Property:Colophontib
From Dudjom Wiki
This is a property of type Text.
ཞ
།ཞེས་ལོ་ཆེན་དྷརྨ་ཤྲཱིས་ཞི་ཁྲོའི་ཆོ་ག་སྡིག་སྒྲིབ་རྣམ་སྦྱོང་དུ་ཇི་ལྟར་བསྡེབས་པར་མཛད་པ་ཉིད་ལས་ཁོལ་ཕྱུང་བཀླག་ཆོག་ཏུ་བཀོལ་བ་སྟེ། ཞི་ཁྲོའི་ཆོག་ཁྲིགས་རྒྱས་པ་མི་ལྕོགས་པའི་ཚེ་འཇུག་པ་བདེ་བའི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ། །སརྦ་དཱ་མངྒལཾ།། +
ཞེས་པ་བདུད་འཇོམས་རྡོ་རྗེའི་དག་སྣང་ལའོ།། +
ཅེས་པའང་གཏེར་བྱོན་བདེ་ཆེན་ཞིང་སྦྱོང་གི་ཆོ་གའི་ཡན་ལག་ཏུ་འཇིགས་བྲལ་ཡེ་ཤེས་རྡོ་རྗེས་སོ།། +
ཟ
ཅེས་པའང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་སོ།། +
།ཅེས་པའང་ཟབ་མོའི་ལམ་འདིར་གཡར་དམ་དུ་འཆའ་བའི་རྣལ་འབྱོར་པ་མྱོས་སྟོན་ཚེ་དབང་དཔལ་འབྱོར་གྱིས་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་མཁའ་འགྲོ་འདུ་བའི་དུས་བཟང་པོར་བྲིས་པ་སིདྡྷི་རསྟུ།། +
ཅེས་པའང་ཟབ་མོའི་ལམ་འདིར་གཡར་དམ་དུ་འཆའ་བའི་རྣལ་འབྱོར་པ་མྱོས་སྟོན་ཚེ་དབང་དཔལ་འབྱོར་གྱིས་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་མཁའ་འགྲོ་འདུ་བའི་དུས་བཟང་པོར་བྲིས་པ་སིདྡྷི་རསྟུ།། +
ཅེས་པའང་ཟབ་མོའི་ལམ་འདིར་གཡར་དམ་དུ་འཆའ་བའི་རྣལ་འབྱོར་པ་མྱོས་སྟོན་ཚེ་དབང་དཔལ་འབྱོར་གྱིས་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་མཁའ་འགྲོ་འདུ་བའི་དུས་བཟང་པོར་བྲིས་པ་སིདྡྷི་རསྟུ།། +
ཟབ་གསང་མཁའ་འགྲོ་སྙིང་ཐིག་ལས༔ ཐུགས་སྒྲུབ་ཡེ་ཤེས་ཉི་མའི་སྐོར༔ སྣང་སྲིད་ཕུར་པའི་གདབ་འདྲེན༔ ཐུགས་རྗེའི་གསང་ལམ་ཟབ་མོ༔ +
ཞེས་པ་འདི་ཡང་གླིང་པ་བདུད་འཇོམས་རྡོ་རྗེས་གཏེར་ནས་སྤྱན་དྲངས་ཏེ་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་སོ། །དགེའོ། །སརྦ་མངྒ་ལཾ།། +
