DJYD-KABUM-22-ZA-029

Previous Text Back to Volume Page Next Text

Wylie title
Location	bdud 'joms rin po che bka' 'bum Volume 22, Text 29, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. '*. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 22: . Kalimpong: Dupjung Lama, 1979-1985.*
Side notes	Recto: zin bris
More details More details
Genre	Notes - zin bris

[edit]

（1ན）（རྡོར་སེམས་བླ་མ་མཆོད་པའི་སྒྲུབ་ཆེན་གྱི་སྐབས་རྒྱས་པའི་སྦྱིན་སྲེག་གི་ཟུར་འདེབས་ལ།） རང་ཉིད་དཀྱིལ་འཁོར་གྱི་གཙོ་བོ་ལས་ལས་ཀྱི་སེམས་དཔའ་གཉིས་པའི་རྣམ་པར་སྤྲོས་ཏེ་སྦྱིན་སྲེག་གི་ལས་རིམ་ལ་འཇུག་པར་གྱུར། （ཞེས་པའི་རྗེས་སྦྱིན་སྲེག་དངོས་ལ་འཇུག་ཅིང་།）ཞི་བའི་ཐབ་ཁུང་（ཞེས་པའི་མལ་དུ།）རྒྱས་པའི་（ཞེས་དང་།） ཞི་བའི་མེ་ལྷ་（ཞེས་པར།）རྒྱས་པའི་（ཞེས་བསྒྱུར། འདས་པའི་མེ་ལྷའི་སྐབས།）དམ་ཚིག་མེ་ལྷའི་ལྟོ་བ་འབྱམས་ཀླས་དབྱིངས། །ཡེ་ཤེས་འོད་ཟེར་དཀར་པོ་འཕྲོ་བའི་དབུས། །སེང་ཁྲི་པདྨ་ཉི་ཟླའི་གདན་བཅས་གསལ། （ཞེས་པའི་མཚམས་སུ།）ཨོཾ། ཆོས་ཀྱི་དབྱིངས་ཀྱི་（སོགས་སྤྱན་འདྲེན་ཚིག་བརྗོད་བསྟུན་ལས་རྡོར་གྱིས་སྒྲུབ་དཀྱིལ་ལས་མཎྜལ་མེ་ཏོག་གིས་མཚན་པ་སྤྱན་དྲངས་པ་སློབ་དཔོན་ལ་གཡས་སུ་བསྐོར་ཏེ་གཡོན་ཕྱོགས་ནས་ཕུལ་བ་རྩ་སྔགས་བཟླ་བཞིན་མེ་ཏོག་ཐབ་ཏུ་འདོར་མཐར།）རང་བྱུང་ལྷུན་གྲུབ་ཡེ་ཤེས་མེ་དཀྱིལ་དབུས། །རིགས་ཀུན་ཁྱབ་བདག་དཔལ་ལྡན་རྡོ་རྗེ་སེམས། །སྐུ་མདོག་དཀར་གསལ་（སོགས་དཀྱུས་ལྟར་དང་། འཇིག་འདས་གཉིས་ཀའི་དགང་བླུགས་ཀྱི་སྤེལ་ཚིག་ཀྱང་）ཚེ་བསོད་དཔལ་འབྱོར་ཐམས་ཅད་རྒྱས་པའི་ཕྲིན་ལས་（ཞེས་དང་། རྫས་གཞན་རྣམས་ཀྱི་སྤེལ་ཚིག་ཀྱི་ཤམ་བུའང་）པུཥྚིཾ་ཀུ་རུ་ཨོཾ། （རྗེས་བསྡུ་བའི་སྐབས།） བཛྲ་མུཿས་（1བ）ཡེ་ཤེས་པ་སྒྲུབ་པའི་དཀྱིལ་འཁོར་དུ་གཤེགས་པར་གྱུར། དམ་ཚིག་པ་གཞལ་ཡས་ཁང་གདན་དང་བཅས་པ་རང་ལ་ཐིམ་པར་གྱུར། （ཞེས་བསྒྱུར་བའི་ཁྱད་པར་ཙམ་མོ། །འདི་ཉིད་ཀྱི་བསྙེན་སྒྲུབ་ཀྱི་སྐབས་ཉིན་དང་པོར་བུམ་སྒྲུབ་སྔོན་གཏོར་རྒྱལ་ཐོ་མཚམས་གཅོད་སོགས་སྤྱི་ལྟར་བྱས་རྗེས། བཟླས་དམིགས་མདུན་བསྐྱེད་སྐུ་ལས་འོད་ཟེར་རང་ལུས་ལ་ཕོག །དེས་སྣོད་བཅུད་ལ་ཁྱབ་ཅིང་ལྷ་སྔགས་ཡེ་ཤེས་ཀྱི་རོལ་པར་བལྟ་བ་སོགས་གཞུང་ཚིག་ལྟར་ལ། དབང་བཞི་བླངས་རྗེས་བསྡུ་རིམ་ལ་འཇུག །ཐུན་གཉིས་པར་མཆོད་བརླབ་ནས་དཀྱུས་ལྟར་རོ། །ཞེས་པའང་ཛྙཱ་ནས་སོ།། །།）