གཟའི་འཁྲུགས་བསྐང་ཕན་བདེའི་སྣང་བ༔

Previous Text Back to Volume PageNext Text

Wylie title	gza'i 'khrugs bskang phan bde'i snang ba:
Location	bdud 'joms gling pa zab gter Volume 13, Text 49, Pages 187 (Folios 1a1 to 1a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Gza'i 'khrugs bskang phan bde'i snang ba. In Sprul pa'i gter chen bdud 'joms gling pa'i zab gter gsang ba'i chos sde, Vol. 13: 187. Thimphu, Bhutan: Lama Kuenzang Wangdue, 2004.
Side notes	Recto: 'khrugs bskang gza' bdud
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Mending Rituals - bskang chog
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Colophon	ཞེས་པ་འདི་ཉིད་འདུས་ལོས་བསྐུལ་ངོར་ལས་འབྲེལ་པས་སོ། །དགེའོ། །ལེགས་སོ། །སརྦ་མངྒ་ལཾ།།
	zhes pa 'di nyid 'dus los bskul ngor las 'brel pas so/_/dge'o/_/legs so/_/sarba mang+ga laM//

Tibetan Text

[edit]

(བརྡ་ཡིག་) གཟའི་འཁྲུགས་བསྐང་ཕན་བདེའི་སྣང་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) དམར་གཏོར་ཁྲག་སྐྱེམས་བཤམས་བྱས་ནས༔ ནམ་མཁའ་མཛོད་ཀྱི་འཁོར་ལོར་བརླབས༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ རང་རིག་ངོ་བོ་བདེ་ཆེན་འགྱུར་མེད་ལས༔ རིག་མདངས་མ་འགགས་དྲེགས་པའི་གཙོ་བོར་ཤར༔ དྲང་སྲོང་གཟའ་མཆོག་ཆེན་པོ་སྤྲུལ་འཁོར་བཅས༔ འདིར་གཤེགས་ཤ་ཁྲག་དམར་གཏོར་སྐྱེམས་མཆོད་བཞེས༔ བདག་ཅག་མ་རིག་དབང་གྱུར་ཉེས་པའི་ཚོགས༔ སྙིང་ནས་མི་འཆབ་མཐོལ་བཤགས་ཚངས་པར་སྩོལ༔ ཐུགས་དང་འགལ་གྱུར་ཉམས་ཆག་སོར་ཆུད་ནས༔ ལུས་དང་གྲིབ་བཞིན་འགྲོགས་ཤིང་ཕྲིན་ལས་སྒྲུབས༔ ཚེ་ཆོས་བསོད་ནམས་སྙན་གྲགས་ལོངས་སྤྱོད་སྤེལ༔ གཟུགས་ཅན་གཟུགས་མེད་དགྲ་གདོན་བགེགས་ཚོགས་སྒྲོལ༔ བྱད་ཕུར་རྦོད་གཏོང་ཆག་ཆེ་ཉམ་ང་བཟློག༔ ཕྱི་ནང་གསང་བའི་བར་ཆད་དབྱིངས་སུ་སོལ༔ ཕྱོགས་ལས་རྣམ་པར་རྒྱལ་བའི་རུ་དར་ཕྱོར༔ བཀྲ་ཤིས་སྣང་བས་ས་གསུམ་ཡོངས་ཁྱབ་ཤོག༔ དེ་ལྟར་གྲངས་མང་བརྗོད་གྱུར་ན༔ འཁྲུགས་པ་ཞི་ནས་བསམ་དོན་འགྲུབ༔ བཀྲ་ཤིས་དགེ་ལེགས་དཔལ་ཐོབ་འགྱུར༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཉིད་འདུས་ལོས་བསྐུལ་ངོར་ལས་འབྲེལ་པས་སོ། །དགེའོ། །ལེགས་སོ། །སརྦ་མངྒ་ལཾ།། །།