DJYD-KABUM-11-DA-014

Previous Text Back to Volume PageLast text in volume.

Wylie title
Location	bdud 'joms rin po che bka' 'bum Volume 11, Text 14, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod. Kalimpong: Dupjung Lama, 1979-1985.
Side notes
More details More details
Genre

Tibetan Text

[edit]

༄༅། །རྡོ་རྗེ་ཕུར་པ་བདུད་འཇོམས་གནམ་ལྕགས་སྤུ་གྲིའི་སྒྲུབ་ཆེན་

འདྲ་འབག་ཚུལ་གྱི་ལག་ལེན་ཟིན་བྲིས་མཐོང་བས་ དོན་རྟོགས་ཞེས་བྱ་བ་བཞུགས་སོ། །

（1བ）ཨོཾ་སྭསྟི། ཐོག་མར་ཉིན་དང་པོ་ས་ཆོག་ལ། གང་དུ་དཀྱིལ་འཁོར་བྱ་བའི་སྟེགས་བུའི་དབུས་སུ་རིན་པོ་ཆེའི་མཎྜལ་དྲིས་བྱུགས་པར་འབྲུ་དཀར་དྲི་བཟང་གིས་སྦག་པའི་ཚོམ་བུ་གཅིག་བཀོད། དེ་སྟེང་མཉྫིའི་ཁར་ས་ལྷའི་ཟླུམ་གཏོར་དཀར་པོ་མཐེབ་རིལ་གྱིས་མཚན་པ་རྩེ་རྒྱན་ཅན། དེ་མདུད་མཉྫི་དམན་བར་གཞི་བདག་སྤྱིའི་དཀར་ཟླུམ་མཐེབ་རིལ་ཅན་དང་མདུན་དུ་གསེར་སྐྱེམས། མཐར་བྱང་ཤར་མཚམས་འཛིན་མེ་ཏོག་བརྩམས་ཆུ་གཉིས་ཉེར་སྤྱོད་ལྔའི་སྒོར་མཆོད་བཅས་བཤམས། གཞན་ཡང་འོག་གི་སྐབས་སོ་སོར་དགོས་པའི་ཡོ་བྱད་རྣམས་སྔ་ཚགས་སུ་（2ན）ཚུད་པར་སྐབས་མཚམས་འདོན་ཆོག་བྱས་ཏེ། ཆོ་ག་དངོས་ལ། ༼ཞོག་ཚོགས་༽ ཚིག་བདུན་གསོལ་འདེབས་དང༌། བརྒྱུད་འདེབས། ཚོགས་བསགས་གསུམ་སྔོན་དུ་འགྲོ་བས། བདག་བསྐྱེད་རྒྱུན་ཁྱེར་གཙོ་རྐྱང་ལ་བརྟེན་པའི་བཟླས་པ་བརྒྱ་རྩ་ཙམ་གྱི་མཐར་བསྡུ་ལྡང་བྱ། ཇཆང་༽ དེ་ནས་སྒྲུབ་ཁོག་བཞིན། རཾ་ཡཾ་ཁཾ། བསང་ཆུའི་སྟེང་དུ་སོགས་ལྷུག་འདོན་གྱི་སྔགས་བརྒྱ་རྩའི་མཐར་འོད་ཞུའི་རྗེས། ལས་རྡོར་ཞྭ་ཕྲག་ཁྱེར་གྱིས་འཐོར་གཡབ་ཞུས་ཏེ་ཚྪིནྡྷའི་སྔགས་ཐོག་མཆོད་གཏོར་རྣམས་ལ་འཐོར། ཐམས་ཅད་སྟོང་ཉིད་སོགས་ལྷུག་ནས་བུཥྤེ་སོགས་ལ་པད་སྐོར་མེད་པའི་རང་རྒྱ་（2བ）དང་ཤཔྔར་འཇམ་རོལ། གཏོར་གཞོང་སོགས། འབྲུ་གསུམ་རང་རྒྱ། སློབ་དཔོན་ལག་གཡས་རྡོ་རྗེ་དང་བཅས་ས་ལ་རྡེག་པའི་ཚུལ་གྱིས། ཧ་ཧ་ཧཱུཾཧཱུཾ་སོགས། ས་སྟེང་དུ་ཐོན་པར་གྱུར། པད་སྐོར་རང་རྒྱ་སེ་གོལ་བཅས། ཨོཾ་པྲི་ཐི་ཝི་སོགས་དང་ཤཔྡར་འཇམ་རོལ། པད་སྐོར་གཏོར་རྒྱ་སེ་གོལ་བཅས། ཨ་ཀཱ་རོ་ལན་གསུམ་མཐར། གཡས་རྡོ་རྗེ་ལྡན་པས་པུས་སྟེང་ས་གནོན་གྱི་རྒྱ་དང་གཡོན་དྲིལ་བུ་ནུ་ཐད་དུ་འཛིན་པས། སྐྱོབ་པ་སངས་རྒྱས་སོགས་ཡོ་ག་སྤྱི་གདངས་བཞི་དྲིལ། རྒྱལ་བར་བྱས་ཏེ་སོགས་ཚིག་མཇུག་ལྷུག་ནས་དྲིལ་པང་གིས། ཞེས་གསོལ་བ་བཏབ་པས་སོགས། ཐིམ་པར་གྱུར། ཅེས་འཇམ་རོལ་འོག་ལས་རྡོར་གྱིས་ཞྭ་བཅས་ས་ལྷའི་དཀར་གཏོར་ཕྱི་རོལ་དུ་འབུལ། བྷུ་མི་པ་ཏིར་རྡོ་རྗེ་བསྡུ་རྒྱ། སྠ་ནར་པད་སྐོར་མཛོད་རྒྱ་སེ་གོལ་བཅས་ལན་གསུམ། གང་དག་འདིར་གནས་སོགས་སྤྱི་གདངས། གཙྪར་སེ་གོལ་དང༌། གནང་བ་སོགས་ནས། གཤེགས་པར་གྱུར། ཅེས་འཇམ་རོལ་རིང་པོའི་འོག་ལས་རྡོར་གྱིས་ཞྭ་བཅས་དཀར་གཏོར་དང་གསེར་སྐྱེམས་ཕྱི་རོལ་དུ་འབུལ་ཞིང༌། མཆོད་གཡོག་གིས་ཚོམ་བུ་མཆོད་པ་སོགས་བསྡུ། སློབ་དཔོན་བཞེངས་（3ན）ནས་སྟེགས་བུའི་མདུན་དུ་འཁོད་པ་དང་སིལ་སྙན་དབྱེ། ལས་རྡོར་གྱིས་བུམ་གཏེར་བཏེགས་ལ། ཏྲཱ༷་ལས་རིན་པོ་ཆེའི་སོགས་འབྲུ་གསུམ་ལན་བདུན་མཐར་བུམ་གཏེར་སློབ་དཔོན་ལ་ཕུལ་བ་ཕྱག་གཡས་མཆོག་སྦྱིན་གྱི་རྒྱས་ཐོགས་ལ། ས་ཡི་ལྷ་མོ་སོགས་སྤྱི་གདངས། གཏེར་དུ་འབུལ། ཞེས་ལས་རྡོར་ལ་གཏད་པ་གཡས་སྐོར་དུ་དཀྱིལ་འཁོར་གྱི་ལྷོ་ནས་ཁ་བྱང་དུ་ཕྱོགས་པས་སྟེགས་བུའི་འོག་གི་དབུས་སུ་འགོད། ཡེ་དྷརྨར་འཇམ་རོལ་བཅས་སློབ་དཔོན་གྱིས་མེ་ཏོག་འཐོར། ལས་རྡོར་གྱིས་སྨན་སྣ་བ་བྱུང་སྦྱར་བའི་དྲི་བཟང་གི་ཆུའི་དུང་ཞལ་ཐོགས་ལ། སློབ་དཔོན་རྡོ་དྲིལ་བཅས་ཁུ་ཚུར་གྱིས་སྟེགས་བུའི་གཞིར་བྱང་ཤར་ནས་གཡས་སྐོར་དུ་འཐོར་ཞིང༌། ཨོཾ་བྷུ་ཁ༷་སོགས། རོ་གཅིག་པར་གྱུར། སློབ་དཔོན་སྟེགས་བུའི་དབུས་སུ་གནས་པས་དཔྱིད་གསུམ་ལྷོ། དབྱར་གསུམ་ནུབ། སྟོན་གསུམ་བྱང༌། དགུན་གསུམ་ཤར་དུ་ཕྱོགས་ཏེ། ཧ་ཧ་སོགས་དང༌། རང་ཉིད་དཔལ་ཆེན་པོ་སོགས། བརླག་པར་གྱུར། རྡོ་རྗེ་གསོར་ཞིང་དྲིལ་བུ་གསིལ་བ་དང་བཅས་ལྟ་སྟངས་ཀྱིས་ཕྱོགས་ཀུན་ཏུ་བལྟ་ཞིང༌། ཨོཾ་བཛྲ་ཀཱི་ལི་སོགས་རྩ་སྔགས་གཅིག་（3བ）བརྗོད་མཐར། རྐང་མཐིལ་ཧཱུཾ་ལས་འབར་བའི་རྡོ་རྗེར་གྱུར། ཅེས་བརྗོད་ནས་ཀཱི་ལའི་སྔགས་དབྱངས་ལན་གསུམ་རིང་རྡོ་རྗེའི་གོམ་འགྲོས་ཀྱིས་གཡས་བསྐོར་དུ་བྱོན་སྟེགས་བུའི་བྱང་ཤར་དུ་འཁོད་པའི་མདུན་མཉྫི་དམའ་བར་བགེགས་གཏོར་བཤམ་ལ། ཨོཾ་བཛྲ་ཀྲོ་ངྷ་ཨ་མྲྀ་ཏར་ལས་རྡོར་གྱིས་ལས་ཆུ་འཐོར། སྭ་བྷཱ་ཝ༴ སྟོང་པའི་ངང་ལས་སོགས་བྱིན་རླབས་དང༌། སྔགས་བསྔོས་ལན་གསུམ་མཐར། རོལ་ཆེན་བླངས་ཏེ་ཐང་གསུམ་ཟིལ་འབེབས་སུམ་བརྡུང་འཇོག་མེད་ཀྱིས། ཧཱུཾ། ང་ནི་དཔལ་ཆེན་སོགས་ལས་བྱང་གི་བཀའ་བསྒོའི་མཐར་འཇག་རོལ་རིང་པོའི་འོག་མཆོད་གཡོག་གིས་བགེགས་གཏོར་ཕྱི་རོལ་དུ་འདོར། ལས་རྡོར་གྱིས་གུ་གུལ་ལྡེམ་སྤོས་སུ་བསྲེག་པ་དང་ཐུན་སྣོད་ཐོགས་ལ་དྲག་སྔགས་སུམྦྷ་ནིར་སློབ་དཔོན་གྱིས་ཐུན་བྲབ་མཐར་བཞག་རོལ་བྱ། ཁྲོ་བོ་དུ་མ་སོགས། རང་བཞིན་དུ་གྱུར། ཅེས་སློབ་དཔོན་སྟེགས་བུའི་མདུན་དུ་འཁོད། ལས་རྡོར་གྱིས་སྟེགས་བུའི་དབུས་སུ་ཕུར་གདན་བཀོད་ཅིང་དབང་མཆོག་གི་ཕུར་པ་སློབ་དཔོན་ལ་ཕུལ་ནས། ཕུར་བུ་སྐད་ཅིག་གིས་སོགས་དང༌། ཨོཾ་གྷ་གྷ་སོགས་སྔགས་ལན་གསུམ་གྱི་རིང་ཕུར་བུ་བསྒྲིལ་མཐར་བཏབ་སྟེ། （4ན）ཕུར་བུ་ལས་སོགས། ཁེངས་པར་གྱུར། དེ་ནས་བར་ཆད་ལམ་སེལ་ལྟ་བུ་བསྐུལ་ཏེ་ཚོགས་མང་གིས་བསམ་ལྷུན་སོགས་ཞབས་བརྟན་རིགས་དང༌། ལས་ཚན་སོ་སོར་བསྐོས་པས་ཕྱི་རོལ་དུ་སྤྱི་བཤགས་ཀྱི་རིགས་རྣམས་བྱ། བར་དེར་སྒྲུབ་ཁང་གི་ཕྱི་རོལ་གོམ་པ་བདུན་ཅུ་འདས་པའི་སར་ཕྱོགས་བཞིར་རྒྱལ་ཐོ་སྐུ་རྟེན་སྔགས་བྱང་རྒྱལ་མཚན་ཅན་བཙུགས། མདུན་དུ་སྟེགས་བུ་ཁེབས་ལྡན་མེ་ཏོག་གི་ཚོམ་བུ་ཅན་གྱི་དབུས་སུ་མཆོད་གཏོར་དཀར་ཟླུམ་མཐེབ་རིལ་གྱིས་མཚན་པ་རེ་དང༌། དེ་མདུན་ཆུ་གཉིས་ཉེར་སྤྱོད་ལྔ་བཅས་ཕྲེང་ཚར་དུ་བཤམ། གདོང་གྲལ་གཉིས་ཞྭ་ཆོས་ལྷམ་བཅས་རྔ་སྦུག་དུང་དཀར་རྣམས་ཐོགས་ནས་སློབ་དཔོན་གྱི་ཞབས་ཕྱིར་འབྲངས་ཏེ། ཐོག་མར་ཤར་གྱི་ཐོ་མདུན་དུ་འཁོད་ལ། ཨ་མྲྀ་ཏར་མཆོད་གཏོར་སྐུ་རྟེན་དང་བཅས་པར་ལས་ཆུ་འཐོར། སྭ་བྷཱ་ཝ༴ ཐམས་ཅད་སྟོང་ཉིད་སོགས་ལྷུག ཤཔྡར་རོལ་མོ་ཐང་ཟིལ་བཞག་རོལ།༡ གཏོར་གཞོང་སོགས། རང་གི་ཐུགས་ཀའི་སོགས་སྤྱན་དྲངས་པར་གྱུར། ཐང་ཟིལ་སུམ་བརྡུང་འཇོག་ཡོད་ཀྱིས།༣ ཧཱུཾ༔ གསང་བདག་སོགས། བརྟན་པར་བཞུགས། ཞེས་（4བ）སྦུག་ཚག་གིས་བཞག བཛྲ་ས་མཱ་ཛར་བསྡུ་རྒྱ། ཛཿཧཱུཾ་བཾ་ཧོཿར་རང་རྒྱ། མ་ཧཱ་ར་ཛར་པད་སྐོར་གཅིག་སྔོན་འགྲོས་ཨརྒྷཾ་སོགས་ལ་རང་རྒྱ་དང༌། ཤཔྡར་རོལ་མོ་སྔར་བཞིན། རྩ་སྔགས་གཏོར་སྔགས་སྦྲེལ་བ་ལན་གསུམ་རང་རྒྱ་བཅས་མཐར། ཐིང་༡༢༣ ཐིང་༡༢༣ ཐིང་། སྦྲམ། ཧཱུཾ། དྲི་ཟའི་མངའ་བདག་སོགས་ཐོ་གདངས། བར་（རྩེ）ཆད་ཀུནཾ་སྲུངཾས་（ཐིང་）ཤིགཾ ། ༢༣ཐིང༌། ༡༢༣ ཟིལ་འབེབས་བཞག་རོལ། ལས་རྡོར་གྱིས་མཆོད་གཏོར་ཐོ་མདུན་འགོད། རང་སྔགས་དང་ཏིཥྛ་བཛྲ་ལ་སློབ་དཔོན་གྱིས་མེ་ཏོག་འཐོར། དེ་བཞིན་རིགས་འགྲེ་བས་ཕྱོགས་གཞན་གསུམ་ལ་གཡས་བསྐོར་གྱིས་ཐོ་བསྡོམ་མཛད་ནས། སྒོ་དྲུང་མནན་དོང་གྲུ་གསུམ་ཁྲུ་གང་བ་བྲུས་པའི་སར་སླེབ་པ་དང་སློབ་དཔོན་དེར་ཕྱོགས་པར་འཁོད། སྔར་ནས་རྡོ་རྗེ་མཚམས་པས་ཟུར་དུ་བསྒྲུབས་པའི་མནན་ཐོད་ཡོད་ན་མཆོག་དང༌། མེད་ན་ཤོག་ལིང་བཅས་ཀྱི་རྣམ་བཞག་ལས་འབྱུང་བ་བཞིན་བྲིས་པ་བཀོད། སློབ་དཔོན་གྱིས་གཡབ་དྲིལ་དང་བཅས་པས་གསེར་སྐྱེམས་ཐོགས་ལ། ཨོཾ་ཨཱཿཧཱུཾ། འདོད་ཡོན་སོགས། གཏེར་དུ་གྱུར། ཐང་གསུམ་ཟིལ་འབེབས་རོལ་ལེན་གཅིག་ནས་（5ན）སུམ་བརྡུང་ཐིང་གང་མཚམས་ཅན་གཉིས་དང་འཇོག་གཅིག་གིས། ཧཱུཾ། རིག་འཛིན་རྩ་བརྒྱུད་སོགས་སྨད་ལས་བཞིན་དབྱངས་བཅས་ལྷུ་གསུམ་མཐར། ཟིལ་འབེབས་བཞག་རོལ། ཨོཾ་བཛྲ་ཀཱི་ལི་སོགས་རྩ་སྔགས་ཀྱིས་ང་རྒྱལ་བཟུང་ནས། ཨེ་ཡཾ་སོགས་ལུས་ཅན་དུ་གྱུར། སློབ་དཔོན་གྱི་འགུགས་རྒྱས། ན་མོ། རིག་འཛིན་རྩ་བརྒྱུད་ཀྱི་སོགས་འགུགས་རོལ་བཅས་ལན་གསུམ་རྗེས་མའི་ཐོག་ཟློག་རོལ་ཆུང་བས། ཧཱུཾ་ཛཿ དམ་ཚིག་ཆེན་པོའི་སོགས་ཚོགས་ཐ་མའི་སྐབས་བཞིན་བབ་བརྒྱད་ཀྱིས་བསྐུལ། སྲས་ཕུར་ཕུལ་ལ་ཟློག་རོལ་གྱིས། ཧཱུཾ། ང་ནི་རྡོ་རྗེ་སོགས། ཆེན་པོར་སངས་༔ ཞེས་ཟློག་རོལ་གྱིས་བཞག ཨོཾ་ལྃ་སོགས་ཀྱིས་ཕུར་བུ་བསྒྲིལ་ཞིང་བཏབ། ཐིང་（༣）ཟིལ་རིང་འོག་རོ་གཡམ་ལ་འོག་སྣ་ཚོགས་རྡོ་རྗེ་དང༌། སྟེང་རི་རབ་གླིང་བཞི་བྲིས་པས་བཀབ་སྟེ་སཱཙྪ་ནག་པོས་མནན། རྒྱ་བཅུའི་ཚིག་བསྟུན་ལས་རྡོར་གྱིས་རླུང་མེ་ཆུ་ས་རིམ་རེས་གཡོགས་ཏེ་སློབ་དཔོན་གྱིས་རྡོ་རྗེ་རྒྱ་གྲམ་རེ་བཀོད་ལ། ཐོ་གདངས་ཀྱིས། ཧཱུཾ། གཅིག་ནི་སོགས། མཐར་བཞག་རོལ། རྡོ་དྲིལ་ཞུ། རྔ་སྦུག་བཞག་ནས། ཨོཾ་སུམྦྷ་ནི་སོགས་བརྗོད་（5བ）ཅིང་སློབ་དཔོན་ལས་བྱེད་རྣམས་ཀྱི་ཕྱག་གཡས་སྟེང་དང་གཡོན་འོག་ཏུ་བྱས་པ་བསྣོལ་བའི་མཐེའུ་ཆུང་སྤྲེལ་ཏེ་བྲོ་ར་གྲུ་གསུམ་ཟུར་ལྷོར་ཕྱོགས་པར་བསྐོར་ལ། རྔ་མེད་བྲོ་བརྡུང་རྟས། ཧཱུཾ། སྟོང་གསུམ་སྟོང་གི་འཇིག་རྟེན་གྲུ་གསུམ་དུ༔ ཞེས་སོགས་ལས་བྱང་བཞིན་བྲོ་བརྡུང་བྱས་མཐར་སྔགས་བཅས་རྒྱ་བཀྲོལ། དེ་ནས་སྒྲུབ་ཁང་གི་སྒོའི་ཡ་ཐེམ་གྱི་ཕྱི་རུ་གཤིན་རྗེ་དང་ནང་དུ་འཁྱིལ་བའི་སྐུ་སོ་སོར་སྔགས་བྱང་ཅན་ཕུར་བུ་རེ་བཅས་བཀོད་ཅིང༌། མཆོད་གཏོར་གྲུ་གསུམ་དམར་པོ་མཐེབ་ཀྱུ་ཅན་རེ་དང་ཉེར་སྤྱོད་སྔར་ལྟར་བཤམས་པའི་མདུན་དུ་འཁོད་ལ། གོང་བཞིན་བྱིན་གྱིས་བརླབ། ཨ་མྲྀ་ཏར་སྐུ་རྟེན་གཉིས་ཀར་ལས་ཆུ་འཐོར། སྭ་བྷཱ་ཝ༴ སྟོང་པའི་ངང་ལས་སོགས། ས་མཱ་ཛཿར་བསྡུ་རྒྱ་དང༌། ཛཿཧཱུཾ་བཾ་ཧོཿར་རང་རྒྱ། ཨོཾ་བཛྲ་པུཥྤེ་སོགས། ཤཔྡར་རོལ་མོ་གོང་བཞིན། རྩ་སྔགས་གཏོར་སྔགས་སྦྲེལ་བ་སོ་སོ་ལན་གསུམ་རེ། རོལ་བཅས་ཐོ་གདངས་ཀྱིས། ཧཱུཾ། བཅོམ་ལྡན་སོགས། ཕྱག་འཚལ་བསྟོད། ཅེས་བཞག་རོལ། ཡ་མནྟ་ཀ་ལན་བདུན། ཁྲོ་བོ་གཤིན་རྗེ མཛོད་ཅིག །ཅེས་མེ་ཏོག་འཐོར། དེ་བཞིན་ཨ་མྲྀ་ཏ་ལན་བདུན། ཁྲོ་བོ་བདུད་རྩི་（6ན）མཛོད་ཅིག །ཅེས་ནང་དུ་ཞུགས་ནས་སོ་སོའི་གྲལ་དུ་བཞུགས། འདི་སྐབས་སློབ་དཔོན་སྔགས་ཆས་བཞེས་ཤིང་ལས་རྡོར་གྱིས་སྟེགས་བུའི་སྟེང་དུ་ཕུར་གདན་རྣམས་གནས་མ་འཆོལ་བར་འགོད། སློབ་དཔོན་སྟེགས་བུའི་མདུན་དུ་འཁོད། ལས་རྡོར་རོག་བྱེད་པས་ཁྲོ་བཅུའི་ཕུར་པ་སྦམ་སྟེ་བཙུགས་པའི་སྣོད་བཏེགས། ལས་རྡོར་གྱིས་བསང་ཆུའི་འཐོར་གཡབ་ཕུལ་ལ། ཨ་མྲྀ་ཏ༴ སྭ་བྷཱ་ཝ༴ སྟོང་པའི་ངང་ལས་སོགས། མེ་ལྟ་བུར་གྱུར། རྩ་སྔགས་དང་ཁྲོ་བཅུའི་སྔགས་བརྗོད་རིང་སློབ་དཔོན་གྱིས་ཕུར་བུ་རྣམས་བསྒྲིལ། དབང་པོ་ལ་སོགས། རོ་གཅིག་ཏུ་གྱུར། ལས་རྡོར་གྱིས་ཐོ་བ་དང་ཕུར་བུ་རྣམས་རིམ་པར་ཕུལ་ཞིང༌། སློབ་དཔོན་གྱིས་གཡས་ཐོ་བ་དང་གཡོན་པས་ཕུར་བུ་བཟུང་ནས་འབར་བའི་སྟངས་སྟབས་གཡས་སུ་བསྐོར་བ་དང་བཅས། ཨོཾ་བཛྲ་ཀྲོ་དྷ་སོགས། ཧཱུཾ་ཀཱ་རས་ཤར་གྱི་ཤར་དུ་གདབ། རིམ་པར་གཡས་སྐོར་དུ། བི་ཛ་ཡས་ཤར། ཡ་མནྟ་ཀས་ལྷོ། ཧྱ་གྲཱི་ཝས་ནུབ། ཨ་མྲྀ་ཏས་བྱང༌། དེ་ནས་སྟངས་སྟབས་དང་འགྲོ་ཕྱོགས་གཡོན་སྐོར་གྱིས། ཏྲཻ་ལོཀྱས་བྱང་ཤར། ཨ་བ་རཱ་ཛི་ཏས་（6བ）ནུབ་བྱང༌། ཨཱརྻ་ཨ་ཙ་ལས་ལྷོ་ནུབ། ནཱི་ལ་དཎྜས་ཤར་ལྷོ། མ་ཧཱ་བ་ལས་ནུབ་ཀྱི་ནུབ་ཏུ་གདབ། དེ་རྣམས་ཀྱིས་སོགས། མཛད་པར་གྱུར། སློབ་དཔོན་སྟེགས་བུའི་ཤར་ནས་ནུབ་ཏུ་ཕྱོགས་པས་འཁོད། ཐང་གསུམ་ཟིལ་འབེབས་སུམ་བརྡུང་ཉིས་བརྡུང་སྦྲེལ་མ་འཇོག་ཡོད་ཀྱིས། ཧཱུཾ། བདག་ཉིད་དཔལ་ཆེན་སོགས་ལས་བྱང་གི་སྲུང་འཁོར་དབྱངས་ལྷུ་གང་འོས་དང་བྱིངས་ལྷུག་འདོན་མཐར་སུམ་བརྡུང་ཕྱེད་ནས་ཟིལ་འབེབས་བཞག་རོལ་བྱ། དེ་སྐབས་སྒྲོལ་གིང་གཉིས་ཆས་སུ་ཞུགས། ལས་རྡོར་གྱིས་སྔར་ནས་འཇིམ་པ་སོགས་ལས་བསྐྲུན་པའི་མ་ཏྲཾ་གི་གཟུགས་ལྷུ་ཕྲལ་ཆོག་མ་ཉིད་སྟེགས་བུའི་དབུས་སུ་མགོ་ལྷོ་ནུབ་ཏུ་ཕྱོགས་པར་འཇོག །སློབ་དཔོན་གྱིས་གཡབ་དྲིལ་བཞེས་ཏེ། རང་ཉིད་དཔལ་ཆེན་པོར་སོགས། འགུགས་རོལ་དང་བཅས་པའི་འགུག་གཞུག་ལན་གསུམ་གྱི་རྗེས་མའི་ཐོག་སྒྲོལ་གིང་གཉིས་གཡས་གཡོན་ནས་རྔམས་འགྲོས་ཀྱིས་དོན་པའི་འཆམས་ཚིག་འཆམས་ཡིག་ལྟར་ལ། ཧཱུཾ། མ་ཏྲཾ་བྱ་བའི་སོགས། དབྱངས་འཆམས་དང་བཅས་པའི་མཇུག་ཏུ་ཟིལ་འབེབས་རིང་པོའི་འོག་གིང་པ་གཉིས་ཀྱིས་རྔམས་སྟབས་དང་བཅས་སྒྲོལ་（7ན）བའི་ཚུལ་བྱས་མཐར་རང་གནས་སུ་ལྡོག་ཅིང་རོལ་བཞག སློབ་དཔོན་གྱིས་ཏི་ཧཱུཾ་སོགས་ཀྱིས་རྣམ་ཤེས་གནས་སྤར། བྷྲཱུཾ་ཛྙཱ་ན་སོགས་ཚར་བརྒྱད་རིང་ལས་རྡོར་གྱིས་ལྷུ་ཕྲལ་ཏེ་སྟེགས་བུའི་མཐའི་སྲུང་ཕུར་གྱི་ནང་དུ་ཕྱོགས་མཚམས་མ་ནོར་བར་མགོ་བོ་ལྷོ་ནུབ། སྙིང་ནུབ། ལག་གཡོན་ནུབ་བྱང༌། རྐང་གཡོན་བྱང༌། མཚན་མ་བྱང་ཤར། རྐང་གཡས་ཤར། ལག་གཡས་ཤར་ལྷོ། གློ་བ་ལྷོ། ཁོག་པ་དབུས་རྣམས་སུ་འགོད། ཁོག་པ་རང་བྱུང་སོགས། ལྷུན་གྱིས་གྲུབ་པར་གྱུར། ཅེས་ཐང་（༡）ཟིལ་བཞག་རོལ་འོག་སློབ་དཔོན་ཆས་ཞུགས་བསིལ་ཞིང༌། ལས་རྡོར་གྱིས་མ་ཏྲཾ་དང་ཕུར་བུ་རྣམས་བསྡུ། རྔ་རོལ་ ཇ་ཆ༽ འཇོག དེ་ནས་སློབ་དཔོན་རྡོ་དྲིལ་བཅས་སྟེགས་བུའི་དབུས་སུ་འཁོད། ལས་རྡོར་གྱིས་ཁྲག་ཆེན་བདུད་རྩི་ལྔ་དྲི་དང་སྦྱར་བའི་ཐོད་ཞལ་ཐོགས་ལ། ཧཱུཾ། དུར་ཁྲོད་གསང་བ་སོགས་སྤྱི་གདངས། མཐར་འཇམ་རོལ་འོག་སློབ་དཔོན་གྱིས་རྡོ་རྗེའི་ཁུ་ཚུར་གྱིས་སྟེགས་བུའི་བྱང་ཤར་ནས་གཡས་བསྐོར་དུ་ཆག་ཆག་གདབ། དེ་རྗེས། ཁྲག་འཐུང་རིགས་སུ་སོགས་བསྔོ་སྨོན་དང༌། ལྷོ་ནུབ་རྔ་ཡབ་མ་སོགས་ཀྱིས་ཚོགས་མང་གྲོལ། སློབ་དཔོན་དང་ཡུམ་དུ་（7བ）བཏགས་པའི་ལས་རྡོར་སོགས་ཀྱིས་གཞུང་བཞིན་ཐིག་ཚོན་གྱི་བྱ་བ་འཇུག་གོ ། ༈ །ཉིན་གཉིས་པ་རྒྱན་འགོད་ལ། ཉེ་ལོགས་སུ་སྟེགས་གཙང་མའི་ཁར་གཤམ་གསལ་རྒྱན་བཀོད་ཡོ་བྱད་ཡོངས་རྫོགས་གོ་རིམ་བཞིན་བླང་བཞག་བདེ་བའི་སྣོད་དུ་བསགས་ལ་སོ་སོར་ཁེབས་ཀྱིས་བཀབ་སྟེ་བཞག རས་བྲིས་སྐབས་དཀྱིལ་འཁོར་གྱི་གཞིར་མཚན་ཉིད་རྫོགས་པའི་འདིང་དཀྱིལ་བཀྲམ་༼གུང་ཚིག་༽བདག་བསྐྱེད་སྔ་ཉིན་ལྟར་ལ། བཟླས་པའི་མཇུག་ཏུ་༼ཇ་ཚ༽སློབ་དཔོན་དཀྱིལ་འཁོར་མདུན་གྱི་ཁྲིའུར་འཁོད། བསྡུ་ལྡང་གྲུབ་པ་དང༌། ལས་རྡོར་གྱིས་ལྷ་ཕུར་རྣམས་དང་སྒྲུབ་པ་པོའི་གྲངས་ཀྱི་བསྙེན་ཕུར་རྣམས་ལ་གུ་གུལ་གྱིས་བདུག་ཅིང༌། ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སོགས་དང༌། སློབ་དཔོན་གྱིས་ཡུངས་དཀར་བྲབ་ཅིང་མ་གུ་ཏ་ལ་སོགས། ཞལ་དང་དབལ་ལ་རཀྟས་བྱུགས་ཤིང་རཀྟ་ཛྭ་ལ་སོགས། འདི་དང་རྗེས་འབྲེལ་ལས་རྡོར་གྱིས་སྒྲུབ་རྫས་ཡོངས་རྫོགས་ལ་གུ་གུལ་བདུག་ཅིང༌། སློབ་དཔོན་གྱིས་ཡུངས་ཐུན་བྲབ། ཤུ་ནྱ་ཏ་སོགས། མཚན་པ་རེར་གྱུར། གཙོ་བོ། ཀཱི་ལ་རིགས་ལྔ། ཁྲོ་བཅུ། སྲས་མཆོག་ཉེར་གཅིག