DJYD-KABUM-20-WA-016

Previous Text Back to Volume Page Next Text

Wylie title
Location	bdud 'joms rin po che bka' 'bum Volume 20, Text 15, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. '*. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: . Kalimpong: Dupjung Lama, 1979-1985.*
Side notes	Recto: thob yig
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

(166ན)ཨོཾ་སྭསྟི། འདིར་རྒྱལ་སྲས་ལྷ་རྗེ་མཆོག་གྲུབ་རྒྱལ་པོའི་རྣམ་རོལ་རིག་འཛིན་ཆོས་རྗེ་གླིང་པའི་ཡང་སྲིད་དེ་མ་ཐག་པ་དབང་དྲག་བདུད་འདུལ་རོལ་པ་རྩལ་ལམ། གཞན་ཡང་ཀུན་བཟང་འོད་ཟེར་རམ། ཡོངས་གྲགས་སུ་གར་དབང་འཆི་མེད་རྡོ་རྗེས་སྦས་ཡུལ་པདྨ་བཀོད་ཀྱི་ནང་ཚན་དམར་ནག་རཀྟའི་མཚོ་ནས་སྤྱན་དྲངས་པའི་ཚེ་སྒྲུབ་འཆི་མེད་ཐུགས་ཐིག་གི་སྐོར་ཐོབ་པ་ལ། དབང་ཆོག་སྐལ་ལྡན་མྱུར་འདྲེན་གྱི་སྟེང་ནས་སྟ་གོན་དང་། ཚོམ་བུའི་དཀྱིལ་འཁོར་དུ་འཇུག་པ་སྔོན་འགྲོས། དངོས་གཞི་དབང་བཞི་ཡོངས་སུ་རྫོགས་པ་མཐའ་རྟེན་བཅས་ཀྱིས་སྨིན་པར་བྱས་ནས། ལུང་ལ། གུ་རུའི་སྒྲུབ་ཐབས་འཆི་མེད་གསང་བ་ཐུགས་ཐིག་ལས་ལོ་རྒྱུས་ངེས་ཤེས་དགེ་བའི་ལྕགས་ཀྱུ། ལམ་ཟབ་བླ་མའི་རྣལ་འབྱོར་རམ་གུ་རུ་རྩ་བའི་སྒྲུབ་ཐབས། ནང་སྒྲུབ་དགོས་འདོད་ཀུན་འབྱུང་། གསང་སྒྲུབ་དྲིལ་སྒྲུབ་ཆིག་དྲིལ་ལྷ་སྲས་མུ་ཁྲི་བཙན་པོའི་ཐུགས་དམ། དབང་ཆོག་སྐལ་ལྡན་མྱུར་འདྲེན། དོན་དབང་མདོར་བསྡུས། རྫོགས་པ་(166བ)ཆེན་པོ་རང་བྱུང་འཁྲུལ་པ་སེམས་ཀྱི་རྒྱུད། ཚེ་ཡི་རྫས་སྒྲུབ་ཟབ་མོ། ཚེ་འགུགས་ཚེ་ཡི་ཕོ་ཉ་བསྐུལ་བ་ཚེ་ཡི་པྲ་བརྟགས་འཆི་ལྟས་འཆི་བསླུ་བཅས། འཆི་མེད་ཚེ་ཡི་བཏགས་གྲོལ་གྱི་དབང་གི་ཆོ་ག་གུད་དུ་སྦས་པ་ལྷ་ལྕམ་མཁའ་འགྲོའི་སྙིང་བཅུད། ཚེ་ཡི་བཏགས་གྲོལ་གྱི་རྒྱུད། བཏགས་གྲོལ་གྱི་རྒྱབ་ཆིངས། གུས་སྦས་ལྷ་ལྕམ་སྙིང་བཅུད་ཀྱི་རྫོགས་རིམ། སྒྲོལ་སྒྲུབ་ཀྱི་ཉམས་ལེན་སྙིང་པོ་བསྡུས་པ། ལྷ་ལྕམ་སྙིང་བཅུད་ཀྱི་ལས་མཐའ་ཁམས་གསུམ་དབང་སྡུད། ཁ་བྱང་ཡིད་བཞིན་སྙིང་མཛོད། མ༽ སྤྱི་ལུང་གསལ་བའི་མེ་ལོང་། དབང་གི་མ་བདུན་གྱི་མཆོད་བྱང་། དམ་རྫས་མྱོང་གྲོལ་གྱི་དཀར་ཆག །ཆོས་བདག་ལུང་བསྟན་གྱི་དབུ། ལས་བཞིའི་སྦྱིན་སྲེག །གཏོར་སྒྲུབ་ཡོན་ཏན་ཀུན་འབྱུང་། བུམ་སྒྲུབ་འཛབ་སྐོང་མུ་ཏིག་ཕྲེང་བ། མ༽ འཕོ་བ་དཔག་ཆེན་མདའ་འཕང་། མ༽ དཀར་པོ་དྲུག་མདོས། མ༽ སྔགས་སྲུང་ཤ་ཟ་ཁྲག་རལ་གྱི་སྲུང་ཟློག་བསད་པའི་ལས་མཐའ་ཆ་ཚང་དུ་བ་རླུང་ཞོན་བཅས་ལེགས་པར་ཐོབ་པའི་བརྒྱུད་པ་ནི། གཏེར་སྟོན་གར་དབང་འཆི་མེད་རྡོ་རྗེ་ཡན་གཞུང་ལྟར་ལ། (167ན)དེ་ནས་གཏེར་སློབ་ཀརྨ་མཚན་བཟང་། བླ་མ་ཨོ་རྒྱན་ལྷུན་གྲུབ། རིག་འཛིན་ནམ་མཁའ་ཚེ་དབང་། དྲིན་ཅན་པདྨ་དབང་རྒྱལ། དེས་བདག་ཡེ་ཤེས་རྡོ་རྗེ་ལའོ། །བཏགས་གྲོལ་གྱི་དབང་གི་བརྒྱུད་པ་ནི། ཀུན་བཟང་། རིགས་ལྔ། དགོངས་བརྒྱུད་སྣང་མཐའ། ཙཎྜ་ལི། རིགས་གསུམ་མགོན་པོ། ཤཱཀ་ཐུབ། དགའ་རབ། ཤྲཱི་སེང་། འཇམ་དཔལ་བཤེས་གཉེན། པད་འབྱུང་། རྒྱལ་སྲས་ལྷ་རྗེ། གཏེར་ཆེན་གར་དབང་འཆི་མེད་རྡོ་རྗེ། ཀརྨ་མཚན་བཟང་ནས་གོང་བཞིན་ནོ། །༎(གོང་གི་མ་རྟགས་ཅན་རྣམས་ལུང་རྒྱུན་མེད། མཆན། )