ཨེ་ཨེ། འོད་ཀྱི་གསལ་སྒྲོན་ཉི་མ་སོགས།

Previous Text Back to Volume Page Next Text

Wylie title	e e 'od kyi gsal sgron nyi ma sogs
Location	bdud 'joms gling pa zab gter Volume 16, Text 7, Pages 19-20 (Folios 1a1 to 1b1)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. e e 'od kyi gsal sgron nyi ma sogs. In Sprul pa'i gter chen bdud 'joms gling pa'i zab gter gsang ba'i chos sde, Vol. 16: 19-20. Thimphu, Bhutan: Lama Kuenzang Wangdue, 2004.
Side notes	Recto: lung byang Verso: bdud 'joms zab gter
More details More details
Genre	Treasure Certificates - lung byang

[edit]

ཨེ་ཨེ། འོད་ཀྱི་གསལ་སྒྲོན་ཉི་མ༔ བ་ལང་སྤྱོད་ནས་བསྐོར་ཏེ། །ལུས་འཕགས་གླིང་ནས་གསལ་འོང་། གསུང་སྙན་སྒྲོགས་པའི་ཁུ་བྱུག། ནམ་ཟླའི་ཚད་དུས་འཁོར་ནས། །ལྷོ་མོན་ཕྱོགས་ནས་ཕེབས་འོང་། །རབ་བཀྲའི་སྐར་ཚོགས་དྲུག་ཚོ། །ཀླུ་རྒྱལ་ཕྱོགས་ནས་བསྐོར་ཚེ། །གཟའ་སྐར་སྲང་ནས་སླེབ་འོང་། །མ་ཡི་བུ་མཆོག་དམ་པ། །སྡེ་དབུས་གཙང་གསུམ་སྐོར་ཚེ། །ཨ་མའི་ཚལ་དུ་ཕེབས་ཤོག། ཧེ་རུ་ཀ་ཡི་རྒྱལ་པོ། །སྟོབས་བསྐྱེད་མ་དང་འཕྲད་ཚེ། །སྙིང་གི་ནོར་མཆོག་སྤྱོད་མཛོད། །སྤྲེལ་དཀར་འཛུམ་མདངས་ངོམས་ཚེ། །མ་ཡི་མཁའ་ཀློང་འབྱེད་དུ། །ས་གསུམ་དབྱར་རྔ་སྙན་སྒྲོགས། །གཅེས་པའི་བུ་དང་ཚ་བོ། །ཨ་མའི་གླུ་འདི་ཉོན་ལ། །འབྲས་བུའི་ཐེག་པར་སྤྱོད་དང་། །མ་ངེས་གསང་གསུམ་གནས་འདིར། །རང་སྐལ་དབང་བའི་དཔལ་ཡོད། །ད་ལྟ་ནོར་བུ་རིན་ཆེན། །གཡུ་འབྲུག་ཁ་ནས་རྡོལ་ཀྱང་། །ཡ་བྲལ་གྲོགས་རྐྱེན་ཨེ་ཨེ། །འཛམ་གླིང་དབང་ཕྱུག་རྒྱན་མཆོག། བཅུ་ཕྲག་གསུམ་གྱི་ལོ་ཚད། །རྫོགས་ཚད་ཨོ་རྒྱན་རྗེ་དང་། །མངོན་སུམ་ཞལ་མཇལ་དུས་སུ། །ང་ཡི་གསང་མཛོད་འདི་ལོངས། །མི་མིན་ལྷ་མོ་ང་ཡང་། །དགའ་བདེའི་དཔལ་གྱིས་མྱོས་ནས། །གསེར་སྦྲང་རྣམ་འགྱུར་ངོམས་ནས། །སྙན་པའི་གླུ་འདི་བླངས་ཡོད། །དུང་གཟུགས་བྲག་ལ་ཐིམ་འགྲོ། །ཞེས་ཡལ་ལོ།།