DJYD-KABUM-18-TSHA-002

Previous Text Back to Volume Page Next Text

Wylie title
Location	bdud 'joms rin po che bka' 'bum Volume 18, Text 2, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. '*. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 18: . Kalimpong: Dupjung Lama, 1979-1985.*
Side notes
More details More details
Genre

[edit]

（1ན）（ཐུན་མིན་སྔོན་འགྲོ་དངོས་གཞིའི་གནད་བསྡུས་བཞུགས།） ན་མོ། མཆོག་གསུམ་ཀུན་འདུས་བླ་མར་སྐྱབས་སུ་མཆི། །སེམས་བསྐྱེད་མཁའ་ཁྱབ་འགྲོ་བའི་དོན་ལ་འཇུག །སྤྱི་བོའི་རྡོར་སེམས་སྐུ་ལས་བདུད་རྩིའི་རྒྱུན། །བབས་པས་བདག་གི་སྡིག་སྒྲིབ་མ་ལུས་སྦྱངས། །ཨོཾ་བཛྲ་ས་ཏྭ་ཧཱུྃ། །རང་ཉིད་རྣལ་འབྱོར་མར་གསལ་མདུན་མཁའ་རུ། །རྩ་བའི་བླ་མ་པད་འབྱུང་དངོས་སུ་བཞུགས། །ཁམས་གསུམ་སྣོད་བཅུད་རང་ལུས་ཕུང་ཁམས་བཅས། །ཟག་མེད་བདེ་སྟོང་མཎྜལ་ཚོགས་སུ་འབུལ། །སྐྱབས་ཀུན་ངོ་བོ་ཁྱབ་བདག་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །ཨོཾ་ཨཱཿཧཱུཾ་བཛྲ་གུ་རུ་པདྨ་སིངྔྷི་ཧཱུྃ། གསང་གསུམ་བྱིན་རླབས་དབང་བཞི་ཡོངས་རྫོགས་ཐོབ། །བླ་མ་རང་སེམས་དབྱེར་མེད་རྫོགས་པ་ཆེ། །བློ་བྲལ་རིག་སྟོང་རྗེན་པ་གདོད་མའི་གཤིས། །ཡེ་ཡིན་དོན་གྱི་བླ་མའི་རང་ཞལ་བལྟ། །དགེ་ཚོགས་མཐའ་ཡས་འགྲོ་བའི་དོན་དུ་བསྔོ། །ཀུན་ཀྱང་རྡོ་རྗེ་འཛིན་པའི་ས་ཐོབ་ཤོག །སྣང་གྲགས་རིག་པ་བླ་མའི་སྐུ་གསུང་ཐུགས། །དག་པ་རབ་འབྱམས་བཀྲ་ཤིས་བདེ་ལེགས་ཤོག །（ཅེས་པའང་དེང་དུས་ཀྱི་གདུལ་བྱ་དད་མོས་ཡོད་ཀྱང་ལོང་ཁོམ་གྱིས་དབེན་པ་རྣམས་ལ་（1བ）ཕན་པའི་ཕྱིར་རྗེ་བཙུན་པདྨ་ཆོས་འཛིན་གསང་སྔགས་དབང་མོས་བསྐུལ་བའི་རྐྱེན་ལས་འཇིགས་བྲལ་ཡེ་ཤེས་རྡོ་རྗེས་བྲིས་པ་དགེ། །།）