རྒན་པོའི་ཐད་གྲོལ་རིག་པའི་གཏམ།

Previous Text Back to Volume Page Next Text

Wylie title	rgan po'i thad grol rig pa'i gtam
Location	bdud 'joms gling pa zab gter Volume 18, Text 17, Pages 69 (Folios 35a1 to 35a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Rgan po'i thad grol rig pa'i gtam. In Sprul pa'i gter chen bdud 'joms gling pa'i zab gter gsang ba'i chos sde, Vol. 18: 69. Thimphu, Bhutan: Lama Kuenzang Wangdue, 2004.
Side notes	Recto: zhal gdams Verso: bdud 'joms gsung mgur skor
More details More details
Genre	Advice - zhal gdams
Colophon	བདུད་འཇོམས་པས་སོ།།
Colophon	bdud 'joms pas so//

[edit]

༄༅། །རྒན་པོའི་ཐད་གྲོལ་རིག་པའི་གཏམ་བཞུགས། །ན་མོ་གུ་རུ་བུདྡྷ་ཡ།སེམས་ཉིད་རྒྱ་མཚོ་ལྟ་བུ་ལ། །འཁོར་འདས་གཟུགས་བརྙན་བཀྲ་བཞིན་ལགས། །གཟུགས་བརྙན་རྒྱ་མཚོ་གཅིག་གིས་ཆིངས། །རྒྱ་མཚོ་མངོན་གྱུར་ངང་ལ་ཞོག །སེམས་ཉིད་ནམ་མཁའི་རང་བཞིན་ལ། །སྣོད་བཅུད་མེད་བཞིན་སྣང་བ་སྟེ། །སྣོད་བཅུད་ནམ་མཁའ་གཅིག་གིས་ཆིངས། །ནམ་མཁའ་མངོན་གྱུར་ངང་ལ་ཞོག །སེམས་ཉིད་སྟོང་པ་ཁྱབ་བརྡལ་ལ། །ཆོས་ཀུན་རྟེན་འབྲེལ་སྒྱུ་མར་སྣང་། །ཆོས་ཀུན་སྟོང་ཉིད་གཅིག་གིས་ཆིངས། །སྟོང་ཉིད་མངོན་གྱུར་ངང་ལ་ཞོག །སེམས་ཉིད་དག་མཉམ་རིག་པ་ལ། །འཁོར་འདས་དག་མཉམ་ཆེན་པོར་རྫོགས། །འཁོར་འདས་རིག་པ་གཅིག་གིས་ཆིངས། །རིག་པ་མངོན་གྱུར་ངང་ལ་ཞོག །སེམས་ཉིད་ཀ་དག་ཆོས་སྐུ་ལ། །སེམས་དང་སྣང་བ་མེད་བཞིན་ཤར། །སེམས་སྣང་ཆོས་སྐུ་གཅིག་གིས་ཆིངས། །ཆོས་སྐུ་མངོན་གྱུར་ངང་ལ་ཞོག །ལྟ་སྒོམ་སྤྱོད་པ་ལོགས་ན་མེད། །རྣམ་རྟོག་འགྱུ་བ་སྐྱེ་འགག་ཅན། །འཚོ་སྐྱོང་བྱས་ཀྱང་ཐོབ་ལེན་མེད། །ཁྱབ་བརྡལ་ཆེན་པོའི་དགོངས་པ་སྐྱོངས། །སངས་རྒྱས་ཀུན་གྱི་དགོངས་པ་ཡིན། །སྐལ་བར་ལྡན་ན་ཉམས་སུ་ལོངས། །བདུད་འཇོམས་པས་སོ།། །།