DJYD-KABUM-14-PHA-004

Previous Text Back to Volume PageNext Text

Wylie title
Location	bdud 'joms rin po che bka' 'bum Volume 14, Text 4, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. '. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 14: . Kalimpong: Dupjung Lama, 1979-1985.
Side notes
More details More details
Tertön	ཟིལ་གནོན་ནམ་མཁའི་རྡོ་རྗེ་ (zil gnon nam mkha'i rdo rje)
Genre
Cycle	དཔལ་རྡོ་རྗེ་ཕུར་པ་ཡང་གསང་འཕྲིན་ལས་བཅུད་དྲིལ་ (dpal rdo rje phur pa yang gsang 'phrin las bcud dril)
Deity	rdo rje phur pa

Tibetan Text

[edit]

(1ན) (རྡོ་རྗེ་ཕུར་པ་ཡང་གསང་བཅུད་དྲིལ་ལས། སྐོང་བསྡུས་ཁྲག་འཐུང་དགྱེས་པའི་མཆོད་སྤྲིན་བཞུགས་སོ། །)ཧཱུཾ། འོག་མིན་གསང་ཆེན་རབ་འཇིགས་ཕོ་བྲང་དབུས། །སྒྲུབ་པོ་དམ་ལྡན་རྣལ་འབྱོར་བདག་ཅག་གིས། །སྒྲུབ་རྫས་རྟེན་མཆོག་གཉན་པོ་གཅལ་དུ་བཀྲམ། །སྣང་སྲིད་ལོངས་སྤྱོད་བཀོད་པས་མཛེས་པ་དང་། །འདོད་ཡོན་མཆོད་རྫས་སྤྱན་གཟིགས་སྤྲིན་བཞིན་གཏིབས། །སྣ་ཚོགས་མདངས་མཚར་ཁྲོས་དུ་འཁྱིལ་བ་དང་། །ཏན་གན་ལོངས་སྤྱོད་མཆོག་གི་དམ་རྫས་ཀྱིས། །བརྒྱུད་གསུམ་རིག་འཛིན་ཡི་དམ་མཁའ་འགྲོ་དང་། །རྡོ་རྗེ་གཞོན་ནུ་ཡབ་ཡུམ་ཁྲོ་བོ་བཅུ། །ཁྲོ་མོ་བཅུ་དང་ཟ་གསོད་ཉི་ཤུའི་ཚོགས། །སྒོ་མ་བཞི་དང་དམ་ཅན་བཅུ་གཉིས་དང་། །གིང་བཞི་སྲིང་བཞི་མ་བདུན་དབང་ཕྱུག་ཚོགས། །དགེ་བསྙེན་བརྟན་མ་མགུར་ལྷ་འབངས་ཀྱི་ལྷ། །སྐུ་གསུངས་ཐུགས་ཀྱི་ཟབ་གཏེར་སྐྱོང་བྱེད་པའི། །ཕྱི་ནང་གསང་བའི་བཀའ་སྲུང་གཏེར་སྲུང་བཅས། །ཐུགས་དམ་གཉན་པོ་ཆོས་དབྱིངས་ཀློང་དུ་བསྐང་། །སྡོམ་གསུམ་ཉམས་ཆག་མཐོལ་བཤགས་ཚངས་པ་སྩོལ། །ཕྱི་ནང་གསང་བའི་བར་ཆད་ཞི་ཞིང་ཟློག །སྣོད་བཅུད་ཕྱི་ནང་རྒུད་པ་མཐའ་དག་སོལ། །སྲིད་གསུམ་དབང་བསྡུས་གཉིས་ (1བ)འཛིན་དགྲ་སྡེ་ཆོམས། །ཐལ་འབྱིན་རྣམ་བཞི་ལྷུན་གྲུབ་འཕྲིན་ལས་སྩོལ། །བཀྲ་ཤིས་སྣང་བས་ས་གསུམ་ཀུན་ཁྱབ་ཤོག །(ཅེས་པའང་པདྨ་བཞད་པའི་དབང་པོས་ཟབ་ཆོས་རིན་པོ་ཆེའི་སྒོར་ཞུགས་པ་དག་ལ་ཕན་ཕྱིར་ཁྱེར་བདེར་བཀོད་པ་དགེའོ།། །།)