ནང་༔ ལིང་ག་དབང་ཚང་སྐྲ་གཟིང་ཧམ་ཞིང་རིད༔ རྐང་ལག་རྣམ་བཞི་ལྕགས་སྒྲོག་གིས་བསྡམས་པའི༔ སྙིང་གར་དགྲ་སྲོག་ནྲྀ་དང་བགེགས་བདུད་ཏྲི༔ བརླ་ལ་བླ་ཁུག་སྤྱི་བོར་རུས་སམ་ཛཿསྙིང་གར་མིང་ངམ་མ་ཤེས་འདི་བྲི་བསྐོར༔ ནྲྀ་ཏྲིཿཤ་ཏྲུཾ་ཁུག་ཛཿརྦད་ཡ་ནན༔ ཚིག་བཞིར་ཛཿཧཱུྃ་བཾ་ཧོཿའདོམས་སུ་ཕཊ༔ མིག་ལ་ལོང་ལོང་སྣར་འཚུབས་ཁར་ལྐུགས་དང་༔ རྣ་བར་འོན་དང་མགྲིན་པར་ཆིངས་ཆིངས་དང་༔ རྐང་ལག་ངར་བཞིར་ཞ་ཞ་ཆག་ཆག་དང་༔ རྐང་འོག་རླུང་དཀྱིལ་ཡཾ་ཡཾ་སྤྱི་བོར་ནན༔ མཐའ་མར་སྔགས་རྗེས་མིང་རུས་ཁུག་ཛ་ནན༔ ཛཿཁྲོཾ་འདེབས་ཤིང་སྨོན་ལམ་དམོད་ངན་གདབ༔ རང་གི་དྲི་མ་ཁྲུས་སྦྱང་བྱས་པའི་མཐར༔ འགུག་གཞུག་བྱས་ནས་ཕྱོགས་བཞི་བཅད་བསྲེག་བདུག༔ དུག་ཁྲག་སྦྱར་ནས་སྲོག་བཅག་ཁ་གསང་བསྡེབ༔ གྲུ་གསུམ་བསྣོལ་དྲིལ་ལས་ཁུང་ནང་དུ་འཕང་༔ དེ་ནས་བདག་སྲུང་བ་ལ་འདི་ལྟར་བྱ༔ ཧཱུྃ༔ རང་ཉིད་སྐད་ཅིག་གིས་ཆེ་མཆོག་རྡོ་རྗེ་གྲོ་ལོད་དུ་གསལ་བའི་སྐུའི་སྟོད་ཀྱི་ཆ་ལ་བཀའ་བརྒྱུད་བླ་མ༔ རྐེད་པ་བར་གྱི་ཆ་ལ་ཡི་དམ་རྒྱུད་སྡེའི་དཀྱིལ་འཁོར༔ སྐུ་སྨད་ཀྱི་ཆ་ལ་མ་ཚོགས་ཡེ་ཤེས་མཁའ་འགྲོ༔ མཐའ་བསྐོར་དུ་ཡེ་ཤེས་དང་འཇིག་རྟེན་གྱི་སྲུང་མ་དམ་ཅན་རྒྱ་མཚོའི་ཚོགས་མ་ལུས་ཤིང་ལུས་པ་མེད་པས་བསྐོར་བར་བསྒོམ༔ རང་གི་ཐུགས་ཀར་སྲོག་གི་ཡི་གེ་ཧཱུྃ་དམར་པོའི་ཐིག་ལེར་བླ་མ་རིག་འཛིན༔ ཧ་ཡི་སྟོད་ཆར་ཡི་དམ་ལྷ་ཚོགས༔ རྐེད་པར་བུ་དང་ཆུང་མ་དང་སྤུན་ཟླ་ཚ་བོ་ཁང་ཁྱིམ་ནོར་ཕྱུགས་དང་བཅས་པ༔ སྨད་ཆར་སྲུང་མ་དམ་ཅན་རྒྱ་མཚོ་དང་བཅས་པ་ཐམས་ཅད་བསྒོམ༔ ཞབས་ཀྱུའི་ནང་དུ་ཨཿཡཿམཿདུཿརུཿཙཿཤཿནཿསོགས་བཀའ་ཡི་ལྷ་སྲིན་སྡེ་བརྒྱད་སྣང་སྲིད་ལྷ་འདྲེའི་ཚོགས་དང་བཅས་པའི་སྲོག་གི་སྙིང་པོ་ཐམས་ཅད་མགོ་ཐུར་དུ་བསྟན་ནས་གནས་པར་བསམ༔ དེ་ནི་རང་བསྲུང་བའི་མན་ངག་གོ༔ དེ་ནས་བྲུབ་ཁུང་བསྐྱེད་པ་ལ༔ ཕཊ༔ མདུན་དུ་འབྱུང་བ་འདུས་པའི་སྙིང་པོ་ཨེ་ནག་པོ་ལས་འོད་འཕྲོས་པས་འབྱུང་བ་ལྔ་ཡི་སྲ་མཁྲེགས་མི་འཇིགས་རྡོ་རྗེའི་ཆོས་བདུན་ཐམས་ཅད་བསྡུས་ཏེ་ཨེ་ལ་བསྟིམ༔ དེ་ཡོངས་སུ་གྱུར་པ་ལས་མི་འཇིགས་གནམ་ལྕགས་ལས་གྲུབ་པའི་བྲུབ་ཁུང་གྲུ་གསུམ་པ་ནག་ལ་གཏིང་ཟབ་ཅིང་ཁ་དོག་པ༔ འདོད་ཆགས་ཀྱི་དུག་མཚོ་རྦ་ཀློང་དུ་འཁྲུགས་པ༔ གཏི་མུག་གི་མུན་ནག་རབ་ཏུ་འཁྲིགས་པ༔ ཞེ་སྡང་གི་མེ་འབར་ཞིང་ང་རྒྱལ་གྱི་བྲག་རི་ཉིལ་བ༔ ཕྲག་དོག་གི་རླུང་དམར་འཚུབས་པ༔ ནད་མུག་མཚོན་ཐུན་སྣ་ཚོགས་ཀྱི་བུ་ཡུག་སེར་རླུང་ལྟར་དུ་འཁྲིགས་པས་མི་འཇིགས་པའི་རྡོ་རྗེ་ཡང་སྐད་ཅིག་གིས་འཇིགས་པར་བྱེད་པའི་ནང་དབུས་སུ་ནྲྀ་ལ་དགྲ་བོ་ཐམས་ཅད་བསྟིམ༔ ཏྲིཿལ་བདུད་བགེགས་ཐམས་ཅད་བསྟིམ་པས་ཡོངས་སུ་གྱུར་པ་ལས་དགྲ་འདྲེའི་ཚེ་བསོད་བླ་སྲོག་དབང་པོ་ཐམས་ཅད་འདུས་པའི་གཟུགས་མི་སྡུག་པ༔ ཁ་ངུ་བ༔ མིག་ཤི་མིག༔ ལག་པ་མྱ་ངན་གྱི་ཕྱག་རྒྱ་ཅན༔ རྐང་ལག་ལྕགས་གཟེར་གྱིས་བསྡམས་པ༔ ཧམ་པ༔ སྐྱ་བ༔ རིད་པ༔ ནང་དབུགས་མ་ཆད་ཙམ་པ༔ ཕྱི་དབུགས་དང་བྲལ་བ༔ ཤིན་ཏུ་ཉམ་ཐག་ཅིང་འདར་ཕྲི་ལི་ལི་བྱེད་པའི་སྙིང་གའི་སྲོག་གི་སྙིང་པོ་ལས་འོད་འཕྲོས་པས་གནོད་བྱེད་དགྲ་བགེགས་ཐམས་ཅད་རང་དབང་མེད་པར་འུབ་ཀྱིས་བསྡུས་ཏེ་གཟུགས་སྲོག་ལ་ཐིམ་པས་ཐར་མེད་ལས་ཀྱི་སྒོ་ང་ནག་པོའི་སྦུབས་སུ་ཆུད་ནས༔ དྲན་མེད་དུ་བརྒྱལ་བ་ལ་དགྲ་བགེགས་ཐམས་ཅད་ཡང་ཡང་ཐིམ་པར་བསམ༔ འགུགས་བསྟིམ་གྱི་དམིགས་པ་དེ་ཡང་ཡང་འགུག་གཞུག་དང་སྦྲགས་ཏེ་བྱའོ།།དེ་ནས་ཕོ་ཉས་དབང་སྡུད་ཀྱི་དམིགས་པ་ལ༔ རང་ཉིད་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པས་ཡེ་ཤེས་དང་འཇིག་རྟེན་གྱི་བཀའ་སྲུང་དམ་ཅན་རྒྱ་མཚོའི་ཚོགས་མ་ལུས་པའི་ཐུགས་སྲོག་ལ་ཕོག་པས་ཐུགས་དམ་གྱི་རྒྱུད་རབ་ཏུ་བསྐུལ་ནས་སྤྲུལ་པ་ཡང་སྤྲུལ་ཉིང་སྤྲུལ་དཔག་ཏུ་མེད་པ་འཕྲོས་པས་དགྲ་བགེགས་གནོད་བྱེད་ཐམས་ཅད་བྱེའུ་ཆུང་ཁྲ་ཡིས་དེད་པ་ལྟར་བསྡུས་ནས་གང་དུའང་འཕྱུགས་པའི་ས་དང་ཡུལ་མེད་པར་བྲུབ་ཁུང་གི་ལིང་ག་ལ་སིབ་སིབ་ཐིམ་པར་བསམ༔ ཐར་འཆོར་གྱི་སྒོ་བཀག་པ་ནི༔ སྟེང་ལ་སྒྲོལ་བྱེད་མ་ཧཱ་བ་ལ༔ མཐའ་བསྐོར་དུ་ཚ་བའི་དམྱལ་ཁམས་བརྒྱད་ཀྱིས་བསྐོར་ནས་གང་དུའང་བྲོས་ཤིང་ཐར་པའི་ཡུལ་དང་སྒོ་སྲུབ་མེད་པར་གྱུར༔ ལུས་ལ་ཤོར་མེད་མུན་པའི་གཟེར་གདབ་པ་ནི༔ བདག་མདུན་རྣམས་ཀྱི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་གནམ་ས་ཐམས་ཅད་འོད་ནག་པོར་གྱུར་ཏེ༔ ཁ་ཐག་གིས་སྦྱར་ནས་སྟོང་གཟུགས་ཀྱི་ཁྱིམ་མུན་པ་ནག་པོ་རླུང་ཐུབ་ཀྱི་སྒོ་ངས་བསྟུམ་ནས་དྲན་མེད་དུ་བརྒྱལ་བར་བསམ༔ དེ་ནས་དགུག་གཞུག་བྱ་བ་ནི༔ ན་མོ༔ དཀོན་མཆོག་གསུམ་དང་སྐུ་གསུམ་རྩ་གསུམ་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་༔ དོན་དམ་ཆོས་ཉིད་ངོ་བོ་གདོད་ནས་རྣམ་པར་དག་ཅིང་ཀུན་རྫོབ་བསླུ་བ་མེད་པ་རྒྱུ་འབྲས་ཟབ་མོའི་བདེན་པའི་མཐུས༔ བདག་ཅག་དཔོན་སློབ་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གཟུགས་ཅན་གཟུགས་མེད་དགྲ་བགེགས་གནོད་བྱེད་ཐམས་ཅད་སྐད་ཅིག་རང་དབང་མེད་པར་གཟུགས་ལིང་ག་འདི་ལ་ཁུག་ཅིག་སྟྭཾ་ཛ་ཛཿབརྒྱ་རྩ་བརྒྱད་བརྗོད་ཚེ་ཕྱོགས་བཞི་མཚམས་བརྒྱད་སྟེང་འོག་བར་གསུམ་གྱི་དགྲ་བགེགས་གནོད་བྱེད་ཐམས་ཅད་རང་དབང་མེད་པར་བཀུག་སྟེ་ལིངྒ་ལ་ཐིམ་པས་གཉིས་སུ་མེད་པར་བསམ་པ་གནད་དོ༔ དེ་ནས་དགུག་པའི་ལས་ནི༔ ཧཱུྃ༔ ཆེ་མཆོག་རྡོ་རྗེ་གྲོ་ལོད་ཀྱི༔ དཀྱིལ་འཁོར་ལྷ་ཚོགས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ མྱུར་དུ་ཁུག་ཅིག་གཟུགས་ལ་བསྟིམ༔ རྩ་སྔགས་མཐར༔ ནྲྀ་ཏྲི་བཛྲ་ཨཾ་ཀུ་ཤ་ཡ་ཛ་ཛཿདེ་ནས་འཆིང་བར་བྱེད་པ་ལ༔ ཧཱུྃ༔ ཆེ་མཆོག་རྡོ་རྗེ་གྲོ་ལོད་ཀྱི༔ དཀྱིལ་འཁོར་ལྷ་ཚོགས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གཟུགས་དང་མི་ཕྱེད་བརྒྱལ་དུ་ཆུག༔ རྩ་སྔགས་མཐར༔ ནྲྀ་ཏྲི་རཱུ་པ་པཱ་ཤ་ཧཱུྃ༔ ཐུཾ་རི་ལི་ལི་རྦད་ནན༔ དེ་ནས་བསྡམ་པར་བྱ་བའི་ལས༔ ཧཱུྃ༔ ཆེ་མཆོག་རྡོ་རྗེ་གྲོ་ལོད་ཀྱི༔ དཀྱིལ་འཁོར་ལྷ་ཚོགས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ གཟུགས་དང་དབྱེར་མེད་རོ་གཅིག་སྡོམས༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་སྥོ་ཊ་བཾ་རྦད་ནན༔ དེ་ནས་མྱོས་པར་བྱེད་པ་ནི༔ ཧཱུྃ༔ ཆེ་མཆོག་རྡོ་རྗེ་གྲོ་ལོད་ཀྱི༔ དཀྱིལ་འཁོར་ལྷ་ཚོགས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ ལུས་ངག་ཡིད་གསུམ་སྨྱོ་རུ་ཆུག༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་བཛྲ་གྷཎྜེ་ཧོཿརྦད་ཛྭ་ལ་པ་ཡ་རྦད་སོད༔ དེ་ནས་ལྷ་དང་དབྱེ་བ་ནི༔ ཧཱུྃ༔ ཆེ་མཆོག་རྡོ་རྗེ་གྲོ་ལོད་ཀྱི༔ དཀྱིལ་འཁོར་ལྷ་ཚོགས་དུས་ལ་བབ༔ ཡིད་ལ་བརྣག་པའི་དགྲ་བགེགས་རྣམས༔ སྲུང་སྐྱོབ་བྱེད་པའི་ལྷ་དང་ཕྲོལ༔ རྩ་སྔགས༔ ནྲྀ་ཏྲི་ཤ་ཏྲུཾ་མཱ་ར་ཡ་རྦད་མགོན་སྐྱོབ་བྱེད་པའི་ལྷ་སྲུང་མཱ་ར་ཡ་ཕྱེས་ཕྱེས་ཕྲོལ་ཕྲོལ་ས་མ་ཡ་ཨུ་ཙ་ཏ་ཡ་ཕཊ༔ དེ་ནས་ཟངས་ཕྱེ་བྲབ་ལ༔ ཧཱུྃ༔ ཟངས་ཕྱེས་ཁྲག་གི་མཚོ་མོ་སྐེམས༔ ཕུང་བྱེད་ལས་ཀྱི་མཚོན་ཆ་འདི༔ དགྲ་བགེགས་ལུས་ངག་ཡིད་ལ་ཕོབ༔ འདོད་ཆགས་ཁྲག་གི་རྒྱ་མཚོ་སྐེམས༔ རྩ་སྔགས༔ ནྲྀ་ཏྲི་ཤ་ཏྲུཾ་མཱ་ར་ཡ་རྦད་སོད༔ དེ་ནས་ལྕགས་ཕྱེ་བྲབ་ལ༔ ཧཱུྃ༔ ལྕགས་ཕྱེ་འབར་བས་གཟུགས་ཕུང་གཏོར༔ འཆི་བདག་ལས་ཀྱི་ཐུན་ཆར་འདི༔ དགྲ་བགེགས་ལུས་ངག་ཡིད་ལ་གདབ༔ ཞེ་སྡང་རུས་པ་རྡུལ་དུ་རློག༔ རྩ་སྔགས༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་རྡོ་ཕྱེ་བྲབ་ལ༔ ཧཱུྃ༔ རྡོ་ཕྱེའི་ཆར་པ་ཐོག་ལྟར་འབེབས༔ དྲག་པོ་ནུས་པའི་སྟོབས་ལྡན་འདི༔ དགྲ་བགེགས་ལུས་ངག་ཡིད་ལ་གདབ༔ གཏི་མུག་མུན་པའི་འཁྲུལ་འཁོར་བཤིག༔ རྩ་སྔགས༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་ཡུངས་ཀར་བྲབ་པ་ནི༔ ཧཱུྃ༔ ཡུངས་ཀར་རྒྱལ་པོ་ཐུན་གྱི་མཆོག༔ ཕྱག་ན་རྡོ་རྗེའི་སྨོན་ལམ་གྱིས༔ དགྲ་བགེགས་ལུས་ངག་ཡིད་ལ་གདབ༔ ཐལ་བའི་རྡུལ་དུ་བརླག་པར་མཛོད༔ རྩ་སྔགས༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་ནན༔ དེ་ནས་ཡུངས་ནག་གདབ་པ་ནི༔ ཧཱུྃ༔ ཡུངས་ནག་ཆར་པ་སེར་ལྟར་འབེབས༔ བདུད་རྩི་འཁྱིལ་བའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ ཐལ་བའི་རྡུལ་དུ་བརླག་པར་མཛོད༔ རྩ་སྔགས༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་ནན༔ དེ་ནས་ཀེ་མཚེ་གདབ་པ་ལ༔ ཧཱུྃ༔ ཀེ་མཚེའི་ཆར་པ་ཧྲི་ལི་ལི༔ མ་ཧཱ་བ་ལའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ ཐལ་བའི་རྡུལ་ཕྲན་བཞིན་དུ་རློག༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་ཤངས་མཚེའི་ཐུན་གདབ་པ་ནི༔ ཧཱུྃ༔ ཤངས་མཚེའི་ཐུན་ཆར་སྐར་ལྟར་འཁྲིགས༔ དཔལ་ཆེན་ཧེ་རུའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ ཐལ་བའི་རྡུལ་ཕྲན་བཞིན་དུ་རློག༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་ནན༔ དེ་ནས་དུག་ཐུན་གདབ་པ་ནི༔ ཧཱུྃ༔ མཐོང་བའི་དུག་དང་ཐོས་པའི་དུག༔ གནམ་དུག་མྱོང་དུག་རེག་པའི་དུག༔ དགྲ་བགེགས་དབང་པོ་ལྔ་ལ་གདབ༔ དྲན་མེད་ངང་དུ་ཐིབ་ཀྱིས་སོད༔ རྩ་སྔགས་མཐར༔ ཧ་ལ་ཧ་ལ་ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་ཐུཾ་རི་ལི་ལི་རྦད་ནན༔ དེ་ནས་ཁྲག་ཐུན་གདབ་པ་ནི༔ ཧཱུྃ༔ རྒྱུ་རྐྱེན་གསོད་པ་ཁྲག་གི་ཐུན༔ དྲག་པོ་ཆེན་པོའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ སྐད་ཅིག་ཉིད་དུ་བརླག་གྱུར་ཅིག༔ རྩ་སྔགས་མཐར༔ རཀྟ་ཧ་ལ་ཛ་ནྲྀ་ཏྲི་ཤ་ཏྲུཾ་མཱ་ར་ཡ་རྦད་སོད༔ དེ་ནས་མཚེ་ཐུན་གདབ་པ་ནི༔ ཧཱུྃ༔ མཚེ་མདའ་དྲག་པོ་ཤ་ར་ར༔ བདེ་གཤེགས་མཐུ་སྟོབས་སྨོན་ལམ་མཐུས༔ དགྲ་བགེགས་ལུས་ངག་ཡིད་ལ་གདབ༔ སྐད་ཅིག་ཉིད་དུ་བརླག་གྱུར་ཅིག༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་གཏོར་མ་གདབ་པ་ནི༔ ཧཱུྃ༔ དཔལ་གྱི་གཏོར་ཟོར་ཐོག་ལྟར་འཕེན༔ བདེ་གཤེགས་འདུས་པའི་བདེན་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ སྐད་ཅིག་ཉིད་དུ་བརླག་གྱུར་ཅིག༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་གནམ་ལྕགས་འཁོར་ལོ་གདབ་པ་ནི༔ ཧཱུྃ༔ གནམ་ལྕགས་མཚོན་ཆའི་འཁོར་ལོ་འདི༔ བུདྡྷ་ཧེ་རུའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་རྡོ་རྗེ་གདབ་པ་ནི༔ ཧཱུྃ༔ གནམ་ལྕགས་རྡོ་རྗེ་འབར་བ་འདི༔ བཛྲ་ཧེ་རུའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་བེ་ཅོན་གདབ་པ་ནི༔ ཧཱུྃ༔ རིན་ཆེན་འབར་བའི་བེ་ཅོན་འདི༔ རཏྣ་ཧེ་རུའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་རལ་གྲི་གདབ་པ་ནི༔ ཧཱུྃ༔ གནམ་ལྕགས་རལ་གྲི་ཟངས་ཡག་འདི༔ པདྨ་ཧེ་རུའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་རྒྱ་གྲམ་གདབ་པ་ནི༔ ཧཱུྃ༔ གནམ་ལྕགས་རྒྱ་གྲམ་འབར་བ་འདི༔ ཀརྨ་ཧེ་རུའི་མཐུ་སྟོབས་ཀྱིས༔ དགྲ་བགེགས་ལུས་ངག་ཡིད་ལ་གདབ༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་གྲི་གུག་གདབ་པ་ནི༔ ཧཱུྃ༔ གྲི་གུག་འབར་བས་ཚལ་པར་གཏོང་༔ དཔའ་བོ་དཔའ་མོའི་མཐུ་སྟོབས་ཀྱིས༔ དགྲ་བགེགས་ལུས་ངག་ཕྱེ་མར་ཐུལ༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་ཐོད་ཁྲག་གདབ་པ་ནི༔ ཧཱུྃ༔ ཐོད་ཁྲག་འབར་བས་སྙིང་ཁྲག་འབྱིན༔ དཔའ་བོ་དཔའ་མོའི་མཐུ་སྟོབས་ཀྱིས༔ དགྲ་བགེགས་ལྔ་ཕུང་ཕྱེ་མར་རློག༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་རྦད་སོད༔ དེ་ནས་ཕུར་པ་གདབ་པ་ནི༔ ཧཱུྃ༔ སྐུ་གསུམ་ལྷུན་གྲུབ་ཕུར་པ་འདི༔ དགྲ་བགེགས་སྙིང་གི་དཀྱིལ་དུ་གདབ༔ རྣམ་ཤེས་ཁོང་གསེང་ལམ་ནས་དྲངས༔ རྡོ་རྗེ་གྲོ་ལོད་ཞལ་དུ་ཐིམ༔ ཚེ་བསོད་ཐིག་ལྗང་སྦུབས་སུ་དྲངས༔ བདག་ཐིམ་དྲག་པོའི་ཐུགས་ཀར་བསྟིམ༔ རླུང་དང་སྲོག་ཐིག་ངང་གིས་བསྐམ༔ དོན་སྙིང་ཐམས་ཅད་ཕྱེ་མར་བཏུལ༔ ཧཱུྃ༔ དྲག་པོའི་ཆེན་པོ་དྲག་ཤུལ་ཅན༔ ཆེ་མཆོག་རྡོ་རྗེ་གྲོ་བོ་ལོད༔ རྩ་གསུམ་ཡོངས་རྫོགས་དུས་ལ་བབ༔ དགྲ་བགེགས་གདུག་པའི་ལྔ་ཕུང་ལ༔ གནམ་ལྕགས་འབར་བའི་ཕུར་པ་ཐོབ༔ ཐལ་བའི་རྡུལ་དུ་བརླག་ནས་ཀྱང་༔ རྣམ་ཤེས་ཆོས་ཀྱི་དབྱིངས་སུ་སྤོར༔ ཨོཾ་བཛྲ་གུ་རུ་གྲོ་བོ་ལོད་ཀཱི་ལི་ཀཱི་ལ་ཡ་ནྲྀ་ཏྲི་སརྦ་ཤ་ཏྲུཾ་མཱ་ར་ཡ་ཕཊ༔ རྦད་རྦད་སོད༔ ཐུན་བྷྱོ༔ དེ་ནས་རྡོ་རྗེས་བརྡུང་བ་ནི༔ ཧཱུྃ་ཛཿདམ་ཚིག་ཆེན་པོའི་དུས་ལ་བབ༔ དུག་ལྔ་དུག་གསུམ་དགྲ་དང་བགེགས༔ རྡོ་རྗེ་འབར་བའི་གཏུན་དུ་བརྡུང་༔ ལུས་ངག་ཡིད་གསུམ་རྡུལ་དུ་རློག༔ རྣམ་ཤེས་ཆོས་ཀྱི་དབྱིངས་སུ་སྤོར༔ རྩ་སྔགས་མཐར༔ ནྲྀ་ཏྲི་སརྦ་ཤ་ཏྲུཾ་མཱ་ར་ཡ་ཏ་ཐ་ཡ་ཏ་ཐ་ཡ་ཕྱེ་མ་ཕྱེ་མ་རྦད་སོད༔ དེ་ནས་ཞལ་དུ་བསྟབ་པ་ནི༔ ཧཱུྃ༔ དྲག་པོ་ཆེན་པོ་དྲག་ཤུལ་ཅན༔ རྡོ་རྗེ་གྲོ་ལོད་ཞལ་ཕྱེས་ཤིག༔ པདྨ་འབྱུང་གནས་ཞལ་ཕྱེས་ཤིག༔ མཁའ་འགྲོ་སྡེ་ལྔའི་ཞལ་ཕྱེས་ཤིག༔ གིང་ཆེན་སྡེ་བཞིའི་ཞལ་ཕྱེས་ཤིག༔ སྒྲོལ་གིང་ཕོ་མོའི་ཞལ་ཕྱེས་ཤིག༔ རྒྱལ་ཆེན་སྡེ་བཞིའི་ཞལ་ཕྱེས་ཤིག༔ དགྲ་བགེགས་གནོད་བྱེད་བསྒྲལ་བ་ཡི༔ ཤ་ཁྲག་རུས་གསུམ་ཞལ་དུ་བསྟབ༔ དབང་པོ་རྣམ་ལྔ་ཞལ་དུ་བསྟབ༔ དོན་སྣོད་བཅུ་གཉིས་ཞལ་དུ་བསྟབ༔ བདུད་རྩི་རྣམ་ལྔ་ཞལ་དུ་བསྟབ༔ ཁམས་ཆེན་ཕུང་ལྔ་ཞལ་དུ་བསྟབ༔ འབྱུང་བ་རྣམ་ལྔ་ཞལ་དུ་བསྟབ༔ ཁམས་གསུམ་ཡོངས་སྒྲོལ་ཞལ་དུ་བསྟབ༔ མ་འགགས་རང་བྱུང་མགྲིན་པར་བསྟིམ༔ གཞོན་ནུ་བུམ་སྐུའི་ལྟོ་བར་བསྐྱིལ༔ མ་ཧཱ་མཱཾ་ས་རཀྟ་ཀིཾ་ནི་རི་ཏི་བ་སུ་ཏ་ཙིཏྟ་ཁཱ་ཧི༔ མངོན་སྤྱོད་ལས་ལ་བརྩོན་པ་ཡི༔ སྔགས་ཀྱི་སྐྱེས་བུ་ལས་ཅན་རྣམས༔ དང་པོ་བསྙེན་སྒྲུབ་གནད་དུ་བསྣུན༔ གྲུབ་པའི་རྟགས་མཚན་རྫོགས་པའི་རྗེས༔ མངོན་སྤྱོད་དམོད་པའི་ལས་ལ་བརྩོན༔ འདི་ནི་ཡང་ཟབ་གནད་ཐིག་སྟེ༔ གནམ་ལྕགས་རྡོ་རྗེའི་ཐོག་དང་མཚུངས༔ གང་ལ་བྱས་ཀྱང་དོན་ཡོད་འགྱུར༔ སྔགས་པའི་ལས་ཀ་གཞན་མ་ཡིན༔ འདི་ནི་སྔགས་པའི་མཚོན་དུ་བསྔགས༔ ཤེས་པར་གྱིས་ལ་ཉམས་སུ་ལོངས༔ མ་འོངས་ལྔ་བརྒྱའི་ཡང་ཐ་ལ༔ མ་བསྒྲུབ་གྲུབ་ཐོབ་སྐད་སྒྲོག་ཅིང་༔ ཉམས་ལེན་བསྒྲུབ་པར་མི་བརྩོན་པའི༔ ཆགས་སྡང་འཆོལ་ཟོག་སྨྱོན་པ་འགའ༔ སྔགས་པ་ཡིན་ཟེར་བུད་མེད་སྤྱོད༔ པདྨའི་བསྟན་བླ་རིན་མེད་འཚོང་༔ བསྟན་བཤིག་ལོགས་ན་ཡོད་མ་ཡིན༔ མ་རིག་བདུད་ཀྱི་འབངས་བཀོལ་བའི༔ བན་བཙུན་ལས་ངན་དུག་ཆུས་མྱོས༔ རང་སྐྱོན་སྒྲིབ་ལ་ཡིད་སེམས་ཏེ༔ ལོ་གཅིག་དམ་རྒྱ་མི་ཐུབ་ཁར༔ ཆོས་པར་ཞེ་ཁྲེལ་འདེབས་པ་དང་༔ བཀའ་ལ་མི་བདེན་ཁ་ཕོ་ཆེ༔ ཞེས་ཟེར་བ་དག་བདུད་ཀྱི་འབངས༔ བདུད་ཞེས་བྱ་བ་ལོགས་ན་མེད༔ དངོས་གྲུབ་བཅོམ་ཞིང་བྱིན་རླབས་ཀུན༔ ཉམས་པའི་རྒྱུ་རྐྱེན་མང་བ་དང་༔ ཁྱད་པར་དུས་ངན་སྟོབས་དབང་དང་༔ བླ་སློབ་དམ་ཚིག་ཉམས་པ་དང་༔ ཐེ་ཚོམ་འཁུ་འཕྲིག་ཆེ་བ་དང་༔ ལྷ་ལ་སྤོང་ལེན་བྱེད་པ་དང་༔ སྒྲུབ་པའི་ཚུལ་ལུགས་མེད་པ་དང་༔ བསྐྱེད་རྫོགས་གནད་དང་མི་ལྡན་ནས༔ འཁྱལ་ཚིག་སྔགས་དང་འདྲེས་པ་དང་༔ རྟགས་མ་བྱུང་བར་ཐོ་ཅོ་སྤྱོད༔ རེ་དོགས་ཉེར་ལེན་གཉིད་དུ་དུབ༔ གསང་སྒོ་འཆོལ་སོགས་བག་མེད་པའི༔ ལས་དེས་སྒྲུབ་པའི་འབྲས་བུ་འཇོམས༔ ང་དང་ལྟ་སྤྱོད་བསྲེ་བ་ཡི༔ སྐལ་ལྡན་ལས་སྨོན་རྟེན་འབྲེལ་ཅན༔ དང་པོ་བསྙེན་སྒྲུབ་མཐར་ཕྱིན་ནས༔ མཐར་ནི་ལས་ཀ་རྣམས་ལ་དཔག༔ མི་ཚེ་སོས་དལ་མི་འདའ་ཞིང་༔ ཡང་དག་ལམ་ལ་སྦྱོར་བར་གྱིས༔ ཚེ་གཅིག་སངས་རྒྱས་ངེས་ཐོབ་འགྱུར༔ བསླུ་བ་མེད་དོ་ས་མ་ཡ༔ སྒོ་གསུམ་མོས་གུས་མི་འགྱུར་ཞིང་༔ མི་ཆོས་འདུ་འཛི་རྣམ་གཡེང་སོགས༔ བར་ཆད་རྐྱེན་དབང་མ་གྱུར་ཚེ༔ དེ་ལྟར་པདྨའི་ཞལ་ཆེམས་ལ༔ མི་འགལ་རྣལ་འབྱོར་ལག་ལེན་གནད༔ བུད་མེད་ཡེ་ཤེས་མཚོ་རྒྱལ་ཁྱོད༔ བཀའ་འདི་བརྡ་ཡི་རིས་སུ་ཐོབ༔ ལྷ་ཆེན་དབང་ཕྱུག་ཡབ་ཡུམ་དང་༔ ཞིང་སྐྱོང་གཟི་ལྡན་མ་མོ་དང་༔ གཟའ་བདུད་ནག་པོ་བཅས་ལ་གཏད༔ ཐུབ་པར་སྲུངས་ཤིག་ས་མ་ཡ༔ བསྟན་པ་མི་ནུབ་དར་རྒྱས་ཤིང་༔ བསྟན་འཛིན་སྨོན་ལམ་ལས་ཅན་སྐྱོངས༔ ལྟ་ལོག་ལོག་སྤྱད་ངན་སྨྲ་མཁན༔ བཀའ་འདིར་སྡང་གཤེ་བསྟན་དགྲའི་དཔུང་༔ མ་བཞག་མ་ཤོར་སྙིང་ཁྲག་རོལ༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ པདྨ་འོད་དུ་ཨ་ཐམ་རྒྱ༔ མ་ནུས་ཉམས་ཆུང་སྤྲང་པོའི་ཐ།།ཁྲག་འཐུང་རྡོ་རྗེ་གྲོ་ལོད་ཀྱིས།།གསེར་སྨད་རྡོ་རྗེའི་བྲག་ནས་བཏོན།།མ་དང་མཁའ་འགྲོས་གླུ་གར་རོལ།།འཇའ་དང་འོད་ཀྱི་དྲྭ་བ་འཁྲིགས།།དྲི་ཞིམ་དུད་པའི་ན་བུན་འཐུལ།།རི་དྭགས་རྙི་ཡིས་བཅིངས་པ་ཁྲོལ།།རྟེན་འབྲེལ་རྨད་བྱུང་བསམ་ལས་འདས།།མི་ལོ་བཅོ་ལྔར་བཀའ་རྒྱ་བཏབ།།མཐར་ནི་མཁའ་འགྲོས་བསྐུལ་ནས་སུ།།སྨར་མདོ་དགའ་བ་འཁྱིལ་ཕུག་ཏུ།།དག་པར་ཕབ་པའི་ཡི་གེ་པ།།རང་སློབ་ཕུན་ཚོགས་བཀྲ་ཤིས་སོ།།དགེའོ།།དགེའོ།།དགེའོ།།ལེགས་སོ།།སརྦ་མངྒ་ལཾ།།།།