སྒོ་མ་བཞི། བཞི་སྙིང་གཅིག་དྲིལ་བཅས་ཚར་རེ་བརྗོད། （8ན）གཙོ་ཕུར་སོགས་དང༌། ཐབས་ཀྱི་སྤྱོད་པས་སོགས་ནས། དབུ་བརྒྱན་པར་གྱུར། ཅེས་ཐམས་ཅད་ཀྱི་གཟན་ཟླུམ་ཞྭ་བཅས་འདུས་པ་རྣམས་དཀྱིལ་འཁོར་ལ་ཕྱོགས་པས་བཞེངས། སློབ་དཔོན་གྱིས་རྡོ་དྲིལ་སྤོས་དང་བཅས་པས་སྣ་དྲངས། རྒྱལ་ཚབ་པས་ལྷ་ཕུར། ཡུམ་གྱིས་རྣམ་བུམ། གཞན་རོག་བྱེད་རྣམས་ནས། གསང་ཐོད། མེ་ལོང༌། ཤེལ་རྡོ། དཔལ་གཏོར། ཚེ་འབྲང་སོགས་དང༌། རལ་གྲི་༤། མདའ་དར་༤། ཚོན་སྐུད། རྒྱལ་མཚན་༤། མ་ཏྲཾ། ཁྲོ་བཅུའི་ཕུར་བུ་སོགས་ཐོགས་ནས་འཇམ་རོལ་དང་བཅས་གསེར་ཕྲེང་རྒྱ་གླིང་གིས་སྣ་དྲངས་ཏེ་དཀྱིལ་འཁོར་ལ་ལན་གསུམ་བསྐོར་མཐར་སློབ་དཔོན་དཀྱིལ་འཁོར་མདུན་དུ་འཁོད་པ་དང་རོལ་མོ་དབྱེ་ལ། ཧཱུཾ། དབུས་ནས་རང་བྱུང་སོགས། སྔགས་བསྟུན་གཙོ་ཕུར་དབུས་ནས་ཞལ་ཤར་བསྟན་དང་ཡུམ་ཡབ་ལ་ཕྱོགས་ཤིང་སྒྲོལ་ཡུམ་གཡོན་ནས་གཡས་སུ་ཕྱོགས་པས་འགོད། ཕྱོགས་བཞི་རང་བྱུང་སོགས་ལ་བུདྡྷ་ཀཱི་ལ་ཡ་གཙོ་བོའི་གཡས་ནས་གཡོན་དུ་ཕྱོགས་ཤིང་གཞན་བཞི་ཕྱོགས་བཞིའི་རྩིབས་བཞིར་ཞལ་ནང་བསྟན་དུ་འགོད། ཕྱོགས་བཅུ་རང་བྱུང་སོགས་（8བ）ལ་ཤར་སྟོད་སྟེང་དང་ནུབ་སྨད་འོག་ཏུ་བྱས་ཏེ་ཕྱོགས་མཚམས་ཀྱི་རྩིབས་སུ་ཁྲོ་བོ་རྣམས་ཞལ་ནང་བསྟན་དང་ཡུམ་རྣམས་ཡབ་ལ་ཕྱོགས་ཤིང་ཟ་གསོད་གཉིས་ཀྱིས་གཡས་གཡོན་ནས་བརྟེན་པའི་ཚུལ་གྱིས་འགོད། སྐུ་གསུང་ཐུགས་ལས་སོགས་ལ་ཕྱི་རིམ་གྱི་ཟླ་གམ་ཉེར་གཅིག་ལ་ནང་བསྟན་དུ་འགོད། གྲུ་ཆ་བཞི་ཡི་སོགས་ལ་གྲྭ་བཞིའི་ཤར་ལྷོར་ཞི་ཕུར། ལྷོ་ནུབ་ཏུ་རྒྱས་ཕུར། ནུབ་བྱང་དུ་དབང་ཕུར། བྱང་ཤར་དུ་དྲག་ཕུར་རྣམས་འགོད། ཚད་མེད་བཞི་ལྡན་སོགས་ལ་ནང་སྒོ་བཞིར་ཞལ་ཕྱིར་བསྟན་དུ་འགོད། དཀྱིལ་འཁོར་ཆེན་པོའི་སོགས་ལ་དམ་ཅན་བཅུ་གཉིས་ཁྲག་ཁྱམས་ཀྱི་རྩིབས་ལ་ནང་བསྟན་དང༌། གིང་བཞི་ཕྱི་སྒོ་བཞིར་ཕྱིར་བསྟན། དབང་མོ་ཉེར་བརྒྱད་ཕྱིའི་ཁོར་ཡུག་ལ་ནང་བསྟན་དུ་འགོད། འདི་རྣམས་ལ་ལྷ་དབང་ཆེན་མོའི་རྟ་དང་རེ་རེ་བཞིན་འཇམ་རོལ། མཇུག་གི་བསྟན་པ་བསྲུང་ཕྱིར་སོགས་ལ་རོལ་མོ་འཆོལ་རྒྱག་བྱེད། དེ་ནས། ཧཱུཾ། སྲིད་པའི་ཕུར་བུ་སོགས་མཐར་འཇམ་རོལ་འོག་དཀྱིལ་འཁོར་སྟེང་གི་ཁྲིའུའི་རིམ་པ་དང་པོའི་དབུས་སུ་རྣམ་བུམ་བཅུད་ལྡན་ཁ་རྒྱན་གསེབ་སྐུ་རྟེན་དང་བཅས་པ། གཡས་སུ་གསང་ཐོད་ཆོས་སྨན་མངར་གསུམ་（9ན）ཆང་སྦྱར་གྱིས་བཀང་བའི་ཁ་དར་དམར་བཞི་ལྟེབས་ཀྱིས་བཀབ་པ། མེ་ལོང་སིནྡྷུ་ར་བརྡལ་བར་སྔགས་བྱང་བྲིས་པ། རྒྱུད་ཀྱི་གླེགས་བམ། གཡོན་དུ་སྲོག་འཁོར་བླ་རྡོ་དང༌། རང་བྱུང་གི་ཤེལ་རྡོ་ཟུར་དྲུག་པ། རྒྱབ་ཏུ་དཔལ་གཏོར་སྐུ་ཙག་དར་གདུགས་ཅན། མདུན་དུ་ཚེའི་འབྲང་རྒྱས། དེའི་གཡས་སུ་ཚེ་རིལ། གཡོན་དུ་ཚེ་ཆང༌། རྒྱབ་ཏུ་མདའ་དར་བཅས་གོ་རིམ་མ་ནོར་བར་རྒྱལ་ཚབ་པས་བཀོད་ཅིང་ལས་རྡོར་གྱིས་སྤོད། དཀྱིལ་འཁོར་མཐའ་སྐོར་དུ་མ་ཏྲཾ་དང་སྲུང་ཕུར་རྣམས་ཀྱང་སྔར་གྱི་གོ་རིམ་ལས་མ་འཆུག་པར་བཀོད། སྤྱན་རྒྱུན་དུ་རྒྱལ་འཕན་སོགས་རྒྱན་གོས་རྣམས་བསྡུས་ནས་བར་ཆ་གྲོལ་རིང་དུ་འགོད་པར་མཛད། དཀྱིལ་འཁོར་གྱི་མདུན་དུ་གཡས་ནས་འགོ་བརྩམས་པའི་ཞི་མཆོད། གཡས་སུ་ཤར་ལྷོ་ནས་འགོ་བརྩམས་པའི་འདོད་ཡོན་ལྔ་དང་སྣ་བདུན་རྫས་བརྒྱད་བཅས་ཀྱི་ཙཀླི། གཡོན་དུ་ནུབ་བྱང་ནས་འགོ་བརྩམས་པའི་དྲག་མཆོད། རྒྱབ་ཏུ་སྟེགས་བུ་ཁེབས་ལྡན་གྱི་དབུས་སུ་རྩ་བའི་མཆོད་གཏོར། དེའི་གཡས་ནས་གཡས་སུ་ཆོས་སྐྱོང་ཕོ་རྒྱུད་སྤྱིའི་གཏོར་སྤུངས། ཆད་མདོ། རྩ་བརྒྱད་སྟོང་སྦྱར་གྱི་ཕབ་ལྡན་སྨན་ཐོད། གཡོན་（9བ）ནས་གཡོན་དུ་མོ་རྒྱུད་སྤྱིའི་གཏོར་སྤུངས། བརྟན་མ། སོ་ལྔ་པ་སྦྱར་བའི་རཀྟ་བཅས། དཀྱིལ་འཁོར་གྱི་ཤར་ལྷོར་དངོས་གྲུབ་ཀྱི་རྫས་རིན་ཆེན་ཟུར་བརྒྱད་སེར་པོར་འབྲང་རྒྱས་དབུས་སུ་ཟླུམ་པོ་བག་ཙམ་མཐོ་བ་དང་ཕྱོགས་བཞིར་ལས་བཞིའི་དབྱིབས་མདོག་ཅན་མཐའ་སྐོར་དུ་ཟས་སྣ་བཟང་རྒུས་གཏམས་པ། ཐོད་པ་མཚན་ལྡན་དུ་བམ་ཆས་ལྡན། ལྷོ་ནུབ་ཏུ་ཉུ་ལེའི་ལིང་ག་བཅས་ཀྱི་རྣམ་བཞག་ལས་འབྱུང་བ་བཞིན་བྲིས་པ་བྲུབ་ཁུང་དུ་བཅུག་པ་དང་ཐུན་རྫས། ནུབ་བྱང་དུ་དམ་ཅན་བཅུ་དྲུག་གི་གཏོར་སྤུངས། བྱང་ཤར་དུ་མཐའ་སྡུད་ཀྱི་ཡོ་བྱད་འགོད་པར་བཤད་པའི་ས་ཁོངས་སུ་ཐུན་གཏོར་རྩང་དམར་མེ་རིས་བརྒྱན་པ་བཅས་འགོད། གོང་གི་སྒྲུབ་རྫས་རྣམས་འགོད་ཡུན་རིང་ཐུང་ལ་དཔག་པའི་རོལ་མོའི་རིང་ཐུང་ཡང་བསྟུན་ནས། ཧཱུཾ། དུར་ཁྲོད་གསང་བ་སོགས། ས་གཞི་སྤོས་ཆུས་གདངས་ཀྱིས། རྩལ་དུ་གསོལ་ཞེས་དྲིལ་གསིང་དང༌། རང་རྒྱ་བཅས་མཛོད་སྔགས་མཐར་འཇམ་རོལ་བྱ། དེ་ནས་བསམ་པ་ལྷུན་གྲུབ་མ་སོགས་ཀྱིས་གྲོལ། སྦུགས་འགྱེད། འདི་སྐབས་དར་གྱི་ལྡ་ལྡི་སོགས་གོང་དུ་འགོད་པར་མི་བདེ་བའི་རྒྱན་རྣམས་འགོད་ཅིང༌། སློབ་དཔོན་གྱི་（10ན）མདུན་ལྕོགས་སུ་གཡོན་ནས་བརྩམས་ཏེ་ནང་མཆོད། རྡོ་དྲིལ་ལས་བུམ། ཌཱ་མ་རུ། མེ་ཏོག་གི་སྣོད། གཡབ་དར། ལས་ཕུར་རྣམས་དང༌། བདག་འཇུག་ཆས་རྣམ་བུམ། གཟུངས་རྡོར། རིགས་ལྔ་དར་དབྱངས། མཎྜལ་སོགས་མཁོ་བའི་ཡོ་བྱད་རྣམས་མ་ཚང་བ་མེད་པར་འགོད་དོ། ། ༈ །དེ་ནས་གཞུང་གྲལ་༼བར་ཆ་༽གཡོན་གྱི་ཕྱི་རྒྱབ་ཏུ་གྲལ་རིང་གསར་བ་ཞིག་གི་སྟན་བཤམས་ལ་ལས་ཚན་པ་རྣམས་ཡུམ་ནས་བཟུང་རྡུལ་ཕྱག་གི་བར་གོ་རིམ་མ་འཆོལ་བར་བཞུགས་ཟིན་པ་དང༌། རྒྱལ་ཚབ་པ་མཆིལ་ལྷྭམ་བཅས་བཞེངས་ནས་ཆོས་གོས་ཟླུམ་ཁྱེར་གྱིས་གཞུང་གྲལ་ལྟ་བུར་གཏོང་ཐུན་སྔོན་དུ་འགྲོ་བས། ཧཱུཾ། རྡོ་རྗེ་རྒྱལ་པོ་སོགས་དབྱངས་བོར་ལེན་དང་བཅས། ལས་རྡོར་པས་ཐོད་ཆང་མར་གྱི་ཟེ་པྲོག་ཅན་ལས་ཕུད་སྐྱོགས་ཀྱིས་བཅུས་པའི་སྐྱེམས་ཚིག་བསྟུན། རྒྱལ་པོ། རྒྱལ་ཚབ། གཟུངས་མ། དབུ་མཛད། གིང་པ་༢། མཚམས་པ་༢། ཀུན་ཐུབ་༡། དགེ་བསྐོས། དུང་མཁན་༢། ཞལ་ཏ་བ། གྲྭ་མང༌། སྔགས་རྒྱུན་པ། རྡུལ་ཕྱག་གི་བར་རིམ་པར་དྲངས་ལ་མངའ་གསོལ་ཞིང་གཉེར་གཏད། དེ་ནས་ལས་（10བ）ཚན་པ་རྣམས་སོ་སོའི་གྲལ་དུ་བཞུགས་གྲུབ་པ་དང་བསྟུན་རྒྱལ་ཚབ་པ་གཞུང་གྲལ་དབུས་ནས་སྟོན་པར་ཕྱོགས་ཏེ་བཞེངས། ལས་རྡོར་གྱིས་དཔལ་ཆས་ཙཀླི་རྣམས་རིམ་པར་རྒྱལ་ཚབ་པའི་ཕྱག་ཏུ་འབུལ་ཞིང༌། རོག་བྱེད་གཞན་འགྲེང་ཚར་དུ་འཁོད་པའི་ལག་ཏུ་བྱུག་པའི་རྩི་ཐལ་ཆེན་ས་དཀར་བསྲེས་པ ཁྲག་དང་མཚལ་བསྲེས་པ། ཞག་དང་ས་སེར་བསྲེས་པ་རྣམས་ཐོགས་ལ། གཏོང་ཐུན་སྔོན་དུ་འགྲོ་བས། ཧཱུཾ། ཐེག་མཆོག་སོགས། ཁྲག་གི་ཐིག་ལེའི་མཚན་མས་གདབ། ཅེས་འབུལ། དབུ་མཛད་ཀྱིས་བསྐུལ་ཏེ། ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་བྷསྨ་སོགས་འཇམ་རོལ་འོག་རྒྱལ་ཚབ་སོགས་ཀྱིས་སྟོན་པ་ནས་བཟུང་འདུས་པ་རྣམས་ཀྱི་གནས་སོ་སོར་གོས་རྒྱན་རྣམས་སྒྲོན་ཚུལ་དང༌། རྩི་གསུམ་དངོས་སུ་གདབ། རྒྱལ་ཚབ་རང་གྲལ་དུ་བཞུགས་པ་དང་རོལ་མོ་དབྱེ། འདིར་མཆེད་གསར་རྙིང་བསྲེ་བསྣན་མི་བྱ་ཀ་མེད་བྱུང་ན་བསྲེ་བསྣན་གཞུང་བཞིན་བྱ་ཞིང༌། ཕྱག་བཞེས་སུ་དབང་མ་ཐོབ་པ་ཚོགས་གྲལ་དུ་འཇོག་སྲོལ་མེད། ཀུན་གྱི་ལག་གཉིས་ཁུ་ཚུར་དཔུང་མགོར་བསྣོལ་ལ། ཧཱུཾ༔ སྣང་བ་ཁྱབ་བརྡལ་སོགས། ཤ་ཡ་ཕཊ་ལ་ཁུ་ཚུར་དབྱེ། （11ན）ཐལ་སྦྱར་གྱིས། ཧཱུཾ། རང་བྱུང་ལྷུན་གྲུབ་སོགས་བརྡ་སྒོ་དབྱེ་ཕྱག་གཉིས་ཀ་ཁྲུས་གདངས། མ་ཧཱ་བཛྲ་དང་བཛྲ་གྷཎྜེར་རྡོ་དྲིལ་གསོར་དཀྲོལ་བརྟེན་ཅིང༌། ཨ་ནུ་ར་གར་པད་སྐོར་འཁྱུད་རྒྱ་མཛད་དེ། དུང་རྒྱས་དྲངས་པའི་རོལ་ཆེན་བརྒྱ་བརྡུང་གིས་རོལ་མོ་བྱིན་བརླབ། ཇ་ཆ༽ འདུས་པ་ཀུན་ཞྭ་བཅས་བཞེངས། སློབ་དཔོན་དཀྱིལ་འཁོར་མདུན་དུ་འཁོད་དེ་གཡབ་དྲིལ་དང༌། ལས་རྡོར་གྱིས་དར་སྣའི་གཡབ་རྡོར་དང་ལྡེམ་སྤོས་ཐོགས་ལ། བླ་མ་རིག་འཛིན་སོགས། རོལ་ཆེན་ཐང་གསུམ་ཟིལ་འབེབ་སུམ་བརྡུང་གིས། ཧཱུཾ། དབུས་ཕྱོགས་སྟུག་པོ་སོགས་བྱིན་འབེབས་རྒྱས་པ་དབྱངས་ལྷུ་གཅིག་ནས་བྱིངས་ལྷུག་འདོན། རྗེས་སུ་རྒྱུད་གསུམ་རོལ་མོ་བསྐོར་བ་གཡབ་མོ་བཅས་མཐར་ཟིལ་འབེབས་བཞག་རོལ་གྱིས་འཇོག