TTDL-ZABTER-14-PHA-062

༄༅།།ཨེ་མ་ཧོཿཆོས་སྐུའི་སྟོན་པ་ཀུན་བཟང་རྡོ་རྗེ་འཆང་༔ ལོངས་སྐུའི་སྟོན་པ་རིགས་གསུམ་འགྲོ་བའི་མགོན༔ སྤྲུལ་སྐུའི་སྟོན་པ་དགའ་རབ་ཤྲཱི་སེང་༔ རིག་འཛིན་ཆེན་པོ་བརྒྱད་དང་པདྨ་འབྱུང་༔ རྗེ་འབངས་ཉེར་ལྔ་གཏེར་ཆེན་བརྒྱ་རྩ་དང་༔ བཀའ་བབ་གསུམ་ལྡན་རྩ་བའི་བླ་མ་ལ༔ གསོལ་བ་འདེབས་སོ་ཕྱི་ནང་བར་ཆད་སོལ༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ འདི་ཕྱི་བར་གསུམ་རྗེས་སུ་བཟུང་ནས་ཀྱང་༔ ཁམས་གསུམ་ཆོས་ཀྱི་རྒྱལ་པོར་དབུགས་དབྱུང་གསོལ༔ ཚེ་རབས་སྐྱེ་བའི་ཕྲེང་བ་ཐམས་ཅད་དུ༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ སྒོ་གསུམ་དམ་པའི་ཆོས་སུ་འགྱུར་བར་ཤོག༔ ཅེས་བརྒྱུད་པའི་གསོལ་འདེབས་སྨོན་ལམ་དང་འབྲེལ་བ་ཨོ་རྒྱན་རྡོ་རྗེ་འཆང་གི་བཀའ་བཞིན་དུ་ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སློབ་བུ་ཀློང་ཆེན་ཡངས་པས་བསྐུལ་ངོར་བྲིས་སོ།།དགེའོ།།།།