ཞེས་པ་འདི་ཡང་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་བཏོན་ཏེ་མི་ལོ་བཅོ་བརྒྱད་བར་དུ་བཀའ་རྒྱ་བྱས་ནས་མཐར་རྟེན་འབྲེལ་དུས་ལ་བབ་པའི་ལྟས་བཟང་ཤར་ཚེ་གཏན་ལ་ཕབ་པའི་ཡི་གེ་པ་ནི་སློབ་དཔོན་གཡུ་སྒྲ་སྙིང་པོའི་ཟློས་གར་སྒྱུ་མའི་འཆར་སྣང་མི་བསྐྱོད་རྡོ་རྗེའོ།། +
ཟབ་གསང་མཁའ་འགྲོའི་སྙིག་ཐིག་ལས༔ དཔལ་ཆེན་རྡོ་རྗེ་གཞོན་ནུའི་ཡང་གསང་སྒྲུབ་པ་བདེ་གཤེགས་སྙིང་པོའི་ཆ་ལག་སྲེག་བླུག་ཕྲིན་ལས་ལྷུན་གྲུབ༔ +
ཞེས་པ་འདི་སློབ་བུ་སེམས་ཉིད་རྡོ་རྗེས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཟབ་གསང་མཁའ་འགྲོའི་བརྡ་རིས་ལས་ཕབ་པའོ། །དགེའོ། །དགེའོ། །དགེའོ།། +
ཞེས་པ་འདི་ཡང་གསེར་སྨད་རྔ་ལ་སྟག་རྩེའི་གཡས་ལོགས་རྡོ་རྗེ་བྲག་ནས་ཁྲག་འཐུང་རྡོ་རྗེ་ཁྲོ་ལོད་རྩལ་གྱིས་བཏོན་ཏེ་མི་ལོ་བཅུ་གསུམ་དུ་བཀའ་རྒྱས་བཏབ་སྟེ། མཐར་རང་སློབ་ཚེས་བཅུའི་ངོར་དག་པར་ཕབ་པའི་ཡི་གེ་པ་ནི་ཕུན་ཚོགས་བཀྲ་ཤིས་ཀྱིས་བགྱིས་པའོ། །དགེའོ། །དགེའོ། །དགེའོ། །སརྦ་མངྒ་ལཾ།། +
དེ་ལྟར་མངོན་སྤྱོད་ལས་གྲུབ་པས༔ ཆོ་གའི་ཟུར་རྒྱན་བཀོད་པ་ནི༔ ངག་དབང་ཕྲིན་ལས་ཀྱིས་བསྐུལ་ངོར༔ བདུད་འཇོམས་རྡོ་རྗེས་སྨྲས་པ་དགེ༔ སརྦ་མངྒ་ལཾ། །དགེའོ།། +
།ཞེས་ཟབ་ཆོས་གསང་བ་སྐོར་གསུམ་གྱི་ཁ་བྱང་འདི་ཉིད་སློབ་བུའི་དམ་པ་ཀུན་བཟང་ཆོས་གྲགས་དང་།ངག་དབང་ཕྲིན་ལས་གཉིས་ཀྱིས་བསྐུལ་ངོར།ཁྲག་འཐུང་བདུད་འཇོམས་རྡོ་རྗེས་གཏན་ལ་ཕབ་པས་ཡོངས་སུ་དགེ་ཞིང་བཀྲ་ཤིས་པར་གྱུར་ཅིག །དགེའོ།། དགེའོ། །དགེའོ། །སརྦ་མངྒ་ལཾ།། +
ཟབ་གསང་མཁའ་འགྲོའི་སྙིང་ཐིག་གི་བཀའ་སྲུང་དྲེགས་པ་སྡེ་དགུ་ལས་ལྷ་ཆེན་དབང་ཕྱུག་ཆེན་པོ་ལ་བརྟེན་ནས་མནན་བསྲེགས་འཕང་གསུམ་གྱི་བརྗེད་བྱང་། +
