DJYD-KABUM-14-PHA-004

(1ན) (རྡོ་རྗེ་ཕུར་པ་ཡང་གསང་བཅུད་དྲིལ་ལས། སྐོང་བསྡུས་ཁྲག་འཐུང་དགྱེས་པའི་མཆོད་སྤྲིན་བཞུགས་སོ། །)ཧཱུཾ། འོག་མིན་གསང་ཆེན་རབ་འཇིགས་ཕོ་བྲང་དབུས། །སྒྲུབ་པོ་དམ་ལྡན་རྣལ་འབྱོར་བདག་ཅག་གིས། །སྒྲུབ་རྫས་རྟེན་མཆོག་གཉན་པོ་གཅལ་དུ་བཀྲམ། །སྣང་སྲིད་ལོངས་སྤྱོད་བཀོད་པས་མཛེས་པ་དང་། །འདོད་ཡོན་མཆོད་རྫས་སྤྱན་གཟིགས་སྤྲིན་བཞིན་གཏིབས། །སྣ་ཚོགས་མདངས་མཚར་ཁྲོས་དུ་འཁྱིལ་བ་དང་། །ཏན་གན་ལོངས་སྤྱོད་མཆོག་གི་དམ་རྫས་ཀྱིས། །བརྒྱུད་གསུམ་རིག་འཛིན་ཡི་དམ་མཁའ་འགྲོ་དང་། །རྡོ་རྗེ་གཞོན་ནུ་ཡབ་ཡུམ་ཁྲོ་བོ་བཅུ། །ཁྲོ་མོ་བཅུ་དང་ཟ་གསོད་ཉི་ཤུའི་ཚོགས། །སྒོ་མ་བཞི་དང་དམ་ཅན་བཅུ་གཉིས་དང་། །གིང་བཞི་སྲིང་བཞི་མ་བདུན་དབང་ཕྱུག་ཚོགས། །དགེ་བསྙེན་བརྟན་མ་མགུར་ལྷ་འབངས་ཀྱི་ལྷ། །སྐུ་གསུངས་ཐུགས་ཀྱི་ཟབ་གཏེར་སྐྱོང་བྱེད་པའི། །ཕྱི་ནང་གསང་བའི་བཀའ་སྲུང་གཏེར་སྲུང་བཅས། །ཐུགས་དམ་གཉན་པོ་ཆོས་དབྱིངས་ཀློང་དུ་བསྐང་། །སྡོམ་གསུམ་ཉམས་ཆག་མཐོལ་བཤགས་ཚངས་པ་སྩོལ། །ཕྱི་ནང་གསང་བའི་བར་ཆད་ཞི་ཞིང་ཟློག །སྣོད་བཅུད་ཕྱི་ནང་རྒུད་པ་མཐའ་དག་སོལ། །སྲིད་གསུམ་དབང་བསྡུས་གཉིས་ (1བ)འཛིན་དགྲ་སྡེ་ཆོམས། །ཐལ་འབྱིན་རྣམ་བཞི་ལྷུན་གྲུབ་འཕྲིན་ལས་སྩོལ། །བཀྲ་ཤིས་སྣང་བས་ས་གསུམ་ཀུན་ཁྱབ་ཤོག །(ཅེས་པའང་པདྨ་བཞད་པའི་དབང་པོས་ཟབ་ཆོས་རིན་པོ་ཆེའི་སྒོར་ཞུགས་པ་དག་ལ་ཕན་ཕྱིར་ཁྱེར་བདེར་བཀོད་པ་དགེའོ།། །།)