TTDL-ZABTER-15-BA-026

དག་སྣང་ཡེ་ཤེ་དྲ་བ་ལས༔ བདེན་པའི་སྟོབས་བཟློག་གནམ་ལྕགས་སྤུ་གྲི་བཞུགས་སོ༔ ན་མོ་གུ་རུ་པདྨ་ཀ་ར་ཡེཿབདེན་པའི་སྟོབས་ཀྱིས་བཟློག་པ་ནིཿན་མོ༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་རྒྱལ་བའི་མཐུ་སྟོབས་དང་༔ ཆོས་ཉིད་རྣམ་པར་དག་པ་དང་༔ རྒྱུ་འབྲས་ཟབ་མོའི་བདེན་པའི་མཐུས༔ བདག་ཅག་དཔོན་སློབ་འཁོར་བཅས་ཀྱི༔ ཆོས་སྲིད་ཚེ་བསོད་ལོངས་སྤྱོད་ལ༔ བར་ཆད་གནོད་འཚེ་མི་མཐུན་ཕྱོགས༔ མ་ལུས་བསྡུས་ཏེ་དགྲ་ལ་བཟློག༔ སྡང་བར་བྱེད་པའི་དགྲ་དཔུང་བཟློག༔ གནོད་པར་བྱེད་པའི་གདོན་བགེགས་བཟློགཿབཀའ་སྲུང་ཡོངས་ཀྱིས་རྒོལ་བ་བཟློགཿསྡེ་བརྒྱད་ཡོང་ཀྱིས་རྒོལ་བ་བཟློགཿསྣང་སྲིད་ལྷ་འདྲེས་རྒོལ་བ་བཟློགཿབན་བོན་ཀླ་ཀློའི་མཐུ་ནུས་བཟློག༔ བྱང་ཆུབ་སྒྲུབ་པའི་བར་ཆད་བཟློགཿནད་རིམས་ཡམས་ནད་གོད་ཁ་བཟློགཿསད་སེར་བཙའ་ཐན་ལོ་ནད་བཟློགཿསྔོན་ལས་འཕྲལ་རྐྱེན་ངན་པ་བཟློགཿབྱད་ཕུར་གཏད་ཁྲམ་ཧོམ་ཟོར་བཟློག༔ མི་ཁ་ཁ་མཆུ་མཁོན་འཐབ༴རང་བྱད་རང་ལ་ལྡོག་པ༴མོ་རྩིས་རྨི་ངན་ཐན་ལྟས༴སྡང་བར་བྱེད་པའི་དགྲ་ལ་བཟློག༔ གནོད་པར་བྱེད་པའི་བགེགས་ལ་བཟློག༔ རྗེས་ཤུལ་མེད་པར་བཟློག་གྱུར་ཅིག༔ འདི་ཡིས་མི་བཟློག་གང་ཡང་མེད༔ རིག་འཛིན་མཁའ་འགྲོའི་དགོངས་རྒྱས་བཏབ༔ ཡི་དམ་རྒྱ་མཚོའི་བྱིན་རླབས་འདུ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༠༠༠༠བརྡ་ཡིག༡༣༨རིག་འཛིན་བདུད་འཇོམས་རྡོ་རྗེས་མཁའ་འགྲོ་གསང་བའི་མཛོད་ལས་བཤུས་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ།།དགེའོ།།།