Lhag ma for Throma tsok

ཨོཾ་ཨཱཿཧཱུྂ༔ ལན་གསུམ༔ ལྷག་མ་མྱོང་གྲོལ་བདུད་རྩི་ལ༔ དགྲ་བགེགས་བཀུག་བསྒྲལ་གཉིས་མེད་གྱུར༔ ཕཊ༔ རྡོ་རྗེ་རིགས་ཀྱི་མཁའ་འགྲོ་མས༔ ཞེ་སྡང་ལས་གྱུར་ལྷ་འདྲེ་སྡུས༔ རིན་ཆེན་རིགས་ཀྱི་མཁའ་འགྲོ་མས༔ ང་རྒྱལ་ལས་གྱུར་ལྷ་འདྲེ་སྡུས༔ པདྨ་རིགས་ཀྱི་མཁའ་འགྲོ་མས༔ འདོད་ཆགས་ལས་གྱུར་ལྷ་འདྲེ་སྡུས༔ ལས་ཀྱི་རིགས་ཀྱི་མཁའ་འགྲོ་མས༔ ཕྲག་དོག་ལས་གྱུར་ལྷ་འདྲེ་སྡུས༔ སངས་རྒྱས་རིགས་ཀྱི་མཁའ་འགྲོ་མས༔ གཏི་མུག་ལས་གྱུར་ལྷ་འདྲེ་སྡུས༔ འཁོར་བཅས་འདིར་གཤེགས་ལྷག་ལ་རོལ༔ འདོད་ཡོན་རྒྱན་གྱི་ཚོགས་ལྷག་རོལ༔ དམ་རྫས་རྒྱན་གྱི་ཚོགས་ལྷག་རོལ༔ ཤ་ཁྲག་དམར་གྱི་ཚོགས་ལྷག་རོལ༔ ནད་དང་རིམས་དང་སྡུག་བསྔལ་རྣམས༔ བཞེས་ཤིག་རོལ་ཅིག་ལྷག་མེད་མཛོད༔ དགྲ་བགེགས་གནོད་བྱེད་ཚར་ཆོད་ཅིག༔ ཟ་ཁ་སྡང་བའི་དགྲ་ལ་སྟོན༔ བཛྲ་ས་མ་ཡ་བརྣག་པ་དེ་ཁོ་ནའོ༔ ཁས་ཞན་དབང་ཆུང་ཀུན་ལ་སྦྱིན༔ ཚིམ་ནས་བདེ་བའི་དཔལ་ཐོབ་ཤོག༔ ཨུ་ཙྪིཥྟ་བ་ལིཾ་ཏ་ཁཱ་ཧི༔