DJYD-KABUM-14-PHA-014

(1ན) ཚེ་དཔག་མེད་མགོན་གསང་ཡེ་ཙཎྜ་ལཱི།   །བདེ་གཤེགས་ཀུན་འདུས་འཆི་མེད་ཐོད་ཕྲེང་རྩལ།   །དབྱངས་ཅན་ལྷ་མོ་མ་གཅིག་མཚོ་རྒྱལ་མར།   །སྨན་མཆོད་འབུལ་ལོ་བདེ་ཆེན་ཚེ་དབང་སྩོལ།   །རྣམ་པར་སྣང་མཛད་ལོ་ཆེན་བཻ་རོ་རྗེ།   །རྡོ་རྗེ་བདུད་འཇོམས་བཀའ་བབ་སྐྱེས་བུ་མཆོག   །གཏེར་འབྱིན་བླ་མ་ཆོས་བདག་བརྒྱུད་བཅས་ལ།   །སྨན་མཆོད་འབུལ་ལོ་བདེ་ཆེན་ཚེ་དབང་སྩོལ།   །འཆི་མེད་ཚེ་དབང་དངོས་གྲུབ་དཔལ་འབར་ལྷ།   །དཀྱིལ་འཁོར་གཙོ་བོ་ཡུམ་དང་སྤྲུལ་པའི་འཁོར།   །བཀའ་སྡོད་དམ་ཅན་གནས་གཏེར་སྲུང་མ་ལ།   །སྨན་མཆོད་འབུལ་ལོ་བདེ་ཆེན་ཚེ་དབང་སྩོལ།   (བརྒྱུད་མཆོད་འདིའང་ཚེ་སྒྲུབ་འཆི་མེད་སྲོག་ཏིག་གི་ཆ་ལག་ཏུ་གཏེར་འབྱིན་བླ་མའི་གསུང་གི་ངོར།   ཀརྨ་པའི་མཚན་འཛིན་པ་བཅོ་ལྔ་པས་བྲིས་པ་དགེ།།   །།)