།སྨྲས་པ། བདུད་སྡེ་ཕྱེ་མར་འཐག་པའི་ཆོ་གའི་ཁྲིགས། །མཚུངས་མེད་དྲིན་ཅན་བླ་མའི་ཞལ་རྒྱུན་བཞིན། །རང་བློར་གང་ངེས་ལྷག་བསམ་དག་པའི་བློས། །བཀའ་འབངས་ཐ་ཤལ་མཁྱེན་མིང་པ་དེས་བྲིས། །དགེའོ།། +
ཟབ་གསང་མཁའ་འགྲོའི་སྙིང་ཐིག་གི་འཕོ་བའི་གདམས་པ་མ་བསྒོམས་སངས་རྒྱས་ཀྱི་ཁྲིད་ཡིག་བདེ་བ་ཅན་དུ་བགྲོད་པའི་ཤིང་རྟ། +
།ཅེས་པའང་འཕགས་ཡུལ་ཟ་ཧོར་མཚོ་པདྨ་ཅན་ཕྱོགས་ཀྱི་དགེ་སྦྱོང་རྣལ་འབྱོར་སྤྱོད་པ་བསྟན་འཛིན་ཆོས་འཕེལ་གྱིས་བསྐུལ་བའི་ངོར། གཏེར་གཞུང་རྩ་བའི་དགོངས་དོན་བླ་མའི་མན་ངག་གིས་གསལ་བར་བྱས་ཏེ་རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ལས་ཡི་གེ་པ་ནི་རྣལ་འབྱོར་པ་རིག་བཟང་རྡོ་རྗེས་བགྱིས་པ་སྟེ། འདིས་ཀྱང་འབྲེལ་ཚད་འཆི་བ་ལམ་དུ་ལོངས་པའི་རྒྱུར་གྱུར་ཅིག། +
ཅེས་པའང་ཡེ་ཤེས་སྙིང་པོའི་སློབ་ཚོགས་ཀྱི་ངག་འདོན་དུ་གཏེར་གཞུང་ནས་བསྡུས་པ་སྟེ་ཛྙཱ་ནས་སོ།། +
ཟབ་གསང་མཁའ་འགྲོའི་སྙིང་ཐིག་གི་ཡང་གསང་ཚེ་སྒྲུབ་དངོས་གྲུབ་འདོད་འབྱུང་གི་ལས་བྱང་ཁྲིགས་སུ་བསྡེབས་པ་འཆི་མེད་བདུད་རྩིའི་ཟ་མ་ཏོག། +
།དེ་ལྟར་ཟབ་གསང་མཁའ་འགྲོའི་སྙིང་ཐིག་གི་ཡང་གསང་ཚེ་སྒྲུབ་དངོས་གྲུབ་འདོད་འབྱུང་གི་ལས་བྱང་ཁྲིགས་སུ་བསྡེབས་པ་འཆི་མེད་བདུད་རྩིའི་ཟ་མ་ཏོག་ཅེས་བྱ་བ་འདིའང་། བཀའ་གསང་རྫོགས་པ་ཆེན་པོ་མཁའ་འགྲོ་སྙིང་ཐིག་གི་རིག་པ་འཛིན་པ་བླ་མ་ཚེ་དབང་ལྷ་རྒྱལ་ནས་བསྐུལ་བའི་ངོར། ཚེ་ལམ་འཛིན་པའི་སྔགས་བརྒྱུད་པ་རྒན་པོ་འཇིགས་བྲལ་ཡེ་ཤེས་རྡོ་རྗེས་རང་ལོ་བརྒྱད་ཅུ་གྱ་གཉིས་པ་ཤིང་མོ་གླང་གི་ལོ་རྒྱལ་གྱི་ཟླ་བའི་དུས་ཚེས་བཟང་པོ་ལ་ཡིད་འོང་དགའ་བ་འཁྱིལ་བའི་ལྗོངས་ཀྱི་བསྟི་གནས་ཉམས་དགའ་བར་བག་ཕེབས་པར་གནས་པའི་སྐབས་ཤིག་ཏུ་སྦྱར་བ་ལས། ཐོག་མའི་ཡི་གེ་པ་ནི་བློ་གསལ་རིན་ཆེན་ཕུན་ཚོགས་དང་། མཐའ་འདོམས་མཇུག་སྡུད་པ་ནི་མོན་གྱི་སྔགས་བན་ཀུན་བཟང་དབང་འདུས་ཀྱིས་བགྱིས་པ་སྟེ། འདིས་ཀྱང་འགྲོ་བ་རྣམས་དུས་མ་ཡིན་པའི་འཆི་བའི་འཇིགས་པ་ལས་སྐྱོབ་སྟེ་འཆི་མེད་རྟག་པ་དམ་པའི་གོ་སར་མྱུར་དུ་དབུགས་དབྱུང་བའི་རྒྱུར་གྱུར་ཅིག །སརྦ་དཱ་མངྒ་ལཾ།། +
