Property:Colophontib
From Dudjom Wiki
This is a property of type Text.
ཕ
ཞེས་སྐོམ་མེ་ལ་གདམས་པའི་ལབ་མོ་མཁན་བདུད་འཇོམས་པས་སོ། །དགེའོ།། +
ཅེས་པ་འདི་ཡང་སྤྲུལ་སྐུ་དྲི་མེད་གྱིས་བསྐུལ་ངོར་བདུད་འཇོམས་རྡོ་རྗེས་བྲིས་པའོ། །དགེའོ། །སརྦ་མངྒ་ལཾ།། +
ཅེས་པའང་ཡིག་ཆ་ཡོངས་སུ་རྫོགས་པ་གྲུབ་པའི་རྗེས་ཐོག་ཟླ་བ་གསར་དུ་ཚེས་པའི་དུས་ཀྱི་རྒྱལ་ཕུར་འཛོམ་པའི་འགྲུབ་སྦྱོར་བཟང་པོ་ལ། རིག་པ་འཛིན་པའི་མིང་གིས་སྙན་པ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཤྲཱི་བི་ཛ་ཡནྟུ༎ +
ཕུར་པ་བདུད་འཇོམས་གནམ་ལྕགས་སྤུ་གྲིའི་མངོན་སྤྱོད་དྲག་པོའི་ཕྲིན་ལས་ཀྱི་ཆ་ལག་མཁྱེན་དགོངས་དམོད་བཅོལ་དྲང་སྲོང་ཁྲོས་པའི་ང་རོ། +
།ཞེས་པའང་ཉེ་བར་མཁོ་བའི་ཡན་ལག་ཏུ། དུས་ངན་གྱི་སྔགས་ནག་གདུག་པ་ཅན་འཇིགས་བྲལ་ཡེ་ཤེས་རྡོ་རྗེས་སྔོན་གྱི་རིག་སྔགས་གྲུབ་པའི་དཔའ་བོ་རྣམས་ཀྱི་གསུང་རྒྱུན་ལ་གཞི་བྱས་ཏེ་འཇུག་པ་བདེ་བའི་མཚམས་སྦྱོར་དུ་སྤེལ་བ་ཛ་ཡནྟུ།། +
ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་གི་ལྷན་ཐབས་ལག་ཁྲིད་དཔལ་ཆེན་དགྱེས་པའི་ཞལ་ལུང་། +
།ཅེས་པའང་སྒོམ་དོན་ཞལ་ཤེས་སྙན་བརྒྱུད་ཀྱི་མན་ངག་དང་འཁྲུལ་འཁོར་ལག་ལེན་གྱི་གནད་མི་འཆུག་པར་བྱ་བའི་ཕྱིར་སྔར་བཀོད་པའི་ཁྲིད་ཡིག་གི་ཆ་ལག་ལྷན་ཐབས་ཀྱི་ཚུལ་དུ། ཆགས་ཆེན་ཕོ་ཉའི་བརྟུལ་ཞུགས་རང་དབང་དུ་རྩེན་པའི་ཀུན་ཏུ་རྒྱུ་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་ང་བཞིའི་མཐར་ཐུག་པ་རབ་འབར་ཙཎྜ་ལཱིའི་ཁམས་ལྡན་མཁའ་ལྡིང་གི་ལོ་རྒྱལ་གྱི་ཉ་བའི་ཡར་ངོ་ཧཾ་ཡིག་ཟླ་ཞུན་བདུད་རྩིའི་གོང་བུ་གང་བ་རྒྱས་པའི་ལང་ཚོ་མཆོག་ཏུ་ངོམས་པ་ན། ས་ལ་སྤྱོད་པའི་ཞིང་ཁམས་འབྲས་མོ་གཤོངས་ཀྱི་བྱེ་བྲག་ཀ་པཱ་ལ་སྤུངས་པར་གྲགས་པའི་རི་སུལ་བཀྲ་ཤིས་དགའ་བ་འཁྱིལ་བའི་སྐྱེད་མོས་ཚལ་ཆེན་པོར་སྦྱར་བ་ལས། ཐོག་མའི་གླེགས་བམ་དུ་འབེབས་པ་པོ་ནི་ལྷོ་མོན་སྐྱིད་པའི་ལྗོངས་ཀྱི་སྔགས་བན་ཆོས་གྲགས་རྒྱ་མཚོས་བགྱིས་པའོ། །འདིས་ཀྱང་ཟབ་ལམ་གྱི་ཕྲིན་ལས་མི་ནུབ་བརྟག་ཅིང་ཁྱབ་སྟེ་སྐལ་ལྡན་རྣམས་ཟུང་འཇུག་དགའ་བཞིའི་ཡེ་ཤེས་མངོན་དུ་བྱེད་པའི་རྒྱུར་གྱུར་ཅིག །མ་ཧཱ་སུ་ཁ་སིདྡྷི་རསྟུ༎ +
ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་གི་སྦས་དོན་ཟབ་ཁྲིད་རིག་འཛིན་ཌཱ་ཀིའི་ཐུགས་བཅུད་བཀའ་རྒྱ་ཅན། +
།ཅེས་ཕུར་པ་བདུད་འཇོམས་གནམ་ལྕགས་སྤུ་གྲིའི་ཐལ་འབྱིན་གྱི་དགོངས་པ་རྣམ་པ་བཞི་ལས་བྱང་སེམས་ཕུར་བུའི་མན་ངག་གི་སྦས་དོན་ཟབ་ཁྲིད་ལྷུག་པར་བཀྲལ་བ་རིག་འཛིན་ཌཱ་ཀིའི་ཐུགས་བཅུད་བཀའ་རྒྱ་མ་འདི་ནི། རྒྱ་གར་དབང་ཕྱོགས་ཀྱི་སྔགས་བཙུན་ངག་དབང་ཚུལ་ཁྲིམས་དང༌། མོན་གྱི་སྔགས་སྟོན་པདྨ་དབང་ཆེན་སོགས་དོན་གཉེར་ཅན་དུ་མས་སྔ་ཕྱིར་ནན་ཏན་ཆེན་པོས་བསྐུལ་བ་ལ་བརྟེན་ནས། ཐབས་ལམ་གསང་བའི་ཟབ་གནད་རྣམས་ལ་མྱོང་གོམས་ཀྱི་བག་ཆགས་སད་པས་མི་དང་མི་མ་ཡིན་པའི་གཞོན་ནུ་མའི་ཚོགས་དང་དགའ་མགུར་རྩེ་བའི་བརྟུལ་ཞུགས་ཀྱི་སྤོབས་པ་དགེ་བ་འཇིགས་བྲལ་ཆགས་ཆེན་དགའ་བའི་ལང་ཚོ་རྡོ་རྗེ་སྙེམས་པའི་སྡེའམ། ཡོངས་གྲགས་སུ་བདུད་འཇོམས་སྤྲུལ་སྐུར་བརྗོད་པའི་རྗེ་རིགས་ཀྱི་སྔགས་རྒན་ཀུན་ཏུ་རྒྱུས། ཡུལ་རྒྱ་བོད་མཚམས་ཀྱི་རོང་ཆེན་ཀ་པཱ་ལ་སྤུངས་པར་གྲགས་པའི་རི་སུལ་ཙན་དན་ལྗོན་བཟང་དཀྲིགས་པའི་སྐྱེད་མོས་ཚལ་གྱི་སྨན་ལྗོངས་མེ་ཏོག་བཀྲ་བའི་ལྡིང་ཁང་དུ། རང་ལོ་ལྔ་བཅུ་ང་ལྔར་སོན་པ་ནོར་འཛིན་ཁམས་ཀྱིས་སྒེག་པའི་ནོར་སྲུང་གི་ལོ་སྟོན་གྱི་ཟླ་བ་འབྲས་བུ་བཅུད་དུ་སྨིན་པའི་དུས་ཀྱི་ཆར་ལེགས་པར་སྦྱར་བ་ལས། ཐོག་མའི་ཡི་གེ་པ་ནི་མོན་ཁ་ཀུ་རེ་ལུང་གི་སྒོམ་ཆེན་པདྨ་ཀློང་གྲོལ་གྱིས་བགྱིས་པའོ། །འདིས་ཀྱང་ཟབ་ལམ་སྙིང་པོའི་རིང་ལུགས་ཡུན་དུ་རྟག་ཅིང་སྐལ་པ་ཅན་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་དཱ་མངྒ་ལཾ། །འདི་ཉིད་མན་ངག་ཚུལ་བཞིན་མ་ཐོབ་ཅིང་དམ་ཉམས་དཔེ་ཁྱེར་མཁན་གྱིས་བལྟས་ན་དེའི་སྙིང་ཁྲག་སྔགས་བདག་སྲུང་མའི་ཚོགས་ཀྱིས་དཔའ་སྐྱེམས་སུ་རོལ་ཅིག་ས་མ་ཡ།། +
ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་ལས་འཕྲོས་པ་ཡན་ལག་ཆོས་ལྔའི་ཉམས་ཁྲིད་ཟབ་ལམ་སྙིང་པོ། +
།ཅེས་ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་ལས་འཕྲོས་པ་ཡན་ལག་གི་ཆོས་ལྔའི་ཉམས་ཁྲིད་ཟབ་ལམ་སྙིང་པོར་དྲིལ་བ་འདིའང༌། རྒྱ་གར་དབང་ཕྱོགས་ཀྱི་དགེ་སྦྱོང་ངག་དབང་ཚུལ་ཁྲིམས་དང༌། མོན་གྱི་སྔགས་སྟོན་པདྨ་དབང་ཆེན་སོགས་དོན་གཉེར་ཅན་དུ་མས་ཡང་དང་ཡང་དུ་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་ནོར་སྲུང་གི་ལོ་དབྱུག་གུ་ཟླ་བའི་ཉ་ལ་བསྟི་གནས་བཀྲ་ཤིས་སྣང་བའི་དགའ་ཚལ་དུ་སྦྱར་བ་དོན་དང་ལྡན་པར་གྱུར་ཅིག། སརྦ་དཱ་མངྒ་ལཾ།། +
ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་འཁྲུལ་འཁོར་གྱི་ལག་ཁྲིད་ཟླ་བ་གཅིག་གི་དབང་དུ་བྱ་ཚུལ། +
།ཞེས་པའང་བཛྲ་ཛྙཱ་ནས་སོ།། +
།ཅེས་སྤར་བྱང་སྨོན་ཚིག་ཤློ་ཀ་རྟགས་བརྒྱད་ཀྱི་གྲངས་ལྡན་འདིའང་ཡབ་རྗེ་ཡིད་བཞིན་ནོར་བུའི་བཀའ་ཡི་རྗེས་གནང་སྤྱི་བོས་མཆོད་དེ་རྨོངས་བརྟུལ་འཕྲིན་ལས་ནོར་བུས་གང་དྲན་བྲིས་པ་དོན་ལྡན་དུ་གྱུར་ཅིག །མངྒ་ལཾ།། +
།ཅེས་པའང་རྒྱལ་བའི་མྱུ་གུ་རྣམ་འདྲེན་གསུང་སྤྲུལ་བཅུ་གཅིག་པའི་གསང་གསུམ་མི་ཤིགས་རྡོ་རྗེའི་རང་བཞིན་དུ་རྟག་ཅིང་ཕྲིན་ལས་མཁའ་ཁྱད་ཏུ་བརྡལ་བའི་རྟེན་འབྱུང་བཟང་པོར་དམིགས་ནས་འཇིགས་བྲལ་ཡེ་ཤེས་རྡོ་རྗེས་གཏེར་གཞུང་གི་མན་ངག་འཇུག་བདེའི་ཆོག་ཁྲིགས་སུ་བསྡེབས་པ་སྟེ། རྣམ་འཕྱངས་ཟླའི་ཡར་ངོའི་ཚེས་བཅུད་ལ་ཀ་ལི་སྤུངས་ཀྱི་རི་སུལ་བཀྲ་ཤིས་འཆི་མེད་པའི་སྐྱེད་ཚལ་ཉམས་དགའ་བའི་གནས་སུའོ།། །།ཨ་ཡུ་སིདྡྷི་རསྟུ།། +
