TTDL-ZABTER-18-TSHA-119

མི་རྒན་བདག་གི་ངག་ལ་ཁྱོད་ཉན་ན། །མི་ཚེ་ཐེབས་ཙམ་སྣང་བ་ཡུད་ཙམ་འདིར། །རྣམ་གཡེང་ལེ་ལོ་རྙེད་ཚོལ་བྱ་བ་སྤོངས། །གསོག་འཇོག་བྱས་ཀྱང་གཞན་གྱིས་ཧབ་ཤ་བྱེད། །བློ་ཐག་རིང་བའི་སྣ་ཁ་བསྟུང་བྱས་ཏེ། །རྩེ་གཅིག་བསྒོམ་པ་ཟབ་མོ་ལྷུར་ལེན་མཛོད། །རང་གི་རང་ལ་ཁ་ཏ་གྲོས་ཐོབ་ལ། །རང་ཚད་རང་གིས་ཟུངས་ཤིག་སྐལ་ལྡན་བུ། །གདོད་མའི་ཡེ་གཞི་ནམ་མཁའི་ཁོར་ཡུག་དེ། །སུས་ཀྱང་མི་མཐོང་ལྐོག་ཏུ་གྱུར་པ་ཡི། །ཕྱོགས་དང་རིས་ཆད་གཟུང་འཛིན་ལམ་དུ་འཕྱངས། །གཉིས་མེད་མཉམ་པ་ཉིད་ཀྱི་ངང་རིག་ནས། །མངོན་གྱུར་ངང་གནས་འདའ་མེད་རྟག་ཏུ་སྐྱོངས། །གདམས་ངག་ཆུད་ཟོས་མ་བྱེད་སྙིང་ནོར་གྱིས། །འཁོར་བ་སྤངས་ཟིན་འཁོར་བ་ལྷུར་མ་ལེན། །ཕྱི་མ་ཐར་པ་ཐོབ་པ་ཞིག་ལ་རེམ། །མི་རྒན་བདག་ལ་སྙིང་གཏམ་འདི་ལས་མེད། །མ་བརྗེད་མ་བརྗེད་ངེས་ལེགས་ཐུགས་ལ་ཞོག།མི་རྒན་བདུད་འཇོམས་རྡོ་རྗེས་སྤྲིངས་པའོ། །དགེའོ། །། །