ཚོགས་བསགས་ཡན་ལག་བདུན་པ༔

Previous Text Back to Volume PageNext Text

Wylie title	tshogs bsags yan lag bdun pa:
Location	bdud 'joms gling pa zab gter Volume 10, Text 15, Pages 139 (Folios 1a1 to 1a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Tshogs bsags yan lag bdun pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 10: 139. Thimphu, Bhutan: Lama Kuenzang Wangdue, 2004.
Side notes	Recto: tshogs bsags khros ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Liturgy - ngag 'don
Cycle	བདུད་འཇོམས་ཁྲོས་མ་ (bdud 'joms khros ma)
Parent Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	khros ma nag mo
Colophon	ཅེས་རང་སློབ་ཨོ་རྒྱན་མིང་གིས་བསྐུལ་ངོར་སྤྲང་མ་ནུས་སེམས་ཉིད་ཧད་པོས་སྨྲས་པ་དགེ །སརྦ་མངྒ་ལཾ།།
	ces rang slob o rgyan ming gis bskul ngor sprang ma nus sems nyid had pos smras pa dge_/sarba mang+ga laM//

Tibetan Text

[edit]

༄༅། །ཚོགས་བསགས་ཡན་ལག་བདུན་པ་ནི༔ ཕཊ༔ མ་ཁྱབ་བདག་ཡེ་ཤེས་མཁའ་འགྲོ་མ༔ ཆོས་སྐུའི་ཀློང་ནས་མ་གཡོས་ཀྱང་༔ གདུལ་དཀའ་འདུལ་ཕྱིར་གཟུགས་སྐུར་བཞེངས༔ བདག་གི་མོས་ངོར་མཁྱེན་བརྩེས་རོལ༔ ཞིང་རྡུལ་གྲངས་མཉམ་ལུས་སྤྲུལ་ནས༔ སྒོ་གསུམ་གུས་པས་ཕྱག་འཚལ་ལོ༔ ལུས་དང་ལོངས་སྤྱོད་དགེ་རྩར་བཅས༔ ཆགས་ཞེན་མེད་པར་མཆོད་པ་འབུལ༔ ཚེ་རབས་བསགས་པའི་ལས་ཉོན་སྡིག༔ གནོང་འགྱོད་དྲག་པོས་མཐོལ་ཞིང་བཤགས༔ འགྲོ་རྣམས་གཏན་བདེའི་རྒྱུར་གྱུར་པའི༔ དགེ་ཚོགས་ཀུན་ལ་རྗེས་ཡི་རང་༔ ཁམས་གསུམ་འཁོར་བ་ཡོངས་སྒྲོལ་ཕྱིར༔ གང་འདུལ་ཆོས་འཁོར་བསྐོར་བར་བསྐུལ༔ ཇི་སྲིད་འཁོར་བ་མ་སྟོང་བར༔ མྱ་ངན་མི་འདའ་བཞུགས་གསོལ་འདེབས༔ བདག་གི་དུས་གསུམ་བསགས་པའི་དགེ༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ སྡུག་བསྔལ་གྱིས་བཅིངས་སེམས་ཅན་ཀུན༔ བདེ་བར་གཤེགས་པའི་ས་ཐོབ་ཤོག༔ ཅེས་རང་སློབ་ཨོ་རྒྱན་མིང་གིས་བསྐུལ་ངོར་སྤྲང་མ་ནུས་སེམས་ཉིད་ཧད་པོས་སྨྲས་པ་དགེ །སརྦ་མངྒ་ལཾ།། །།