ཅེས་པའང་རྣམ་འདྲེན་གསུང་སྤྲུལ་བཅུ་པའི་བཞེད་སྐོང་དུ་འཇིགས་བྲལ་ཡེ་ཤེས་རྡོ་རྗེས་སོ།། +
ཅེས་པའང་རྒྱུན་གྱི་ཉམས་ལེན་འཇུག་པ་བདེ་བའི་སླད་དུ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཛ་ཡནྟུ།། +
།ཞེས་པའང་ལག་ལེན་འཇུག་པ་བདེ་བའི་ཆ་རྐྱེན་དུ་འཇིགས་བྲལ་ཡེ་ཤེས་རྡོ་རྗེས་སོ། །ཛ་ཡནྟུ།། +
།འདི་འང་ཛྙཱ་ནས་སོ།། +
ཅེས་པའང་འཇིགས་བྲལ་ཡེ་ཤེས་རྡོ་རྗེས་སོ། །དགེའོ།། +
།ཞེས་པའང་གཏེར་སློབ་ཁྲོ་རྒྱལ་རྡོ་རྗེས་ལྷག་པའི་ལྷ་འདི་བསྙེན་སྐབས་ཀྱི་ཐུན་གསེང་ཞིག་ཏུ་བསྙེན་པའི་མན་ངག་དང་མི་འགལ་བར་བློ་དམན་འཇུག་པ་བདེ་བའི་ཆེད་དུ་སྦྱར་བའོ། །ཤུ་བྷཾ།། +
།ཞེས་པའང་འདི་ཉིད་ཉམས་སུ་ལེན་མཁན་འགའ་ལ་ཕན་པའི་ཕྱིར་འཇིགས་བྲལ་ཡེ་ཤེས་རྡོ་རྗེས་སོ། +
ཁོ་བོ་འཇིགས་བྲལ་ཡེ་ཤེས་རྡོ་རྗེ་རང་ལོ་སུམ་ཅུ་རྩ་བཞིར་སོན་པ་རབ་བྱུང་བཅུ་དྲུག་པའི་མེ་གླང་ཁྲུམ་སྟོད་ཀྱིས་ཉ་བར་མོན་སྤ་མགྲོ་སྟག་ཚང་སེང་ཕུག་ཏུ་ཕུར་པ་གནམ་ལྕགས་སྤུ་གྲིའི་སྒོ་ནས་བདུད་རྩི་སྨན་གྱི་སྒྲུབ་པ་བགྱིས་པའི་སྐབས་ཤིག་རྨི་ལམ་དུ་མཚོ་རྒྱལ་ཡིན་སྐད་བུ་མོ་རྒྱན་བཟང་མ་ཞིག་གིས་གནམ་ལྕགས་ཀྱི་ཕུར་པ་མཐོ་གང་ཙམ་པ་ཤིན་ཏུ་སྒྲོས་གཙང་ཞིག་གཏད་ནས། འདི་གུ་རུ་རིན་པོ་ཆེ་གནས་འདིར་རྡོ་རྗེ་གྲོ་ལོད་ཀྱི་སྐུར་བཞེངས་དུས་སྡེ་བརྒྱད་དམ་ལ་འདོགས་ཤིང་རྒྱལ་བསེན་ཚར་གཅོད་བྱེད་ཀྱི་ཕྱག་མཚན་ངོ་མ་དེ་རེད། ཕྱིས་གུང་ཐང་ལ་ཁར་ཕེབས་སྐྱེལ་གྱི་དུས་སུ་ཁོ་མོར་གནང་བ་ཡིན། ད་ལན་ཁྱེད་ལ་སྦྱིན་པ་ཡིན་གྱིས་སྙིང་ནོར་དུ་ཆོངས་ཞེས་རུམ་དུ་བཅུག་བྱུང་བར། དགའ་ཆེས་པས་ཕྱག་ནས་བཙན་ཐབས་སུ་འཕྲོག་སྟེ། ཐོག་མར་