གྲུབ་དབང་པདྨ་བདུད་འདུལ་གྱི་ཟབ་གཏེར་མཁའ་ཁྱབ་རང་གྲོལ་གྱི་ཐོབ་ཡིག།

Previous Text Back to Volume Page Next Text

Wylie title	grub dbang pad+ma bdud 'dul gyi zab gter mkha' khyab rang grol gyi thob yig
Location	bdud 'joms rin po che bka' 'bum Volume 20, Text 23, Pages 457-462 (Folios 229a1 to 231b5)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Grub dbang pad+ma bdud 'dul gyi zab gter mkha' khyab rang grol gyi thob yig. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: 457-462. Kalimpong: Dupjung Lama, 1979-1985.
Side notes	Recto: thob yig Verso: pad+ma bdud 'dul gter chos zhi khro'i skor
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

༄༅། ། [229a] ཨོཾ་སྭསྟི། འཇའ་ལུས་གྲུབ་པའི་དབང་ཕྱུག་པདྨ་བདུད་འདུལ་གྱི་ཟབ་གཏེར་མཁའ་ཁྱབ་རང་གྲོལ་གྱི་སྐོར་ཇི་ལྟར་ཐོབ་ཚུལ་ལ་དབང་ཁྲིད་ལུང་གསུམ་ལས། དང་པོ་སྨིན་བྱེད་དབང་བསྐུར་སྤྲོས་བྲལ་འཁོར་འདས་རང་གྲོལ་དང་། ལྷན་ཐབས་སྐལ་ལྡན་སྨིན་པའི་ཆུན་པོ་ལྟར། སྔོན་འགྲོ་སློབ་མ་ལྷག་གནས་ཀྱི་ཆོས་དང་། ཕྱི་ནང་གི་འཇུག་པ་སྔོན་དུ་འགྲོ་བས། དངོས་གཞི་ཐུན་མོང་རིག་པའི་དབང་ལྔ། ཐུན་མིན་སྤྲོས་བཅས་བུམ་དབང་དང་རྗེས་འབྲེལ་དུ་ལྷ་དབང་ཡོངས་རྫོགས། སྤྲོས་མེད་མཆོག་དབང་རྣམ་གསུམ། མཐའ་རྟེན་བཀྲ་ཤིས་པའི་རྫས་ཀྱིས་མདུན་བདར་བ་སྟེ་ཤིས་པར་བརྗོད་པས་མངའ་གསོལ་བཅས་ལེགས་པར་ཐོབ། གཉིས་པ་གྲོལ་བྱེད་ཁྲིད་ཀྱི་རིམ་པ་ཟབ་རྒྱས་སུ་བཞུགས་ཀྱང་དཔེ་མ་འབྱོར་བས་རྗེས་ནས་ཞུ་བའི་སྨོན་ལམ་ཞུས། གསུམ་པ་རྒྱབ་བརྟེན་ལུང་ལ། གཏེར་གཞུང་དང་། ཆོག་ཁྲིགས་གཉིས་ལས། དང་པོ་གཏེར་གཞུང་ལ། བྱིན་རླབས་སྔོན་འགྲོ་ལམ་ཁྱེར་རང་གྲོལ། ཚོམ་བུ་འབུམ་ཕྲག་མངོན་སངས་རྒྱས་པའི་ཟབ་ཁྲིད་སྔོན་འགྲོའི་ངག་འདོན་རྒྱུན་ཁྱེར་སྐད་ཅིག་ [229b] སངས་རྒྱས་མྱུར་ལམ་རང་གྲོལ། བསྐྱེད་རྫོགས་འཁོར་འདས་རྣམ་དག་རང་གྲོལ། ཟབ་ཁྲིད་སངས་རྒྱས་རང་གྲོལ། སྔོན་འགྲོའི་ངག་འདོན་རང་རིག་བླ་མ། བསྐྱེད་རྫོགས་འཁོར་འདས་ཀ་དག་རང་གྲོལ། བསྐྱེད་རྫོགས་འཁོར་འདས་བདེ་ཆེན་རང་གྲོལ། མདུན་བསྐྱེད་རབ་འབྱམས་ཡེ་ཤེས་རྒྱ་མཚོ། སྤྱན་འདྲེན་བྱིན་རླབས་ཉི་མ་འབུམ་འཆར། རང་སྣང་བརྒྱུད་གསུམ་བླ་མའི་གསོལ་འདེབས། སྣང་སྟོང་ཛཔྲ་ཀྱི་རིམ་པ་བདེ་ཆེན་རྒྱལ་པོ། ཡི་དམ་དུ་མའི་མཚམས་སྦྱོར་གཅིག་ཆོག་ཉི་ཟླའི་ཕྲེང་བ། མཚམས་སྦྱོར་བསྙེན་སྒྲུབ་རིམ་པ། དམ་ཚིག་ཉམས་ཆག་སྐོང་བཤགས་གསོ་ཐབས། རྣལ་འབྱོར་དམ་ཚིག་ཉམས་ཆག་སྐོང་བཤགས་གསོ་ཐབས་འགྲོ་ཀུན་ཚོགས་རྗོགས་འོད་སྐུར་རང་གྲོལ། ཕྱག་འཚལ་འགྲོ་སྒྲིབ་རང་གྲོལ། རྡོར་སེམས་སྒོམ་བཟླས་རྡོར་སེམས་མེ་ལོང་། གླང་ཆེན་རབ་འབོག་གི་རྒྱུད་ལས་བྱུང་བའི་ཉམས་ཆག་བཤགས་པའི་རྒྱུད་འཁོར་འདས་རང་དག་འོད་ [230a] གསལ་རང་གྲོལ། བདེ་གཤེགས་སྤྱི་བཤགས། ཐུགས་སྒྲུབ་ཡིད་བཞིན་ནོར་བུ། ཆོས་སྐྱོང་སྙིང་ཐིག་ལས་གསོལ་མཆོད་བསྡུས་པ་ཡང་ཐིག་གཅིག་དྲིལ། སྤྱན་འདྲེན་ཕྱག་འཚལ་མཆོད་བསྟོད་ཤོག་གཅིག །གཏེར་སྲུང་མཁའ་འགྲོ་སྡེ་ལྔའི་གསང་སྒྲུབ་གྲུབ་མཆོག་དཔལ་སྟེར། གཏེར་སྲུང་མཁའ་འགྲོ་སྡེ་ལྔ་མཆོད་ཐབས་ཡང་ཐིག་སྙིང་པོ། ཟབ་མོ་གསང་བ་དྲི་མེད་འོད་ཟེར་ལས་གཏེར་གནས་ཞིང་སྐྱོང་སེང་གདོང་དམར་མོའི་མཆོད་ཕྲེང་། ཆོས་སྐྱོང་དགོངས་འདུས་སྙིང་ཐིག་ལས་ཚོགས་བདག་མགོན་པོའི་བསྐུལ་བཟློག་དགྲ་བགེག་རང་གྲོལ་བདུད་འདུལ་རྫོགས་ཆེན་རྣལ་འབྱོར་ཧེ་རུ་ཀ ། བདུད་བཟློག་སྟོང་གསུམ་འདུལ་བྱེད་རང་གྲོལ། སྲི་བདུད་སྲི་གཤེད་བྱད་མ་འདུལ་ཆོག་ཕན་བདེ་རང་གྲོལ། ལྷ་ཚོགས་གནད་བསྐུལ་གཟུ་དཔང་བསྡུས་པ་ཤོག་གཅིག་མ། སྲི་བདུད་སྲི་གཤེད་འཁྲུལ་འདུལ་རང་གྲོལ། གནས་འདྲེན་ལྷ་དབང་བསྡུས་པ། ཚེ་འདས་གཙོར་བྱས་འགྲོ་དྲུག་གནས་འདྲེན་འཁྲུལ་སྣང་རང་གྲོལ། དེའི་སྐོང་མེ་སྦར་ཞི་སྲེགས་རིག་པའི་རྡོ་རྗེའི་གསུང་། རིགས་དྲུག་གནས་འདྲེན་ཁམས་གསུམ་རང་གྲོལ། [230b] ཡང་གནས་འདྲེན་ཁམས་གསུམ་རང་གྲོལ་བསྡུས་པ། དབང་གི་སྐབས་ཀྱི་སྒོ་སྲུང་ཞུས་ལན་འདེབས་བྱང་། ཚོགས་ལ་བདེན་བརྗོད་བྱིན་རླབས་ཉི་མ་འབུམ་འཆར། འདྲེ་བདུད་ཆོས་སྐུར་གྱུར་པའི་མན་ངག །དབང་ཆོག་སྤྲོས་བྲལ་འཁོར་འདས་རང་གྲོལ། དབང་བཤད་ཀུན་སྣང་རང་གྲོལ། དོན་དམ་དབང་བཞི་བླངས་ཐབས། གསང་བའི་དབང་བཞི་ལེན་པའི་ཆོ་ག །སྦྱིན་སྲེག་འཁོར་བ་རང་གྲོལ། རྩ་རླུང་མཆོག་གི་གྲུབ་ཆེན་གྱི་གསོལ་འདེབས། རྩ་ཐིག་རླུང་སྦྱངས་ངག་འདོན་རྣམ་དག་ཉི་ཟླའི་དཀྱིལ་འཁོར། འཕྲུལ་འཁོར་མན་ངག་ཚིག་བཅད་མའི་དབུར་མན་ངག་འདི་ལ་སྦྱོར་དངོས་རྗེས་གསུམ་ཚང་ཞེས་དང་། མཇུག་ཏུ་རིག་པ་སྐྱེ་མེད་ཆོས་ཀྱི་དབྱིངས་སུ་འཕུར་ཞེས་པ། རྩ་རླུང་བདུན་ཁྲིད་བདུད་འདུལ་མཚན་ཅན་གྱིས་སྦྱར་བ། མན་ངག་སྐུ་གསུམ་བཅུད་ལེན་འཇའ་ལུས་རྡོ་རྗེའི་སྐུ་བརྙན། མ་སྒོམ་སངས་རྒྱས་ཆོས་ལྔ། མ་སྒོམ་སངས་རྒྱས་འཕོ་བའི་ཟབ་ལམ། བརྒྱུད་གསུམ་བརྒྱུད་འདེབས་འཕོ་བའི་རིམ་པ། བསྔོ་བ་ཆུ་ཐིག་རྒྱ་མཚོ། འབྲེལ་ཚད་དོན་གཉིས་ལྷུན་གྲུབ། དགེ་བའི་འབྲས་བུ་ནམ་མཁའི་མཛོད། འགྱུར་བའི་ཡང་དག་བསྔོ་ [231a] བ་སྐད་ཅིག་གཅིག་གིས་རྫོགས་སངས་རྒྱས་པའི་མྱུར་ལམ་སངས་རྒྱས་ཀྱི་མཚན་བརྗོད་ཉེས་ལྟུང་དྲུང་ནས་འབྱིན་པ། འཕོ་བ་རིག་པ་རང་གྲོལ། གཏེར་ལུང་བསྟན་པའི་ཁ་བྱང་འཇམ་གླིང་ཀུན་སྣང་རང་གྲོལ། དབང་གི་སྟ་གོན་གྱི་རྨི་ལམ་བཟང་ངན་བརྟགས་པ་བཅས་དང་། གཉིས་པ་ཁ་སྐོང་ཆོག་ཁྲིགས་ཀྱི་སྐོར་ལ། སྤྲོས་བྲལ་ནམ་མཁའི་རྫོགས་པའི་ཞལ་གདམས་ལས་དོན་དམ་རང་ཞལ་བླ་མར་གསོལ་འདེབས། ཟབ་ཆོས་ཞི་ཁྲོ་མཁའ་ཁྱབ་རང་གྲོལ་གྱི་དབང་བཞིའི་ལྷན་ཐབས་སྐལ་ལྡན་སྨིན་པའི་ཆུ་བོ་གཏེར་ཆེན་ཉིད་ཀྱི་ཞལ་སློབ་འཇིགས་བྲལ་ཕྱོགས་ལས་རྣམ་རྒྱལ་གྱིས་མཛད་པ། དོན་དབང་འབྲིང་པོ་གསང་ཆེན་དབང་བཞི་ཀུན་འདུས་བྷ་དྲའི་མིང་གིས་མཛད་པ། ལས་བུམ་སྒྲུབ་པ་ལྡེབ་བྱང་། རིག་པའི་མེ་ཏོག་དོར་བ། ཆོས་སྐྱོང་དགོངས་འདུས་ཀྱི་སྲོག་གཏད་མཐོང་བརྒྱུད་ལྟར་ཟིན་བྲིས་སུ་བྱས་པ་པི་ཛའི་མིང་གིས་མཛད་པ། སྦྱིན་སྲེག་འཁོར་བ་རང་གྲོལ་ཁྲིགས་སུ་སྡེབས་པ་གོང་གསུང་། ཟབ་ཁྲིད་སངས་རྒྱས་མྱུར་ལམ་ལས་བློ་ལྡོག་རྣམ་བཞིའི་ཁྲིད་བསྡུས་ངག་འདོན་རྒྱུན་ཁྱེར། གྲུབ་རྗེའི་ཞལ་གསུང་བསྔོ་ [231b] སྨོན་ཐོར་བུ་བསྡུས་པ། སྨོན་ལམ་རྣམ་དག་དོན་གཉིས་མཐའ་ཡས་བདུད་འདུལ་མཚན་གྱིས་མཛད་པ་བཅས་ལེགས་པར་ནོས་པའི་བརྒྱུད་པ་ནི། གཏེར་ཆེན་གྲུབ་དབང་ནས། སྐུ་གསུམ་གླིང་པ། མཁན་ཆེན་བླ་མ་ཕན་བདེའི་འོད་ཟེར། དེས་བདག་འཇིགས་བྲལ་ཡེ་ཤེས་རྡོ་རྗེ་ལའོ། །ཡང་ན་གྲུབ་དབང་ནས། རྣལ་འབྱོར་པ་བསོད་ནམས་མཐའ་ཡས་སམ་ཨོ་རྒྱན་བཅོམ་ལྡན་རྡོ་རྗེ། བདེ་བའི་ཉི་མ། ཡང་ན། ཆོས་བདག་འོད་ཟེར་རྡོ་རྗེ། ཕན་བདེའི་འོད་ཟེར། ཡང་ན་གྲུབ་ཆེན་མེ་ལོང་རྡོ་རྗེ། ཕན་བདེའི་འོད་ཟེར། ཡང་ན་བྱ་བྲལ་བ་གྲུབ་དབང་ཡེ་ཤེས་རྡོ་རྗེ། ཕན་བདེའི་འོད་ཟེར། ལུང་ཡོངས་རྫོགས་ནི། རྣལ་འབྱོར་པ་ཨོ་རྒྱན་བཅོམ་ལྡན་རྡོ་རྗེ་དང་། ཆོས་བདག་འོད་ཟེར་རྡོ་རྗེ་གཉིས་ཀ་ལ། རྗེ་བླ་མ་ཕན་བདེའི་འོད་ཟེར་གྱིས་གསན། དེས་བདག་ལའོ།། །།