མི་རྒན་བདག་གི་ངག་ལ་སོགས་ལྡེབ་༡དུས་གསུམ་རྒྱལ་བའི་སྤྱི་གཟུགས་སོགས་ཞལ་གདམས།

Previous Text Back to Volume PageNext Text

Wylie title	mi rgan bdag gi ngag la sogs ldeb 1dus gsum rgyal ba'i spyi gzugs sogs zhal gdams
Location	bdud 'joms gling pa zab gter Volume 18, Text 119, Pages 445 (Folios 223a1 to 223a5)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Mi rgan bdag gi ngag la sogs ldeb 1dus gsum rgyal ba'i spyi gzugs sogs zhal gdams. In Sprul pa'i gter chen bdud 'joms gling pa'i zab gter gsang ba'i chos sde, Vol. 18: 445. Thimphu, Bhutan: Lama Kuenzang Wangdue, 2004.
Side notes	Recto: zhal gdams   Verso: bdud 'joms gsung mgur skor
More details More details
Genre	Advice - zhal gdams
Colophon	།མི་རྒན་བདུད་འཇོམས་རྡོ་རྗེས་སྤྲིངས་པའོ། །དགེའོ།།
	/mi rgan bdud 'joms rdo rjes springs pa'o/_/dge'o//

Tibetan Text

[edit]

༄༅། །མི་རྒན་བདག་གི་ངག་ལ་ཁྱོད་ཉན་ན། །མི་ཚེ་ཐེབས་ཙམ་སྣང་བ་ཡུད་ཙམ་འདིར། །རྣམ་གཡེང་ལེ་ལོ་རྙེད་ཚོལ་བྱ་བ་སྤོངས། །གསོག་འཇོག་བྱས་ཀྱང་གཞན་གྱིས་ཧབ་ཤ་བྱེད། །བློ་ཐག་རིང་བའི་སྣ་ཁ་བསྟུང་བྱས་ཏེ། །རྩེ་གཅིག་བསྒོམ་པ་ཟབ་མོ་ལྷུར་ལེན་མཛོད། །རང་གི་རང་ལ་ཁ་ཏ་གྲོས་ཐོབ་ལ། །རང་ཚད་རང་གིས་ཟུངས་ཤིག་སྐལ་ལྡན་བུ། །གདོད་མའི་ཡེ་གཞི་ནམ་མཁའི་ཁོར་ཡུག་དེ། །སུས་ཀྱང་མི་མཐོང་ལྐོག་ཏུ་གྱུར་པ་ཡི། །ཕྱོགས་དང་རིས་ཆད་གཟུང་འཛིན་ལམ་དུ་འཕྱངས། །གཉིས་མེད་མཉམ་པ་ཉིད་ཀྱི་ངང་རིག་ནས། །མངོན་གྱུར་ངང་གནས་འདའ་མེད་རྟག་ཏུ་སྐྱོངས། །གདམས་ངག་ཆུད་ཟོས་མ་བྱེད་སྙིང་ནོར་གྱིས། །འཁོར་བ་སྤངས་ཟིན་འཁོར་བ་ལྷུར་མ་ལེན། །ཕྱི་མ་ཐར་པ་ཐོབ་པ་ཞིག་ལ་རེམ། །མི་རྒན་བདག་ལ་སྙིང་གཏམ་འདི་ལས་མེད། །མ་བརྗེད་མ་བརྗེད་ངེས་ལེགས་ཐུགས་ལ་ཞོག །མི་རྒན་བདུད་འཇོམས་རྡོ་རྗེས་སྤྲིངས་པའོ། །དགེའོ།། །།