བསྟབ་པ་ཆ་བཅུའི་འདོན་ཟིན།

Previous Text Back to Volume PageNext Text

Wylie title	bstab pa cha bcu'i 'don zin
Location	khros ma'i sgrub skor Volume 1, Text 82, Pages 455-456 (Folios 1a1 to 1b6)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Bstab pa cha bcu'i 'don zin. In Khros ma'i sgrub skor: 845-846. Kalimpong: Mani Dorji, 1979.
Side notes	Recto: 'don 'grigs   Verso: khros ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Liturgical Arrangements - 'don 'grigs  ·  Notes - zin bris
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	khros ma nag mo
Colophon	།ཞེས་པའང་བློ་དམན་མགོ་མི་འཁོར་བའི་ཆ་རྐྱེན་དུ་ཛྙཱ་ནས་སོ། །དགེའོ།།
	zhes pa'ang blo dman mgo mi 'khor ba'i cha rkyen du dz+nyA nas so/__/dge'o//

Tibetan Text

[edit]

༄༅། །ན་མོ་གུ་རུ་ཛྙཱ་ན་ཌཱཀྐི་ནཱི་ཡེ། འདིར་ལུས་གདོན་མཁའ་འགྲོའི་ཞལ་བསྟབ་བམ་བསྟབ་པ་ཆ་བཅུར་གྲགས་པ་ཉིད་བྱ་བ་ལ། ནད་པའི་མདུན་དུ་འཕྱར་བ་ལྟ་བུའི་གཞི་གདན་བཏིང་བའི་དབུས་སུ་བམ་གཟུགས་ནད་པ་ཕོ་མོ་གང་ཡིན་གྱི་རྟགས་ཅན་ཆེ་བརྗིད་སྐྱེ་མཆེད་ཚང་བ་གན་རྐྱལ་དུ་བཞགདེའི་མཐའ་བསྐོར་གྱི་ཕྱོགས་བཞི་མཚམས་བཞི་དང་། སྟེང་དང་འོག་གཉིས་ཤར་ནུབ་ཀྱི་ཕྱི་ངོས་སུ་རྩིས་པར་དམར་གཏོར་གྲི་རིས་ཅན་མཛུབ་གང་བ་བཅུ་ཁ་ནང་བསྟན་དུ་འཇོག་ཅིང་། དེ་རེ་རེའི་རྒྱབ་ཏུ་ཆངས་བུ་རེ་དང་ཤ་དུམ་རེ་བཅས་བཀོད་ལ། ལྷ་འདྲེའི་ཚིག་ལོག་འདྲིལ་བ་ལྟར། ཕཊཊཊ༔ རང་ཉིད་སྐད་ཅིག་གིས་སོགས་གཡང་གཞི་བྲབ་པ་ལན་གསུམ་ནས། གྱིས་ཤིག༔ ཕཊཊཊ༔ དབང་སྡུད་ཟིལ་གནོན། ཕཊཊཊ༔ སྟོང་གསུམ་གྱི་སོགས། རྐང་གསུམ་ཌཱ་དྲིལ་འུར་ཆེམས་ཀྱིས། ཕཊ༔ མ་དབུས་ཕྱོགས་སོགས་མཐར་ཌཱ་བཅད་དེ། ཕཊ༔ ཡེ་གཞི་ཀ་དག་སོགས་ནས། དགོངས་པར་རོལ༔ ཅེས་ཌཱ་འུར་བཞག་ཐབས། བསྟབ་པ་གཞུང་གི་ ཕཊ༔ རང་དང་བསྲུང་བྱའི་སོགས་ནས་འགུགས་གཞུག་ལ་རྐང་གསུམ་ཌཱ་འུར་ཉིས་བཅད། འགུགས་གཞུག་མང་ཉུང་དོ་གལ་དང་བསྟུན་ཅིང་ཉེར་གཅིག་གི་ཚེ་བདུན་རེའི་མཚམས་སུ་ཌཱ་རེ། འགུགས་པ་གྲུབ་ནས་བམ་རོ་བསིལ་ཏེ། མགོ་བོ་ཤར་གྱི་ཤར། ལག་གཡས་ཤར། ལག་གཡོན་ལྷོ། རྐང་གཡོན་ནུབ། རྐང་གཡས་བྱང་། ཁོག་སྟོད་ཕྱེད་བཤག་བཏང་བའི་རྩིབ་གཡས་ཤར་ལྷོ། ནུ་མའི་འོག་ནས་ལྟེ་བའི་བར་བཅད་པ་ནམ་མཚུངས་ལྷོ་ནུབ། རྩིབ་གཡོན་ནུབ་བྱང་། ལྟེ་བ་མན་གྱི་སྨད་སྡེབ་རྒྱབ་ཕྱོགས་ཚང་ར་བྱང་ཤར། དེའི་མདུན་ཕྱོགས་ཟུར་དུ་དབྱེ་བ་ནང་རོལ་ནུབ་ཏུ་བཀོད་ལ། རྐང་བཞི་ཌཱ་འུར་སྤྱན་འདྲེན་རྟས། ཕཊ༔ མ་དབུས་ཕྱོགས་སོགས། བར་ཆད་སོལ། ཕཊཊཊ༔ ཅེས་ཌཱ་འུར་བཞག་ཕྱེད། མཆོད་གཡོག་གིས་ཐེབ་རྩེར་མགོ་བོ་བཤམས་པ་བཏེགས་ལ། ཁྲོས་ཆུང་རྟས། བསྲུང་བྱའི་ལས་དང་སོགས། ཞལ་དུ་བསྟབ༔ ཕཊཊཊ༔ ཅེས་ཕྱི་རོལ་གྱི་སྟེང་ཕྱོགས་སུ་འབུལ། གཏོར་མ་བཏེགས་ལ། གཏི་མུག་ལས་བྱུང་སོགས་ཀྱིས་གོང་གི་ཕྱོགས་སུ་ཕུལ། ཆངས་བུ་ཤ་དུམ་ཐོགས་ལ། གཏི་མུག་ལས་བྱུང་སོགས་ཀྱིས་གོང་ཕྱོགས་སུ་འཐོར། ཚོགས་བསྲེའི་རྟས། ནད་རྣམས་ལྷ་འདྲེའི་སོགས། ཆེན་པོར་ཡན༔ ཕཊཊཊ༔ ཡང་རྐང་གསུམ་ཌཱ་འུར་བཅས། ཕཊ༔ ཤར་ཕྱོགས་དྲག་ཁྲོས་སོགས་ནས་འོག་ཕྱོགས་ཀྱི་བར་འདོན་ལུགས་གོང་དང་འདྲ་བས་ཕྱོགས་མཚམས་རྣམས་སོ་སོའི་ཐད་དང་འོག་གི་བསྟབ་པ་ནུབ་ཕྱོགས་སུ་འབུལ་ཚུལ་མ་ནོར་བར་བྱ། མཐར་ཌཱ་འུར་ཟིལ་གནོན་རྟས། ནད་པའི་བླ་ཚེ་སོགས་ནས། ཉིད་དུ་བཞག༔ ཕཊ་ཕཊ་ཕཊ༔ ཅེས་ཌཱ་བཅད། འདིར་སྤྲོ་ན། ཆོས་ཉིད་སྒྱུ་མ་ལྟ་བུ་སོགས་སྦྱོར་བའམ། གང་ལྟར་ཡང་། ན་མོ། ཆོས་རྣམས་ཐམས་ཅད་སོགས་ལུས་སྦྱིན་མཐའ་སྡུད་བསྔོ་སྨོན་གྱིས་བསྡུས་ལ་བཀྲ་ཤིས་ཇི་ལྟར་རིགས་པ་བརྗོད་པས་གྲུབ་བོ། །ཞེས་པའང་བློ་དམན་མགོ་མི་འཁོར་བའི་ཆ་རྐྱེན་དུ་ཛྙཱ་ནས་སོ། །དགེའོ།། །།