View source for TTDL-ZABTER-09-TA-028

༠༠༠༠༠བརྡ་ཡིག༢༠༥ཟབ་གསང་མཁའ་འགྲོའི་སྙིང་ཐིག་ལས༔ ཆོས་སྐྱོང་རྒྱལ་པོ་ཆེན་པོའི་སྲོག་སྒྲུབ་ཡིད་བཞིན་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ༠༠༠༠བརྡ་ཡིག༢༠༥ཆོས་སྐྱོང་རྒྱལ་པོ་ཆེན་པོ་ཡི༔ སྲོག་གི་སྒྲུབ་པ་ཟབ་མོ་འདི༔ སྒྲུབ་པའི་གནད་ཡིག་དམ་པ་ཡིན༔ དང་པོ་འཛབ་གནད་ཟབ་མོ་ནི༔ རང་ཉིད་ཕྱག་ན་རྡོ་རྗེར་གསལ་བའི་མདུན་དུ་རིན་ཆེན་གསེར་གྱི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་ཆོས་སྐྱོང་རྒྱལ་པོ་ཆེན་པོ་འཁོར་དང་བཅས་པ་གསལ་བར་གྱུར༔ གཙོ་བོའི་ཐུགས་ཀར་བཻཿསེར་པོ༔ འཁོར་རྣམས་ཀྱི་ཐུགས་ཀར་རང་རང་གི་སྲོག་ཡིག་ཕྲ་མོ་རྣམས་གསལ་བའི་མཐའ་བསྐོར་དུ་སྔགས་ཀྱི་ཕྲེང་བས་བསྐོར་བར་བསམ༔ རང་ཉིད་དྲག་པོའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་རྒྱལ་པོ་ཆེན་པོ་འཁོར་དང་བཅས་པའི་ཐུགས་སྲོག་ལ་ཕོག་པས་དམ་ཚིག་གཉན་པོའི་སྲོག་ཐོབ་སྟེ་བདག་ལ་གཡེལ་བ་མེད་པའི་གྲོགས་མཛད་ཅིང་ཁམས་གསུམ་སྲིད་གསུམ་གྱི་བློ་ཡིད་སེམས་གསུམ་ལ་དབང་བསྒྱུར་ཞིང་དགྲ་བགེགས་ཐམས་ཅད་ཚར་གཅོད་པ་དང་ཕྲིན་ལས་རབ་འབྱམས་ཐམས་ཅད་ཐོགས་མེད་དུ་བསྒྲུབ་པའི་དབང་ཐོབ་པར་བསྒོམ༔ བཟླས་པ་ཙམ་གྱིས་ཐུགས་བདེ་སྟོང་གི་ཉམས་དང་ལྡན་ཏེ་དངོས་གྲུབ་ཆར་ལྟར་འབེབས་པར་བསམ༔ ཨོཾ་བཻ་ཤྲ་མ་ཎ་ཡེ་སྭཱ་ཧཱ༔ འབུམ་ཕྲག་བཅུ་བཟླས་མཐར༔ སྒྲུབ་པ་ནི༔ བདག་ཉིད་ཡི་དམ་གྱི་ཐུགས་ཀའི་སྔགས་ཕྲེང་ལས་འོད་ཟེར་དཔག་ཏུ་མེད་པ་འཕྲོས་པས་ཆོས་སྐྱོང་ཆེན་པོའི་ཐུགས་ཀར་ཕོག་པས་ཐུགས་དམ་གྱི་རྒྱུད་རབ་ཏུ་བསྐུལ་ཏེ་སྔགས་ཕྲེང་ལས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་སངས་རྒྱས་བྱང་སེམས་ཐམས་ཅད་ཀྱི་ཐུགས་དམ་གྱི་རྒྱུད་རབ་ཏུ་བསྐུལ་ནས་ཐུགས་རྗེ་བྱིན་རླབས་དབང་བྱིན་དངོས་གྲུབ་ཐམས་ཅད་བསྡུས་ནས་ཐུགས་ཀའི་སྔགས་ཕྲེང་ལ་ཐིམ་པས་མཐུ་ནུས་དབང་བྱིན་དངོས་གྲུབ་ཐམས་ཅད་ཀྱི་དབང་ཕྱུག་ཆེན་པོར་གྱུར་པར་བསམ་ལ༔ ཨོཾ་བཻ་ཤྲ་མ་ཎ་ཡེ་ས་མ་ཡ་སརྦ་རཏྣ་སིདྡྷི་ཕ་ལ་ཧཱུྃ༔ འབུམ་ཕྲག་བརྒྱད་བཟླས༔ མཐར་ལས་སྦྱོར་ནི༔ རང་ཉིད་དྲག་པོའི་ཐུགས་ཀའི་འོད་ཟེར་གྱིས་ཆོས་སྐྱོང་རྒྱལ་པོ་ཆེན་པོ་འཁོར་དང་བཅས་པའི་ཐུགས་དམ་གྱི་རྒྱུད་བསྐུལ་ནས་ཐུགས་སྲོག་ལས་འོད་ཟེར་སྣང་སྲིད་ཀྱི་ཁམས་ཐམས་ཅད་ལ་ཁྱབ་པར་འཕྲོས་ལྷ་འདྲེ་མི་གསུམ་སྐྱེ་འགྲོ་ཕོ་མོ་ཐམས་ཅད་ཀྱི་བློ་ཡིད་སེམས་གསུམ་ཐམས་ཅད་རང་དབང་མེད་པར་དབང་དུ་བསྡུས་ཏེ་བདག་གི་མངའ་འོག་ཏུ་བསྡུས་ནས་བྲན་དུ་ཁོལ་བར་བསམ༔ གཞན་ཡང་ཟས་ནོར་ལོངས་སྤྱོད་འདོད་རྒུ་ཡིད་བཞིན་གྱི་བྱེ་བྲག་ཐམས་ཅད་བསྡུས་ཏེ་བདག་གི་གནས་ཡུལ་ཐམས་ཅད་ལྟེམ་གྱིས་གང་བར་བསྒོམ༔ ཨོཾ་བཻ་ཤྲ་མ་ཎ་ཡེ་ས་མ་ཡ་ཨ་ནྲྀ་ཏྲི་ཨ་ཀཪྴ་ཡ་ཛ་ཛཿམི་སྙིང་བསྒུལ་བསྒུལ༔ བློ་ཡིད་ཁུག་ཁུག༔ དུང་དུང་ཝཱ་ཤཾ་ཀུ་རུ་ཡེ་སྭཱ་ཧཱ༔ ཞེས་འབུམ་ཕྲག་ལྔ་བཟླ༔ བཟླས་པས་ལྷ་སྲིན་སྡེ་བརྒྱད་སྣང་སྲིད་ལྷ་འདྲེ་ཐམས་ཅད་རང་དབང་མེད་པར་དབང་དུ་བསྡུས་ཏེ་ཟས་ནོར་ལོངས་སྤྱོད་རྟ་ཕྱུགས་སྤུ་ནག་ལ་སོགས་པའི་འདོད་ཡོན་ཆར་ལྟར་ཕབ་སྟེ་དཀོར་སྲུང་བྱེད་པར་བསམ༔ ཨོཾ་བཻ་ཤྲ་མ་ཎ་ཡེ་ཨཿཡཿམཿདུཿརུཿཙཿཤཿནཿཨ་ནྲྀ་ཨ་ཀཪྴ་ཡ་ཛ་ཛཿསྲོག་དུང་དུང་༔ སྙིང་བསྒུལ་བསྒུལ༔ པཱ་ཤཾ་ཀུ་རུ་ཡེ་སརྦ་སིདྡྷི་བསྡུས་བསྡུས་སྭཱ་ཧཱ༔ ཞེས་འབུམ་གཉིས་བཟླས་མཐར༔ ཨོཾ་ཨཱཿཧཱུྃ༔ རྒྱལ་པོ་ཆེན་པོའི་གནས་གསུམ་ལས་འོད་ཟེར་འཕྲོས་པས་གནོད་སྦྱིན་ཛམ་བྷ་ལའི་གཏེར་ལོངས་སྤྱོད་གནས་མལ་དང་བཅས་པ་ཐམས་ཅད་སྐད་ཅིག་གིས་སྤྱན་དྲངས་ནས་སྒྲུབ་རྟེན་ལ་ཐིམ་པས་བདག་གི་གནས་དང་ཁང་ཁྱིམ་ཐམས་ཅད་རྒྱལ་པོ་ཆེན་པོའི་གནས་དང་གཞལ་ཡས་ལོངས་སྤྱོད་ཡོངས་སུ་རྫོགས་ཤིང་འགྱུར་བ་མེད་པར་རྒྱས་ཤིང་བརྟན་པར་གྱུར་ཅིག༔ ཨོཾ་བཻ་ཤྲ་མ་ཎ་ཡེ་སརྦ་སིདྡྷི་པུཥྚིཾ་ཀུ་རུ་ཡེ་སྭཱ་ཧཱ༔ འབུམ་གཅིག་བཟླས་པས་འདོད་རྒུ་ཆར་དུ་འབེབས༔ འདི་ནི་ཨོ་རྒྱན་པདྨ་ཐོད་ཕྲེང་ངས༔ རྗེས་འཇུག་གདུལ་བྱ་སྐྱོབ་པའི་དཔལ་དུ་བཞག༔ ཉར་ཚག་མ་བྱེད་རྒྱུན་དུ་ཉམས་ལེན་འབུངས༔ གསང་རྒྱ་གང་ནུས་བྱིན་རླབས་རྣོ་ནུས་ཆེ༔ བཀའ་སྲུང་ནོར་བདག་ཨ་པར་ཙིཏྟས་སྲུངས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠིྀ༔ ཞེས་པ་འདི་ཉིད་ཚུལ་ཁྲིམས་དང་དབང་འདུས་གཉིས་ཀྱིས་བསྐུལ་ངོར་བདུད་འཇོམས་པས་སོ།།དགེའོ།།དགེའོ།།དགེའོ།།།།[[Category:Wyckibaat]]