གསོལ་ཁ་ཕྲིན་ལས་རྣམ་རོལ་གྱི་གཏོར་མའི་བཅའ་ཐབས་བསྡུས་པ་ཕོ་རྒྱུད་མོ་རྒྱུད་ཀྱི་ཟིན་བྲིས།

Previous Text Back to Volume Page Next Text

Wylie title	gsol kha phrin las rnam rol gyi gtor ma'i bca' thabs bsdus pa pho rgyud mo rgyud kyi zin bris
Location	bdud 'joms rin po che bka' 'bum Volume 22, Text 34, Pages 559-561 (Folios 1a1 to 2a2)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Gsol kha phrin las rnam rol gyi gtor ma'i bca' thabs bsdus pa pho rgyud mo rgyud kyi zin bris. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 22: 559-561. Kalimpong: Dupjung Lama, 1979-1985.
Side notes	Recto: gtor zin Verso: phrin las rnam rol
More details More details
Genre	Notes - zin bris · Torma-offering Rituals - gtor chog

[edit]

༄༅། །གསོལ་ཁ་ཕྲིན་ལས་རྣམ་རོལ་གྱི་གཏོར་མའི་བཅའ་ཐབས་བསྡུས་པ་ཕོ་རྒྱུད་མོ་རྒྱུད་ཀྱི་ཟིན་བྲིས་ནི། གཏོར་སྣོད་ཆེ་བ་གཉིས་ལས། གཅིག་གི་ནང་དུ་དབུས་སུ་མགོན་པོ་ཕོ་རྒྱུད་ཀྱི་གཙོ་བོ་ལེགས་ལྡན་དམར་གཏོར་དཔུང་རང་སྦོམ་ཉམས་ཅན། མཐོ་གང་ལས་མི་ཆུང་བའི་མདུན་དུ་ཕྱག་བཞི་པ་དཔུང་རང་མཐེབ་ཀྱུ་ཅན། དེའི་གཡས་ནས་གཡས་བསྐོར་གྱིས་རིམ་པར་མ་ནིང་དམར་གཏོར་དཔུང་རང་མཐེབ་ཀྱུ་ཅན། ཤན་པ་དམར་གཏོར་དཔུང་རང་མཐེབ་ཀྱུ་ཅན། རྣམ་སྲས་དཀར་ཟླུམ་མཐེབ་ཀྱུ་ཅན། ཞིང་སྐྱོང་དམར་གཏོར་དཔུང་རང་མཇེབ་ཀྱུ་ཅན། དགོངས་བཙན་དམར་གཏོར་དཔུང་རང་མཐེབ་ཀྱུ་ཅན། ཙིའུ་དམར་དམར་གཏོར་གྲུ་གསུམ་གཡོན་དཀྱུས་གྲི་གྲམ་མཐེབ་ཀྱུ་ཅན་བཅས་དང་། ཕྱག་བཞི་པའི་གཡོན་ནས་གཡོན་བསྐོར་གྱིས་ལྷ་ཆེན་དམར་ཟླུམ་མཐེབ་ཀྱུ་ཅན། གཟའ་དམར་གཏོར་གྲུ་གསུམ་གཡས་དཀྱུས་གྲི་གྲམ་མཐེབ་ཀྱུ་ཅན། དམ་ཅན་དམར་གཏོར་དཔུང་རང་མཐེབ་ཀྱུ་ཅན། སྡེ་དཔོན་སུམ་ཅུ་དམར་གཏོར་དཔུང་རང་མཐེབ་ཀྱུ་ཅན། རྒྱལ་པོ་གཤོག་དྲུག་མཐེབ་ཀྱུ་ཅན་དམར། ཐང་ལྷ་དཀར་ཟླུམ་མཐེབ་ཀྱུ་ཅན། གཏེར་བདག་དམར་གཏོར་དཔུང་རང་མཐེབ་ཀྱུ་ཅན་བཅས་ཁྱོན་འཁོར་བཅོ་ལྔ་པོ་གཙོ་བོའི་སུམ་ཆ་གཅིག་ཙམ་སླེབས་པའོ། །པད་སྣོད་གཅིག་གི་ནང་དུ་དབུས་སུ་ལྷ་མོ་མོ་རྒྱུད་ཀྱི་གཙོ་བོ་སྔགས་སྲུང་དཔུང་རང་ཕྲ་ཉམས་ཅན་མ མཐོ་གང་བའི་མདུན་དུ་སྲོག་སྒྲུབ་མ་དཔུང་རང་མཐེབ་ཀྱུ་ཅན། མ དེའི་གཡས་ནས་གཡས་བསྐོར་གྱིས་རེ་མ་ཏཱི་དཔུང་རང་མཐེབ་ཀྱུ་ཅན། མ ཤྭ་ན་མ་བཞི་གྲུ་གསུམ་རྩེ་བཅད་མཐེབ་ཀྱུ་གསུམ་བརྩེལས་ཅན། མ བདག་ཉིད་མ་བཞི་གྲུ་གསུམ་རྩེ་བཅད་མཐེབ་ཀྱུ་སུམ་བརྩེགས་ཅན། མ ས་བདག་མ་བཞི་གྲུ་གསུམ་རྩེ་བཅད་མཐེབ་ཀྱུ་སུམ་བརྩེགས་ཅན། མ སྐྱེས་གིང་བཞི་གྲུ་གསུམ་རྩེ་བཅད་མཐེབས་ཀྱུ་སུམ་བརྩེགས་ཅན། མ གཡུ་སྒྲོན་མ་དཀར་ཟླུམ་མཐེབ་རིལ་ཅན་བཅས་དང་། སྲོག་སྒྲུབ་མའི་གཡོན་ནས་གཡོན་བསྐོར་གྱིས་དུར་ཁྲོད་ལྷ་མོ་གྲུ་གསུམ་རྩེ་བཅད་མཐེབ་ཀྱུ་ཅན། མ ཚེ་རིང་མ་དཀར་ཟླུམ་མཐེབ་རིལ་ཅན། བདུད་མོ་བཞི་གྲུ་གསུམ་དཔུང་རང་མཐེབ་ཀྱུ་སུམ་བརྩེགས་ཅན་ནག་པོ། གནོད་སྦྱིན་བཞི་གྲུ་བཞི་མཐེབ་ཀྱུ་གསུམ་བརྩེགས་ཅན། མ སྨན་མོ་བཞི་ཟླུམ་པོ་མཐེབ་ཀྱུ་སུམ་བརྩེགས་ཅན། ཀ གཞི་བདག་དཀར་ཟླུམ་མཐེབ་རིལ་ཅན་བཅས་ཁྱོན་འཁོར་བཅུ་གཉིས་པོའང་སུམ་ཆ་གཅིག་ཙམ་སླེབས་པ་ཅན། གཉིས་ཀའི་གཙོ་བོར་རྒྱན་ལྔ་ཚོམ་ཉི་ཟླ་མེ་རིས་དང་། འཁོར་རྣམས་ལའང་རྒྱན་ཉིས་བརྩེགས་སམ་མེ་རིས་སོགས་གང་མཛེས་སུ་བྱའོ།། །།