དབང་ཞིག་ལེན་དགོས་སྙམ་སྤྱི་བོ་དང་མགྲིན་པར་གཏུགས། སྙིང་གར་རེག་མ་ཐག་ཕྱག་མཚན་ཕུར་པ་དང་རང་ལུས་དབྱེར་མེད་དུ་འདྲེས་ནས་ཁོག་སྟོད་ད་ལྟའི་ལུས་འདི་རང་ལ་ཁོག་སྨད་ལྕགས་ཕུར་མེའི་ཚྭ་ཚྭ་འཕྲོ་བར་གྱུར་ཏེ་ངག་ནས་ཀཱི་ལ་ཡ་སྒྲོགས་པས་ས་ཀུན་གཡོ་བ་སྙམ་བྱེད། དེར་བུ་མོ་དེས་འོ་དབང་དང་བྱིན་རླབས་དངོས་གནས་དེ་རེད། རྒྱུད་ལུང་མན་ངག་གཅིག་དྲིལ་གྱི་གཏེར་མཛོད་དེ་ཡིན། འདི་ཡལ་བར་མ་དོར་ན་དགོས་པ་ཆེན་པོ་ཡོད། སྔོན་དུས་གུ་རུ་རིན་པོ་ཆེའི་དྲུང་ནས་དབང་དང་གདམས་ངག་བཀའ་རྫོགས་ལུང་རྫོགས་སུ་ཞུས་པ་ཨེ་དྲན་ཟེར་ཞིང་ལག་ནས་འཇུས་ཏེ་འཐེན་བྱུང་བས་གཉིད་སད། དེ་འཕྲལ་སྔར་གྱི་བག་ཆགས་མང་པོ་འལ་འོལ་དྲན་ཅིང་། ཁྱད་པར་ཕུར་པའི་ཆོས་བསྐོར་བཀྲ་ལམ་གྱིས་ཡིད་ངོར་གསལ་བ་བྱུང་སྟེ། རིག་པའི་ཀློང་ནས་གང་བརྡོལ་བརྡ་ཐད་ཀར་བསྒྱུར་ན་གཏེར་སྟོན་གོང་མ་གཉིད་ཀྱི་ཆོས་སྐོར་ལས་ཀྱང་རྒྱས་ཤིང་མན་ངག་ཕྲིན་ལས་ལས་ཚོགས་གྱི་རིམ་པ་སྔར་མ་གྲགས་པའང་ཇི་སྙེད་ཅིག་སྣང་མོད་ཀྱི། འོན་ཀྱང་དེང་དུས་འདི་རིགས་གསར་དུ་འབེབས་པ་ངལ་བ་དོན་མེད་དུ་མཐོང་ནས་བཏང་སྙོམས་སུ་བཞག །ཕྱིས་རང་ལོ་ཞེ་ལྔ་པ་ས་བྱི་ཆོ་འཕྲུལ་ཟླ་བའི་ཚེས་བཅུར་ཕྱི་ནང་གི་རྐྱེན་དུ་མས་བསྐུལ་ཏེ་རང་སྐལ་ཡལ་བར་མི་དོར་བའི་ས་ཁོངས་འཛིན་ཕྱིར་སྙིང་པོའི་ཞུན་ཐིག་རྩ་ཐོ་ཙམ་གཏན་ལ་ཕབ་པ་སྟེ། ཆོས་བདག་མཁའ་འགྲོ་དམ་ཅན་རྒྱ་མཚོའི་ཚོགས་ཀྱིས་གཉེར་ཁ་ཐུབ་པར་མཛོད་ཅིག། ཨྠིྀ།། +
།ཞེས་པའང་དགེ་སློང་རིགས་སྔགས་འཆང་བ་བྱམས་པ་ཆོས་འཛིན་གྱི་བཞེད་པ་བཞིན་འཇིགས་བྲལ་ཡེ་ཤེས་རྡོ་རྗེས་སོ།། +
ཞེས་པའང་ལམ་འདིར་མོས་པ་ལྷུར་ལེན་པ་དགེ་སྦྱོང་ཤེས་རབ་གོ་ཆས་བསྐུལ་བ་ལས། དགེ་བསྙེན་རྣལ་འབྱོར་སྤྱོད་པ་འཇིགས་བྲལ་ཡེ་ཤེས་རྡོ་རྗེས་ཐུན་གསེང་གཅིག་ལ་ཤར་མར་སྤེལ་བ་དགེ་ལེགས་སུ་གྱུར་ཅིག +
