སྐྱི་སྔོན་བཟོ་ཐབས་ནུབ་གཅིག་གི་རྨི་ལམ་ན་སོགས།

Previous Text Back to Volume PageNext Text

Wylie title	skyi sngon bzo thabs nub gcig gi rmi lam na sogs
Location	bdud 'joms gling pa zab gter Volume 16, Text 4, Pages 13-14 (Folios 1a1 to 1b2)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Skyi sngon bzo thabs nub gcig gi rmi lam na sogs. In Sprul pa'i gter chen bdud 'joms gling pa'i zab gter gsang ba'i chos sde, Vol. 16: 13-14. Thimphu, Bhutan: Lama Kuenzang Wangdue, 2004.
Side notes	Recto: skyi sngon bzo thabs   Verso: bdud 'joms zab gter
More details More details
Genre
Colophon	ཅེས་ཟེར་བ་ཆུ་སྤྲེལ་ལོའི་ཟླ་༣ཚེས་ལ་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་ཐོས་སོ།།
	ces zer ba chu sprel lo'i zla 3tshes la bdud 'joms rdo rje khro lod rtsal gyis thos so//

Tibetan Text

[edit]

༄༅། །ནུབ་གཅིག་གི་རྨི་ལམ་ན་ཐང་ཆེན་པོ་ཞིག་གི་དཀྱིལ་ན་བུད་མེད་རྒྱ་མོ་གོས་སྔོན་གྱོན་པ་མང་པོས། ལ་ལས་ཁྲོ་བླུགས། ལ་ལས་གོ་ལྗང་མང་པོའི་ལས་ཀ་བྱེད་པ་མཐོང་ནས། བདག་གིས་བུད་མེད་རྒན་པ་ཞིག་ལ་གོ་སྔོན་དང་ཀོ་རུ་འདི་ཇི་ལྟར་སྦྱོར་བ་ཡིན་དྲིས་པས་ལན་དུ་འདི་སྐད་ཟེར་རོ། །སྐྱི་སྔོན་བྱེད་པར་འདོད་ན། དང་པོ་ར་ལྤགས་ཀྱི་སྤུ་ལ་ཁ་གཏིང་མེད་པར་བུར་ཐོག་ཐུག་ནས་རུལ་ཏེ་དཀར་དང་ངེ་སོང་རྗེས། ཤིང་གིས་བརྒྱང་ནས་མེ་ལོང་གི་བྱད་ལྟར་དྭངས་པར་བྱས་ནས་བསྐམ། དེ་ནས་ས་ལ་དོང་ཁྲུ་དོ་བྲུས་པའི་ནང་དུ་རྟ་ལུད་དང་ཐལ་བ་བླུགས་ཏེ་ཆུས་འདག་སླ་མོ་བྱས་ནས་བཞག། དེ་སྟེང་མཐོ་གང་འཕགས་པའི་སར་རའི་ལྤགས་པ་བཞག་པའི་ངོར། ཚ་འབིག་བྱེད་ཞོ་བདུན་གྱི་ཆུ་བྱུག། དེ་སྟེང་ཟངས་ཕྱེ་བར་མཚམས་མེད་པར་བརྡར་ནས་ཆ་སྙོམས་པར་བྱས། གོས་འཐུག་ཅིང་དྲོ་བ་གཅིག་གིས་ཁ་བཅད་ནས་རླུང་མི་རྒྱུ་བར་བྱས་ཏེ་ཞག་བདུན་ལ་བཞག་པས་ལྗང་ལ་འོད་དང་ལྡན་པ་ཡིད་དུ་འོང་བར་འགྱུར་ངེས་སོ། །རྒྱས་འབིག་བྱེད་མང་བས་ཕྱི་སྔོ་བ་མ་ཟད་ནང་ཡང་སྔོན་པོར་འགྲོ། བོད་ཀྱི་འབིག་བྱེད་ཉུང་བས་ཕྱི་སྔོ་བ་ཙམ་ལས་མི་ཡོང་། རྒྱས་ཟངས་ཕྱེ་ཤ་སྟག་ཡིན་པས་ལྗང་སྔོན་དཀར་མདངས་འོད་དང་ལྡན་པ་ཡོང་། བོད་ཀྱི་རག་ཕྱེ་འདྲེས་པས་ལྗང་ནག་ལས་མི་འོང་ཟེར། ཁྲོ་ཡི་ཀོ་རུ་ལ། ཀོ་པ་སྲང་གང་སོལ་བ་དང་ཆ་མཉམ། བསྐལ་པའི་ཕྱེ་མ་ཞོ་ལྔ་རྨིག་གཞོབ་སྐར་གང་སྦྱར་ནས་ཁྲོའི་ཀོ་རུ་བྱས་ན་ཐུབ་པ་ཡིན། ཆེ་ན་རིག་པས་དཔགས་པར་བྱའོ། །ཅེས་ཟེར་བ་ཆུ་སྤྲེལ་ལོའི་ཟླ་༣ཚེས་ལ་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་ཐོས་སོ།།