ཁྲོས་མ་ནག་མོའི་གཏོར་མའི་དཔེའུ་རིས།

Previous Text Back to Volume Page Next Text

Wylie title	khros ma nag mo'i gtor ma'i dpe'u ris
Location	bdud 'joms rin po che bka' 'bum Volume 22, Text 39, Pages 599-602 (Folios 1a1 to 2b7)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Khros ma nag mo'i gtor ma'i dpe'u ris. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 22: 599-602. Kalimpong: Dupjung Lama, 1979-1985.
Side notes	Recto: gtor dpe Verso: khros ma
More details More details
Genre	Illustrations - dpe'u ris
Deity	Khros ma nag mo

[edit]

༄༅། །ཁྲོས་མ་ནག་མོའི་གཏོར་མའི་དཔེའུ་རིས་བཞུགས་སོ། །

（1བ）༈ ཁྲོས་མའི་རྩ་གཏོར་གདན་ཆོས་འབྱུང་བསྣོལ། མའི་སྟེང་དམར་གཏོར་ཅུང་ཕྲ་ལ་རིང་བའི་རྣམ་པ་ཅན་འཁོར་རང་འདྲ་བཞིས་བསྐོར་བའོ། ། ༈ ཡང་སྒྲུབ་གཏོར་རྒྱས་པའི་སྐབས་སུ་ལྷ་གྲངས་ཀྱི་འཁོར་རིམ་བཞིན་ཕྱེད་སླེབས་ཀྱིས་བསྐོར་བའོ། ། ༈ སྨད་ལས་འདུལ་གྱི་ཟོར་གཏོར་དམར་གཏོར་ལེབ་མདུན་བསྟན་འཁོར་རང་འདྲ་བཅུ་གཉིས་ཀྱི་བསྐོར་བ། （2ན）༈ ཀླུ་རྒྱལ་དཀར་གཏོར་འདབ་བཞི་རིལ་བུ་ཅན གཤིན་རྗེ་དམར་གཏོར་གྲུ་གསུམ་གྲི་རིས་ཅན། བཙན་དམར་གཏོར་གྲུ་གསུམ་གཡོན་གཅུས། མ་མོ་དམར་གཏོར་གྲུ་གསུམ་རྩེ་བཅད། གཟའ་དམར་གཏོར་གྲུ་གསུམ་གཡས་གཅུས། བསྐུལ་གཏོར་དམར་གཏོར་གྲུ་གསུམ་མཐེབ་ཀྱུ་ཅན། གསོལ་བསྡུས་དམར་གཏོར་དཔུང་རང་མཐེབ་ཀྱུ་གང་མང་གིས་བསྐོར་བ། ཆད་མདོ་དམར་གཏོར་བྲ་གཟུགས་མ་ལོགས་རེར་མཐེབ་ཀྱུ་རེ། བརྟན་མ་དམར་གཏོར་གྲུ་གསུམ་དཔུང་རང་ལོགས་རེར་མཐབ་ཀྱུ་བཞི་རེ་བརྩེགས་པ། ཞལ་ཟས་སྤྱི་ལྟར། （2བ）སླ་ངའི་ནང་དུ་བྲི་རྒྱུ། ༈ ཚེ་འདས་བླ་ཡིད་སེམས་གསུམ་ཁུག༔

༈ གཤིན་པོ་ཕོ་ཡིན་ན་ཕོ་ཤིང་ངོར་མིང་བྱང་དང་། མོ་ཤིང་ངོར་ལིངྒ་ཏྲི་དགུ་ཛཿདགུ་བྲིས་པས་ཁེབས་བྱ། མོ་ཡིན་ན་མོ་ཤིང་ངོར་མིང་བྱང་དང་། ཕོ་ཤིང་ངོར་ལིངྒ་གོང་བཞིན་བྲིས་པས་ཁེབས་བྱ། དེ་གཉིས་ཀྱི་བར་དུ་ཤོག་ལིང་འཛུད་པ་ཕྱག་བཞེས་སོ། །ཕོ་ཤིང་སྟག་པ་དང་མོ་ཤིང་གླང་མ་ལས་བྱས་པའི་ཤིང་བྱང་བཅུ་གཉིས་ཀྱི་ངོས་གཅིག་ལ་འདི་ལྟར། གྲི་སྲི་ཁུག༔ ཤི་སྲི་ཁུག༔ ཆུང་སྲི་ཁུག༔ གཞོན་སྲི་ཁུག༔ དར་སྲི་ཁུག༔ རྒན་སྲི་ཁུག༔ གོད་སྲི་ཁུག༔ དུར་སྲི་ཁུག༔ ཕོ་སྲི་ཁུག༔ མོ་སྲི་ཁུག༔ འགག་སྲི་ཁུག༔ དམ་སྲི་ཁུག༔ ཅེས་བྲིས། ངོས་གཅིག་ལིངྒ་དང་གཉིས་ཀར་ཛ་ཁྲམ་དཔེའུ་རིས་ལྟར་བྲིའོ། །ཤིང་བྱང་འདི་ལྟར།