TTDL-ZABTER-12-NA-086

༠༠༠༠བརྡ་ཡིག༥༠༣ཆོས་ཉིད་ནམ་མཁའི་ཀློང་མཛོད་ལས༔ མཁའ་འགྲོ་ཡེ་ཤེས་མཚོ་རྒྱལ་གྱི་གསང་སྒྲུབ་ཐུགས་ཀྱི་གྭའུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ༠༠༠༠༠བརྡ་ཡིག༥༠༣ཧཱུྃ༔ སྣང་སྲིད་བདེ་ཆེན་པདྨ་འོད༔ དོན་གྱི་འོག་མིན་གཞལ་ཡས་སུ༔ མ་ཆགས་པདྨ་ཉི་ཟླའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ བདེ་ཆེན་ཡེ་ཤེས་མཚོ་རྒྱལ་མ༔ དཀར་དམར་མདངས་ལྡན་ཞི་འཛུམ་བཞད༔ ཞལ་གཅིག་ཕྱག་གཉིས་གཡས་པ་ན༔ གྲི་གུག་འབར་བས་ཁམས་གསུམ་འགུགས༔ གཡོན་པས་བྷནྡྷ་བདུད་རྩི་བསྣམས༔ ཞབས་གཉིས་མཉམ་པའི་སྟབས་སུ་བཞེངས༔ དཔའ་བོ་ཡབ་ཀྱི་མཚོན་པའི་ཕྱིར༔ ཁ་ཊྭཱྃ་རྩེ་གསུམ་མཆན་དུ་བརྟེན༔ ནུ་མ་འབུར་ཞིང་བྷ་ག་རྒྱས༔ བཅུ་དྲུག་གཞོན་ནུའི་ལང་ཚོས་མཛེས༔ དབུ་སྐྲ་སིལ་མས་སྐུ་རྒྱབ་ཁེབས༔ ཤིན་ཏུ་དགྱེས་ཤིང་ཆགས་པའི་ཉམས༔ རིངས་པའི་ཚུལ་གྱིས་མཁའ་ལ་གཟིགས༔ རཏྣ་ལྔ་དང་དར་སྣས་སྤྲས༔ འཇའ་འོད་ཐིག་ལེའི་ཀློང་དུ་གསལ༔ ཐུགས་ཀར་དྭངས་མའི་ཐིག་ཀློང་དུ༔ བྃཿམཐར་སྔགས་ཀྱི་ཕྲེང་བས་བསྐོར༔ བཟླས་པས་མ་དག་སྒོ་གསུམ་པོ༔ རྡོ་རྗེ་གསུམ་དུ་དག་མཉམ་རོལ༔ བྃཿཛྙཱ་ན་ཌཱཀྐི་ནཱི་ཧ་རི་ནི་ས་བཛྲ་སིདྡྷི་ཧཱུྃ༔ དམིགས་གསལ་གནད་དང་ལྡན་པས་བཟླ༔ ས་མ་ཡ༔ ཞེས་པ་འདི་ཡང་རྡོ་རྗེ་བཟང་པོའི་ངོར་མ་ནུས་སྤྲང་པོ་སེམས་ཉིད་ཧད་པོས་ཆོས་ཉིད་ཀློང་གི་མཛོད་ལས་བཤུས་སོ།།དགེའོ།།