སླར་སྨྲས་པ། ཇི་སྙེད་ཟབ་རྒྱའི་ཆོས་ཚུལ་མ་ལུས་པའི། །འཇུག་སྒོའི་རྩ་བར་གྱུར་པ་སྔོན་འགྲོའི་གཞུང་། །གདམས་པའི་སྙིང་པོ་ཡིད་བཞིན་དབང་གི་རྒྱལ། །སྐལ་བཟང་དད་པའི་གཙུག་གིས་ཅིས་མི་བསྟེན། །གྲུབ་བརྙེས་རིག་འཛིན་བྱེ་བ་གཤེགས་པའི་ཤུལ། །ལམ་བཟང་འདི་ལས་གཞན་དུ་མ་དམིགས་པས། །བརྩོན་པས་ཚུལ་བཞིན་ཉམས་སུ་བླངས་བྱས་ན། །དོན་ཆེན་གཏན་གྱི་སྲིད་མཆོག་ཟིན་པར་ངེས། །སྔོན་འགྲོར་གྲགས་ཀྱང་དངོས་གཞིའི་མཐར་ཐུག་པ། །གཅིག་ཆོག་ལམ་གྱི་གཞུང་ཤིང་འདི་མེད་པར། །ཟབ་ཟབ་བསྐྱེད་རྫོགས་མཐོན་པོའི་བཤད་ཡམ་ཀུན། །མགོ་མེད་བེམ་པོར་གྲོང་འཇུག་ངང་ཚུལ་བཞིན། །མང་དུ་ཐོས་ཀྱང་ཉམས་སུ་མ་བླངས་ན། །ཀིམ་པའི་འབྲས་བཞིན་དགོས་དུས་མི་སྟོངས་ཀྱི། །དམ་ཆོས་གོ་ཡུལ་ཙམ་ལ་གདིང་འཆའ་བ། །ཀྱེ་མ་གྲོགས་དག་རྣམ་རིག་སུ་ཡིས་བརྐུས། །དམ་པའི་མན་ངག་སྒྲོན་མེ་ཐོགས་བཞིན་དུ། །ད་ནི་སྙོམས་ལས་མལ་དུ་མི་མནལ་བར། །སྲིད་པ་ཉེས་བརྒྱའི་མུན་རུམ་མཐར་བསྐྲད་དེ། །དོན་གཉིས་སྣང་བ་སྦོར་བའི་དུས་འདི་ལགས། །དེ་ཡང་ལ་འུར་རྩོལ་བས་མ་འབད་ན། །འདི་ནི་དགྲ་ཆེན་འཆི་བདག་གླལ་བའི་ལྕེ། །ངེས་མེད་གློག་གི་གར་སྟབས་ལས་མྱུར་བས། །སྐྱེས་བུའི་འཚོ་བ་འཕྲོག་ལ་ལྷག་པར་རིངས། །ཡིད་འོང་དབེན་པའི་ནགས་ཚལ་ཉམས་དགའི་ངོགས། །ལྷུན་སྟུག་བྲག་རིའི་ཁང་བཟང་བཀོད་ལེགས་པར། །བསམ་གཏན་བདུད་རྩིས་མྱོས་པའི་དྲང་སྲོང་དེས། །འཆི་མེད་བདེ་ཆེན་བཙན་ས་ཟུངས་ཞེས་བསྐུལ། །དེ་སླད་དེ་ཡི་ལམ་བཟང་ཉེར་མཚོན་པའི། །སྔོན་འགྲོའི་རིམ་པ་ལེགས་པར་བཤད་པའི་གཏམ། །བརྒྱུད་ལྡན་བླ་མའི་གསུང་ངག་ལ་བརྟེན་ནས། །དོན་ཟབ་