སྨོན་ལམ་སོགས་ཀྱིས་གྲོལ་ལོ། ། ༈ །དེ་ནས་དངོས་གཞི་ཉིན་དང་པོར་ནམ་ཟིར་ཚོགས་ཚུགས་ཏེ། ཚིག་བདུན་༣། འཁྲུངས་རབས་གསོལ་འདེབས་སམ་རྣམ་ཐར་གསོལ་འདེབས། ཇ༽ བརྒྱུད་འདེབས་རྗེས་རོལ་མོ་བརྒྱ་བརྡུང༌། སྐྱབས་སེམས་ཚོགས་བསགས། བགེགས་བསྐྲད་ནས་དཀྱུས་ ཐ༽（11བ） ལྟར་ལས། སྒེག་མཆོད་༼ཇ་ཆ༽བར་གྱི་མཆོད་ཕྲེང་རྒྱས་པ། དྲག་མཆོད་ནས་བསྟོད་པའི་མཇུག་འོས་གྱུར་གསོལ་འདེབས་ཀྱིས་ཞོག་ཚོགས་གྲོལ། ༈ །ཚ་གུང་སྦྲེལ་མར། ཧཱུཾ། བཞེངས་ཤིག་སོགས་ཨཏྨ་ཀོཉཧཾ། ཧཱུཾ། ཆོས་དབྱིངས་འཁོར་ལོའི་སོགས། མི་བཏང་ངོ༌། སངས་རྒྱས་ཀུན་གྱི་སོགས་སྐུ་ཛཔྲ་སྟོང་ཚང་བ་དང༌། ཧཱུཾ། དཔལ་ཆེན་ཕུར་བུའི་སོགས་སྟོང་ཚིག་འཇམ་རོལ། བདག་ཉིད་གཙོ་བོའི་ཐུགས་སོགས་གསུང་ཛཔྲ་སྟོང་དང༌། སྟོང་ཚིག སྙིང་རྗེས་བསྒྲལ་བའི་སོགས་ཐུགས་ཛཔྲ་སྟོང་དང་སྟོང་ཚིག །ཧཱུཾ། རང་བྱུང་ཕྱོགས་བཞིའི་སོགས་དཀྱུས་ལྟར་ལས་ཀཱི་ལ་རིགས་ལྔ་དང་ཁྲོ་བཅུ ༡༠༠། སྲས་མཆོག་དང་སྒོ་སྐྱོང་༥༠། བཞི་སྙིང་དང་སྤུ་གྲི༢༡བཅས་སོ་སོར་སྟོང་ཚིག་སྔར་བཞིན་དང༌། ཚེ་ཛཔྲ་བརྒྱ་རྩ་ཙམ་བཟླས་རྗེས། ཧཱུཾ། འབར་བའི་དཀྱིལ་འཁོར་སོགས། ཕ་ལ་ཧཱུཾ་ཨཱཿ སྤྲོ་ན་ལྷ་ཡི་ལྷ་མཆོག་སོགས་ཀྱང་（འདི་སྐབས་ལས་རྡོར་གྱིས་ཐུན་བསྐོར།） སྦྱར། དེ་ནས་གུང་ཐུན་བསྐུལ་ཏེ་ཚོགས་གྲོལ། ཇ་ཆ༽ ༈ །བར་ཆད་སྔ་མར། ཐང་གསུམ་ཟིལ་འབེབས་སུམ་བརྡུང་གིས། ཧཱུཾ། རྡོ་རྗེ་ཁྲོས་པས་སོགས་ཐུན་གདངས་ནར་འདེད་ཀྱིས་（12ན）བསྟོད་པའི་བར་དཀྱུས་བཞིན་ལས་མཆོད་ཕྲེང་རྒྱས་པ་མི་དགོས། ཇ༽ ཛཔྲ་བསྐུལ་ནས་བཟླས་པ་རྣམས་སྔར་བཞིན་ལ་ཚེ་ཛཔྲ་མཇུག ཇ་ཆ༽ བདག་གི་ཐུགས་ལས་སོགས་ཀྱིས། རྣམ་བུམ་བཟླས་པ་བརྒྱ་རྩ་དང༌། བསྐུལ་མཚམས་ཀྱིས། ཨོཾ་བཛྲ་ཀྲོ་དྷ་ཨ་མྲྀ་ཏ་སོགསཉེར་གཅིག་ཙམ་གྱིས་ལས་བུམ་བསྒྲུབ་ནས། ཨོཾ་ཨཱཿཧཱུཾ་སོགས་ཀྱིས་བུམ་ལྷ་འོད་ཞུའི་རྗེས་བསྙེན་བསྟོད་ཀྱིས་གྲོལ། ༈ །བར་ཆ་རྗེས་མར། ལས་རྡོར་གྱིས་གསོལ་གདབ་སྔོན་དུ་འགྲོ་བས་ཚོགས་བྱིན་རླབས་ནས་ཞལ་བསྟབ་བར་དཀྱུས་བཞིན་སོང་མཐར། ཇ༽ ཇི་ལྟར་བལྟམས་པ་སོགས། སུམ་བྷ་ནིར་རོལ་མོ། མཎྜལ་ས་གཞི་སྤོས་ཆུས༴ མིག་དར་བཅིང༌། མེ་ཏོག་ཐོགས། བླ་མ་སངས་རྒྱས་ཐལ་སྦྱར། ཚོགས་བསགས། བྷྲཱུཾ་པྲ་བེར་ཁུ་ཚུར་བསྣོལ་འགྲོས། ནམ་སྟེར་གནས་གསུམ་ཐལ་སྦྱར། དམ་བཟུང་དཀྱུས་ལྟར་ལས། འདི་ནི་ཁྱོད་སོགས་ལ་ནང་མཆོད་མྱང༌། གསོལ་འདེབས་ཐལ་སྦྱར། བྱིན་འབེབས་སྐབས་ལས་རྡོར་གྱིས་ཞྭ་བཅས་འབེབས་རྫས་ལྡེམ་སྤོས་སུ་བསྲེག་ཅིང་གཡབ་རྡོར་ལྔ་ལྡན་ཐོགས་ཏེ་འཇམ་རོལ་འཁྲོལ་བ་དང་ཚོགས་པ་དཀྱིལ་（12བ）འཁོར་བསྐོར་བ་བྱེད་བསྟུན་ཕྱོགས་བཞི་ནས་གཡབ་ཅིང་དཀྱིལ་འཁོར་ཤར་ལྷོར་འཁོད་པ་དང་རོལ་མོ་དབྱེ། རྒྱན་ཁང་པས་རིགས་ལྔ་འགྱེད། ཡེ་ཤེས་བརྟན། མེ་ཏོག་དོར། སླར་བཅིང་མིག་དར་བསལ། མཐོང་བ་བསྟན་པ་རྣམས་དཀྱུས་ལྟར་ལ་འདི་ཡན་ཕལ་ཆེར་ཁྲུས་གདངས། དེ་ནས་མཎྜལ་ལྷུག གསོལ་འདེབས་ཁྲུས་གདངས། རང་ཉིད་སོགས། མཱ་ཛཿར་བསྡུ་རྒྱ། ཤཔྡར་རོལ་མོ། ཧཱུཾ། བུམ་པ་ཆོས་དབྱིངས་སོགས་ལྷ་དབང་རྟ། དབུ་རྒྱན་བཅིང༌། རྡོ་རྗེ་གསོར། དྲིལ་བུ་གསིལ། རྡོ་དྲིལ་ལྷན་དུ་སྤྱི་བོར་བཟུང་ཞིང་དཀྲོལ། དེ་ལྟ་ན་ཕྱི་ཀུན་རྫོབ་སོགས་སྐབས་དབུ་རྒྱན་བསིལ། གསང་དབང་ལ་ནང་མཆོད་བདུད་རྩི་མྱང༌། ཤེར་དབང་ལ་དྲིལ་བུ་འདེགས། མཐར་དམ་ཚིག་བཟུང་ཞིང་བཏང་རག་སོགས་སྐབས་ལས་རྡོར་གྱིས་ཚོགས་འདུལ། ཇ་ཆ༽ ལྷག་གཏོར་བསྡུ། དེ་ནས་དྲིལ་ཆོག་གིས་དམ་ཅན་གཏོར་བསྔོས། ཕུར་སྲུང༌། གཏེར་གཞི་བཅས་གྲུབ་ནས་གྲོལ། ། ༈ །དགོངས་ཚོགས་ལ། ཧེ་རུ་ཀ་དཔལ་སོགས་སྨོན་ལམ་སྔོན་དུ་འགྲོ་བས་ལྷག་མ་བཏང་ཞིང་ལྷག་གཏོར་བཙོན་དུ་འཛིན། ཇ་ཆ༽ བསྐུལ་བ་མི་དགོས་ཤིང༌། ཆད་མདོ་དང་དམ་（13ན）ཅན་རྒྱུན་གཏོར་ལྷན་དུ་འབུལ། བརྟན་མ་བསྐྱང༌། བྲོ་བརྡུང་མཐར། འབར་བའི་དཀྱིལ་འཁོར་སོགས་ཀྱིས་མཆོད་ཅིང༌། སྲིད་གསུམ་གདུག་པ་སོགས་ཤློ་ཀས་བསྟོད། ནོངས་པ་བཤགས། ཕྱོགས་བཅུ་ན་བཞུགས་པའི་སོགས་ཀྱིས་བརྟན་བཞུགས་བྱ། བསྡུ་ལྡང་ནས་སྨོན་ལམ་ཤིས་བརྗོད་ཀྱི་བར་དཀྱུས་བཞིན། ཇ༽ དེ་ནས་སློབ་དཔོན་བཞེངས་ཏེ་ཆས་ཞུགས་མཛད་སྐབས་དམངས་ཀྱིས་དགོངས་ཐུན་དང༌། ཇི་སྙེད་ཕན་བདེ། པདྨའི་རིང་ལུགས། བསླབ་གསུམ་འཕགས་ནོར། ཨེ་ཝཾ་ཟུང་འཇུག །དེ་ལྟར་འགྲུབ་པའང་སོགས་ཀྱིས་གྲོལ། གཡབ་ཕུར་ཌཱ་དྲིལ་ཞུ།

༈   །དེ་འཕྲལ་སློབ་དཔོན་དཀྱིལ་འཁོར་མདུན་གྱི་ཁྲིའུར་བཞུགས།   རྒྱལ་ཚབ་དང་ཡུམ་མཚམས་པ་གཉིས་བཅས་ཆས་ཞུགས་ཡོད་ན་སྐུའི་གཡས་གཡོན་དུ་འགྲེང་སྟེ་འཁོད།   འདུས་པ་རྣམས་ཞྭ་བཅས་རང་གྲལ་དུ་བཞེངས།   ལས་རྡོར་ཀྱང་ཞྭ་བཅས་བྲུབ་ཁུང་སློབ་དཔོན་མདུན་དུ་འབུལ་ནས་ཕུར་པ་དང་ཐུན་སྣོད་ཐོགས་ལ་སྐུའི་གཡས་སུ་འཁོད་པས།   ཨེ་ཡཾ་སོགས།   བདེན་སྟོབས་འགུགས་རོལ་དང་བཅས་ལན་གསུམ་རྗེས་མའི་ཐོག་གིང་གཉིས་རྔམས་（13བ）འགྲོས་ཀྱིས་དོན་པའི་འཆམས་སྟབས་དང་བཅས།   ཧཱུཾ།   ཆོས་ཀྱི་དབྱིངས་ནས་སོགས་དང༌།   ང་ནི་རྡོ་རྗེ་སོགས་མཐར་ཐུན་འགྱེད།   དྲག་སྔགས་སོ་ལྔར་སློབ་དཔོན་གྱིས་ཕུར་བསྐོར་བཅས་ལིངྒའི་གནས་རྣམས་སུ་ཕུར་པ་གདབ་ཅིང་ཐུན་བྲབ།   གིང་པ་གཉིས་ཀྱིས་ཀྱང་ཐུན་བྲབ་མཐར་ཟིལ་དལ་བའི་འོག་གནས་སུ་ལྡོག    །ཡང་ཟིལ་ཐུང་སུམ་བརྡུང་འཇོག་བཅས་ཀྱིས།   ཧཱུཾ།   ཤར་ཕྱོགས་དཀར་མོ་སོགས་དབྱངས་ལྷུ་གཉིས།   དྲག་བརྡུང་གཉིས་ཀྱིས་བུ་ཡུག་ཐོག་འབེབས་སོགས་ནས་དྲག་བརྡུང༌།   དམ་ཚིག་སོགས་དྲག་འབྲིང༌།   སློབ་དཔོན་ལས་རྡོར་སྔགས་ཆས་༢བཅས་རྒྱབ་གྲལ་གཡས།   སྔགས་ཆས་༢གཞུང་གྲལ།   གིང་ཀུན་ཐུབ་ཕྱི་གྲལ་ནས་ཐོན་ཏེ་སྒོ་མཚམས་བར་ཐུན་བྲབ།   སྦྲམ་སྦྲམ་དལ་བར་གློག་ཆེན་རྐང་གླིང་བཅས་གིང་དང་ཀུན་ཐུབ་ལྡོག་ནས།   སློབ་དཔོན་སོགས་དཀྱིལ་འཁོར་མདུན་དུ་འཁོད་ལ་སྔར་རྒྱན་བཀོད་སྐབས་བཞིན་བྱིན་འབེབས་རྒྱས་པར་མཛད་མཐར་ཀཱི་ལ་ཡ་བཟླ་བཞིན་པས་འདུས་པ་རྣམས་དཀྱིལ་འཁོར་ལ་གཡས་བསྐོར་གྱིས་སོ་སོའི་གནས་སུ་ཉལ་བའི་རྣལ་འབྱོར་ལ་འཇུག    །

༈ །དེ་ནས་གྲྭ་གྲངས་རེས་བསྐོར་མཛད་པའི་སྲོད་ཐུན་དང༌། （14ན）ཐོར་ཐུན་གཉིས་ལ། ཚིག་བདུན། བརྒྱུད་འདེབས། སྐྱབས་སེམས། ཚོགས་བསགས། ཏིང་འཛིན་རྣམ་གསུམ་ནས་བཟླས་པའི་མཐར་ཐུག་གི་བར་བུམ་བཟླས་མི་དགོས་པ་ཙམ་ལས་བར་ཆ་སྔ་མ་དང་འདྲ་ཞིང༌། མཐར་ཉེར་བསྡུ་དང་བསྔོ་སྨོན་བྱ། མཚམས་བ་གཉིས་ཀྱིས་བདག་གི་རྣལ་འབྱོར་དང་ལྡན་པས་དུས་དྲུག་ཏུ་ཉུ་ལེ་བསྐྲད་ཅིང་བྱིན་དབབ་པ་དང༌། ཞོག་བསྟར་རྒྱལ་ཐོ་དང་སྒོ་བྱང་གསོ། སྔར་ཆས་བཅུ་གྱོན་པར་མེད་པའི་ངོ་གསར་དང་ཡོ་བྱད་སྒྲུབ་ཁང་དུ་འཇུག་ན་དྲག་སྔགས་བཅས་ཐུན་གྱིས་བྲབ། སྒྲུབ་ཁང་གི་ཕྱག་རྡུལ་རྣམས་ཕྱིར་མི་འདོན། ཉིན་མཚན་ཕྱི་མ་རྣམས་ཀྱི་ཆོ་གའི་ཁྲིགས་རིམ་ཚུལ་དེ་ཁོ་ནས་འགྲེའོ། ། ༈ །རྗེས་གྲོལ་ཉིན་གྱི་ཁྱད་པར་ལ། གཞན་སྔར་དང་འདྲ་བ་ལས་ཆོ་གའི་ཆིངས་ཅུང་བྲེལ་ཉམས་ཀྱིས་བཟླས་པ་སྦྲེལ་ཏེ་མཐར་སྟོང་ཚིག་སོགས་ཀྱིས་ཞོག་ཚོགས་གྲོལ། བར་དེར་ལས་རྡོར་གྱིས་དཀྱིལ་འཁོར་མཐའི་ཡོ་བྱད་རྣམས་བསྡུ་བཀོད་བྱས་ལ། དཀྱིལ་འཁོར་མདུན་དུ་སྟེགས་བུ་ཁེབས་ལྡན་གྱི་དབུས་སུ་མཉྫིའི་ཁར་དཀྱིལ་འཁོར་དབུས་ཀྱི་གཙོ་ཕུར་དང་གཡས་གཡོན་རྣམ་བུམ་དང་སྒྲུབ་གཏོར་བཅས་འགོད། དེ་（14བ）མཐར་སློབ་དཔོན་སོགས་སྐུ་དངོས་པོར་འབུལ་རྒྱུའི་དངོས་གྲུབ་རྫས་སྡེར་མ་རེ་དང༌། སྤྱི་ལ་འབུལ་རྒྱུ་བཅས་སྔར་གྱི་འབྲང་རྒྱས་ནས་བསིལ་ཏེ་ཤིང་ཏོག་སོགས་ཟས་སྣ་བཟང་པོས་ཁ་གསོ། སྒྲུབ་ཐོད་ནས་སྨན་ཕུད་བསྡུས་པའི་ཐོད་ཆང་མངར་གསུམ་སྦྱར་བ། བུམ་ཆུ་ཁ་གསོས་དྲི་བཟང་ཆུ་ཕབ་རྒྱུན་ཅན་དང༌། ཐོད་ཆང་ཁ་གསོས་མངར་སྦྱར་བཅས། སློབ་དཔོན་མདུན་དུ་དུང་ཆོས་རཀྟ་ཅན་བདུད་རྩི་སྦྱར་བ། སྒྲོན་ཐུར། བཟེད་ཞལ་དཔའ་ཐོད་བཅས་བཤམ། དོ་ནས་དངོས་གྲུབ་ལེན་ཆོག་ལ་རྒྱལ་ཚབ་པ་ཆོས་གོས་ཞྭ་ལྷམ་བཅས་གཡབ་དྲིལ་ཐོགས་ཏེ་དཀྱིལ་འཁོར་གྱི་བྱང་ཤར་དང༌། ༼ཚ་གུང་༽ ལས་རྡོར་ཞྭ་བཅས་ཐུན་སྣོད་སྤོས་ཕོར་འཛིན་པས་ཤར་ལྷོར་འཁོད། རོལ་ཆེན་ཟིལ་འབེབས་སུམ་བརྡུང་གིས། ཧཱུཾ། ང་ནི་དཔལ་ཆེན་སོགས་བཀའ་བསྒོའི་ཚིག་གིས་ལས་ཀྱི་ལན་ཆགས་ཞེས་པའི་ཚིག་གཅིག་བསྐྱུར་བས་མཇུག་རོལ་འོག་རྒྱལ་ཚབ་པ་ཟུང་གིས་དཀྱིལ་འཁོར་ལ་བསྐོར་ཞིང་ཐུན་བྲབ། ཟིལ་འབེབས་སུམ་བརྡུང་གིས། ཧཱུཾ། བདག་ཉིད་དཔལ་ཆེན་སོགས་མཚམས་བཅད་མཐར་སུམ་བརྡུང་གིས། ཧཱུཾ། བདེ་གཤེགས་རྒྱལ་བ་སོགས་བཤགས་པ་ཡིག་（15ན）བརྒྱ་ཟིལ་འོག་སུམ་བརྡུང་གིས། ཧཱུཾ། ཁྱབ་བརྡལ་འོག་མིན་སོགས་བྱིན་འབེབས་རྒྱུད་གསུམ་རོལ་མོ་ལ་བསྐོར་བ་གཅིག་དང་། མདུན་ནས་གཡས་གསུམ་ནས་བཞག་རོལ་གྱིས་རྔ་སྦུགས་འཇོག །རྒྱལ་ཚབ་རང་གྲལ་དུ་བཞུགས། བདག་ཉིད་དཔལ་ཆེན་པོ་ཡབ་ཡུམ་དུ་སོགས། ཡེ་ཤེས་འབར་བར་གྱུར། གཙོ་སྔགས་འབྲུ་བཅོ་ལྔ་པའི་མཐར་ཨོཾ་ཨཱཿཧཱུཾ་སོགས་བཏགས་པ་༡༠༠ཀཱི་ལ་རིགས་ལྔ་དང་ཁྲོ་བཅུ་ལ། ༢༡ སྲས་མཆོག་སྒོ་སྐྱོང་དམ་ཅན་ལ་༧རེ་བཅས་བཟླ་ཞིང་སོ་སོར་སྟོང་ཚིག་ཕུལ། ཇ་ཆ༽ རྡོ་དྲིལ་བཅས། ཧཱུཾ། སྲིད་པའི་ཕུར་བུ་སོགས་སྤྱི་གདངས། ཛཿཧཱུཾ་བཾ་ཧོ༔ ཞེས་འཇམ་རོལ། རཾ་ཡཾ་ཁཾ། སྟོང་པའི་ངང་ལས་སྨན་སྣོད་བྷནྡྷ་སོགས་སྨན་སྔགས་༧བརྗོད་རིང་སློབ་དཔོན་ནས་དུང་ཞལ་གྱི་ཁྲག་ཆང་སྒྲོན་ཐུར་གྱིས་དཀྲུག་ཅིང་འཕྱར། དེ་ནས་དཀྱིལ་འཁོར་སྨན་ཐོད་དང་ནང་མཆོད་ལ་བླུགས་ཏེ། ཧཱུཾ༔ འཆི་མེད་བདུད་རྩི་སོགས་སྤྱི་གདངས། རྣམས་ལ་འབུལ། གྲུ་གསུམ་མཐིང་ནག་སོགས་ལས་བྱང་སྨན་མཆོད་མཚན་དོན་རེ་རེ་བཞིན། མ་ཧཱ་པཉྩ་དང་རཀྟ་བཏགས་པ་བརྗོད་བསྟུན་སློབ་དཔོན་གྱིས་དུང་དམར་（15བ） རྒྱས་ཁྲག་ཆང་བཟེད་ཞལ་དུ་འབུལ་མཐར། ལས་རྡོར་གྱིས་བཟེད་ཞལ་གཏོར་མར་སྦྲེངས། དེ་ནས་ཀཱི་ལའི་ཛཔྲ་དབྱངས་ལན་གསུམ་དང་བསྟུན། རྒྱལ་ཚབ་པས་གཙོ་ཕུར། ཡུམ་གྱིས་རྣམ་བུམ། ལས་རྡོར་གྱིས་སྒྲུབ་གཏོར། དཀོན་གཉེར་༡རོག་བྱེད་༢རྣམས་ཞྭ་ལྷམ་བཅས་བམ་དང་འབྲང་རྒྱས་སོགས་དངོས་གྲུབ་ཀྱི་རྫས་དང༌། ཛ་གད་རྣམས་ཐོགས་ལ་སྦྲེང་ཚར་དུ་འཁོད། ཚོགས་མང་ཐལ་སྦྱར་བཅས། ཧཱུཾ༔ ལྷག་པའི་ཡེ་ཤེས་སོགས་སྤྱི་གདངས། སྐལ་པ་མཉམ་པར་ཤོག །ཅེས་སྔགས་མཇུག་འཇམ་རོལ་རིང་པོའི་འོག་སློབ་དཔོན་གྱིས་དངོས་གྲུབ་བཞེས། དེ་ནས་འདུས་པ་རྣམས་ལ་བསྐུར་ཏེ། སྒྲུབ་ཕུར་དང་སྒྲུབ་གཏོར་གནས་གསུམ། རྣམ་བུམ་སྤྱི་བོ་དང་མྱང༌། བཟའ་བ་གཡས། བཏུང་བ་གཡོན་གྱིས་ཞུས་ལ་ལོངས་སྤྱད། རྒྱལ་ཚབ་པ་གྲལ་དུ་བཞུགས་བསྟུན་རོལ་མོ་དབྱེ། ལྷ་དང་དངོས་གྲུབ་སོགས་བརྗོད་ཅིང༌། གུང་ཐུན་གྱིས་ཚོགས་གྲོལ། ། ༈ །བར་དེར་རྒྱལ་ཚབ་པས་ས་ཆོག་གནང་སྟེ་ཐབ་དཀྱིལ་བྲི་ཚར་བསྟུན་རྔ་བརྡ་འབུལ་བ་ཕྱག་ལེན། དེ་ནས་དཀྱིལ་འཁོར་མདུན་དུ་སློབ་དཔོན་གཙོས་གདོང་གྲལ་གཉིས་（16ན）ཀྱིས་རྒྱས་པའི་སྦྱིན་སྲེག་དང༌། འདུ་ཁང་སྟེང་དུ་རྒྱལ་ཚབ་གྲྭ་གྲངས་ཀྱིས་ཞི་བའི་སྦྱིན་སྲེག་མཛད་པར་ཆོ་ག་གཏོང་ལུགས་ནི། ཚིག་བདུན་གསོལ་འདེབས། དཔལ་ཆེན་རྡོ་རྗེ་གཞོན་ནུའི་དགོངས་པ་ཡིས༔ སོགས། ཕྲིན་ལས་བརྒྱུད་པའི་བླ་མ་ལ་གསོལ་བ་འདེབས༔ ཨོཾ་བཛྲ་ཀཱི་ལི༴ བྃ་ཧཱུཾ་ཕཊ་ཛཿ རང་ཉིད་དཀྱིལ་འཁོར་གྱི་སོགས། ཨོཾ་བཛྲ་ཀྲོ་དྷ་ཨ་མྲྀ་ཏར་རྡོ་དྲིལ་ལ་ལས་ཆུ་བྲན། སྭ་བྷཱ་ཝ༴ སྟོང་པའི་ངང་ལས༴ ཨོཾ་མ་ཧཱ་བཛྲ་ལ་རྡོ་རྗེ་བླངས་ཏེ་གསོར་ནས་སྙིང་གར་བཟུང༌། ཨོཾ་བཛྲ་གྷཎྜེར་དྲིལ་བུ་གསིལ་ཞིང་དཀུར་བརྟེན། ཨོཾ་སརྦ་ཏ་ཐཱར་འཁྱུད་རྒྱ་དང་རྡོ་རྗེ་ནང་འདྲེན་གྱིས་དྲིལ་གསིལ་ནས་སྦྱིན་སྲེགས་མ་རྫོགས་པར་ལག་པ་དང་མི་འབྲལ་བ་དམ་ཚིག་ཡིན། དེ་ནས་དགང་བླུགས་ལ་ཨ་མྲྀ་ཏས་ལས་ཆུ་འཐོར། སྭ་བྷཱ་ཝ༴ སྟོང་པའི་ངང་ལས༴ ཡོ་བྱད་དུ་གྱུར། མཆོད་པ་རྣམས་ལ་ལས་ཆུ་འཐོར་ཞིང་ཨ་མྲྀ་ཏས་བསང༌། རཾ་ཡཾ་ཁཾ། བདག་གི་ཐུགས་ཀ་ནས་སོགས་ལས་བྱང་མཆོད་རླབས་ལྟར། ཨརྒྷཾ་སོགས་ལ་རང་རྒྱ་དང༌། ཤཔྡར་རོལ། ཨོཾ་ཨཱཿཧཱུཾ་མ་ཧཱ་སརྦ་པཉྩ་སོགས་སྨན་རཀ་གཏོར་གསུམ་སོ་སོའི་སྔགས་ལན་གསུམ་རེ་（16བ）བསྲེག་རྫས་རྣམས་ལ་ལས་ཆུ་འཐོར་ཞིང༌། ཨ་མྲྀ་ཏ༴ སྭ་བྷཱ་ཝ༴ སྟོང་པའི་ངང་ལས་སོགས། རྡོ་དྲིལ་དགང་བླུགས་བཅས་རྡོ་རྗེ་རྩེ་གཅིག་རྒྱས་རྫས་རྣམས་ལ་གཡས་བསྐོར་དུ་རེག་ཅིང༌། ཨོཾ་སྭཱ་ཧཱ་སོགས་སྔགས་རྣམས་ལན་གསུམ་རེ་བརྗོད། བགེགས་གཏོར་ལ་ལས་ཆུ་འཐོར་ཞིང༌། ཨ་མྲྀ་ཏ༴ སྭ་བྷཱ་ཝ༴ སྟོང་པའི་ངང་ལས་སོགས་བྱིན་རླབས་སྔགས་བསྔོས་ལན་གསུམ་མཐར། ཧཱུཾ༔ ང་ནི་དཔལ་ཆེན་སོགས་བཀའ་བསྒོ་སྤྱི་གདངས་བཞི་དྲིལ། སུམྦྷ་ནིར་རོལ་བཅས་བགེགས་གཏོར་དོར། གུ་གུལ་བསྲེག ཡུངས་ཐུན་འཐོར། ཧཱུཾ༔ བདག་ཉིད་དཔལ་ཆེན་སོགས་ཀྱིས་མཚམས་བཅད། ཨོཾ་ཛྭ་ལ་སོགས་རོལ་བཅས་ཟན་ཀོང་གི་མེ་སྦར། ཧཱུཾ་ཧཱུཾ་སོགས་རླུང་གཡབ་ཅིང་རོལ། ཧཱུཾ་ལན་བདུན་ལ་བླུགས་གཟར་གྱི་མར་ཁུས་མེ་གསོ། ཀུ་ཤར་ཆབ་བྲན་ཨ་མྲྀ་ཏས་བསང་ནས། ཀུ་ཤ་འདི་ནི་སོགས་ཡོ་སྤྱི་བཞི་དྲིལ། སྭཱ་ཧཱ་ཞེས་རོལ་འོག་ཀུ་ཤ་གཉིས་གཉིས་གཤིབ་པའི་རྩེ་མོ་སྒྲུབ་པ་པོ་རང་གི་གཡོན་ངོས་རྩེ་ཤར་དང་ལྷོ་ནུབ་བྱང་རྣམས་སུ་བསྟན་ཅིང་སྔོན་མའི་རྩེ་རྗེས་མའི་རྩ་བས་ནོན་པར་བྱས་ཏེ་གྲུ་བཞིར་བཀྲམ། དེའི་སྟེང་དུ་ཀུ་ཤ་རྒྱ་གྲམ་དུ་བྱས་པ་（17ན）རང་གི་མདུན་ཕྱོགས་རྩ་བ་ཤར་ངོས་སུ་རྩེ་ཕོག་པར་གཡོག །དེ་ནས་མེ་ཐབ་ལལ་ཆབ་བྲན་ཏེ། ཨ་མྲྀ་ཏ༴ སྭ་བྷཱ་ཝ༴ སྟོང་པའི་ངང་ལས་སོགས། དེའི་སྤྱི་བོར་ཨོཾ་སོགས་ལ་དུང་ཆོས་ནས་དྲིའི་ཐིག་ལེ་གནས་གསུམ་དུ་བཀོད་ཚུལ་བྱ། ས་མཱ་ཛཿར་བསྡུ་རྒྱ། ལག་གཡས་རྡོ་རྗེ་དང་བཅས་པའི་སྐྱབས་སྦྱིན་གྱི་རྒྱ་དང་དྲིལ་བུ་བཏེགས་ལ། ཧཱུཾ༔ དད་པ་དང་ནི་སོགས་ཡོ་སྤྱི་མཐར་རོལ། བཛྲ་ཀྲོ་དྷ་ཨ་མྲྀ་ཏ་ལ་རོལ་བཅས་སློབ་དཔོན་གྱིས་ལས་བུམ་ཆུ་འཐོར། ཛཿཧཱུཾ་སོགས་ལ་རང་རྒྱ། ཧཱུཾཿ ཚངས་པ་འཇིག་རྟེན་སོགས་དང༌། ཧོཿ ལྷ་རྫས་བཟང་པོའི་སོགས་ཡོ་སྤྱི། ཨརྒྷཾ་སོགས་ལ་པད་སྐོར་༡སྔོན་འགྲོས་རང་རྒྱ། ཤཔྡར་རོལ། ཧཱུཾ༔ འཇིགས་བྱེད་མེ་ལྷའི་སོགས་རཱུ་པ་ཤཔྡར་དྲིལ་གསིལ། ནང་མཆོད་སྨན་རཀ་གཏོར་གསུམ་བཅས་ཕུལ་ནས། མེ་ལྷ་ཞལ་འཛུམ་པ་སོགས། ལག་གཉིས་དེ་བཞིན་གཤེགས་པའི་ཁུ་ཚུར་གྱིས་དགང་བླུགས་བཟུང༌། ཨོཾ་བི་མ་ལ་སོགས་གཡས་པའི་བླུགས་གཟར་བདུན་གྱིས་བཀང་སྟེ། གཡོན་པའི་དགང་གཟར་ཁ་སྦྱར་བ་ལག་གཡས་ཀྱིས་བཟུང་ནས་པུས་མོ་ལས་ཕྱིར་མི་（17བ）འདའ་བར་གཡས་སུ་བསྐོར་ཞིང་གཡོན་གྱིས་དྲིལ་བུ་གསིལ་བཞིན། ཨོཾ་ཨགྣ་ཡེ་དཱི་བྱ༴ བདག་ཅག་དཔོན་སློབ་སོགས་རོལ་བཅས་དེ་འདྲ་ལན་གསུམ་ཕུལ་ནས་གཟར་བུ་གཡས་དང་དགང་བླུགས་གཡོན་དུ་བཞག །ཡམ་ཤིང་བདུན་པོ་ཨོཾ་བྷོ་དྷི་བྲྀཀྵ་ལན་བདུན་མཐར་བདག་ཅག་དཔོན་སློབ་འཁོར་དང་བཅས་པའི་གཟི་བརྗིད་སོགས་སྤེལ་ཚིག་རོལ་བཅས་ཀྱིས་ཕུལ། དེ་བཞིན་དུ་རྫས་སྔགས་གཞན་རྣམས་ཀྱང་ལན་བདུན་རེའི་མཐར་སྤེལ་ཚིག་རོལ་བཅས་འགྲེ། གཟི་བརྗིད་འབར་བ་སོགས་ཡོ་སྤྱི་ཕྱེད་ཕྱག །ཐལ་སྦྱར་བཅས། ན་མོ་རིག་པའི་སོགས། མཛད་དུ་གསོལ་ལ་སློབ་དཔོན་གྱིས་ཡུངས་ཀར་ཐབ་ཏུ་གཏོར། ཨོཾ་ཨཱཿཧཱུཾ་མཱུཾ་ཡེ་ཤེས་ཀྱི་མེ་ལྷ་སོགས་བརྗོད་ནས། ༼ཇ་བཞེས་པ་༽རྡོར་དྲིལ་བཟུང་བཞིན་པས་སོ། །དེ་རྗེས་བུད་ཤིང་ཁ་གསོས་ལ་ལས་ཆུ་བྲན་ཅིང༌། ཨ་མྲྀ་ཏ༴ སྭ་བྷཱ་ཝ༴ དམ་ཚིག་མེ་ལྷའི་སོགས་ཤར་འདོན་བཞི་དྲིལ། པྃ་པདྨ་མཎྜལ༔ ཧཱུཾ༔ ཆོས་དབྱིངས་བརྡལ་བ་སོགས་སྤྱན་འདྲེན་ཡོ་སྤྱི་བཞི་དྲིལ་མཐར་རོལ། འདི་སྐབས་ལས་རྡོར་གྱིས་ཞྭ་གྱོན་ཏེ་མནྜལ་གྱི་ཚོམ་བུ་གདན་དྲངས་ལ་གཡས་སུ་བསྐོར་ཏེ་གཡོན་ཕྱོགས་（18ན）ནས་སློབ་དཔོན་ལ་ཕུལ་བ་ཐབ་ཏུ་དོར་བ་དང༌། དབུ་མཛད་སོགས་ཀྱིས་གཙོ་འཁོར་སྔགས་རྣམས་དལ་འདོན་ལན་རེ་རེའི་མཐར། ཧཱུཾ། རང་བྱུང་ཕོ་བྲང་སོགས་ཤར་འདོན་བཞི་དྲིལ། བཀའ་སྡོད་མཐའི། བཛྲ་ས་མ་ཏི་ཧཱུཾ་བར་སོང་ནས་རོལ། ཧཱུཾ༔ དཔལ་ཆེན་རྡོ་རྗེ་གཞོན་ནུ་སོགས་བཞུགས་གསོལ་ཡོ་སྤྱི་བཞི་དྲིལ། ཕྱག་འཚལ་དང༌། མཆོད་ཕྲེང་བསྡུས་པ་ཤཔྡར་（ཌཱ）རོལ། སྨན་མཆོད་ནས་དངོས་གྲུབ་ལེན་པ་དོར། གཏོར་མཆོད་སྐབས་སྲེག་གཏོར་དགང་གཟར་གྱིས་ཐབ་ཏུ་འབུལ་ཞིང་སྨན་རཀ་སྦྲན་མཐར་རོལ། （ཌཱ） རཀྟའི་མཆོད་པ་ནས་སྦྱོར་སྒྲོལ་མཆོད་པའི་མཇུག་ཕཊ་ཕཊ་ཕཊ༔ བར། དཀྱིལ་འཁོར་གྱི་ལྷ་རྣམས་སོགས་འདོན་པ་སྤོ། གཙོ་སྔགས་ཀཱི་ལ་འབྲུ་བཅུ་བཞི་པ་ལན་བདུན་གྱིས་བཀང༌། བཞི་སྙིང་གཅིག་དྲིལ་ལན་གཅིག་མཐར། བདག་ཅག་སོགས་སྤེལ་ཚིག་བཅས་རོལ་ཞབས་དགང་བླུགས་ཁ་སྦྱར་ཏེ་གཡོན་བསྐོར་ལན་གསུམ་གྱིས་ཕུལ། སླར་དེ་འདྲ་ལན་གཉིས་བཅས་བྱོན་སྐྱེམས་ལན་གསུམ་ཕུལ་ནས། གཙོ་སྔགས་མཐར་ས་པ་རི་ཝཱ་ར་ཞེས་ལན་རེའི་མཐར། ཡམ་ཤིང་སོགས་སོ་སོ་（18བ）རྫས་སྔགས་བཅུ་རེ་ཕུལ་བའི་མཐར། བདག་ཅག་དཔོན་སློབ་འཁོར་དང་བཅས་པའི་གཟི་བརྗིད་སོགས་སྤེལ་ཚིག་དང་རོལ་རེ་བཅས་རྫས་ཐམས་ཅད་བཅུ་ཚན་རེ་ཕུལ། ཡང་ཡམ་ཤིང་ནས་བཟུང་རྫས་རྣམས་འབུལ་ལུགས་སྔར་ལྟར་གྱིས་བཅུ་ཚན་གཉིས་པ་རྫོགས་རྗེས་ཇ་བཞེས། ཡང་ཡམ་ཤིང་ནས་བཟུང་རྫས་རྣམས་འབུལ་ཚུལ་གོང་ལྟར་གྱིས་བཅུ་ཚན་གསུམ་པ་རྫོགས་རྗེས་ཚོགས་ཕུད་ཀྱི་ཆ་ཤས་བླུགས་གཟར་དུ་ཐོགས་ལ། ཨོཾ་ཨཱཿཧཱུཾ༔ དཔེ་མེད་བསམ་བརྗོད་སོགས་ཀྱིས་ཕུལ་མཐར་རོལ། ཧཱུཾ༔ གྲུ་གསུམ་མཐིང་ནག་སོགས་བསྟོད་པ་ཤར་འདོན་བཞི་དྲིལ། ཐལ་སྦྱར་བཅས། ཧོཿ བཅོམ་ལྡན་འདས་སོགས་དང༌། ལྷ་རྣམས་ཀྱི་སོགས། སླར་ཡང་གོང་བཞིན་དཀྱིལ་འཁོར་གྱི་སོགས་བྱོན་སྐྱེམས་བདུན་ཚན་རེ་ལ་རོལ་མོ་སྤེལ་ཚིག་བཅས་ལན་གསུམ་གྱིས་གཤེགས་སྐྱེམས་གསུམ་འབུམ། ཨོཾ་བཛྲ་ཝ་སྟྲར་གོས་ཟུང་ཕུལ་ལ་རོལ། ཨོཾ་བཛྲ་ཏམྦུ་སོགས་ཀྱིས་སོ་རྩི་དགང་གཟར་གྱིས་ཕུལ་ཏེ་རོལ། ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་སོགས་རང་རྒྱ་སེ་གོལ་མཐར་རོལ། （ཌཱ） བསྟོད་པ་སྲིད་གསུམ་གདུག་པ་སོགས་ཤློ་ཀ་སྤྱི་གདངས་དྲིལ། （19ན）མ་རྙེད་ཡོངས་སུ་སོགས་བཅས་སྦྲེལ་ཏེ་དྲིལ་གསིལ་གྱིས་ཡིག་བརྒྱ་ལན་གསུམ། དཀྱིལ་འཁོར་པའི་ལྷ་ཚོགས་སོགས་མཐར་རོལ་བཅས་ལས་རྡོར་གྱིས་ཚོམ་བུ་སྒྲུབ་དཀྱིལ་མདུན་བཀོད་པར་སླར་སྤྱན་དྲངས། ཚུར་འབྱོར་བསྟུན་གཞལ་ཡས་སོགས་བརྗོད། བླུགས་གཟར་གྱིས་མར་ཁུ་གཏིགས་ཤིང༌། བཛྲ་ས་མཱ་ཛཿལ་བསྡུ་རྒྱ། ཛཿ་ཧཱུཾ་སོགས་རང་རྒྱ། དམ་ཚིག་པ་སོགས་མེ་ལྷར་བྱོན་སྐྱེམས་བདུན་ཚན་གསུམ་སྔར་བཞིན་ཕུལ། རྫས་ལྷག་རྣམས་རྫས་སོ་སོའི་སྔགས་ལན་རེའི་མཐར་རོལ་རེ་བཅས་ཕུལ་ནས་རྫས་སྣོད་སྦུབས། གོས་ཟུང་དང་སོ་རྩིའང་སྔར་ལྟར་རོལ་རེ་བཅས་ཕུལ། ཨོཾ་བཛྲ་པུཥྤེ་སོགས་རོལ། ཧཱུཾ། ཕྲིན་ལས་སྒྲུབ་མཛད་སོགས་ཡོ་སྤྱི་ཕྱེད་ཕྱག ཨ་ཀཱ་རོ་ལ་རྡོར་ཐལ་ནས་མེ་གཏོར་དགང་གཟར་གྱིས་ཐབ་ཏུ་ཕུལ་ལ། མཆོད་སྦྱིན་གཏོར་མར་དྲིལ་བརྡུང་མཐར་རོལ། མ་རྙེད་ཡོངས་སུ་འཁྱོགས་འབེབས་དྲིལ་གསིལ། བདག་གི་དོན་དང་སོགས་འཁྱོགས་བཅས་བཏབ། ཨགྣ་ཡེ་ཙྪར་སེ་གོལ། སློབ་དཔོན་གྱིས་ལས་སོ་སོའི་ཕུར་བུ་འདྲིལ་ཞིང་བྲོ་བརྡུང་རང་རྟ། རྒྱུན་ཁྱེར་ལྟར་དགེ་བ་འདི་ཡིས་（19བ）སོགས་སྨོན་ལམ་ལྷུག་འདོན། ཞྭ་བཅས་བྱིན་རླབས་མཆོག་སྩོལ་རྩ་བརྒྱུད་སོགས་ཡོ་སྤྱི་དྲིལ་བཅས་མཐར་རོལ། （ཌཱ） དེ་ལྟར་འགྲུབ་པའང་སོགས་ཀྱིས་སྦྱིན་སྲེག་གྲོལ། ། ༈ །༼བར་ཆ་༽རྗེས་མ་ལ། སྐོང་གསོ་དང༌། ཚོགས་བྱིན་རླབས་ནས་དཀྱུས་བཞིན་ལས་དྲག་བརྡུང་བཅས་ཞལ་བསྟབ་མཇུག་དགྲ་བགེགས་དཔུང་འཇོམས་ཀྱིས་ཉུ་ལེའི་ཤོག་ལིང་མེ་ཧོམ་དུ་བསྲེག །གསོལ་ཚོགས་འབུལ། ཇ༽ ལྷག་ཆོག་བཏང་ལ་སྔར་བཙོན་བཟུང་བྱས་པའི་ལྷག་གཏོར་དང་བཅས་ཕྱི་རོལ་དུ་གཏོང༌། བསྐུལ་དང་ཆད་མདོ་བསྒྲག་ལ་ཆོས་སྐྱོང་སྒྲུབ་གཏོར་རྣམས་ཕྱིར་འབུལ། སྔར་གྱི་ཐུན་གཏོར་ལ་དམིགས་བྱ་དགུག་བསྟིམ་བདུད་རྩིར་སྦར་ཏེ་བསྔོ་བ་རྣམས་སྨད་ལས་སྐབས་བཞིན་བྱས་ལ་ལས་བྱང་བཞིན་ཟོར་དུ་བསྐུལ་ནས་དགྲ་ཕྱོགས་སུ་འཕང༌། བརྟན་མ་བསྐྱང་ཞིང་གཏོར་གཞོང་འོག་གོང་གི་སྲེག་ཐལ་མནན་ལ་བྲོ་བརྡུང༌། ཇ་ཆ༽ བདག་གི་ཐུགས་ཀ་ནས་འོད་ཟེར་དམར་པོ་སོགས། ཚེ་ཛཔྲ་བརྒྱ་རྩ་ཙམ་བཟླས་མཐར་སློབ་དཔོན་ལ་མདའ་དར་འབུལ་ཞིང༌། ཧཱུཾ༔ དབུས་ནས་རང་བྱུང་སོགས། ཚེ་འགུགས་སྤྱི་གདངས་བཞི་དྲིལ། ཧཱུཾ༔ སྲིད་པའི་ཕུར་བུ་བདག་གིས་（20ན）སོགས་མཐར་རོལ་རིང་བར། ཚེ་འབྲང༌། ཚེ་རིལ་ཆང༌། མདའ་དར་བཅས་ཀྱི་དབང་བླང་ཞིང་བསྐུར། བྷྲཱུྃ༔ ཚེ་ཡི་དངོས་གྲུབ་སོགས་ཁྲུས་གདངས་མཐར་བར་ཆ་རྗེས་མ་གྲོལ། ༼དགོང་ཚོགས་ལ། ༽ གཏང་རག་གི་མཆོད་བསྟོད་དང༌། བཟོད་གསོལ་མཐར། ཨོཾ། ཁྱེད་ཀྱིས་སེམས་ཅན་སོགས། བཛྲ་མུཿ་ཞེས་སེ་གོལ་གྱི་སྒྲས་རྡུལ་ཚོན་གྱི་ཡེ་ཤེས་པ་གཤེགས་ཤིང་དམ་ཚིག་པ་རང་ལ་བསྡུ། རས་བྲིས་ཡིན་ན་བརྟན་བཞུགས་བྱ། བདག་བསྐྱེད་བསྡུ་ལྡང་གོ་བགོ་བའི་བར་སོང་ནས་གཙོ་སྔགས་བསྐུལ་ཏེ་གྲྭ་མང་གིས་བཟླ། ཇ་ཆ༽ སློབ་དཔོན་གཙོས་གདོང་གྲལ་གཉིས་ཞྭ་ཆོས་ལྷམ་བཅས་སིལ་༢རྔ་དུང་༢རྣམས་ཐོགས་ཏེ་ཕྱི་རོལ་དུ་ཐོ་འགྲོལ་དུ་ཕེབས་པར། མཆོད་བཤམ་ཆོ་གའི་ཆིངས་སྔར་དང་འདྲ་བ་ལས། གཏོར་སྔགས་༣མཐར། མཆོད་སྦྱིན་གཏོར་མ་འདི་བཞེས་ལ། སོགས་དང༌། སྐུ་གཟུགས་ལ་བརྟན་བཞུགས་བྱ། སྒོ་བྱང་གཉིས་ཀྱང་དཀྱུས་བཞིན་ལས་བསྟོད་མཇུག་རང་སྔགས་རེ་མཐར་ཏིཥྛ་བཛྲས་མེ་ཏོག་འཐོར་ལ་སྐུ་གཟུགས་ཀྱི་བྱང་བུ་རྣམས་བསྡུ། ནང་དུ་ཞུགས་ནས་གྲལ་ཆེན་གཉིས་པོ་རང་གྲལ་དུ་（20བ）བཞུགས་ཤིང་སློབ་དཔོན་དཀྱིལ་འཁོར་མདུན་དུ་ཕེབས་པ་དང་བཟླས་པ་བཞག །ཧཱུཾ་མཛད་དམ་སྐམ་པའི་རྒྱས། ཨོཾ་སུམྦྷ་ནི་སོགས་ཀྱིས་སྲུང་ཕུར་རྣམས་དང་པོ་གདབ་རིམ་ལས་ལྡོག་ཕྱོགས་སུ་ཕྱུང་བ། ཨོཾ་རུ་རུ་སོགས་ཀྱིས་རྩེ་འོ་མས་བཀྲུ་ཞིང་ཁུང་བུར་ཡང་འཐོར། ཕུར་ལྷ་ཡེ་ཤེས་པ་གཤེགས། དམ་ཚིག་པ་རང་ལ་བསྡུ། དྲིལ་བུ་གསིལ་ཞིང༌། ཨོཾ་ཨ་ཀཱ་རོ་སོགས་འཇམ་རོལ་དང་བཅས་ཕྱག་གཡས་པའི་རྡོ་རྗེས་ཤར་གྱི་ཚངས་ཐིག་ནས་གཙོ་བོའི་གནས་ཀྱི་བར་བསྡུས་ཏེ་ལྷ་མཚན་ཅུང་ཟད་སྤྱི་བོར་བཀོད། ལས་རྡོར་སོགས་ཀྱིས་རྗེས་མི་མངོན་པར་འཕྱག་ལ་རྡུལ་ཚོན་བུམ་པ་སྟེགས་བུའི་དབུས་སུ་མཉྫིར་བཀོད་དེ་མཐར་སྒོར་མཆོད་ཀྱིས་བསྐོར། སློབ་དཔོན་སྟན་ལ་བཞུགས་པ་དང་རོལ་མོ་དབྱེ། མཆོད་གཡོག་སོགས་ཀྱིས་མར་མེ་བཀྲམ་ཞིང་སྦར། རྒྱལ་ཚབ་པ་བཞེངས་ཏེ་ཆོས་གོས་ཟླུམ་ཁྱེར་གྱིས་གཞུང་གྲལ་གཡས་ཀྱི་མཇུག་ལྟ་བུ་ནས་གཏོང་ཐུན་སྔོན་དུ་འགྲོ་བས། ཧཱུཾ། དུར་ཁྲོད་གསང་བ་སོགས་དབྱངས་དང་བཅས་འདུས་འཚོགས་ནས་རྗེས་ཟློས་མཛད་ཅིང་ཚིག་རྗེས་མ་ལན་གསུམ་མཐར་རྒྱལ་ཚབ་རང་གྲལ་དུ་བཞུགས། ཧོཿ （21ན）དགོངས་སུ་གསོལ་ལོ་སོགས་གཞུང་གི་སྨོན་ལམ་བྱ། ལས་རྡོར་གྱིས་འབྲུ་འགྱེད་ཅིང་ཀུན་གྱིས་ཞྭ་དང་རྡོ་དྲིལ་བཅས་པས། ཡེ་དྷརྨ་སྔོན་དུ་འགྲོ་བས་ཕུན་སུམ་ཚོགས་པས་སྣ་དྲངས། ཇ་ཆ༽ བཀྲ་ཤིས་གང་ཞིག་སོགས་ཤིས་བརྗོད་རྒྱས་པར་སྤེལ་ཞིང་བཀྲ་ཤིས་འཁྱིལ་བའི་རོལ་མོ་གཡས་གཡོན་ཀུན་ནས་མཛད། དེ་རྗེས་སྲོད་ཐུན་དང་བརྟན་བཞུགས་སོགས་ཀྱིས་ཚོགས་གྲོལ། ། ༈ །ནངས་པར་རྒྱལ་ཚབ་ལས་ཚན་རྣམས་དང་གསེར་སྦྲེངས་རྒྱ་གླིང་གིས་སྣ་དྲངས་པའི་རོལ་མོར་བཅས་རྡུལ་ཚོན་ཆུ་བོར་གཤེགས་པའི་ཆོ་ག་མཛད། བུམ་པ་ཆུས་བཀང་བར་འབྲས་བུ་ཅན་གྱི་ཤིང་གི་ཡལ་གས་ཁ་རྒྱན་བཙུགས་ཏེ་སྒྲུབ་ཁང་དུ་ལྡོག་ལ་སྤྱན་མའི་སྔགས་བཟླ་བཞིན་ལས་རྡོར་གྱིས་བུམ་ཆུ་ཕྱོགས་ཀུན་ཏུ་འཐོར། ཞྭ་བཞེས་ཏེ་རྟེན་སྙིང་སྔོན་འགྲོས་ཕུན་སུམ་ཚོགས་པའི་བཀྲ་ཤིས་རྒྱས་པ་འཁྱིལ་རོལ་བཅས་ཀྱིས་མཐའ་བརྒྱན་པར་བྱའོ། ། ༈ དེ་རྣམས་ནི་སྒྲུབ་ཆེན་རྐྱང་པའི་ལག་ལེན་གྱི་ལས་ཐོ་ཙམ་སྟེ། ཡང་སྐབས་འགའ་ཞིག་གི་ཚེ་བདུད་རྩི་སྨན་སྒྲུབ་དང་འབྲེལ་བ་ཡིན་ན་སྒོས་ཆོས་མི་འདྲ་བའི་ཁྱད་པར་ལ། སྦྱོར་བ་རིན་པོ་ཆེའི་གཞོང་པ་འབྲས་（21བ）བུས་བཀང་བར་དབུས་སུ་ཐོད་པ་དཔྲལ་བ་མདུན་བསྟན་དང་ཕྱོགས་བཞིའི་དཔྲལ་བ་ནང་བསྟན་དུ་ལྔ་ཚོམས་སུ་བཀོད་པར་ཤ་ལྔ་བདུད་རྩི་ལྔ་དང་ཁྲོལ་བུའི་སྨན་རྣམས་གཞུང་གསལ་ལྟར་བཞག་ལ་དར་ཕྱོགས་མདོག་གིས་བཀབ། ཤར་ལྷོ་ནས་རིམ་བཞིན་འོ་མ། རིན་ཆེན་ཕྱེ་མ། ཆང་། ཆུ་རྣམས་དང་། ཐོད་པ་དབུས་མའི་ཁར་ཕབ་རྒྱུན་རྣམས་ལེགས་པར་བཏུལ་ནས་ཆང་དང་སྦྱར་བ་གསེར་སོགས་རིན་པོ་ཆེའི་སྣོད་བཟང་པོར་བཞག་ལ་དར་གྱིས་བཀབ། སྨན་ཕྱེ་མང་བ་རས་སྒྱེ་སོགས་སུ་བླུགས་ནས་དར་གྱིས་དགབ་པ་སོགས་སྤྱན་རྒྱུན་ལྟར་བྱ། ཉིན་གཉིས་པའི་བདག་བསྐྱེད་གྲུབ་པ་དང་སྦྱོང་ཆས་བཤམ་ལ། ལས་རྡོར་གྱིས་གཏོར་མ་པད་སྦུག་གསུམ་པོ་གཡས་སུ་བསྐོར་ཞིང༌། སརྦ་བི་གྷྣཱཾ་སོགས་གསུམ། ཏིང་ལོ་ཆང་བུ་གསུམ་གཡོན་དུ་བསྐོར་ཞིང༌། སུམ་བྷ་ནི་སོགས་གསུམ། ན་མོ། རིག་འཛིན་རྩ་བརྒྱུད་ཀྱི་སོགས་བདེན་སྟོབས་སྤྱི་ལྟར་ལས། དེང་འདིར་བདུད་རྩི་སྨན་གྱི་དངོས་གྲུབ་སྒྲུབ་པ་ལ་བར་དུ་གཅོད་པའི་བདུད་བགེགས་ལོག་པར་འདྲེན་པ་ཐམས་ཅད་སའི་ཕྱོགས་འདིར་མ་གནས་པར་གཞན་དུ་དེངས་ཤིག །གལ་ཏེ་མི་འགྲོ་ན་སོགས་བདེན་སྟོབས་རོལ་རྐ་བཅས་ལན་གསུམ་གྱི་སྔ་（22ན）མ་གཉིས་ལ་གཏོར་མ་རིམ་བཞིན་སྤག །རྗེས་མར་ཕྱི་རོལ་དུ་དོར། གུལ་ཡུངས་སྲེག་འཐོར་བྱ། ལས་རྡོར་གཟན་ཁྱེར་སྟེང་སྟེགས་ཁེབས་འགོད། ཁྲུས་བུམ་དང་མེ་ལོང་འཛིན་པས། ཇི་ལྟར་བལྟམས་པ༴ འདི་ནི་ཕ་རོལ་ཕྱིན་དྲུག༴ འདི་ནི་ཁྲུས་མཆོག༴ སརྦ་ཏ་ཐཱ་སོགས་རེ་རེ་བཞིན་རོལ་ཕྱེད་དྲིལ་གསིལ། དེ་དག་སྐུ་སོགས་ལ་ས་བོན་བཀོད་དེ་འཕྱི་ཚུལ། དེ་ནས་ཕུར་བུ་རྣམས་ལ་བྱུག་བདུག་བྲབ་གསུམ་སོགས་བྱིན་བརླབ་མཐར་སྒྲུབ་རྫས་རྣམས་ཐོགས་ནས་དཀྱིལ་འཁོར་ལ་བསྐོར་བའི་སྐབས་ཡུམ་ནས་སྨན་གྱི་བཅས་ཐོགས། ལྷ་ཕུར་རྣམས་བཀོད་ཟིན་པ་དང༌། ཧཱུཾ༔ དུར་ཁྲོད་གསང་བ་སོགས་ཡོ་སྤྱི་མཐར་རོལ་བཅས་བར་ལྡིང་དབུས་སུ་ཁྲོལ་བུའི་དཀྱིལ་འཁོར་མཎྜལ་ལ་འབྲུ་དཀར་དྲི་བཟང་གིས་གཤེར་བས་ཚོམ་བུ་གཅིག་བཀོད་པའི་ཁར་མཉྫིའི་སྟེང་དུ་འགོད། གཟུངས་ཐག་དྲང་ཞིང་དམུ་ཐག་སྟེང་གི་ཚངས་པའི་ཕོ་བྲང་དང་སྦྲེལ། མཐར་སྒོར་མཆོད་ཀྱིས་བསྐོར། དེ་ནས་སྒྲོམ་ཁྲིའི་རིམ་པ་དང་པོར་བུམ་པ་སོགས་སྒྲུབ་རྫས་གཞན་རྣམས་འགོད་པ་ནས་བརྩམས་ཉིན་གཉིས་པའི་བྱ་བ་རྣམས་སྒྲུབ་གཞུང་ལྟར་བྱ། དངོས་（22བ）གཞི་རྩ་བའི་སྒྲུབ་ཆེན་ཞག་བདུན་ནམ་གསུམ་གྱིས་མཐའ་བརྟེན་པ་གྲུབ་ནས། ཁྲོལ་སྒྲུབ་ཉིན་དང་པོའི་སྔ་ཐུན་གྱི་བཟླས་པ་སྟོང་ཚིག་བཅས་གྲུབ་པ་ན། ཨོཾ་མ་ཧཱ་ཤུ་ནྱ་ཏ༴ སྟོང་པའི་ངང་ལས་སོགས་ཡོ་སྤྱི་བཞི་དྲིལ། རྡོར་གསོར་གྱིས། ཧཱུཾ། བདེ་གཤེགས་རྣམས་ནི་སོགས་མཐར་རོལ། བཞུགས་གསོལ་ནས་མཆོད་པའི་ཤཔྡར་རོལ། （ཌཱ） དྲིལ་སྟབས་སྔོན་འགྲོས་བསྟོད། སློབ་དཔོན་གྱིས་མདའ་དར་སྣ་ལྔ་དང༌། ལས་རྡོར་གྱིས་གཡབ་དར་སྤོས་དཀར་འཐུལ་ཞིང༌། ཧཱུཾ༔ ཚངས་དང་དྲང་སྲོང་སོགས་མཐར་རོལ། གོང་གི་སྤྱན་འདྲེན་དང་འདི་གཉིས་ལྷ་དབང་རྟ་དང་སྤྱི་གདངས་རེས་མོས། སྔོན་བྱོན༴ བདུད་རྩི་འཐོར་ཞིང༌། ཧཱུཾ༔ ར་ས་ཡ་ནའི་སོགས་ཚེ་འགུགས་རྟ། མཐར་དགྱེས་བཞིན་དུ་བཞུགས་པར་གྱུར། གཟུངས་ཐག་ཕུལ་ལ། རང་གི་ཐུགས་ནས་སོགས་དང༌། སླར་ཡང་ཡབ་ཡུམ་སོགས་ལྷུག་འདོན་གྱིས་བཟླས་པ་སྔ་མ་བརྒྱ་རྩ་དང༌། ཕྱི་མ་སྟོང་ཚང་བས་བཟླས་པ་སྔགས་རྒྱུན་པར་གཏད་རྗེས་སྟོང་ཚིག་དང༌། མདུན་བསྐྱེད་བདེ་ཆེན་སོགས་ལྷུག་འདོན་གྱིས་བསྡུ། ཀུན་ཐུབ་དོར་བའི་ཉུ་ལེ་བསྐྲད་པ་དང༌། ལས་བྱང་གི་བྱིན་འབེབས་（23ན）རྣམས་དྲིལ་ཆོག་མཐར་སྨན་ཛཔྲ་དང༌། ༼རཌདཅར༽ དགེ་བ་འདི་ཡིས་སོགས་སྨོན་ལམ་བཅས་ཀྱིས་གྲོལ། ཕྱི་ཐུན་དང་མཚན་ཐུན་གཉིས་བཅས་དེས་འགྲེ་བ་ལས་དགོང་ཐུན་མཇུག་ཚོགས་དང་གཏོར་བསྔོས་ཉུལ་བསྐྲད་བྱིན་འབེབས་སོགས་རྒྱས་པར་བྱ། དེ་ལྟར་ཁྲོལ་སྒྲུབ་ཉིན་གསུམ་མཛད་པར་ཉིན་ཐ་མའི་འོད་ཞུའི་རྗེས་ཆང་འོ་མ་རིན་ཆེན་ཆུ་རྣམས་ཀྱི་སྔགས་སོ་སོར་བརྒྱ་རེ་ཙམ་བཟླ། འདི་ཉིན་ཚོགས་བསྒྲལ་སྐབས་སྲོག་ཆགས་ཟན་སྤར་རྣམས་ལ་འགུགས་བསྒྲལ་ལྷན་དུ་གནང་ནས་ཆུར་སྦྱང༌། ཐོར་ཐུན་ལ་དཔོན་སློབ་བསྡེབས་ཚོགས་ཀྱིས་ལས་གཞུང་བསྲང་མཐར་ཐུན་པ་རྣམས་དང་བཞུ་བཏུལ་ལྷན་ཅིག་ཏུ་བྱས་རྗེས་སྨན་གྱིས་སྔགས་རྒྱུན་གྲོལ་ལ་རྩ་ཛཔྲ་ཀཱི་ལི་བཟླར་གཞུག །ཁྲོལ་བུའི་མཇུག་དོན་རང་བྱུང་གདོད་ནས་སོགས་ལས་བྱང་གི་སྨན་མཆོད་རྒྱས་པ་ལས་བླ་མ་རིག་འཛིན་མི་དགོས། དྲིལ་སྟབས་སྔོན་འགྲོས། ཨེ་མ་ཧོ་གདོད་ནས་སོགས་སྤྱི་གདངས་བཞི་དྲིལ་མཐར་བྱིངས་ནས་ཞབས་བརྟན་སོགས་གསུངས། སློབ་དཔོན་མདུན་དུ་སྟེགས་ཁེབས་ཁར་སྨན་དཀྱིལ་དགྲམ། ལས་རྡོར་ནས་སྟེགས་ཁེབས་ཕྲག་པར་（23བ）གཟར་བས་སྨན་གཞོང་བཏེགས་ཏེ་སློབ་དཔོན་ལ་འབུལ་ཚིག །ཨེ་མ་ཧོཿ ངོ་མཚར་སོགས་ཀྱིས་འབུལ། དེས་ཀྱང་ཨ་ཧོ་སུ་ཁ་སོགས་ཀྱིས་བླང་ནས་སྨན་དཀྱིལ་སྟེང་དུ་བཞག་ལ་ཚོགས་གྲོལ། སྒྲོམ་ཁྲིའི་མཎྜལ་གྱི་ཚོམ་བུ་བསྡུ། འདིར་སྨན་སྦོལ་བའི་ཡོ་བྱད་སྣོད་དང༌། འཕྱར་གདན། སྨན་ཕྱེ་རྣམས་ཚོགས་གཞོང་ཆེ་བར་སྤུངས་ལ་ཁེབས་སྒྲོན། ཟངས་ཆེན་ལ་ཡོལ་བ་སོགས་ཀྱིས་དཀྲི། ཆང་སྣ་བཞིའི་ཉིང་ཁུ། མདོག་འདོན་རྫས་སོགས་ཉེར་མཁོའི་རིགས་ཐམས་ཅད་འདུ་བྱས་པས་སྨན་ཁྲོལ་བུའི་བྱ་བ་རྫོགས། ། ༈ ཕྱེ་སྒྲུབ་ཀྱི་སྔོན་འགྲོ་ལ། སྔར་བཞིན་གཏོང་ཐུན་བཅས་རྟགས་གདབ། སློབ་དཔོན་དཀྱིལ་འཁོར་གྱི་གཡས་ངོས་སུ་ཧསྟི་དང་དྲིལ་བུ། གཟུངས་མ་གཡོན་ངོས་སུ་གཡབ་དྲིལ་ཐོགས་ཤིང་ཐམས་ཅད་ཞྭ་བཅས་བཞེངས། གུ་གུལ་ལྡེམ་སྤོས་སུ་བསྲེག་ནས་བཞག ཀཱི་ལིའི་དབྱངས་གསུམ་འཐེན་རིང་བཤུགས་པ་ལྔ་འབུད་དང་མཆོད་སིལ་རིང་བར་སློབ་དཔོན་གཡས་དང་གཟུངས་མ་གཡོན་ནས་དཀྱིལ་འཁོར་ལ་བསྐོར་བ་གསུམ་མཛད་མཐར་སྔར་བཞིན་བཞུགས་པ། ༼ རྐཤདརྒྱ༽ རོལ་ཆེན་གྱིས། ༼རྐརྒྱ༽ ཧཱུཾ༔ བཞེངས་ཤིག་བཞེངས་（24ན）ཤིག་སོགས་ལས་བྱང་གི་ཐུགས་དམ་བསྐུལ་བའི་མཐར་ཟིལ་འབེབས་༼རྐདརྒྱ༽ ལ་སྔར་བཞིན་བསྐོར་བ་གཅིག་དང་མདུན་ནས་གཡབ་མོ་གསུམ་གྱིས་རོལ་བཞག །བྱིངས་རང་གྲལ་དུ་བཞུགས། དཀྱིལ་འཁོར་གྱི་ཤར་དུ་ཞིང་ཆུང་སྟག་ལྤགས་དང་ཞིང་ཆེན་མི་ལྤགས་ལ་གུ་གུལ་གྱིས་བྱུགས་ཤིང་རཀྟའི་ཐིག་ལེ་ཧཱུཾ་གིས་མཚན་པའི་ཁར་ལྕགས་ཀྱི་གཏན་གཏུན་བཞག །སློབ་དཔོན་ཞལ་དཀྱིལ་འཁོར་དང་གཟུངས་མ་སློབ་དཔོན་ལ་ཞལ་གཏད་དེ་བཞུགས་སྟངས་བཅས་བཞུགས། སྨན་གཞོང་སྟེགས་བཅས་གཡས་སུ་བཀོད་ནས་དེའི་སྨན་རྣམས་གཏུན་ཁུང་དུ་བླུགས་པ་ཡུམ་གྱི་མཁའ་དབྱིངས་རྒྱས་བཟུང༌། ཡབ་ཀྱིས་བྱིན་འབེབས་པའི་རྒྱས་ཐོ་བས་བརྡུང༌། ཧ་ནའི་དབྱངས་གསུམ་དང་བཟླས་པ་བྱ་བ་མ་ཟིན་བར་དུ་བཟླ་ཚུལ་འོག་མ་རྣམས་ལའང་འགྲེ། ཡབ་ཡུམ་ལྷོར་བཞེངས་པའི་བར་དུ་དར་གྱི་དོ་ལི་བཟུང་བར་ཧོ་ས་ཡས་འཚག །ནུབ་ཏུ་ཆང་འོ་མ་རིན་ཆེན་ཆུ་རྣམས་སོ་སོའི་སྔགས་བཅུ་རེ་དང་བསྟུན་ནས་འདེབས་ཤིང༌། མུ་ས་ལིས་མདངས་འགྱུར་དམ་རྩི་བཅས་འདྲེས་པར་བསྲེ། བྱང་དུ་པྲ་བརྡྷ་ཡས་སྦོལ་ཞིང་ཕབ་བཏབ་ལ་དྲིལ་བུས་གཞལ་ཏེ་ཁུག་མར་（24བ）བླུག །ཟངས་ཆུང་དུ་ཆང་ངམ་ཆུ་ཅུང་ཟད་བླུགས་ཏེ་ཚོན་སྐུད་སྣ་ལྔ་རྒྱ་གྲམ་དུ་བཞག །དེ་སྟེང་ཆན་དང་མོ་ཐོད་འཁོར་ལོ་ཅན་ནང་སྨན་ཁུག་བཞག་ལ་ཕོ་ཐོད་འཁོར་ལོ་ཅན་གྱིས་སྟེང་ནས་བཀབ། ཚོན་སྐུད་ཀྱིས་རྒྱ་གྲམ་དུ་བཅིང་ལ། སློབ་དཔོན་བཞེངས་ནས་རྡོ་དྲིལ་བཟུང་ཞིང་རྡོ་རྗེའི་རྒྱ་མཛད་པར། ཧཱུཾ༔ བདུད་རྩི་གསང་བའི་སོགས་ཚེ་འགུགས་རྟ། དེ་སྟེང་ཁེབས་ཀྱི་གཡོག་ནས་སྟེགས་ཁེབས་དབུ་རྒྱན་དར་དཔྱངས་སྐྲ་ཅོག་རྡོ་དྲིལ་གཟུངས་ཐག་བཅས་བཏགས་པ་དཀྱིལ་འཁོར་ཤར་དུ་རྐང་གསུམ་ཁར་བཀོད། དེར་དྲིའི་རྒྱལ་པོ་ལྔ་དང་གུ་གུལ་ཚིལ་ཆེན་གྱིས་བདུག་ཅིང༌། ཡུངས་ཐུན་བཅས་སུམྦྷ་ནིར་རོལ། དེ་ནས་ཐམས་ཅད་བཞེངས། སློབ་དཔོན་གྱིས་རྡོ་དྲིལ་སྤོས། རྒྱལ་ཚབ་པས་སྨན་གྱི་ཕོ་བྲང༌། ཡུམ་གྱིས་མར་མེ་ཐོགས་ཏེ་ཀཱི་ལའི་སྔགས་དབྱངས་གསུམ་རྗེས། རྒྱ་གླིང་གིས་སྣ་དྲངས་པའི་རོལ་འོག་བསྐོར་བ་གསུམ་ནས་མདུན་དུ་འཁོད་ལ། ཧཱུཾ༔ དུར་ཁྲོད་གསང་བ་སོགས་འཕགས་མཆོག་ཐུགས་རྗེའི་གདངས་ཆེ་ཆུང་རྗེས་རོལ་བཅས་དཀྱིལ་འཁོར་དབུས་སུ་བཀོད་མཐར་དཀྱིལ་འཁོར་ལ་བསྐོར་བ་གཅིག་བཅས་རང་གྲལ་དུ་（25ན）ཐམས་ཅད་བཞུགས། དགུ་པའི་ཛཔྲ་བརྒྱ་རྩ་བརྗོད་ལ་ཚོགས་གྲོལ། བར་འདིར་ཟངས་ཆེན་གྱི་སྨན་བསྙལ་ལུགས་གོང་བཞིན་ལས། ཟངས་ཆེ་ཆུང་གཉིས་ཀར་ཕོ་མོའི་ཐོད་པ་འཁོར་ལོ་ཅན་དང་རུས་སྦལ་ཁོག་པར་ཧྲཱིཿཡིག་བྲིས་པ་རྣམས་ངེས་པར་དགོས་ཤིང༌། དྲོད་འབེབས་མར་མེ་གདུང་རས་དང་ཚིལ་ཆེན་སྦྱར། རྒྱལ་ཚབ་གཙོས་གྲྭ་གྲངས་ཀྱིས་ཞི་སྦྱིན་མཛད་པར་ཚོམ་བུ་སླར་གཤེགས་སྐབས་སྦྱིན་སྲེག་མེར་དཔལ་འབར་སྦར་བས་དྲོད་འབེབས་སྒྲོན། དེ་རྗེས་ཚོགས་ཐེང་ལ་ཚོགས་མཆོད་མན་ཆད་མཐར་དབྱུང་བ་སྔར་བཞིན་ནོ། །

༈ །དེ་ནས་དངོས་གཞི་ཕྱེ་སྒྲུབ་ཀྱི་ལས་རིམ་ལ། ཉིན་དང་པོར་ལས་གཞུང་སྔར་བཞིན་བསྲང་སྟེ། བཟླས་པ་སྟོང་ཚིག་བཅས་གྲུབ་པ་ན། བྷྲཱུཾ་བི་ཤྭ་བི་ཤུདྡྷེས་མདུན་དཀྱིལ་ཕྱེས་ལ། ཧཱུཾ༔ སྙིང་པོ་རང་བྱུང་སོགས་ཡོ་སྤྱི་བཞི་དྲིལ། འབར་བར་གྱུར། སྨན་སྲུང་སྤྱན་འདྲེན་ལ་སློབ་དཔོན་ནས་མཆོག་ལག་གཡབ། རྟོག་བསལ་སྔར་ལྟར་བྱས་ལ། ཤེས་རབ་སྒྲོག་གིས་སོགས་རང་གདངས། བདག་སྲོག་རྡོ་རྗེའི་སོགས་ཛཔྲ་བསྐུལ་རྟས་（25བ）བཟླས་པ་ལ་ཆིག་དྲིལ་བྱ། ཐུན་མཐར་སྔགས་རྒྱུན་པར་ཛཔྲ་གཏད་ནས་སྟོང་ཚིག་དང༌། ལྷ་ཚོགས་དགྱེས་པས་སོགས་ཀྱིས་བསྡུས་ལ་ཉུལ་བསྐྲད་བྱིན་འབེབས་སོགས་སྔར་བཞིན་གནང༌། དེ་ནས་ཕྱི་ཐུན་དང་མཚན་ཐུན་གཉིས་བཅས་ཀྱི་སྒོས་ཆོས་སོགས་དེས་འགྲེ། ཉིན་གཉིས་པར་གོང་གི་སྨན་ཛཔྲ་སུམ་བརྒྱ་ཙམ་ནས་སྟོང་ཚིག་རྗེས་འོད་ཞུ་མི་མཛད་པར་ལྷ་གནད་ལ་དབབ་པ། ཧཱུཾ༔ ང་ནི་ཁྱབ་བདག་སོགས་ཡོ་སྤྱི་བཞི་དྲིལ། དངོས་གྲུབ་དེང་འདིར་སྩོལ་ཅེས་རོལ། མ་ཧཱ་སུ་ཁའི་བཟླས་པ་སྟོང་མཐར། སྦྱར་སྤོས་བསྲེག་ལ། ཧཱུཾ༔ བདག་ཅག་སྐལ་ལྡན་སོགས་ཡོ་སྤྱི་བཞི་དྲིལ་རོལ་རྐ་བཅས་མཐར། ལྷ་ཚོགས་དགྱེས་པས་སོགས་ཀྱིས་བསྡུ་བ་རྣམས་ཐུན་རྗེས་མ་རྣམས་ལའང་འགྲེ། ཉིན་གསུམ་པར་གོང་བཞིན་གནད་དབབ་ཡན་གྲུབ་པ་དང་བསྐྱིལ་ཞིང་དབབ་པའི་དགོངས་པ། བྷཉྫ་གཞལ་ཡས་ཁང་སོགས་ཛཔྲ་བསྐུལ་རྟ་དང་སྔགས་དབྱངས་བཅས་ཛཔྲ་སྟོང་ཚང་བར་བཟླས་མཐར་ཚིལ་ཆེན་སོགས་སྦྱར་སྤོས་བཏུལ་ལ། ཧཱུཾ༔ སྔོན་ཚེ་དཔལ་ཆེན་སོགས་ཡོ་སྤྱི་བཞི་དྲིལ། འདིའི་ཚིག་རྐང་བཅུ་གཅིག་ལ་ཁྱབ་པའི་བཤུགས་གླུ་དང་རྐང་གླིང་ལྔ་འབུད། （26ན）ཧསྟིའི་གཡབ་བཅས་མཐར་རོལ། གནས་ཀྱི་མ་ཚོགས་སོགས་ཛཔྲ་བསྐུལ་རྟའམ་ལྷུག་ནས་བཟླས་པ་སྟོང་མཐར་སློབ་དཔོན་གྱིས་འབེབས་རྒྱ་མཛད། མཐར་སྟོང་ཚིག་དང་འོད་ཞུ་སོགས་འགྲེ། ཉིན་བཞི་པར་སྔ་ཚོགས་ཀྱིས་ལས་གཞུང་བསྲང་བ་དབབ་པའི་དགོངས་པ་ཡན་སྔར་བཞིན་མཐར་དབང་དུ་བྱ་བའི་དགོངས་པ། ཧཱུཾ༔ ང་ནི་དཔལ་ཆེན་སོགས་ཡོ་སྤྱི་བཞི་དྲིལ་མཐར་རོལ། ཁྲག་འཐུང་རིགས་ལྔའི་སོགས་ལྷུག་ནས་བཟླས་པ་སྟོང་ངམ་ལྔ་བརྒྱ་ཙམ་མཐར་བསྡུས་ལ་ཚོགས་གྲོལ། བར་དེར་གཟུངས་ཐག་བསྡུས་ལ་སྒྲུབ་ཆེན་དངོས་གྲུབ་ལེན་པའི་ཡོ་བྱད་ནང་སྨན་གྱི་ཟངས་ཆུང་ཡང་བསྒྲིགས། ཚོགས་ཚུགས་བསྟུན་རྒྱལ་ཚབ་པས་དཔལ་ཆས་ཙཀླི་བཞེས་ནས་རྟགས་གདབ་བརྒྱན་ཚུལ་མཛད་རྗེས་རོལ། དེ་ནས་དངོས་གྲུབ་ལ་ལྟ་ཉན་གྱི་བགེགས་བསྐྲད་པ་ནས་རྩ་བའི་དངོས་གྲུབ་ལེན་པ་སྒྲུབ་ཁོག་བཞིན་རྒྱས་པར་གྲུབ་པ་ན། དཀྱིལ་འཁོར་ལྷ་ཚོགས་སོགས་ཀྱིས་བཟླས་པ་སུམ་བརྒྱ་ཙམ་མཐར། ཧཱུཾ༔ ཆོས་སྐུ་སྤྲོས་བྲལ་སོགས་ཡོ་སྤྱི་བཞི་དྲིལ་རྗེས་རོལ་སྐབས་རྒྱལ་ཚབ་པ་བཞེངས་ཏེ་དཀྱིལ་འཁོར་ལ་བསྐོར་བ་གཅིག་མཛད། ཤྲཱི་ཧེ་རུ་ཀ་ཨ་ཧོ་སོགས་བརྒྱ་རྩ་བཟླ་（26བ）རིང་ལག་གཡོན་པའི་མཐེབ་སྲིན་སྦྱར། གཞན་གསུམ་བརྐྱང་པ་སྨན་གྱི་ཕོ་བྲང་ཟངས་ཆུང་ལ་གཏད་རྗེས། རྒྱལ་ཚབ་པས་སྟེགས་ཁེབས་བཀལ་ལ་ཞྭ་བཞེས། ཧཱུཾ༔ རང་བྱུང་བདུད་རྩི་སོགས་ཐལ་སྦྱར་བཅས་བདེ་མཆོག་བདེ་སྤྱོད་རྟ། ཧཱུཾ༔ དུར་ཁྲོད་གསང་བར་ཁྲུས་གདངས་རྗེས་སྨན་སློབ་དཔོན་ལ་འབུལ། སརྦ་པཉྩའི་སྔགས་དབྱངས་གསུམ་དང་ཅུང་ཟད་བཟླ་སྐབས་སུ། སློབ་དཔོན་བདག་ཉིད༴ ཧཱུཾ༔ བདུད་རྩིའི་སྐུ་གསུང་ཐུགས་སོགས་ཀྱིས་སློབ་དཔོན་ནས་དབང་བཞེས་ཏེ་ཕོ་བྲང་རྐང་གསུམ་ཁར་བཞག །རུ་ལུའི་དབྱངས་ལན་གསུམ་རྗེས་རོལ་མཐར། ཧཱུཾ༔ དུར་ཁྲོད་གསང་བ་སོགས་སྔར་ལྟར་གསོལ་བ་བཏབ། སློབ་དཔོན་གྱིས་དབུ་ཞྭ་བཞེས་ནས་དབང་བཤད། ཁྱེད་རང་རྣམས་བདག་ཉིད་རང་བཞིན་གྱི་དཀྱིལ་འཁོར་དུ་གསང་བ་ལ་བདུད་རྩི་རྩ་བའི་དཀྱིལ་འཁོར་པ་ཐིམ་ནས་གཉིས་མེད་དུ་གྱུར་པར་མོས་ཤིག །ཧཱུཾ༔ དཔལ་ཆེན་ཕྲིན་ལས་སོགས་གསུངས་ཤིང་རྒྱལ་ཚབ་པས་དབང་ཞུ། རྒྱལ་པོ་རྒྱལ་ཚབ་གང་རུང་གིས་ཚོགས་མང་ལ་འགྲིམ་དུས་ཀུན་གྱིས་དགུ་པའི་ཛཔྲ་བཟླ། སྨན་དཀྱིལ་འཁོར་མདུན་བཀོད་ནས། ཁ་དོག་མཐོང་（27ན）བས་སོགས་ཕན་ཡོན་གསུངས། དེ་ནས་ཚོགས་པས་མཉྫུ་ཤྲཱིའི་སྔགས་བཟླ་རིང་ལས་རྡོར་གྱིས་སྟེགས་ཁེབས་བཅས་ཞྭ་གྱོན་ནས། ཨེ་མ་ཧོཿ ངོ་མཚར་སོགས་ཀྱིས་སྨན་ཟངས་སློབ་དཔོན་ལ་ཕུལ། དེས་ཀྱང་སྔགས་ཀྱིས་བཞེས། སྲད་བུ་འགྲོལ་སྐབས་ཐམས་ཅད་ཀྱིས་བི་ཤུདྡྷེ་དང༌། ཞལ་དབྱེ་སྐབས་ཨ་མྲྀ་ཏ་བཟླ། ཐོད་པ་དངུལ་ནང་མ་དང་དཀྱིལ་འཁོར་སྨན་ཐོད་གཉིས་ཀར་སྒྲོན་ཐུར་གྱིས་སྨན་གསར་པ་དེའི་ཕུད་བླུགས་ནས། ཕྱོགས་བཅུ་དུས་བཞིའི་སོགས་དང་། ཧཱུཾ་ཧྲཱི༔ རང་བྱུང་གདོད་ནས་སོགས་ལས་བྱང་གི་སྨན་མཆོད་རྒྱས་པའི་མཐར། རང་གི་ལྕེ་སོགས་ནས་མཚན་པར་གྱུར། ཨོཾ་ཨཱཿཧཱུཾ༔ བླ་མ་རིག་འཛིན་སོགས་རྗེས་ཀཱི་ལིའི་སྔགས་དབྱངས་གསུམ། སྨན་དེ་ནས་དུང་ཞལ་དུ་བླུགས་པ་རྒྱལ་ཚབ་པས་ཐོགས་ནས་ཚོགས་མང་ལ་ཐིག་ལེ་འགོད་པར་ཕེབས་རྗེས། སྒྲུབ་ཁོག་གི་ལྷ་དང་དངོས་གྲུབ་སོགས་རྗེས་ཚོགས་གྲོལ། དེ་ནས་རྒྱས་པའམ་མཆོག་གི་སྦྱིན་སྲེག་སྐབས་གཏོར་མ་དང་བདུད་རྩིའི་ཕུད་འབུལ། དམ་ཅན་གཏོར་འབུལ་དང་ཚོགས་ཀྱི་མཆོད་པ་ནས་བཀྲ་ཤིས་དགའ་སྟོན་གནས་སྲུང་གི་བར་སྒྲུབ་（27བ）གཞུང་བཞིན་མཐའ་རྒྱས་སུ་མཛད་པས་ལེགས་པར་གྲུབ་པ་ཡིན་ནོ། །ཞེས་པའང་ལག་ལེན་འཇུག་པ་བདེ་བའི་ཕྱིར་མཐོང་བརྒྱུད་ཀྱི་ལས་ཐོ་བཀླག་པས་གྲུབ་པར་འཇིགས་བྲལ་ཡེ་ཤེས་རྡོ་རྗེས་ཟིན་བྲིས་སུ་བཏབ་པ་སིངྡྷི་རསྟུ།། ཤུ་བྷཾ།། །།