TTDL-ZABTER-15-BA-092

Previous Text Back to Volume Page Next Text

Wylie title
Location	bdud 'joms gling pa zab gter Volume 15, Text 92, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 15: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)

[edit]

དག་སྣང་ཡེ་ཤེས་དྲྭ་བ་ལས༔ བཀའ་སྲུང་ཟངས་རི་བཙན་རྒོད་ཀྱི་བསྐང་གསོལ་ཕྲིན་ལས་ལྷུན་གྲུབ་བཞུགས་སོ༔ ན་མོ་གུ་རུ་བྷྱ༔ ༠༠༠༠བརྡ་ཡིག༣༦༣ཤ་ཁྲག་དམར་གཏོར་སྐྱེམས་མཆོད་བཤམས༔ རང་ཉིད་ལྷ་ཡིང་རྒྱལ་གྱིས༔ ཀྱཻ༔ ཕྱོགས་ཕྱོགས་དག་ཀྱང་ཕ་ཀི་ན༔ ཉི་མ་ནུབ་ཕྱོགས་པ་ཀི་ན༔ བཙན་ཡུལ་ཟངས་ཐང་དམར་པོ་ནས༔ ཟངས་རི་བཙན་རྒོད་མཆེད་སྡེ་བདུན༔ མི་དམར་རྟ་དམར་དམག་ཆས་ཅན༔ བདུང་དར་དམར་པོ་གནམ་ལ་ཕྱར༔ གོ་ཁྲབ་བགོས་ཤིང་འཁོར་གསུམ་བརྒྱན༔ སྡེ་བརྒྱད་དྲེགས་པ་ལས་ལ་འགྱེད༔ སྔོན་ཚེ་པདྨ་ཐོད་ཕྲེང་དང་༔ མ་ཅིག་ལབ་ཀྱི་སྒྲོན་མ་ཡིས༔ བཀའ་དམ་གཉན་པོ་དཔང་བཙུགས་ཏེ༔ འབོད་དོ་གནས་འདིར་གཤེགས་སུ་གསོལ༔ བདག་གི་གྲོགས་དང་སྲུང་མར་བཞུགས༔ ཤ་ཁྲག་དམར་གྱི་གཏོར་མ་དང་༔ ཁྱི་ར་རྟ་དང་གཡག་ར་ལུག༔ དར་དམར་གོ་མཚོན་སྣ་ཚོགས་དང་༔ མདོར་ན་མཐུན་རྫས་ལོངས་སྤྱོད་ཚོགས༔ དངོས་འབྱོར་ཡིད་ཀྱིས་རྣམ་འཕྲུལ་ཏེ༔ འདོད་ཡོན་ནམ་མཁའ་མཛོད་དུ་འབུལ༔ གསོལ་ལོ་མཆོད་དོ་ཐུགས་དམ་བསྐང་༔ ཕྱི་ནང་གསང་བའི་བར་ཆད་བཟློག༔ ཞི་རྒྱས་དབང་དང་མངོན་སྤྱོད་ལས༔ བདག་གི་བསམ་དོན་ཡོངས་འགྲུབ་མཛོད༔ དམ་ལ་མ་འདའ་ས་མ་ཡ༔ དེ་ལྟར་གྲངས་ལྡན་བསྐྱར་བ་ཡིས༔ བཀའ་སྲུང་དྲེགས་པ་བྲན་ཁོལ་འགྱུར༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཅོད་ཀྱི་རྣལ་འབྱོར་བ་ཟངས་རིའི་བཀའ་བབ་སློབ་བུ་མཆོག་གྲུབ་ཀྱི་ངོར་ཆོས་ཉིད་ནམ་མཁའི་མཛོད་ལས་བསྒྱུར་བ་དགེ།།།