ཤེས་བྱ་ཀུན་ལ་ཁྱབ་པའི་མཛོད་ཇི་ལྟར་ཐོབ་པའི་ཚུལ།

Previous Text Back to Volume Page Next Text

Wylie title	shes bya kun la khyab pa'i mdzod ji ltar thob pa'i tshul
Location	bdud 'joms rin po che bka' 'bum Volume 21, Text 4, Pages 25-26 (Folios 13a1 to 13b6)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Shes bya kun la khyab pa'i mdzod ji ltar thob pa'i tshul. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 21: 25-26. Kalimpong: Dupjung Lama, 1979-1985.
Side notes	Recto: thob yig Verso: shes bya kun khyab mdzod skor
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

[edit]

༄༅། ། [13a] ཨོཾ་སྭསྟི། རྣམ་སྣང་ལོ་ཙཱ་བ་ཆེན་པོའི་རྣམ་རོལ་རྩོད་དུས་ཀྱི་ཐམས་ཅད་མཁྱེན་པ་རྒྱལ་བའི་ལུང་བསྟན་འཇམ་མགོན་བློ་གྲོས་མཐའ་ཡས་ལ་བཀའ་བབ་ཆོས་མཛོད་ཆེན་པོ་ལྔར་བཞུགས་པ་ལས། འདིར་ཤེས་བྱ་ཀུན་ལ་ཁྱབ་པའི་མཛོད་ཉིད་ཇི་ལྟར་ཐོབ་པའི་ཚུལ་ལ་གླེགས་བམ་རིན་པོ་ཆེ་གསུམ་དུ་བཞུགས་པའི་དང་པོ། ཨོཾ༽ ལ། ཐེག་པའི་སྒོ་ཀུན་ལས་བཏུས་པ་གསུང་རབ་རིན་པོ་ཆེའི་མཛོད་བསླབ་པ་གསུམ་ལེགས་པར་སྟོན་པའི་བསྟན་བཅོས་ཤེས་བྱ་ཀུན་ཁྱབ་ཅེས་གཞུང་རྩ་བ་དང་། བསྟན་བཅོས་ཤེས་བྱ་ཀུན་ཁྱབ་ཀྱི་མདོར་བསྟན་དང་དོན་བསྡུ་གསལ་བ་ཤེས་བྱ་སྣང་བྱེད་ཅེས་བྱ་བ་ལ། སླར་ཡང་བསྡུས་དོན་སྙིང་པོ་གསལ་བའི་མཐའ་ཅན། ཤེས་བྱ་ཀུན་ལ་ཁྱབ་པའི་གཞུང་ལུགས་ཉུང་ངུའི་ཚིག་གིས་རྣམ་པར་འགྲེལ་བ་ལེགས་བཤད་ཡོངས་འདུ་ཤེས་བྱ་འཐམ་ཡས་པའི་རྒྱ་མཚོ་ཞེས་བྱ་བ་རྩ་བའི་ས་བཅད་ཐོག་ཐ་བར་གསུམ་དགེ་བའི་ཆིངས་ཀྱིས་བཅིངས་པའི་ལུས་རྣམ་བཞག་ལ་ནང་གསེས་གནས་བཅུ་ལས། ཐོག་མར་འདུས་ཞིང་ཇི་ལྟར་སྣང་བའི་རིམ་པར་ཕྱེ་བ་ནས་བཟུང་། རིག་གནས་ [13b] ཞར་བྱུང་དང་བཅས་པའི་བྱུང་བ་བརྗོད་པ་སྐབས་བཞི་པའི་བར་གྱི་འགྲེལ་པ་དང་། གླེགས་བམ་གཉིས་པ། ཨཱཿ༽ ལ། གནས་ལྔ་པ་སྡོམ་པ་གསུམ་ལ་སློབ་པ་ལྷག་པ་ཚུལ་ཁྲིམས་ཀྱི་བསླབ་པའི་རིམ་པ་དང་། གནས་དྲུག་པ་ཐར་པ་དང་ཐམས་ཅད་མཁྱེན་པའི་ལམ་ཕྱིན་ཅི་མ་ལོག་པར་ཤེས་པའི་སླད་དུ་ཤེས་བྱའི་གནས་རྒྱ་མཚོ་ལྟ་བུ་ལ་ཐོས་པའི་ཤེས་རབ་ཀྱི་རིམ་པར་ཕྱེ་བའི་བར། གླེགས་བམ་གསུམ་པ། ཧཱུཾ༽ ལ། གནས་བདུན་པ་བསམ་པའི་ཤེས་རབ་ཀྱི་རིམ་པ། གནས་བརྒྱད་པ་ལྷག་པ་ཏིང་ངེ་འཛིན་གྱི་བསླབ་པའི་རིམ་པ། གནས་དགུ་པ་བགྲོད་བྱ་ལམ་གྱི་རིམ་པ་ཕྱེ་བ། གནས་བཅུ་པ་མཐར་ཕྱིན་འབྲས་བུའི་རིམ་པར་ཕྱེ་བ་དང་། མཇུག་དོན་བརྩམ་བྱང་འཕགས་ནོར་གྲངས་ལྡན་བཅས་ཀྱི་བཤད་བཀའ་ཁྲིད་ལུང་དལ་འགྲོས་ཀྱིས་ལེགས་པར་ནོས་པའི་བརྒྱུད་པ་ནི། མཛད་པ་པོ་འཇམ་མགོན་བློ་གྲོས་མཐའ་ཡས། མཁན་ཆེན་པདྨ་ཡོན་ཏན་རྒྱ་མཚོ། ཁྱབ་བདག་འཁོར་ལོའི་མགོན་པོ་འཇམ་དཔལ་བདེ་བའི་ཉི་མའམ་འགྱུར་མེད་ཕན་བདེའི་འོད་ཟེར། དེས་བདག་འཇིགས་བྲལ་ཡེ་ཤེས་རྡོ་རྗེ་ལ་བཀའ་དྲིན་དུ་སྩལ་བའོ།། །།