TTDL-ZABTER-13-PA-108

ཧོཿ བཀའ་སྲུང་དྲེགས་པའི་སྡེ་ཚོགས་དགོངས༔ དམ་ཚིག་གཉན་པོ་དཔང་བཙུགས་ཏེ༔ ཁྱོད་ལ་ཕྲིན་ལས་བཅོལ་བ་ནི༔ སྣང་སྲིད་སྐྱེ་འགྲོའི་བློ་ཡིད་སེམས༔ ཁབ་ལེན་རྡོ་དང་ལྕགས་འཕྲད་བཞིན༔ རང་དབང་མེད་པར་དབང་དུ་བསྡུས༔ ཟས་ནོར་ལོངས་སྤྱོད་འདོད་རྒུའི་དཔལ༔ རྒྱུ་མི་འཆད་པར་བདག་ལ་སྩོལ༔ བཅོལ་བའི་ཕྲིན་ལས་གྲུབ་པར་མཛོད༔ བཛྲ་ས་མ་ཡ༔ སརྦ་དྷརྨ་པཱ་ལ་ཀྵེ་ཊ་པཱ་ལ་ལོ་ཀ་པཱ་ལ་སརྦ་ས་མ་ཡ་མི་སྙིང་བསྒུལ་བསྒུལ་མི་བློ་བསྒྱུར་བསྒྱུར་སརྦ་རཏྣ་བ་སུ་ཁ་དྷེ་སིདྡྷི་ཕ་ལ་ཧོ༔ རིགས་སྲས་དྲིས་མེད་འོད་ཟེར་གྱིས་བསྐུལ་ངོར་བདུད་འཇོམས་རྡོ་རྗེས་དག་སྣང་ལས་ཕབ་པ་དགེའོ།།༁ྃ༔ བཀའ་སྲུང་གཉན་པོ་ཁྱེད་རྣམས་ཀྱི༔ བདག་གི་རྟ་ཕྱུགས་ནོར་ལུག་སྐྱོངས༔ མི་ནད་ནོར་གྱི་གོད་ཁ་བཟློག༔ རྟ་ཡི་གཡང་ལྷ་དགྲ་བླ་མཛོད༔ གྲངས་སྤེལ་སྟོབས་ཤུགས་ནུས་རྩལ་བསྐྱེད༔ གནོད་བྱེད་དགྲ་བགེགས་སྒྲོལ་ཞིང་བཟློག༔ དམ་ལ་མ་འདའ་ས་མ་ཡ༔ ཞེས་བདུད་འཇོམས་རྡོ་རྗེས་སྦྱར་བ་དགེ།།།