གཏེར་གསར་མཁའ་འགྲོ་ཁྲོས་མའི་མེ་མཆོད་ཟིན་བྲིས།

Previous Text Back to Volume Page Next Text

Wylie title	gter gsar mkha' 'gro khros ma'i me mchod zin bris
Location	bdud 'joms gling pa zab gter Volume 11, Text 30, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Gter gsar mkha' 'gro khros ma'i me mchod zin bris. In Sprul pa'i gter chen bdud 'joms gling pa'i zab gter gsang ba'i chos sde, Vol. 11: . Thimphu, Bhutan: Lama Kuenzang Wangdue, 2004.
Side notes	Recto: me mchod zin bris Verso: bdud 'joms khros ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Fire Offerings - sbyin sreg · Notes - zin bris
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	khros ma nag mo

[edit]

༄༅། །གཏེར་གསར་མཁའ་འགྲོ་ཁྲོས་མའི་མེ་མཆོད་ཟིན་བྲིས་བཞུགས། ཨོཾ་སྭསྟི། ཁྲོས་མའི་མེ་མཆོད་སྐབས་རྒྱས་པར་ལས་བཞི་སོ་སོར་ཕྱེས་ཏེ་བྱ་བར་འདོད་ན་ཐབ་དང་རྫས་དང་ཆོ་གའི་ལས་རིམ་ཐམས་ཅད་སོ་སོའི་ངེས་པ་བཞིན་ལག་ཏུ་བླངས་པས་ཆོག་ལ། འདིར་ལས་བཞི་ལྷུན་གྲུབ་ལྟར་ན་ཐབ་སྟེགས་གཞི་སེར་པོ་ལ་མཚལ་གྱི་ཆོས་འབྱུང་བསྣོལ་མའི་ལྟེ་བར་རཾ་ཡིག་གིས་མཚན་པའི་མཐའ་སྐོར་མུ་རན་སོར་བཞི་པ་ལ་རྡོ་རྗེ་ནོར་བུ་པདྨ་རྒྱ་གྲམ་རྣམས་སྤེལ་མའི་ཕྲེང་བ་དང་། ཁ་ཁྱེར་སོར་བཞི་པ་ལ་མེ་རི་གཡས་བསྐོར་དུ་འབར་བ་བྲི། བྲིས་ཐབ་མི་འགྲུབ་ན་འབྲུ་དཀར་དྲིས་སྦག་པས་ཚོམ་བུ་གྲུ་བཞི་གཅིག་བཀོད་པས་ཀྱང་རུང་སྟེ། གང་ལྟར་ཡང་དེར་འབྲས་བུ་ཅན་གྱི་བུད་ཤིང་གིས་ཐབ་ཁུང་གྲུ་བཞིར་བརྩིགས་ལ་མེ་ཚང་བཅའ། བསྲེག་རྫས་སྟར་ཁམས་སོགས་འབྲས་བུ་ཅན་གྱི་ཡམ་ཤིང་མཐོ་གང་བ་སྣེ་གཉིས་མར་དང་སྦྲང་རྩིས་ཉུག་པ། རྩི་མར་རམ་ཏིལ་སོགས་འབྲུ་མར་གྱི་ཁུ་བ། བདུད་རྩི་ཨ་མྲྀ་ཏ་སྦྱར་བའི་ཟས་མཆོགའབྲུ་སྣ། སྨན་སྣ། ཤིང་ཏོགདཀར་མངར། མྱོས་བྱེད། ཡུངས་ཀར། དར་གོས། རིན་ཆེན་སོགས་ཅི་འབྱོར་པ་དང་། གཏོར་མ་སྨན་རཀ་ཉེར་སྤྱོད་བཅས་བཤམ། ཁྲོས་ཆུང་ལྟ་བུའི་བདག་བསྐྱེད་སྔོན་དུ་འགྲོ་བས་མཆོད་རྫས་བསྲེག་རྫས་རྣམས། རཾ་ཡཾ་ཁཾ་གིས་བསང་སྦྱང་། ཨོཾ་ཨཱཿཧཱུྃ་མང་དུ་བཟླ་ཞིང་ལས་བྱང་ལྟར་བྱིན་བརླབ། ཨོཾ་བཛྲ་ཛྭ་ལ་རཾ། ཞེས་མེ་དུ་བ་མེད་པ་ཐབ་ཏུ་བཅུགཧཱུྃ་ལན་གསུམ་དང་བཅས་རླུང་གཡབ་ཀྱིས་མེ་སྦར་ལ་མར་ཁུའི་ཐིག་པས་ཀྱང་གསོ། ཐབ་ལས་སྔགས་ཀྱིས་བསང་། སྭ་བྷཱ་ཝས་སྦྱང་། ཕཊ༔ འདི་ལྟར་སྣང་བའི་སོགས་ལྷ་བསྐྱེད་ནས་བསྟོད་པའི་བར་བཏང་ལ། དགང་བླུགས་ཀྱིས་མར་ཁུ་འབུལ་བཞིན་རྩ་སྔགས་ལ། ཨ་མྲྀ་ཏ་ཁཱ་ཧི། ཞེས་བཏགས་པ་ལན་བདུན་ནམ་ཉེར་གཅིག་སོགས་ཕུལ་མཐར། རྣལ་འབྱོར་པ་བདག་ཅག་འཁོར་དང་བཅས་པའི་དམ་ཚིག་ཉམས་ཆག་ཉེས་ལྟུང་མ་དང་མཁའ་འགྲོ་གཡེལ་ཞིང་འཁྲུགས་པའི་གནས་སུ་གྱུར་པ་ཐམས་ཅད་ཞི་ནས། ཐུན་མོང་ལས་བཞི་གྲུབ་པ་བརྒྱད་དང་ཐུན་མིན་བདེ་སྟོང་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་མཛད་དུ་གསོལ། ཅེས་འདོད་དོན་གསོལ། དེ་ནས་རྫས་རྣམས་རྩ་སྔགས་ཁོ་ནས་འབུལ་ཞིང་བར་མཚམས་སུ་ལས་བཞིའི་ཤམ་བུ་གཞུང་ལྟར་རམ། སྤྱི་ཁྱབ་ཏུ་གོང་བཞིན་འདོད་དོན་གསོལ་མཐར། སརྦ་ཀརྨ་ཀུ་རུ་སིདྡྷི་ཧོཿཞེས་སྦྱར། གྲངས་རྫོགས་པ་ན་སྔར་བཞིན་དགང་བླུགས་ཕུལ་མཐར། མཆོད་བསྟོད་དང་ལས་བྱང་ལྟར་དངོས་གྲུབ་བླང་ཞིང་ནོངས་པ་བཤགས། ཧོཿརང་ལས་ཤར་བའི་མེ་ལྷ་ཉིད། །རང་རིག་ཆོས་སྐུའི་ཀློང་དུ་སད། །ཨ། ཞེས་དམ་ཡེ་དབྱེར་མེད་རང་ལ་བསྡུས་ཏེ་མཉམ་པར་བཞགདགེ་བ་བསྔོ་ཞིང་ཤིས་པ་བརྗོད་པས་མཐའ་བརྒྱན། མེ་རང་ཞིར་བཏང་བའམ་དྲི་ཆུས་གཞིལ་ཏེ་ཐལ་སོལ་སྒྲུབ་ཁང་གི་རྨང་འགྲམ་དུ་སྦ་བ་སོགས་གང་བདེར་བྱའོ། །ཞེས་པའང་ཀརྨ་རོང་གི་སྔགས་བཙུན་པདྨ་ཚེ་མཆོག་རྡོ་རྗེའི་ངོར་འཇིགས་བྲལ་ཡེ་ཤེས་རྡོ་རྗེས་སོ། །། ། ༈ བསྙེན་པའི་ཁ་སྐོང་སྐབས། བདག་ཅག་རྣམས་ཀྱི་སྔགས་ཀྱི་ལྷག་ཆད་དམ་ཚིག་ཉམས་ཆག་ཉེས་ལྟུང་ནད་གདོན་སྡིག་སྒྲིབ་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ།། །།