གནད་འདྲིལ་གོ་སླའི་ཁྲིད་དུ་སྤྲོས། །བློ་རྨོངས་གྱུར་ཀྱང་མཁས་དང་གྲགས་འདོད་སོགས། །རྙོགས་བཅས་ཀུན་སློང་ངན་པས་མ་སྦགས་ཕྱིར། །གཞན་ལ་ཕན་འདོད་ཁོ་ན་ལྷུར་བླངས་ནས། །ལྷག་བསམ་དག་པས་བརྗོད་འདིར་ནོངས་མེད་སྙམ། །འོན་ཀྱང་ཉེས་པར་བཤད་ཀུན་བདག་སྐྱོན་ཏེ། །རྣམ་སྨིན་རྩུབ་མོའི་རྒྱུ་རུ་མི་འགྱུར་ཞིང་། །ལེགས་བཤད་ཆ་རྣམས་བླ་མའི་བཀའ་དྲིན་ཏེ། །དམ་པའི་དགོངས་པ་སྐོང་ནུས་བྱིན་བརླབ་གསོལ། །ཚུལ་འདིར་འབད་ལས་བསོད་ནམས་གང་ཐོབ་པ། །དེས་ནི་འགྲོ་ཀུན་ཐེག་མཆོག་ལམ་སྲོལ་འདིར། །ཐོས་བསམ་སྒོམ་པའི་སྐལ་བཟང་རབ་ལྡན་ནས། །ཕུན་ཚོགས་དོན་གཉིས་ཡིད་བཞིན་ལྷུན་གྲུབ་ཤོག །བདག་ཀྱང་རང་འདོད་ཡིད་བྱེད་དང་བྲལ་ཏེ། །མཐའ་ཡས་འགྲོ་བའི་འདྲེན་པར་ཆས་པ་ལ། །རྒྱལ་སྲས་ཀུན་ཏུ་འཆང་དང་མཚུངས་པ་ཡི། །རླབས་ཆེན་ཕྲིན་ལས་རྒྱ་མཚོར་དབང་འབྱོར་ཤོག །ངོ་མཚར་ཟབ་གསང་བཀའ་སྲོལ་ཡིད་བཞིན་ནོར། །བཤད་སྒྲུབ་རྒྱལ་མཚན་རྩེ་མོར་བཀོད་ལས་འདིར། །གྲུབ་གཉིས་འདོད་རྒུའི་གྲུ་ཆར་རྟག་འཇོ་བས། །ས་གསུམ་ཕན་བདེའི་བཀྲ་ཤིས་རྒྱས་གྱུར་ཅིག །དེ་ལྟར་ཟབ་གསང་མཁའ་འགྲོའི་སྙིང་ཐིག་གི་སྔོན་འགྲོའི་ཁྲིད་རིམ་འཇུག་བདེར་བཀྲལ་བ་ཐར་ལམ་སྣང་བྱེད་ལེགས་བཤད་སྒྲོན་མེ་ཞེས་བྱ་བ་འདི་ནི། སྔ་སོར་རང་གི་རྡོ་རྗེ་སློབ་བུའི་ཐུ་བོ་གསང་ཆེན་བསྟན་པའི་རྩ་ལག་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུ་དོན་ཐམས་ཅད་གྲུབ་པའི་སྡེས་རབ་དཀར་ལྷའི་རེག་བྱ་བཟང་པོ་དང་བཀྲ་ཤིས་རྟགས་ཀྱིས་མཚན་པའི་རིན་པོ་ཆེའི་མཎྜལ་དང་བཅས་ཏེ་དང་བའི་གསུང་གིས་རྗེས་སུ་བསྐུལ་བར་མཛད་པ་དང་། དེ་དང་མུ་མཐུད་དུ་རྣལ་འབྱོར་པ་འཁྲུལ་ཞིག་རྡོ་རྗེས་ཀྱང་རང་རེའི་ཆོས་བརྒྱུད་ཀྱི་རྗེས་སུ་འབྲང་བ་རྣམས་ཀྱི་འཇུག་སྒོར་གཞན་ལ་ལྟོས་མ་དགོས་པའི་ཡིག་ཆ་འདུས་གསལ་ཞིག་ཅི་ནས་འབྲི