གནས་གསུམ་བྱིན་གྱིས་བརླབས་པ༔

Previous Text Back to Volume Page Next Text

Wylie title	gnas gsum byin gyis brlabs pa:
Location	bdud 'joms gling pa zab gter Volume 5, Text 49, Pages 465-466 (Folios 1a1 to 1b2)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Gnas gsum byin gyis brlabs pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 5: 465-466. Thimphu, Bhutan: Lama Kuenzang Wangdue, 2004.
Side notes	Recto: gnas gsum byin brlabs Verso: bdud 'joms phur pa
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Liturgy - ngag 'don
Cycle	རིག་འཛིན་སྙིང་གི་ཡང་ཐིག་ (rig 'dzin snying gi yang thig)
Deity	rdo rje phur pa

[edit]

འུ༔ གནས་གསུམ་བྱིན་གྱིས་བརླབས་པ་ནི༔ སྙིང་ག་མགྲིན་པ་སྤྱི་བོ་རུ༔ ཟླ་བའི་གདན་རེ་བསམ་ནས་ནི༔ རྡོ་རྗེ་པདྨ་འཁོར་ལོ་དག༔ ཧཱུྃ་ཨཱཿཨོཾ་གྱིས་མཚན་པ་ལས༔ ཐུགས་གསུང་སྐུ་ཡི་རྡོ་རྗེས་བསྒོམ༔ རྡོ་རྗེའི་རྒྱ་གནས་གསུམ་དུ་བཞག་ལ༔ ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཏྨ་ཀོ྅་ཧཾ༔ དེ་བཞིན་དུ༔ ཝཱཀ༴ ཀཱ་ཡ༴ སྦྱར༔ དབང་བསྐུར་བ་ནི༔ སྙིང་ཁར་བྷྲཱུྃ་ལས་རིན་པོ་ཆེའི་གཞལ་མེད་ཁང་སྒོ་གཅིག་པའི་ནང་དུ་ཡེ་ཤེས་སེམས་དཔའ་རྡོ་རྗེ་མི་བསྐྱོད་པ་ཚོན་གང་བ་གསལ་བའི་སྒོ་སྲུང་རྟ་མགྲིན་ཡབ་ཡུམ་དུ་གསལ་བ༔ ཡེ་ཤེས་སེམས་དཔའི་འོད་ཀྱིས་དབང་ལྷ་སྤྱན་དྲངས་པར་བསམ་ལ༔ ཧཱུྃ༔ ཐབས་ཀྱི་སྤྱོད་པས་གཞན་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པའི༔ དབང་དང་བྱིན་རླབས་བདག་ལ་སྩོལ༔ རིགས་ལྔའི་དབང་རྒྱ་སོ་སོར་བཞག་ལ༔ ཨོཾ་མ་ཧཱ་ཤུ་ནྱ་ཏཱ་ཛྙཱ་ན༴ ཧཾ༔ དེ་བཞིན་དུ༔ ཤུ་ནྱ་ཏཱའི་མལ་དུ༔ ཨ་དཪྴ༔ ས་མ་ཏ༔ པྲ་ཏྱ་བེཀྵ་ན༔ ཀྲྀ་ཏ་ཨ་ནུཥྛ༔ བཅུག༔ དེ་ནས་ཁམས་གསུམ་གྱི་སྲོག་ལ་དབང་བསྐུར་བ་ནི༔ ཧཱུྃ་ཧཱུྃ་ཧཱུྃ༔ འགྲོ་དྲུག་ཉོན་མོངས་བཅིངས་པ་རྣམས༔ ཧཱུྃ་གིས་དུག་ཆེན་རབ་སྦྱངས་ཏེ༔ ཨ་ནྲྀ་སུ་ཏྲི་བྲེ་དུར་གྱུར༔ རཾ་ཡཾ་ཁཾ་ལས་མེ་རླུང་ཆུས༔ འགྲོ་བ་རབ་སྦྱངས་ཧཱུྃ་དུ་གྱུར༔ ཁམས་གསུམ་ཐམས་ཅད་རྡོ་རྗེ་སེམས༔ ཏིལ་གྱི་གོང་བུ་ལྟ་བུས་གང་༔ རྟ་མགྲིན་རྒྱལ་པོ་ཡེ་ཤེས་ལ༔ བསྟིམས་པས་བྱང་ཆུབ་སེམས་རྒྱས་གྱུར༔ ཡབ་ཡུམ་གཉིས་མེད་སྦྱོར་བའི་སྒྲས༔ ཡེ་ཤེས་ཁྲོ་བོ་སྤྱན་དྲང་ངོ་༔ དེ་ནས་སྤྱན་འདྲེན་ལ་འཇུག་གོ༔