TTDL-ZABTER-14-PHA-033

བརྡ་ཡིག་༠༠༠༠༠༠༔ ཆོས་ཉིད་ནམ་མཁའི་ཀློང་མཛོད་ལས༔ འཕགས་མཆོག་ཐུགས་རྗེ་ཆེན་པོའི་སྲེག་བླུགས་ཡེ་ཤེས་མེ་ལྕེ་བཞུགས་སོ༔ བརྡ་ཡིག་༠༠༠༠༠༠༔ ན་མོ་གུ་རུ་པདྨ་ཀ་ར་ཡེ༔ བརྡ་ཡིག་༠༠༠༠༠༠༢༥༢༔ རྒྱལ་དབང་པདྨ་ཐོད་ཕྲེང་ངས༔ གདུལ་བྱ་ལས་ཅན་དོན་ཆེད་དུ༔ ནད་གདོན་བར་ཆད་ཞི་བ་དང་༔ ཚེ་བསོད་རྒྱས་ཤིང་དབང་གི་ལས༔ དྲག་པོའི་ཕྲིན་ལས་ལྷུན་གྲུབ་ཕྱིར༔ སྲེག་བླུགས་ཡེ་ཤེས་མེ་ལྕེ་བསྟན༔ མེ་ཐབ་ལས་བཞི་རང་རང་གི༔ ལས་མཐུན་ཧོམ་ཡང་དེ་བཞིན་བརྩིགས༔ འོག་ཏུ་མཁོ་བའི་རྫས་རྣམས་བསགས༔ དང་པོ་བྱིན་གྱིས་བརླབས་པ་ནི༔ རཾ་ཡཾ་ཁཾ༔ འབྲུ་གསུམ་འོད་དུ་ཞུ་བ་ལས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ལས་བྱུང་བའི་བདེ་སྟོང་ཡེ་ཤེས་ཀྱི་བདུད་རྩི་འཁོར་འདས་ཡོངས་ལ་ཁྱབ་ཅིང་སྤེལ་བར་གྱུར༔ ནམ་མཁའ་མཛོད་སྔགས་ལན་བདུན་དང་༔ རྟེན་འབྲེལ་སྙིང་པོ་ལན་གསུམ་གྱིས༔ དེ་ནས་མེ་སྤར་བ་ནི༔ ཧཱུྃ༔ རང་བྱུང་ཡེ་ཤེས་འབར་བའི་མེ༔ གོས་དཀར་ལྷ་མོའི་མཁར་སྦྱར་བས༔ ལྷ་ཚོགས་དགྱེས་པ་སྐྱེད་བྱེད་པའི༔ ཤེས་རབ་ཡེ་ཤེས་མེར་བྱིན་བརླབས༔ ཨགྣེ་ཛྭ་ལ་རཾ༔ དེ་ནས་མེ་ལྷ་བསྐྱེད་པ་ནི༔ ཧཱུྃ༔ འཁོར་འདས་ཆོས་རྣམས་སྟོང་པར་གྱུར༔ སྟོང་པའི་རང་མདངས་མ་འགགས་པ༔ ཡེ་ཤེས་ཆེན་པོ་འབར་བའི་ཀློང་༔ པདྨ་ཉི་མ་ར་སྐྱེས་སྟེང་༔ ཨགྣེ་དྲང་སྲོང་ཆེན་པོ་ནི༔ དཀར་གསལ་ཚངས་སྐུད་སེ་རལ་སྤྲས༔ དར་དང་རིན་ཆེན་རྒྱན་གྱིས་བརྒྱན༔ ཕྱག་གཉིས་རིལ་པ་སྤྱི་བླུགས་དང་༔ བསྒྲང་ཕྲེང་འཛིན་ཅིང་རིག་སྔགས་གསུངས༔ ཕྱེད་སྐྱིལ་གདན་ལ་མཛེས་པར་བཞུགས༔ གནས་གསུམ་འབྲུ་གསུམ་སྙིང་པོ་ལས༔ འོད་འཕྲོས་ཡེ་ཤེས་མེ་ལྷ་ཆེ༔ ཤར་ལྷོའི་མཚམས་ནས་སྤྱན་དྲངས་བསྟིམ༔ དེ་ནས་མེ་དར་གྱིས་གཡབ་ཅིང་འདི་སྐད་དོ༔ ཧཱུྃ༔ དད་པ་དང་ནི་དམ་ཚིག་གིས༔ དྲང་སྲོང་མེ་ལྷ་འཁོར་དང་བཅས༔ སྲེག་བླུགས་ཞལ་ཟས་བཞེས་སླད་དུ༔ གནས་འདིར་སྤྱན་འདྲེན་གཤེགས་སུ་གསོལ༔ འབར་བ་མེ་ཡི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ ཨགྣེ་རཱ་ཛ་བཛྲ་ས་མ་ཡ་ཛ་ཛ༔ ཏིཥྛ་ལྷན༔ ཨ་ཏི་པཱུ་ཧོཿཔྲ་ཏཱིཙྪ་ཧོཿདེ་ནས་མཆོད་པ་འབུལ་བ་ནི༔ ཧཱུྃ༔ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ལ་སོགས་པའི༔ ཉེར་སྤྱོད་བདུན་གྱི་མཆོད་པ་འབུལ༔ གཟུགས་སྒྲ་དྲི་རོ་རེག་བྱ་ཆོས༔ སྨན་གཏོར་རཀྟ་བྱང་སེམས་བཅུད༔ ཡེ་ཤེས་བདུད་རྩི་འབྱུང་བའི་གནས༔ རྨད་བྱུང་མཆོད་པའི་སྤྲིན་ཆེན་པོ༔ ཨགྣེ་རཱ་ཛའི་ཞལ་དུ་འབུལ༔ གསང་བ་མཆོག་གི་དངོས་གྲུབ་སྩོལ༔ ཨོཾ་བཛྲ་ཨརྒྷཾ་པཱདྱཾ་སོགས་ཤཔྡ་པྲ་ཏཱིཙྪ་ཡེ་སྭཱ་ཧཱ༔ ཨོཾ་རཱུ་པ་ཤཔྡ་སོགས་དྷརྨ་པྲ་ཏཱིཙྪ་ཡེ་སྭཱ་ཧཱ༔ མ་ཧཱ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ལ་ཁཱ་ཧི༔ དེ་ནས་བསྟོད་པ་ནི༔ ཧཱུྃ༔ མེ་སྟེ་བསྲེག་ཅིང་ཟ་བའི་ལྷ༔ ཨགྣེ་རཱ་ཛ་གདོན་གྱི་བདག༔ ཤར་ལྷོ་མེ་ལྷའི་ཚོགས་བཅས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ དེ་ནས་བྱོན་སྐྱེམས་འབུལ་བ་ནི༔ ཨོཾ་ཨགྣེ་ཨ་དཱི་བྱ༔ པ་ཏི་བྱ༔ ཨ་བེ་ཤ་ཡ་མ་ཧཱ་ཤྲཱི་ཡེ་ཧ་བྱ་ཀ་བྱ་བཱ་ཧ་ནྱ་སརྦ་པཉྩ་ཨ་མྲྀ་ཏ་ལ་ཁཱ་ཧི༔ ལན་ཉེར་གཅིག་གིས་ཕུལ༔ དེ་ནས་མར་ཁུ་འབུལ་བ་ནི༔ ཨོཾ་ཨགྣ་ཡེ་པཉྩ་ཨ་མྲྀ་ཏ་ལ་ཁཱ་ཧི༔ ནད་གདོན་འཇིགས་བརྒྱད་སྒྲིབ་གཉིས་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཡམ་ཤིང་ལ༔ ཨོཾ་ཨགྣ་ཡེ་བོ་དྷི་བྷྲྀཀྵ་ཡེ་སྭཱ་ཧཱ༔ ཤམ་བཅས༔ ཏིལ་ལ༔ ཨོཾ་ཨགྣ་ཡེ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ༔ ཤམ་བཅས༔ ཡུངས་ཀར་ལ༔ ཨོཾ་ཨགྣ་ཡེ་སརྦ་ཨརྠ་སིདྡྷ་ཡེ་སྭཱ་ཧཱ༔ ཤམ་བཅས༔ ཞོ་ཟན་ལ༔ ཨོཾ་ཨགྣ་ཡེ་སརྦ་སམྦ་དེ་སྭཱ་ཧཱ༔ ཤམ་བཅས༔ འབྲས་ལ༔ ཨོཾ་ཨགྣ་ཡེ་བཛྲ་པུཥྚ་ཡེ་སྭཱ་ཧཱ༔ ཤམ་བཅས༔ སོ་བ་ལ༔ ཨོཾ་ཨགྣ་ཡེ་བཛྲ་བི་ཛ་ཡེ་སྭཱ་ཧཱ༔ ཤམ་བཅས༔ ནས་ལ༔ ཨོཾ་ཨགྣ་ཡེ་མ་ཧཱ་བེ་གཱ་ཡེ་སྭཱ་ཧཱ༔ ཤམ་བཅས༔ སྲན་མ་ལ༔ ཨོཾ་ཨགྣ་ཡེ་མ་ཧཱ་བ་ལ་ཡེ་སྭཱ་ཧཱ༔ ཤམ་བཅས༔ གྲོ་ལ༔ ཨོཾ་ཨགྣ་ཡེ་བཛྲ་གྷསྨ་རི་སྭཱ་ཧཱ༔ ཤམ་བཅས༔ དཱུརྦ་ལ༔ ཨོཾ་ཨགྣ་ཡེ་བཛྲ་ཨ་ཡུ་ཥེ་སྭཱ་ཧཱ༔ ཤམ་བཅས༔ ཀུ་ཤ་ལ༔ ཨོཾ་ཨགྣ་ཡེ་ཨ་པྲ་ཏི་ཧ་ཏ་བཛྲ་ཡེ་སྭཱ་ཧཱ༔ ཤམ་བཅས༔ ཤིང་ཏོག་ལ༔ ཨོཾ་ཨགྣ་ཡེ་ག་གྷ་ནི་ག་གྷ་ནི་བཻ་ལོ་ཀི་ཏི་སྭཱ་ཧཱ༔ ཤམ་བཅས་ཕུལ༔ དེ་ནས་མེ་ལྷ་འབར་བའི་རྣམ་པར་གྱུར་པར་བསམ་པའི་ཀློང་དུ༔ བསྲེག་ལྷ་བསྐྱེད་པ་གཞུང་གི་ལྷ་བསྐྱེད་ལྟར༔ ཕྱག་འཚལ་ཡན་སོང་མཐར༔ བྱོན་སྐྱེམས་འབུལ་བ་ནི༔ ཧཱུྃ༔ ཡེ་ཤེས་བདུད་རྩི་བླ་ན་མེད༔ འདོད་རྒུ་རང་བྱུང་བདུད་རྩི་ཆེ༔ དཀྱིལ་འཁོར་དགྱེས་པ་བསྐྱེད་པའི་ཕྱིར༔ གུས་པས་འབུལ་ལོ་དགྱེས་པར་རོལ༔ རྩ་སྔགས་མཐར༔ པཉྩ་ཨ་མྲྀ་ཏ་ལ་ཁཱ་ཧི༔ ལན་ཉེར་གཅིག་གིས་ཕུལ་མཐར༔ གཞུང་གི་མཆོད་པ་སྔགས་ཚིག་དང་སྦྲགས་ཏེ་ཕུལ༔ དེ་ནས་ཡམ་ཤིང་ནས་བཟུང་སྟེ་རྫས་ཆེན་རྣམས་རྩ་སྔགས་དང་ཤམ་བཅས་ཕུལ༔ བར་སྐབས་སུ་འདོད་གསོལ་བྱ་བ་ནི༔ ཧོཿརྒྱལ་ཀུན་ཐུགས་རྗེའི་རང་གཟུགས་འཕགས་མཆོག་ནམ་མཁའི་རྒྱལ་པོའི་ཞལ་དུ༔ ཧོཿམེ་ལྷ་ཨགྣེ་རཱ་ཛ་ཁྱོད་ལ་བདུད་རྩི་སོགས་ཁ་བསྒྱུར་བྱ༔ བདུད་རྩི་སྲེག་བླུགས་ཀྱི་མཆོད་པ་དམ་པ་འདི་བཞེས་ལ་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ནད་གདོན་བར་ཆད་རྐྱེན་ངན་མི་མཐུན་པའི་ཕྱོགས་ངན་པ་ཐམས་ཅད་དབྱིངས་སུ་ཞི་བའི་ཕྲིན་ལས་དམ་པ་མཛད་དུ་གསོལ༔ དེ་ནས་གཞུང་གི་བསྟོད་པའི་མཇུག་ཏུ་གཏང་རག་གི་མཆོད་པ་ནི༔ ཧོཿདངོས་སུ་འབྱོར་དང་ཡིད་ཀྱིས་རྣམ་འཕྲུལ་པའི༔ ཕྱི་ནང་གསང་གསུམ་འདོད་ཡོན་མཆོད་པའི་སྤྲིན༔ ཡི་དམ་ལྷ་ཚོགས་དགྱེས་པ་བསྐང་ཕྱིར་འབུལ༔ བདག་ཅག་བསོད་ནམས་ཡེ་ཤེས་ཚོགས་རྫོགས་ཤོག༔ ཨོཾ་བཛྲ་ཨརྒྷཾ་སོགས་ཕྱི་ནང་གསང་མཆོད་སྔགས་ཚིག་ལྟར་ཕུལ༔ དེ་ནས་གཤེགས་སྐྱེམས་རྩ་སྔགས་ལན་བདུན་གྱིས་ཕུལ༔ རྫས་གཞན་མ་རྣམས་ཀྱང་ཤམ་བུ་མེད་པས་སྔར་ལྟར་ཕུལ་མཐར༔ བསྟོད་པ་བྱ་བ་ནི༔ ཧཱུྃ༔ གཞི་དབྱིངས་ཀ་ནས་དག་པ་ཆོས་ཀྱི་སྐུ༔ ལྷུན་གྲུབ་སྐུ་དང་ཡེ་ཤེས་ཡོན་ཏན་རྫོགས༔ ཐུགས་རྗེ་གང་འདུལ་འགྲོ་བའི་དཔལ་དུ་ཤར༔ མགོན་པོ་སྤྱན་རས་གཟིགས་ལ་ཕྱག་འཚལ་བསྟོད༔ དེ་ནས་གཞུང་གི་དངོས་གྲུབ་དང་༔ མ་འབྱོར་པ་དང་སོགས་ཀྱིས་བཤགས་པ་བརྗོད༔ ཡིག་བརྒྱ་བཟླ་བཞིན་ཐབ་ཏུ་ཡུངས་ཀར་འཐོར༔ ཨོཾ༔ ཁྱེད་ཀྱིས་སེམས་ཅན་སོགས༔ བཛྲ་མུ༔ ཡེ་ཤེས་པ་དབྱིངས་སུ་གཤེགས༔ དམ་ཚིག་པ་བདག་ལ་ཐིམ་པར་དམིགས༔ དེ་ནས་མེ་ཁ་གསོས་ལ་མེ་ལྷ་གསལ་བཏབ་ནས༔ མཆོད་འབུལ་ཚིག་དང་སྔགས་མཆོད་སྐབས་ཕྱི་ནང་གསང་མཆོད་འབུལ༔ རང་སྔགས་ཁོ་ནས་གཤེགས་སྐྱེམས་ལན་གསུམ་གྱིས་ཕུལ་མཐར༔ ཡམ་ཤིང་ནས་བཟུང་སྔར་བཞིན་རྫས་རྣམས་རྫོགས་རྗེས༔ བསྟོད་པ་བྱ་བ་དང༔ བཤགས་ཚིག་ཡིག་བརྒྱ་བཅས་གྲུབ་འཕྲལ༔ ཨོཾ༔ ཁྱེད་ཀྱིས་སེམས་ཅན་སོགས༔ བཛྲ་མུཿཡེ་ཤེས་ཀྱི་མེ་ལྷ་ཤར་ལྷོར་གཤེགས༔ དམ་ཚིག་པ་འབར་བའི་རྣམ་པར་གྱུར་ཏེ་སྦྱིན་སྲེག་ཟ་བའི་བགེགས་རྣམས་གཞོམ་པར་གྱུར༔ དེ་ནས་བསྔོ་བ་སྨོན་ལམ་ནི༔ ཧོཿདུས་གསུམ་ནས་བསགས་དགེ་ཚོགས་ཀུན༔ མ་གྱུར་སེམས་ཅན་ཡོངས་ལ་བསྔོ༔ ཀུན་ཀྱང་གདོད་མའི་གཞི་དབྱིངས་སུ༔ མངོན་རྫོགས་སངས་རྒྱས་ཐོབ་གྱུར་ཅིག༔ ལན་གསུམ་མཐར༔ བཀྲ་ཤིས་བསྔོ་སྨོན་གྱིས་མཐའ་བརྒྱན་པར་བྱའོ༔ དེ་ལྟར་འཕགས་མཆོག་ཐུགས་རྗེ་ཆེན་པོ་ཡི༔ སྲེག་བླུགས་ཟབ་མོས་ཚོགས་གཉིས་རྫོགས་པ་དང་༔ གནས་སྐབས་རྐྱེན་སྣང་བར་ཆད་དབྱིངས་སུ་བྱང་༔ ཐེ་ཚོམ་མེད་དོ་རྡོ་རྗེའི་ཚིག་ཡིན་ནོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠིྀ༔ ཞེས་པ་འདི་ཉིད་བློ་གྲོས་བཟང་པོས་བསྐུལ་ངོར་ལས་འབྲེལ་རྩལ་གྱིས་སོ།།དགེའོ།།།།