་བར་འོས་ཞེས་ནན་ཏན་ཆེན་པོས་བསྐུལ་ཞིང་། གཞན་ཡང་དོན་དུ་གཉེར་བའི་བློ་གྲོས་ཅན་དུ་མས་སྔ་ཕྱིར་ཡང་ནས་ཡང་དུ་བསྐུལ་བ་ལ་བརྟེན་ནས། ཁྱབ་བདག་རྗེ་བཙུན་བླ་མ་དམ་པའི་ཞལ་ལུང་རྩ་བར་བཟུང་ཞིང་མཁས་གྲུབ་གོང་མ་རྣམས་ཀྱིས་ལེགས་པར་བཤད་པའི་ཆ་ཤས་ཇི་ལྟར་རིགས་པས་ཀྱང་གསལ་བར་བྱས་ཏེ། ཨཽ་ཌི་ཡཱ་ནའི་སློབ་དཔོན་ཆེན་པོའི་རིང་ལུགས་སྨྲ་བ་རྗེ་རིགས་ཀྱི་སྔགས་བན་འཇིགས་བྲལ་ཡེ་ཤེས་རྡོ་རྗེ་དགེ་ལེགས་རྣམ་པར་རྒྱལ་བའི་སྡེས། རང་ལོ་བཞི་བཅུ་ཞེ་གསུམ་པའི་ཐོག་ཏུ་སོན་པ་མི་ཟད་པའི་ལོ་ཐ་སྐར་ཉ་བའི་ཤེས་རབ་ཀྱི་ཆ་རྒྱལ་བ་ལྷ་ལས་བབས་པའི་དུས་ཚེས་བཟང་པོ་ལ། ཤར་ཕྱོགས་ཀོང་ཡུལ་ལྗོན་པའི་ལྗོངས་ཀྱི་ཐིག་ལེ་བུ་ཆུ་གཏེར་གྱི་ལྷ་ཁང་རང་བྱུང་འཕགས་པའི་ཕོ་བྲང་ཉམས་དགའ་བའི་གནྡྷོ་ལར་ལེགས་པར་སྦྱར་བའོ། །འདིས་ཀྱང་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་འབྱུང་བའི་གཞིར་གྱུར་ཅིག །
སྭ་སྟི། ངོ་མཚར་ཟབ་ལམ་ཀུན་གྱི་ཡང་སྙིང༷་སྙིང༷་པོའི་གདམས་བཅུད་སྔོན་འགྲོའི་ཁྲིད་ཚུལ་མཆོག༷ ། མཆོག༷་གྱུར་གདུལ་བྱ་རྣམ་མང་ཀུན་དགའ༷་དགའ༷་ཆེན་མི་འཛད་ཆོས་སྦྱིན་འདོད་འཇོའི་ཕུལ༷། །ཕུལ༷་བྱུང་ལྷག་བསམ་དྲི་མེད་ཤེས་རབ༷་རབ༷་གསལ་རིག་འཛིན་དབང་མོའི་ལེགས་བྱས་དཔལ༷། །དཔལ༷་ལྡན་བླ་མའི་བཞེད་དོན་ལྷུན་གྲུབ༷་གྲུབ༷་གཉིས་འབྱོར་པས་འགྲོ་བའི་ཕྱུག་ཕྱིར་རོ། །སརྦ་དཱ་ཀ་ལྱྰ་ཎཾ་བྷ་བ་ཏུ། །།
ཟབ་གསང་མཁའ་འགྲོའི་སྙིང་ཐིག་གི་སྔོན་འགྲོའི་ངག་འདོན་དང་མཐུན་པའི་ཁྲིད༔ དག་སྣང་ཡེ་ཤེས་དྲྭ་བ་དང་འབྲེལ་བའི་ཡན་ལག་བཅུ་པ་བྱིན་རླབས་དངོས་གྲུབ་ཀྱི་བང་མཛོད༔ +
