TTDL-ZABTER-02-KHA-033

༠༠༠བརྡ་ཡིག༣༥༥ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཛའི་འབོད་པ་ལྕགས་ཀྱུ་སྙིང་འདྲེན་བཞུགས་སོ༔ ༠༠༠༠བརྡ་ཡིག༣༥༦ན་མོ་གུ་རུ་པདྨ་ཀ་ར་ཡེ༔ ༠༠༠༠བརྡ་ཡིག༣༥༦འདི་ཡི་ལག་ལེན་རིམ་པ་ལ༔ ལས་ཀྱི་བཙོན་ཁང་གྲུ་གསུམ་དུ༔ ལིང་ག་མིང་རུས་དབང་ཚང་བཞག༔ དགྲ་བོའི་ཟག་རྫས་གོས་དུམ་གཞུག༔ མཐའ་མར་རྩང་གི་ར་བས་བསྐོར༔ རོ་གཡམ་མམ་ནི་གྲི་རྡོ་ཡིས༔ ཁ་བཅད་སྟེང་དུ་རྐང་ཁྲིའི་ཁར༔ རྟེན་གཏོར་བླ་རྡོ་བཅས་པ་བཞག༔ ཤ་ཁྲག་སྐྱེམས་མཆོད་འབྱོར་ཚོགས་བཤམས༔ བདག་མདུན་ལྷར་བསྐྱེད་གདིང་ལྡན་ངང་༔ ཧཱུྃ་ཛཿསེར་ནག་གྲུ་གསུམ་འབར་བའི་དཀྱིལ་འཁོར་ནས༔ འཇམ་དཔལ་ཡ་མཱནྟ་ཀ་སྐུར་བཞེངས་ཤིག༔ རྔ་ཡབ་པདྨ་འོད་ཀྱི་གཞལ་ཡས་ནས༔ རྗེ་བཙུན་རྡོ་རྗེ་ཐོད་ཕྲེང་སྐུར་བཞེངས་ཤིག༔ ལྷ་སྲུང་གཉན་པོ་བསྒྲུབ་ལ་དགོངས་སུ་གསོལ༔ བཀའ་དང་དམ་ཚིག་གཉན་པོའི་དཔང་དུ་དགོངས༔ དབྱིངས་ལས་སྐུར་བཞེངས་ཐུགས་རྗེའི་སྤྱན་གྱིས་གཟིགས༔ བསམ་པའི་དོན་ཀུན་འབད་མེད་འགྲུབ་པ་དང་༔ ཡ་མ་རཱ་ཙ་བྲན་དུ་འགུགས་པར་མཛོད༔ ཛ་ཛཿལྷོ་ཕྱོགས་དཔག་ཚད་འདས་པ་རུ༔ རི་རབ་ཆེན་པོའི་ས་ཡི་འོག༔ གྲུ་གསུམ་འདུས་པ་གཤིན་རྗེའི་ཡུལ༔ ལྕགས་མཁར་རིམ་དགུའི་ནང་ཤེད་ནས༔ གཤིན་རྗེ་ཡ་མ་རཱ་ཛ་ནི༔ མཐིང་ནག་མི་སྲུན་རྔམས་པའི་སྐུ༔ གཡས་པས་གཅོད་བྱེད་སྟྭ་ཆེན་ཐོགས༔ སྐྱེ་འགྲོའི་སྲོག་ལ་མངའ་དབང་མཛད༔ གཡོན་པས་བརྡུང་བྱེད་ཐོད་དབྱུག་བསྣམས༔ སྲིད་གསུམ་མ་ལུས་རྡུལ་དུ་བརླག༔ སྔོན་ཚེ་བསྐལ་བའི་དང་པོ་ལ༔ འཇམ་དཔལ་ཡ་མཱནྟ་ཀ་ཡིས༔ དམ་བཏགས་དབང་བསྐུར་བཀའ་བསྒོས་པའི༔ དམ་ཚིག་གཉན་པོ་དེ་ཡིས་འབོད༔ དགྲ་ཁུག་ལས་ཀྱི་ལིང་གར་ཕོབ༔ བསྟན་སྲུང་གཉན་པོ་རྟེན་ལ་བཞུགས༔ ཛཿདེ་འོག་བར་གྱི་བསྐལ་པ་རུ༔ སློབ་དཔོན་ཆེན་པོ་པདྨ་ཡིས༔ སྣང་སྲིད་ལྷ་འདྲེ་བྲན་བཀོལ་ཚེ༔ དམ་བཏགས་དབང་བསྐུར་བཀའ་བསྒོས་བའི༔ དམ་ཚིག་གཉན་པོ་དེ་ཡིས་འབོད༔ དགྲ་ཁུག་ལས་ཀྱི་ལིང་གར་ཕོབ༔ བསྟན་སྲུང་ཆེན་པོ་གཤེགས་སུ་གསོལ༔ བསྒྲུབ་རྟེན་དཀྱིལ་འཁོར་འདི་རུ་བཞུགས༔ ཛ་ཛཿདེ་འོག་དུས་ཚིགས་ཕྱི་མ་ལ༔ རིག་འཛིན་པདྨ་ཐོད་ཕྲེང་གི༔ ཕྲིན་ལས་མངའ་བདག་ཆེན་པོ་ནི༔ སྨོན་ལམ་ལས་སད་སྐྱེས་མཆོག་གི༔ འཁོར་ལོར་དབང་བསྒྱུར་གདིང་ཐོབ་ཚེ༔ གཉིས་མེད་རོལ་པའི་དམ་བཅས་པ༔ དམ་ཚིག་གཉན་པོ་དེ་ཡིས་འབོད༔ དགྲ་ཁུག་ལས་ཀྱི་ལིང་གར་ཐོབ༔ བསྟན་སྲུང་བསྒྲུབ་པའི་རྟེན་ལ་བཞུགས༔ ཧཱུྃ་ཛཿདད་པ་དང་ནི་དམ་ཚིག་གི༔ གཤིན་རྗེ་ཡ་མ་རཱ་ཙ་འབོད༔ བསྒྲུབ་པའི་གནས་འདིར་ད་ཚུལ་བྱོན༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ ཛ་བྷྱོ༔ དད་པ་དང་ནི་དམ་ཚིག་གི༔ འཆི་བདག་ལས་ཀྱི་གཤིན་རྗེ་དང་༔ ཡུམ་མཆོག་སྲོག་བདུད་ནག་མོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ་ཛཿདད་པ་དང་ནི་དམ་ཚིག་གི༔ དྲི་ཟའི་སྲོག་བདག་ཆེན་པོ་དང་༔ སྲིད་པ་ལྷ་ཡི་གཙོ་བོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ གཤིན་རྗེའི་སྲོག་བདག་ཆེན་པོ་དང་༔ གཟའ་བདུད་དུག་གི་སྤུ་གྲི་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ ཀླུ་ཡི་སྲོག་བདག་ཆེན་པོ་དང་༔ མ་མོ་སྲིད་པའི་རྒྱལ་མོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ གནོད་སྦྱིན་སྲོག་བདག་ཆེན་པོ་དང་༔ བདུད་པོ་བསྐོས་རྗེ་བྲང་དཀར་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ མེ་ལྷའི་སྲོག་བདག་ཆེན་པོ་དང་༔ སྲིན་པོ་ལང་ཀ་མགྲིན་བཅུ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ སྲིན་པོའི་སྲོག་བདག་ཆེན་པོ་དང་༔ བཙན་རྒོད་ཡམ་ཤུད་དམར་པོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ རླུང་ལྷའི་སྲོག་བདག་ཆེན་པོ་དང་༔ གནོད་སྦྱིན་ཀཱ་ལ་ཡཀྴ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿདད་པ་དང་ནི་དམ་ཚིག་གི༔ དབང་ལྡན་སྲོག་བདག་ཆེན་པོ་དང་༔ ཀླུ་བདུད་འཆི་བདག་མགོ་དགུ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ ་ཛཿལྷ་ཡི་སྲོག་བདག་ཆེན་པོ་དང་༔ ལྷ་ཆེན་ཁྱབ་འཇུག་ཆེན་པོ་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཧཱུྃ༔ ས་བདག་སྲོག་བདུད་ཆེན་པོ་དང་༔ སྟོང་གསུམ་ཡུལ་ལྷ་གཞི་བདག་འབོད༔ རྣལ་འབྱོར་བདག་གི་གྲོགས་སུ་བྱོན༔ སངས་རྒྱས་བསྟན་པའི་སྲུང་མར་བྱོན༔ དམ་ཉམས་དགྲ་བོའི་གཤེད་དུ་བྱོན༔ མ་གཡེལ་མ་འགྱངས་ས་མ་ཡ༔ དགྲ་བོའི་བླ་སྲོག་ཁུག་ལ་ཤོག༔ ཀུན་ཀྱང་ལས་ཀྱི་གཤིན་རྗེའི་འཁོར༔ ཐམས་ཅད་ཡ་མ་རཱ་ཛའི་བྲན༔ མ་ལུས་ཁྱོད་ཀྱི་ཕྱག་རྒྱས་གདབ༔ སྤྲུལ་པའི་ཆོ་འཕྲུལ་མ་ངེས་ཤར༔ ཁམས་གསུམ་སྲིད་པའི་སྐྱེ་འགྲོ་ཀུན༔ ཐར་བའི་སྲོག་བཅད་འཁོར་བར་བཅིང་༔ དེ་ཡང་མི་སྲུན་ཁྱོད་ཀྱིས་བྱས༔ འཁོར་བར་འཕྱན་པའི་སེམས་ཅན་གྱི༔ རྒྱུ་དྲུག་རྒྱུན་གྱི་སྲོག་བཅད་ནས༔ ཐར་པ་ཆེན་པོའི་ས་རུ་སྦྱོར༔ སྤྱི་བོར་རལ་པའི་ཐོད་དུ་བཅིང་༔ དེ་ཡང་མི་སྲུན་ཁྱོད་ཀྱིས་བྱས༔ ཁམས་གསུམ་ཁྱོད་ཀྱི་སྣང་བ་སྟེ༔ བཀའ་ཡི་ལྷ་སྲིན་སྡེ་བརྒྱད་ཀྱང་༔ ཁྱོད་ཀྱི་རྣམ་ཤེས་ཚོགས་བརྒྱད་དེ༔ སྣང་ཞིང་སྲིད་པའི་ལྷ་འདྲེ་ཡང་༔ མི་སྲུན་ཁྱོད་ཀྱི་སེམས་ལས་བྱུང་༔ ཐམས་ཅད་ཁྱོད་ལས་མི་གཞན་ཏེ༔ ཧཱུྃ ༔ ང་ནི་རིག་པའི་རྒྱལ་པོ་ཆེ༔ ཁྱོད་ནི་རྩལ་དུ་སྒྲུབ་པ་སྟེ༔ སྲོག་ནི་གཅིག་ཏུ་བསྲེས་ཏེ་བསྟེན༔ སྣང་སྲིད་ཁྱོད་ལས་མེད་ངེས་པའི༔ ཆོ་འཕྲུལ་བདག་པོ་ཁྱོད་བསྒྲུབ་བོ༔ དམ་ཚིག་དཔང་དུ་བཞག་ནས་འབོད༔ ལྷང་ལྷང་རྡོ་རྗེའི་ཚིག་གིས་འབོད༔ འུར་འུར་རོལ་མོའི་སྒྲ་ཡིས་འབོད༔ དིར་དིར་སྙིང་པོ་སྔགས་ཀྱིས་འབོད༔ སྐད་ཅིག་ཉིད་ཀྱིས་འདིར་བྱོན་ལ༔ དགྲ་བོའི་བླ་ཁུག་ལིང་གར་ཕོབ༔ བསྒྲུབ་པའི་རྟེན་ལ་བཞུགས་ནས་ཀྱང་༔ བདག་གི་བསམ་པའི་དོན་ཀུན་བསྒྲུབ༔ ཧཱུྃ ་ཛ་ཡ་མ་རཱ་ཙ་ཨ་ར་མ་དུ་རུ་ཙ་ཤ་ན་ཛ་ཛ་ཕེཾ་ཕེཾ༔ དགྲ་བོ་ཆེ་གེ་མོའི་བླ་ཁུག་ཛཿཛཿཞེས་མི་ཚིག་གིས་བར་མི་བཅད་གདན་གྱི་དྲོད་མི་ཡལ་བར་བྱེ་བ་བཟླས་པས་ངེས་པར་འགྲུབ༔ རྟགས་ནི་ཐོག་འཚེག་འུར་ཆེམ་དང་༔ འོད་འཁྱུགས་ས་གཡོས་སྒྲ་སྐད་སྒྲོག༔ རྨི་ལམ་ལ་ཡང་གཟུགས་མཐོང་འགྱུར༔ དགྲ་བོའི་བླ་རྟགས་སེམས་ཅན་ནི༔ མ་ངེས་མངོན་སུམ་མདུན་ལྷགས་དང་༔ རྨི་ལམ་ལ་ཡང་སེམས་ཅན་གང་༔ དེད་ནས་སྒྲོག་བཅིང་བཙོན་རར་བཞུགས༔ གསོད་སོགས་རྨིས་ན་ཁུག་པའོ༔ འདི་ནི་སྲོག་ལས་འཕངས་པ་ཡིན༔ མན་ངག་ཡང་གཅེས་དམ་པའོ༔ བཀའ་སྲུང་གཟའ་བདུད་ནག་པོས་སྲུངས༔ དམ་ཉམས་ལག་ཏུ་མ་ཤོར་རེམ༔ སྐུ་ཡི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཨྠིྀ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་མཐར་ཀུན་དགས་ནན་དུ་བསྐུལ་ངོར་དག་པར་ཕབ་པའི་ཡི་གེ་པ་ནི་དེ་ཉིད་དོ།།དགེའོ།།དགེའོ།།དགེའོ།།།།