TTDL-ZABTER-12-NA-072

Previous Text Back to Volume Page Next Text

Wylie title
Location	bdud 'joms gling pa zab gter Volume 12, Text 72, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Sprul pa'i gter chen bdud 'joms gling pa'i zab gter gsang ba'i chos sde, Vol. : . Thimphu, Bhutan: Lama Kuenzang Wangdue, 2004.
Side notes
More details More details
Genre

[edit]

༠༠༠༠༠བརྡ་ཡིག༤༠༧ཆོས་ཉིད་ནམ་མཁའི་ཀློང་མཛོད་ལས༔ དཔལ་ཆེན་རྡོ་རྗེ་གཞོན་ནུའི་མངོན་རྟོགས་བདུད་བཞི་དཔུང་འཇོམས་ཞེས་བྱ་བ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ༠༠༠༠༠བརྡ་ཡིག༤༠༧སྐྱབས་འགྲོ་སེམས་བསྐྱེད་སྔོན་སོང་ནས༔ ཧཱུྃ༔ སྣང་སྲིད་དག་པ་རབ་འབྱམས་ངང་༔ དུར་ཁྲོད་མེ་རི་འབར་བའི་ཞིང་༔ བཀོད་པ་ལྷུན་གྲུབ་གཞལ་ཡས་དབུས༔ པདྨ་ཟླ་བ་ཉི་མའི་སྟེང་༔ བདུད་བཞི་ཕོ་མོ་བསྣོལ་བའི་ཁྲིར༔ ཧཱུྃ་ལས་རང་ཉིད་དཔལ་ཆེན་པོ༔ རྡོ་རྗེ་གཞོན་ནུ་སྐུ་མདོག་མཐིང་༔ ཞལ་གསུམ་གཡས་དཀར་གཡོན་དམར་བ༔ ཁམ་ནག་དབུ་སྐྲ་མེ་ལྟར་འབར༔ ཕྱག་དྲུག་གཡས་གཉིས་གསེར་རྡོ་རྗེ༔ རྩེ་དགུ་དང་ནི་རྩེ་ལྔ་ཕྱར༔ གཡོན་གཉིས་ཁ་ཊྭཱྃ་མེ་དཔུང་བསྣམས༔ ཐ་གཉིས་རི་རབ་ཕུར་པ་འདྲིལ༔ ཞབས་བཞིས་བདུད་བཞི་བསྣོལ་ཐབས་གནོན༔ རྡོ་རྗེ་རིན་ཆེན་གཤོག་པ་གདེངས༔ ཞལ་གདངས་ལྗགས་འདྲིལ་ཁྲོ་གཉེར་སྡུད༔ སྤྱན་དགུ་སྡང་མིག་གཡོ་ཞིང་འཁྲུགས༔ དུར་ཁྲོད་དཔལ་ཆས་གར་ཉམས་ལྡན༔ འཁོར་ལོ་རྒྱས་འདེབས་ཡུམ་གྱིས་འཁྲིལ༔ སྔོ་སྐྱ་ཁ་ཊྭཱྃ་དུང་ཁྲག་སྟོབ༔ ཞབས་གཡོན་ཡབ་ཀྱི་སྐེད་ལ་འཁྱུད༔ གཟིག་ཤམ་མགོ་ཕྲེང་སྦྲུལ་གྱིས་བརྒྱན༔ བསྐལ་པ་དུས་མཐའི་མེ་ལྟར་འབར༔ ཐུགས་ཀར་པདྨ་ཟླ་གདན་ལ༔ ཀུན་ཏུ་བཟང་པོ་ནམ་མཁའི་མདོག༔ རྒྱན་མེད་གཅེར་བུ་མཚན་དཔེས་སྤྲས༔ མཉམ་གཞག་སྐྱིལ་ཀྲུང་མཛད་པ་ཡི༔ ཐུགས་ཀར་ཉི་སྟེང་གནམ་ལྕགས་ཀྱི༔ རྡོ་རྗེ་རྩེ་དགུའི་ལྟེ་བ་རུ༔ ཧཱུྃ་ལ་སྔགས་ཀྱི་ཕྲེང་བས་བསྐོར༔ འོད་འཕྲོས་མཆོག་གསུམ་རྩ་གསུམ་དང་༔ སྐུ་གསུམ་རྒྱལ་བ་སྲས་དང་བཅས༔ སྤྱན་དྲངས་གཉིས་སུ་མེད་པར་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ ཤེས་པ་གཞན་དུ་མ་ཡེངས་པར༔ རྩེ་གཅིག་བཟླས་པས་དངོས་གྲུབ་ཐོབ༔ ས་མ་ཡ༔ རྒྱ་རྒྱ་རྒྱ༔ པདྨ་འོད་དུ་ཨ་ཐམ་རྒྱ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་བའོ།།དགེའོ།།ལེགས་སོ།།སརྦ་མངྒ་ལཾ།།