ཞེས་པ་འདི་ཡང་ས་གཏེར་སྔོན་འགྲོའི་ངག་འདོན་དང་མཐུན་པའི་ཁྲིད་བྱིན་རླབས་དངོས་གྲུབ་ཀྱི་བང་མཛོད་ཅེས་བྱ་བ་འདི་ཉིད་རང་ལོ་ཉེར་ལྔའི་དུས་སུ་ཨོ་རྒྱན་མཚོ་སྐྱེས་རྡོ་རྗེས་རང་གི་ཡིག་རྩིས་སློབ་པའི་སློབ་དཔོན་དུ་སྤྲུལ་ནས་གསུངས་པ་ལ་བརྟེན་ནས། ཁྲག་འཐུང་བདུད་འཇོམས་རྡོ་རྗེ་ཁྲོ་ལོད་རྩལ་གྱིས་ཆོས་ཉིད་ནམ་མཁའི་ཀློང་མཛོད་ལས་བསྒྱུར་ཏེ་མཐར་སློབ་བུ་མཆོག་རབ་དང་ཀློང་ཆེན་གཉིས་ཀྱིས་ནན་དུ་བསྐུལ་ངོར་ལི་སྟོད་སྐལ་བཟང་དགོན་ནས་གཏན་ལ་ཕབ་པ་དུས་གསུམ་ཀུན་ཏུ་དགེ་བར་གྱུར་ཅིག །ཡི་གེ་པའང་བཙུན་པ་ཀློང་ཆེན་གྱིས་བགྱིས་པའོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། +
།ཅེས་གཏེར་གསར་ཟབ་གསང་མཁའ་འགྲོའི་སྙིང་ཐིག་གི་བླ་རྫོགས་ཐུགས་གསུམ་སྤྱིའི་ཆོས་སྡེ་སྔོན་འགྲོའི་ངག་འདོན་ཟུང་འཇུག་ལམ་གྱི་ཤིང་རྟ་ཞེས་བྱ་བ་འདི་ནི། སྔར་བཀོད་པའི་ཁྲིགས་བསྡེབས་དེ་ཉིད་ཅུང་མི་གསལ་བར་བརྟེན་སླར་ཡང་འདོན་སྒོམ་བདེ་བའི་ངག་ཁྲིགས་འདི་ལྟར་བགྱི་བའི་འདུན་པའི་ཐོག །ཉེ་ཆར་ཀོང་ཡུལ་ལེན་རི་གསང་སྔགས་ཆོས་རྫོང་ནས་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུ་དོན་ཐམས་ཅད་གྲུབ་པའི་སྡེས་ལམ་འདིར་འཇུག་པ་དང་པོའི་ལས་ཅན་རྣམས་ལ་སྨན་པ་ཆེན་པོའི་སྒོར་འགྱུར་བར་ངེས་པས་ཅིས་ཀྱང་གྲུབ་པར་གྱིས་ཤིག་ཅེས་ཡི་གེའི་ལམ་ནས་དང་བའི་གསུང་གིས་རྗེས་སུ་བསྐུལ་བར་མཛད་པ་ལ་བརྟེན་ནས། རིག་འཛིན་གྱི་མྱུ་གུ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་རྩ་བཞིར་སོན་པ་དབང་ཕྱུག་གི་ལོ་ཁྲུམས་སྟོད་ཉ་བའི་ཤེར་ཕྱོགས་ཀྱི་ཚེས་བཅུ་ཉེ་བའི་འདུ་བ་ཁྱད་པར་ཅན་གྱི་དུས་བཟང་པོ་ལ། སློབ་དཔོན་ཆེན་པོས་བྱིན་གྱིས་བརླབས་པའི་སྒྲུབ་གནས་ཀྱི་རྒྱལ་པོ་སྟག་ཚད་སེང་གེ་བསམ་འགྲུབ་ཀྱི་ཀེའུ་ཚང་དུ་ལེགས་པར་སྦྱར་བ་སྟེ། འདིས་ཀྱང་ཟབ་ལམ་གྱི་ཕྲིན་ལས་ཕྱོགས་མཐར་ཁྱབ་ཅིང་རྟག་པ་དང་འབྲེལ་ཚད་མཚོ་སྐྱེས་བླ་མའི་ཞབས་དྲུང་དུ་སྐྱེ་བའི་སྐལ་པ་བཟང་པོ་ཅན་དུ་གྱུར་ཅིག །སརྦ་དཱ་མངྒ་ལཾ། +
