མཁའ་འགྲོའི་བརྡ་བསྟན་རྡོ་རྗེའི་ཚིག་རྐང་།

Previous Text Back to Volume PageNext Text

Wylie title	mkha' 'gro'i brda bstan rdo rje'i tshig rkang
Location	bdud 'joms gling pa zab gter Volume 18, Text 37, Pages 136 (Folios 68a1 to 68a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Mkha' 'gro'i brda bstan rdo rje'i tshig rkang. In Sprul pa'i gter chen bdud 'joms gling pa'i zab gter gsang ba'i chos sde, Vol. 18: 136. Thimphu, Bhutan: Lama Kuenzang Wangdue, 2004.
Side notes	Recto: zhal gdams   Verso: bdud 'joms gsung mgur skor
More details More details
Genre	Advice - zhal gdams
Colophon	ཞེས་ཟེར་ཞིང་ཆོས་ཉིད་སྒྱུ་མར་ཡལ། །མི་རྒན་དེ་འཆོལ་བའི་འཁྲུལ་ཉམས་སོ།།
	zhes zer zhing chos nyid sgyu mar yal/_/mi rgan de 'chol ba'i 'khrul nyams so//

Tibetan Text

[edit]

༄༅། །མཁའ་འགྲོའི་བརྡ་བསྟན་རྡོ་རྗེའི་ཚིག་རྐང་བཞུགས། ཨེ་ཨེ། ཡུལ་ཕ་གི་མེ་ལོང་གཟུགས་བརྙན་བཞིན། །བདེ་སྡུག་གི་རི་མོ་བཀྲ་ལ་ལྟོས། །འཁོར་འདས་ཀྱི་བྱེད་པོ་ཉིད་དང་བཅས། །གཉིས་མེད་ཀྱི་རོལ་པར་མ་རྟོགས་ན། །རྣམ་མཁྱེན་ནི་ཆུ་ལ་མེ་འབར་ཙམ། །བརྡ་གོ་འམ་ཁོ་མོའི་བུ་ཆུང་བ། །མིར་སྣང་ནི་དབྱར་གྱི་པུཥྤེ་ཙམ། །འདོད་ཡོན་དང་སྨིག་རྒྱུ་རིང་དུ་འབྲོས། །སླེབ་འདོད་ཀྱི་མགྲོན་པོ་འགྲོ་ཁར་ཐུག །བརྡ་གོ་འམ་ཡེ་ཤེས་མཁའ་འགྲོའི་བུ། །ལྷོ་མོན་ནས་སྐྱེས་པའི་ཁུ་བྱུག་ཁྱོད། །ཁ་ཟས་དང་དྲོད་ལ་ཆགས་མིན་ཀྱང་། །ནམ་དུས་ཀྱིས་བསྐྱོད་ནས་བོད་དུ་འཕེན། །ལྗོན་ཤིང་གི་ཚལ་དུ་སླེབས་པའི་ཚེ། །འཚོ་སྦྱོར་གྱི་ཟབ་དོན་ཕོག་ཏུ་བཞག །རང་གཞན་གྱི་ཆེད་དུ་རོལ་ཤེས་ན། །ད་དུང་ཡང་རང་འཚོ་གཞན་དག་ལ། །གསུང་སྙན་གྱི་སྦྱིན་པ་སྟེར་ན་ལེགས། །བརྡ་གོ་འམ་མཁའ་འགྲོ་མ་ཡི་བུ། །དབྱིངས་སྐྱེ་མེད་ཡེ་ཤེས་མཁའ་འགྲོ་མ། །གཟུགས་ངོམས་ནས་རྣམ་འགྱུར་བརྩེ་བརྩེ་ཡང་། །མིག་ཉིད་ལས་མི་གཞན་མིག་ཡོར་འཕྲུལ། །གཞི་བདེ་གཤེགས་སྙིང་པོར་ཆམ་བརྡལ་ཡན། །ཞེས་ཟེར་ཞིང་ཆོས་ཉིད་སྒྱུ་མར་ཡལ། །མི་རྒན་དེ་འཆོལ་བའི་འཁྲུལ་ཉམས་སོ།། །།