DJYD-KABUM-23-A-036

（1ན）ཨོཾ་ཨཱཿཧཱུྃ། ཀྱེ། བླ་མ་ཡི་དམ་མཁའ་འགྲོ་ཆོས་སྐྱོང་དང་། འགོ་བའི་ལྷ་ལྔ་ཡུལ་ལྷ་གཞི་བདག་རྣམས། །བསང་མཆོད་བདུད་རྩིས་ཐུགས་དམ་དགྱེས་བསྐང་ནས། །བདག་གི་རླུང་རྟ་དར་བའི་ཕྲིན་ལས་མཛོད། །（ཛྙཱ་ནས་སོ།། །།） ༈ ། རྃ་ཡྃ་ཁྃ། ཨོཾ་ཨཱཿཧཱུྃ། བསང་མཆོད་འདོད་ཡོན་བདུད་རྩིའི་སྤྲིན་ཕུང་འདི། །མཆོག་གསུམ་རྩ་གསུམ་དམ་ཅན་རྒྱ་མཚོ་སོགས། །འཁོར་འདས་མགྲོན་རིགས་མ་ལུས་མཉེས་ཚིམས་ནས། །འགལ་རྐྱེན་ཀུན་ཞི་བསམ་དོན་ལྷུན་གྲུབ་མཛོད། །（ཛྙཱ་ནས་སོ།། །།）ཨོཾ་ཨཱཿཧཱུྃ། རྩ་གསུམ་ཆོས་སྐྱོང་གཏེར་གྱི་བདག ། ཡུལ་འདིའི་གཞི་བདག་འཁོར་བཅས་ལ། །བསང་མཆོད་བདུད་རྩིའི་མཆོད་པ་འབུལ། །འགལ་རྐྱེན་བར་ཆོད་（ཁ་ཆར་བུ་ཡུག་）ཞི་བ་དང་། །བསམ་དོན་མྱུར་འགྲུབ་ཕྲིན་ལས་མཛོད། །（ཛྙཱ་ནས་སོ།། །།）